潮薈軒

营业中

休息中

位於觀塘的潮薈軒，主打正宗潮洲小炒小菜，每日都用新鮮的海鮮每逢假期，有很多人在門外等候，建議大家打電話預留座位。===-===-===-===♦️紅燒花膠海皇翅♦️這道紅燒花膠海皇翅湯色金黃濃郁，花膠厚實軟糯，入口即化，膠質豐腴黏唇。海皇翅絲絲分明，吸飽高湯精華，鮮味層次豐富。老火湯底以金華火腿與老雞熬製，醇厚不膩，帶淡淡干貝香氣。整體火候到位，滋補奢華，盡顯粵式燉湯的講究功夫，冬日暖身首選。🥰♦️燒味拼盤♦️這道燒味拼盤薈萃粵式精髓：蜜汁叉燒油潤晶亮，肥瘦相間，入口焦糖香與肉汁交融；脆皮燒肉三層分明，金黃脆皮下脂肪如雪，蘸黃糖更顯鹹甜層次；海蜇爽脆解膩，麻油香畫龍點睛。拼盤火候精準，冷熱搭配得宜，一次盡享三種經典燒味的豐盈口感，佐酒下飯皆宜。 😋♦️清蒸沙巴龍躉♦️這道清蒸沙巴龍躉火候絕妙，魚肉潔白如蒜瓣，用筷子輕撥即離骨，入口細嫩鮮甜帶淡淡海水味。師傅以豉油皇與爆香蔥絲提鮮，襯托龍躉本身的清雅。魚皮膠質豐厚，魚鰭邊的軟嫩膠質更是精華所在。蒸製時間精準，魚眼凸出泛白，盡顯新鮮度，是考驗廚功的經典粵式海鮮佳作。🥰♦️杞子桂花糕♦️這道杞子桂花糕晶瑩如琥珀，質地Q彈卻不失細膩，入口即化出淡雅桂花香氣。枸

今日屋企人生日，特意知道觀塘潮薈軒潮洲菜特別出名，所以一早訂定枱品嘗。上湯芝士海蝦伊麵：這道上湯海蝦伊麵，湯色金黃澄澈，鮮味濃郁而不膩。海蝦大隻彈牙，帶淡淡甜味，與老火熬製的上湯相得益彰。伊麵吸飽湯汁，軟滑入味，可惜份量略少。整體鮮香醇厚，是一道經典的粵式麵食，讓人回味無窮。明爐燒鵝：這道燒鵝皮色棗紅油亮，咬下時「咔嚓」脆響，皮下脂肪化開，鵝肉嫩滑多汁。秘製滷水香氣馥郁，帶淡淡香料與蜜糖甜味，蘸上酸梅醬更添層次。火候掌控精準，骨邊帶粉紅卻不帶血水，盡顯師傅功力。唯鵝胸部位稍柴，但整體仍是令人滿足的傳統滋味。XO醬西芹炒帶子：這道XO醬西芹炒帶子鑊氣十足，帶子厚切飽滿，外層微焦、內裡嫩滑如豆腐，鮮甜十足。西芹清脆爽口，與帶子形成絕妙對比。主廚特調XO醬鹹香帶辣，蝦米與干貝絲的鮮味層層迸發，完美提鮮卻不搶戲。火候掌控精準，盤底不見多餘油份，是一道展現粵式小炒功力的海鮮佳作。總括來說，潮薈軒不但食物品質優秀，地方又大，非常合適用作慶祝活動既地方。

咁今日嚟到觀塘呢一間嘅潮薈軒啦飲茶，其實嘢食就唔知食咁少嘅，不過由於唔記得咗影相🤣咁佢過咗65歲定60歲就兩蚊茶錢姐（屋企人），咁都幾抵食嘅重點係都好味👍🏻，其實一得閒就會同屋企人飲早茶或者下午茶，仲差啲食到唔記得咗過咗11點就冇左早市優惠🙈

潮薈軒位於觀塘巧明街，主打潮州菜，因為屋企人榮休之喜，因此在潮薈軒預訂了兩席飯宴。但聽聞潮薈軒平時亦主打飲茶點心，下次可以再來一試。🔅冰鎮南非鮮鮑鮑魚好大隻，鮮甜軟糯，配上芥末鼓油，作為頭盤，非常美味。🔅滷水鵝肝大拼盤鵝肝唔會熟過頭，拼盤十分足料🔅上湯龍蝦伊麵龍蝦應該不太新鮮，質素一般，較欠佳的一道菜🔅XO醬翡翠海中寶不過不失，帶子口感十足🔅紅燒蟹肉海皇翅直頭食到一絲絲蟹肉，唔會話好鹹🔅清蒸沙巴大龍躉條魚好大條好新鮮，斤兩十足🔅栗子大芥菜煲栗子鮮甜，芥菜甘香，好過食鮑汁生菜🔅荔枝茶薰雞雞肉滑溜，滲透茶香，比較重味🔅傳統返沙芋可能不是芋頭當造季節，芋頭不夠粉

