澳洲牛奶公司

营业中

休息中

餐應最近因為疫情而暫停左，希望快啲重新營業🈺️啦～.某日諗到喺澳牛附近返工咁耐，一次都未去過食嘢，因為聽聞呢度啲伙記態度差，所以一直都唔敢嚟😅所以決定點都要嚟食一次呢個傳說中嘅 澳牛光速餐💨.8點零鐘去到排咗5分鐘隊，期間聽到有伙記會講唔好意思呀，唔該呀，多謝晒咁🤔.一坐低就有伙記行埋嚟等你講食乜，我9秒9簡而精地講：早餐轉多士🍞炒蛋🥚，唔該～等左1 2分鐘通粉就到，快到呢，光速餐果然唔係講笑😳以我第一次食嚟講，味道就🆗啦～通粉正常，多士偏軟身，食唔到脆口口感，炒蛋唔係好滑身嗰隻，食到少少🤏🏻鹹香（？）不過應該落左好多油去炒，食到一半見啲油滲出嚟🤨.食完嗰通粉下一秒，我都未吞晒啖通粉，就有伙記走過嚟問：呀妹，飲咩？嗰口含住啖通粉話要凍啡⋯少⋯伙記跟住話好～熱啡，我更正返要凍嘅，都未嚟得切講埋要少冰少甜，伙記就走左去😫杯飲落咖啡☕️偏甜少少🤏🏻.最後用咗12 3分鐘極速食完嗰早餐🥣走人～So far感覺啲伙記嘅態度都唔係好差啫，都有禮貌嘅，就係食嘢要快差少咁囉～.更多不專業但真實分享嘅食評，即刻去留意或follow IG🐷char.lei.w 啦～

新型冠狀肺炎疫情持續，本港不少餐廳、娛樂場所都實行特別措施，而「澳牛」亦為了保障員工及食客安全，因應疫情休業至另行通知！身為「澳牛」粉絲的我，表示支持，所以特意番回舊照，為澳牛出一食評！眾所周知，一入澳牛，就領略到香港人的速食文化，所以今次不是堂食，而是外帶！「一份蛋治烘底拎走，唔該！」店員迅速幫我落單後，便9秒9傳送到廚房，其動作之快，像一陣風飄過....果然不出所料，不一會，一份新鮮滾熱辣的蛋治就送到我手上！熱騰騰的蛋治賣相極佳，入口果然也沒令人失望！多士微烤鬆脆，炒蛋本身不會炒得過熟，還保留著蛋汁，適量的鹽更襯托出蛋香，多士吸收了牛油和蛋汁，一口咬下，炒蛋軟嫩、多士酥軟而有嚼勁，牛油香、蛋香在嘴裏散開，十分滿足！希望疫情快點過去，令食客可以再次享用「澳牛」的速食文化！

雖然長期澳牛門口排滿人👯‍♂️👯‍♂️但唔洗擔心，入枱同換枱速度係神速！保證你1️⃣0️⃣分鐘內一定得，由於枱面比較細，落單時記得唔好落埋杯飲品住🥳-早餐$38🥣-1️⃣牛油方包🧈：必須烘底🔥雙面都烤到脆卜卜茶上香噴噴牛油🧈世界級多士🍞2️⃣西煎雙蛋🍳：必須改做炒蛋🥚香滑雞蛋拌入忌廉🥛同香滑牛油🧈滿口都係幸福味道。3️⃣火腿通粉🍖：雞湯🐔配合火腿。簡單又一餐。4️⃣咖啡或茶☕️：必須點凍奶茶🥤碎冰🧊滿滿，啖啖茶味香濃、奶味濃郁，比例完美😍

Finally澳牛！！！呢間野想食好奈係旅客必食既 仲有好多本地人都食成鬼日都好想食 因為太過吸引今朝去到唔洗等位直入一入去好快落咗單通粉真係好少 又淋😂多士好厚但太多牛油 食食下會流汁炒蛋真係普通到無朋友 太興都好食過佢😂杯奶茶的確係好飲 唔洗落糖都ok但如果係想去食佢既態度就一次無必要都唔洗食第二次格啦😂😂😂但身為香港人點都要食番一次既😂