返完觀塘教會信恩堂一家人🧑‍🧑‍🧒‍🧒去隔離工廈潮薈軒飲茶🫖，一早訂咗枱，不過都係五成滿，坐坐下就滿，2點仲有人等下午茶時間🫖。開咗普洱茶，麻麻。點心🥧紙tick，特價三揀一，揀咗人頭冰鎮鮑魚，$29.8一隻，兩隻起，一人最多一隻，爽同入味，正，叫咗蝦多士$28隻，兩隻起，叫咗兩隻，但質素麻麻，蝦🦐冇蝦味，多士又唔脆。焦糖蜂巢糕$37，唔知點解大點，不過都好食煙煙韌韌。脆香鮮蝦米🦐網腸$42，腸粉滑入面脆。餐前小食收$13碟有兩碟，茶位$13個

老人家生日飯最點當然是壽包，壽包永遠是最後想的，全部人趕收工包括廚房，我哋未食完佢已經收晒我哋啲食物，最離譜的是叫了白飯，遲遲未到但已經收晒我們的餸只有白飯，最後連壽包都冇，他們說廚房收工了，我哋冇收你壽包錢，真係無言給你們間飯店一個建議，不如唔好做晚市咁大家咪可以早啲收工囉

今晚唔知點解，嘴巴犯賤，嘴饞到不得了！我就揀咗家響觀塘嘅潮州菜館，滿足下我呢個廣東仔嘅胃口。店內嘅裝修簡單得來細緻，令人一入到就覺得舒服！🍽️頭盤就點咗滷水紅腸，嚟嘅好快哦！呢啲紅腸滷得入味，同埋孭住一種微妙嘅香氣；豆腐滑到好像嬰兒皮膚咁，夠哂水準！水瓜烙呢，就係今晚嘅明星，外皮煎得金黃鬆脆，但裏面嘅絲瓜和餡料又保持住咗新鮮嘅口感，係咸咸地中帶點清新，好有層次感！飲完兩碟菜，仲有間中上嚟嘅茶水，一刻都唔會覺得口渴。食物與飲品之間嘅配搭，真係諗得好到位！服務方面，伙記都好有禮貌，見到我哋想拍相，仲特登等咗一陣之後先端上嚟菜品，心思細膩啊！總體嚟講，今次嘅食體驗確實正！食物味美價公，對於一個愛食又追求平民化飲食嘅我嚟講，實在係滿分之選。記住喇，如果想飽嘗地道潮州美味，別錯過呢家舊！👍🌶️🎉

一踏進這家餐廳，撲鼻而來的香氣已經暗示我，今次肯定會有一場味蕾的派對！首先來個胡椒咸菜豬肚湯，湯頭醇香得嚟不會過於辣，喝落去暖笠笠，夠晒滋味！豬肚爽口，咸菜嘅咸香剛好提鮮，一啖湯一啖愛呀！接著試下凍烏頭，魚肉凍得啱啱好，彈牙得黎又保持咗鮮味，輕輕沾下豆醬，嗗嘴👄間有種鹹鮮交織嘅絕妙感覺。真心唔捨得食完！至於鹵水鵝，喂，真係無得輸！皮脆肉嫩，個鵝肝更加係入口即化，冇咁油膩，而喺呢個層次，餐廳依家都算係飛起跳舞🕺嘅水準！加上少少甜白醋，馬上鋤走膩感，又可以再戰十輪！係呢度食，你會發現，味道真係可以好平民但又唔失格調嘅。每一口都證明咗烹調嘅用心同對食材嘅尊重。食到最後，連碟底嘅醬汁都想舔乾淨。下次一定要帶埋多啲人，試吓其他推介嘅菜式！今晚呢個潮州盛宴，正正👍！

昨晚去左食晚飯，見之前啲post 話前身係麗港城會所間潮州餐廳，以前係觀塘返工都有去麗港間餐廳食開晏覺得唔差所以就決定幫襯下佢啦。首先講下食物，叫左個三寶 滷水拼盤+炸蝦/蟹棗+川椒雞，一個孖寶 白果豬肚湯+紅燒豆腐 仲有潮式麵線 同菜川椒雞 同已前一樣好食滷水拼盤，豬肚湯 ，麵線 一般炸蝦/蟹棗 個汁唔知點解係比泰式辣醬唔係比潮式桔汁紅燒豆腐 好多油一行人五大兩細 （5嵗，2嵗），賣單收我七個茶位。同部長講，兩個小朋友一個兩嵗係未應該六個茶位，個部長態度真係差到一個點好唔耐煩咁，一直係話lee 道係咁嘅啦，lee 道係要計嘅啦，小朋友都要計嘅啦。其實都係問下，你答一句我地大人小朋友都計茶位未算。所以話點解咁多人北上食飯都唔係香港就係咁，除左平服務態度都真係差好遠。之後送糖水仲問小朋友要唔要，你茶位就識收足我七個糖水又唔想比足我。最後成晚都係得 2張枱客人，啲員工有少少好似趕收工咁。