香港人最愛嘅澳洲牛奶公司，除咗佢嘅食物之外，大家最鍾意就係佢獨特嘅服務態度同香港人速度，不過無咗啲遊客，整體環境闊落咗好多，繁忙時間都唔洗排隊，對香港人來講其實都係一件好事！例牌叫左茶餐，「叉燒意、炒蛋、多士」已經係我每一次黎點餐嘅對白，我諗等咗1分鐘就已經上菜，叉燒意粉保持一貫風味，澳牛嘅叉燒比較瘦，不過都好入味，但我澳牛令我最中意嘅就係又滑又多嘅炒蛋，我最鍾意嘅食法就係喺個多士上面加一下火腿，然後再加滿滿嘅炒蛋，咁食就好似自製腿蛋治多士咁，仲要襯多士仲係脆口嘅時候食，真係好好味😋 食到一半已經問你要唔要啦餐飲，今次嗌咗凍朱古力，都幾鍾意澳牛飲品份量，唔洗飲太大杯，份量啱啱好。另外，朋友叫咗燉鮮奶同埋真·腿蛋治，味道都係一樣好好味，保持一貫水準，不過我哋都覺得員工態度變得更加友善，令我哋有啲受寵若驚XD 我哋都係犯賤嘅香港人，反而更加鍾意以前佢地串嘴嘅態度！

澳牛真係食上癮啦好耐冇嚟喇今次呢仲可以玩坐獨霸一個位㖭晚十一點幾都仲係人山人海呀覺得佢啲凍檸茶真係有啲唔同啲有懷舊滷香港嘅味道味道亦都真係好正宗真係想每個禮拜都嚟食呀另外燉奶真係好滑好眠好正呀一次過嚟休息下又食甜真係好飽真係一個好heavy嘅宵夜呀唔可以成日嚟呀不過一次獸食曬兩樣嘢都真係好開心嘅見到真係好多後生仔嚟呀大家都真係好愛香港呀互相支持嚇澳牛真係好多哥哥仔呀妹 十秒就會嚟望一望你睇下你食完未幫你收嘢同埋睇下你仲有冇嘢需要呀真係好似畀人夾實曬咁嗰個哥哥仔大都唔會催你走嘅真係好有效率精神呀

本身一直驚服務態度差，所以一直唔夠膽嚟食。所以黎之前都一早睇定要食咩，雖然係比較急，但係都冇想像中咁恐怖。滑蛋係幾好食，叉燒面都OK，奶茶唔錯。性價比唔太高，試過一次就夠

好耐無食澳牛，去到好多人排隊，不過澳牛出名光速，雖然條龍好長，但20分鐘度都已經可以入坐，其實黎親既大部分都係叫常餐，分別在於要意粉定通粉，同埋餐茶飲咩，當然光速常餐並非浪得虛名，呢頭落單，轉頭就上餐，滑蛋依然好食，檸茶亦好飲，等位連埋單，極速完成。

餐廳收9pm, 8點先剷落去, 配搭毛毛細雨, 果然唔駛排隊, 但呢個唔係重點, 重點係伙計叔叔會笑! 會笑! 係笑容啊~其實今晚都八成滿, 不過唔駛打仗, 加上我落單快到阿叔寫唔切, 無位畀佢吹我, 然後佢笑住覆我一次有無落錯. 理論係當你落單快過阿叔支筆就會產生速度快過光速嘅效果......(亂up🍲叉燒通粉/意粉: 老老實實麻麻地, 意粉太淋, 通粉普通, 叉燒偏薄無乜口感.🍳炒蛋/煎蛋: 蛋係澳牛嘅靈魂, 炒蛋真係又香又滑, 蛋黃味好重, 煎蛋可以前後蛋白都煎哂中間流心又唔穿.🍞多士: 厚切加溶哂嘅牛油好香, 不過再烘多陣挺身啲會有更好口感.🍖火腿: 唔起眼嘅野但都覺得好食啲, 唔會乾爭爭鞋口, 同埋味道幾突出, 有時出面食嗰啲就咁一塊無味嘅野咁.🍮蛋白燉鮮奶($30): 真係好滑, 裡面偏液態半固體火候啱啱好, 但係太甜, 一個人食半碗已達上限. 唔記得相機食先碗野無左忽...☕茶走/杏霜: 茶走要少甜都甜過燉蛋, 似乎水吧大佬豪放型不解少甜, 建議自己落返沙糖掌握命運, 不過茶味係得嘅, 濃郁又無苦澀. 杏霜唔錯, 唔落糖已經夠甜, 唔會太多嘔吐味.🤓結論: 火腿蛋多士先係

間餐廳好出名 所以想食好耐 終於比我試到 有幾值得去食🤣🤣🤣雖然店入邊有好多人 但等位嘅時間10分鐘都冇😎因為座位算多 而且效率好快😎由叫嘢食 到上菜 可能真係1分鐘都唔使🤪店內有好多店員 大家嘅服務態度都好好🙈不過有時佢地會比較心急 想大家快d order 所以記得睇曬食乜 先order 😚本人非常十分推介 呵嚦走(好立克落煉奶)🥰因為唔係好多茶餐廳都有 而且澳牛嘅呵嚦走 甜度適中 好好飲 🤩另外 因為店內大枱比較多 所以如果少人去 有機會要同人地答枱🙈仲有就係 因為店內冷氣較大 有需要要帶件外套😚

放假自己行下街睇下嘢輕輕鬆鬆，行完一陣下午茶時段…自己一個人搵間茶記坐低食個下午茶先，突然記起佐敦呢間“澳牛”出名…快，靚，正！基本上，一位都唔洗等位嘅，我內到去一坐低…仕應就會立即問你…靚女食咩吖，好似唔比時間你諗嘢咁，因為黎得呢度食嘢，個個都係熟客，全部都知道呢度有咩食，同有咩好食。我就叫左份…腿蛋治+蛋白燉鮮奶！需要好耐無黎食過，但個蛋白燉鮮奶仍然好好味！如果係第1次黎嘅話…仕應多數都會推介你食個常餐啦…有多士，有意粉，又有餐飲。最經濟

快一向係香港人既特色，依間茶餐廳就係出哂名有濃厚既香港特色，客人需要急速食野既餐廳。另一個特色係早餐等同常餐，都係火腿/叉燒配通粉/意粉，加上雞蛋同麵包。大部分食客，包括我，選擇轉炒蛋及多士。1. 叉燒意粉/通粉意粉同通粉偏淋，叉燒軟硬適中。至於湯底我中意加d胡椒粉調味。2. 炒蛋，火腿及多士將炒蛋同火腿分別放係兩塊麵包上，加埋麵包本身厚厚地，食落都有小小脆。3. 凍檸檬茶凍飲比較細杯，可以加錢叫加大既。

從前有一間餐廳，以超音速落單，（你未講完佢已經知你想食乜然後行咗去），然後以超光速上菜香港近年來變咗好多，租金昂貴，很老店已經守不住。可幸，澳牛仍然是我喜歡的舊味道，讓我緬懷昔日的香港情懷。麵包仍然鬆軟，炒滑蛋香氣依舊。每張桌上都提供洗手液。哥兒們一如以往地粗獷中滲透一點細心及溫柔見我背着運動包，二話不說給我那遞上圓櫈見我有選擇困難，不溫不火地給我介紹菜單（其實係二揀一）😅填飽肚就去做運動💪🏻充實的一夜唯一的小遺憾，想等一個人可惜等不到⋯⋯期望會在澳牛會遇上英國口音的他 💛🧡❤️期待見到偶像Uncle S 😛可能要禮拜四去會撞到佢🤭佢好似禮拜四去過🤭

👧🏻Wodafoodie in Jordan之前因為疫情暫停營業左好耐既澳牛終於開返🤩梗係要黎食佢既茶餐 好掛住呀.澳牛出名快靚正！落完單眨下眼就有野食😆👍🏻澳牛既茶餐其實即係茶餐廳既常餐有牛油方包🍞火腿煎雙蛋🥚🥚叉燒湯意粉🍝咖啡或茶☕️🍵中午十二點至夜晚十一點 盛惠 $46 🧈牛油方包可轉多士🥰 牛油溶曬落去塊多士上 好脆好香口🤤🍳煎蛋可轉炒蛋🥰 澳牛必食！蛋香味濃😋份量又多！炒得好香好滑🤤🥛熱飲揀左杏仁霜 唔係到到都唔洗加錢飲到🤤.今次去竟然無乜人 以至店員態度都唔係好差🤣又唔會滾水燙腳咁趕你走不過我都係乖乖地快快影左幾張相 食完就走左啦😆📍 澳洲牛奶公司佐敦白加士街47-49號地下

今日去開佐敦經過澳牛，因為已經有幾年無食，所以就一個人跟住條人龍入咗去，侍應帶我坐到張對面位已經有人坐係度食緊嘢嘅女人，而且中間無間板，我見佢已經食完，差杯奶茶未飲，所以我先唔介意就坐低，叫咗個常餐，其實我心入面都驚，始終無塊板隔住個唔識嘅人！我食食下，對面個八婆突然打咗個乞嗤！頂！周圍好多侍應，我望住D侍應求救啦，點知一個都無理過我！我即刻埋單走人！返到屋企成日都喉嚨痛！首先！我已經唔評論澳牛嘅食物質素，但係今時今日香港飲食業就係俾呢班害群之馬累死！點解人哋餐廳要嚴守最基本人多嘅時候放塊板去隔離，已經唔好講保持人與人之間嘅1.5米，座位逼到全部都係人！搭檯唔緊要！咁係咪應該加塊板隔開？？？今日如果唔係趕時間，我一定報警！因為呢間澳牛已經嚴重違反隔離令，我仲見到一張圓檯坐5個人，佢哋明顯就唔識對方！但又無隔板！唔該下次如果有人唔怕死去食嘅話，幫手反映一下！希望唔好將病毒不斷散播出去！