好耐無同三五知己揾個日頭悠閒咁去飲茶喇！今次揀左間口碑好好既茶樓，飲茶環境舒服，坐低就有種溫馨家庭feel咁。頭盤點左個蝦餃，一啖咬落去，蝦肉彈牙新鮮，啲皮薄到透明，真係得嚟又唔會易爛，好夾！再配埋飄香既茶香，正！個腸粉滑溜溜嘅，淋上嗰啲醬汁，微鹹中帶甜，絕配呀！一路傾偈，一路掃，個叉燒包嚟得幾特別，叉燒嘅味道甜中帶鹹，包皮焗得啱啱好，咬落去啲香味直衝腦門。意猶未盡，再點多份蘿蔔糕，外皮香脆，蘿蔔味甘香，仲有啲腩片添，真係每啖都實在！總評呢間茶樓，已經實價得嚟又有質素，收皮！一家人或者同屋企大人嚟飲茶，真係幾正！下次必定要再嚟試多啲點心啦！😋🍵🥢

今晚去咗觀塘一間酒樓食飯！佢其實係食潮州菜，我哋冇叫到，睇 OpenRice 介紹 👉🏻 鹵水鵝片鵝肝鵝腸,凍花蟹,紅燒潮州翅,荷包鱔湯,糖醋麵,反沙芋,綠豆爽⋯⋯ 但我哋只想食小菜 🤣 所以叫咗荔枝煙燻雞 & 沙嗲牛肉芥蘭 👏🏻佢哋價錢遲偏貴不過就幾好食 😋 💲 $485 ( 2 個小菜 + 2碗飯 + 2人茶位 + 10% service charge ) 📌 荔枝煙燻雞 - 皮薄雞嫩滑，非常好味 👍 📌 沙嗲牛肉芥蘭 - 牛肉新鮮，沙爹汁不多不小，味道唔錯 👍

呢間潮薈軒嘅前身係喺麗港城嘅潮式酒樓，當年經常同同事幫襯，今次特登相約去重開嘅新鋪試下先😬胡椒豬肚湯👍🏻以前去親都必叫嘅😍，今次再飲覺得水準都保持到，熱辣辣嘅糊椒好醒胃，豬肚處理得好出色🫶🏻蠔餅感覺好似比之前多咗炸漿🧐，而且切得太大塊，但蠔仔都ok，唔會覺得腥，隻隻都有手指頭咁大滷水鵝片拼墨魚片標準味道，份量剛好，豆腐墊底吸晒d滷水精華🤤，不知不覺越食越多潮式雙棗蝦棗蟹棗各四粒，蝦棗幾爽口彈牙，蟹棗略嫌太多粉潮陽梅糕骨好大舊😝，以前一口一粒覺得淋d入味d，可以連骨都損埋，而家一字骨咁樣有d難咬，不過酸甜嘅味道一樣開胃方魚炒芥蘭芥蘭最怕硬掘掘，呢度就炒得夠嫩又夠鑊氣，簡單的一碟菜反而帶來驚喜

疫情後好多野都加價，尤其是餐飲業，但潮薈軒早茶價錢算係好平，而且長者茶錢有半價，只係四蚊一位，所以吸引好多長者一早去霸位飲茶。我哋叫咗個點心拼盤，鮮蝦菜苗餃啲蝦好爽口，潮州粉果皮薄餡靚，馬拉盞同蜂巢糕可以作為甜品迷你章魚肉餅飯可以分到兩小碗，章魚肉餅好香好冧，餸同飯嘅比例差不多我哋已經好飽了，埋單都只係65蚊，非常經濟實惠酒樓九點前已經坐滿晒客人，其實有好多長者八點鐘已經去霸位，加上樓面又預留咗好多枱畀熟客，所以想坐到一個靚位，一啲都唔容易㗎，如果唔介意搭枱或者座位安排，酒樓早市真係冇得輸

遷就朋友來觀塘午餐本著我想吃點心朋友想離公司近一點就這麼愉快的決定了這家餐廳基本上早午晚都在這裡吃過東西食物還算不錯每當飯點也是座無虛席幸好我們分工合作才能順利入座等吃🤤服務態度不算好 也不算特差反正是正常現象大多數酒樓的人都是如此只要不是原則性問題一頓午餐還是可以接受的

伏伏伏。。。。食物差唔多講，服務態度更是從未見過。慶祝朋友喜奪佳績，我哋一行14人book咗呢間餐廳，book 枱時已問過可唔可以14人一張枱？答可以至book.。點知來到只係俾張細枱？坐10個人已經好迫，同當值經理溝通問可否換枱，淨係答，得呢張已係最大張（🫣🫣其實之前跟公司同事來過兩次都有更大張枱至推介俾朋友）。多一句都冇，我哋不同朋友都陸續反映同一問題，都得唔到回應。去到上菜時更谷鬼氣，因人多叫得餸多，全部同一時間上，張枱擺唔落都繼續上，張枱細到只可以擺6-7個菜，不斷催我哋快食換其他菜，全部餸擺係一邊等我哋食完一碟就換一碟，啲餸完全凍，糖醋麵煎得一面又凍到冧晒。。。。而侍應隔兩三分鐘就催我哋換其他餸上。。。。當時係7點幾，啲員工好似急急腳想收工催人食。。。。替餐廳老闆慘，請班咁嘅員工，點會有回頭客？間餐廳要如何維持下去？