影片
以上资料只供参考，请与餐厅确认详情
落大雨，同朋友去咗轩尼诗道呢一间老字号卤水鹅片潮式卤水鹅片皮弹肉嫩脂香四溢，豆腐吸饱咸鲜老卤，花生绵糯带沙沙口感，整体味道刚刚好，有卤水香味，但系又唔会好咸，特别系鹅肉非常嫩滑鲜味蚝仔粥好多料，方鱼大地鱼干酥香, 肉碎鲜嫩，蚝仔饱满爆汁，粥底绵滑渗透海味精华，非常鲜甜，蚝仔肥美饱满，仲有啲一条条好幼嘅，唔知系咪鱿鱼须，但系啲口感非常丰富潮州春菜潮州春菜翡翠碧绿，腩肉煨至菜茎软糯，吸足咸肉咸鲜，很解腻。 沙姜鸡半只沙姜鸡皮金黄肉嫩滑，骨髓见红，刚刚熟，肉质嫩滑，点上姜葱蓉，非常美味。
继续阅读
同朋友前排去咗铜锣湾嘅「潮林园卤味大王」食饭，呢间位于轩尼诗道嘅潮州菜馆真系好有街坊feel，店面唔大，但晚饭时间人气旺，坐满晒仲有好多人攞外卖。入到去老板娘好亲切，一坐低就送上例汤，暖笠笠好窝心。😋卤水杂锦拼盘$108真系超值之选，拼盘入面有鹅肾、鹅肝、腩肉、大肠、猪耳、红肠、猪肚同卤水蛋，款式多到数到数唔哂。鹅肾同鹅肝卤得入味，鹅肾爽口，鹅肝软滑带点甘香；腩肉肥瘦适中，卤汁香浓；大肠同猪耳咬落Q弹，红肠同猪肚都好有嚼劲；卤水蛋渗满酱汁，蛋黄半熟好香，啱晒同朋友share！🍖秘制韭菜猪红$68系一道潮州特色嘅小菜。猪红份量多，切得厚身，入口软滑无渣，卤得唔会太咸，保留咗猪红嘅鲜味。韭菜炒得爽脆，带点清香，同猪红嘅软嫩好match，仲有少少葱花点缀，增添咗层次感。呢款菜简单但好食！🥬卤水鹅片饭$72系今次嘅主食，鹅片切得薄薄，肉质嫩滑多汁，卤汁嘅咸香渗入每片鹅肉，食落完全唔鞋口。饭底仲有卤水豆腐同卤汁，豆腐吸满汤汁，外酥内嫩，配饭真是一个绝配。饭量适中，卤汁同鹅肉嘅比例调得啱啱好！🍚
继续阅读
潮林园卤味大王喺铜锣湾算系人气卤水店，成日都见到有人排队。今次试咗几款招牌菜，整体感觉几实在，价钱唔算贵，份量都够诚意。韭菜猪红新鲜，猪红滑溜无腥味，唔会一夹就散，韭菜爽脆，汤底浓郁，简单但好食。蚝仔粥（碗）有惊喜，除咗蚝仔仲有鱿鱼干，啖啖海鲜味，唔系好多舖头会落，成碗粥即刻多咗层咸香海味，呢点加分。粥底够绵，唔会太稀。什锦拼盘（小）有红肠、鹅肝、肾、猪颈肉、猪肠、五花腩，下面仲有豆腐，每样都入味，卤水味香但唔会死咸，特别推介鹅肝同五花腩，够嫩滑。鹅肉饭份量好多，啲鹅肉厚切，肉质唔鞋，卤得够入味，饭底有卤汁捞埋一齐食几满足。整体嚟讲，无论堂食定外卖都几稳阵，嘢食唔会失望！性价比高，价钱喺铜锣湾算合理，尤其拼盘几抵。📍 潮林园卤味大王 铜锣湾轩尼诗道446-450号轩华大厦地下C号舖
继续阅读
前日放工, 约左好耐冇见既朋友出黎食饭。我哋今次去左铜锣湾一间主打潮州菜既餐厅食饭。我哋入去坐底， 老板娘俾左两碗西洋菜汤，饮落好清又鲜甜。我哋叫左几款食物，潮式拼盘有鹅肝，猪耳和豆腐，鹅肝入口软滑，猪耳爽脆。蚝仔粥，入面有好多蚝，蚝仔新鲜食落完全无腥味，汤底有肉碎、葱、芫茜等配料, 味道鲜甜。潮式春菜，入面还有烧肉，味道食落似芥菜，没有苦涩味，汤汁甘甜。卤味鹅片饭，鹅片肉质软滑，充满油香，卤水好入味，配上豆腐和酸菜伴碟，十分开胃。
继续阅读
潮林园卤味大王主打正宗潮州卤味，装修朴素，枱椅摆设简单，而气氛好热闹。 韭菜猪红一上枱就散发住浓郁嘅韭菜香气。猪红煮得非常滑嫩，入口有细腻柔滑嘅口感，配埋豉油同蒜蓉，味道浓郁，非常出色。什锦拼盘(小)系必嗌嘅招牌菜，卤水香浓而不腻，每件食材都吸收晒卤汁嘅精华。猪肠清洗得非常干净，冇腥味；鸭肾啖啖都系脆弹嘅口感；红肠肥瘦比例完美，卤汁令红肠更加惹味；卤水鸭肉质嫩滑；卤水鹅肝入口即溶；卤蛋入味，蛋白弹牙，蛋黄绵密。呢个拼盘款式多样，感受到师傅嘅功力。狮头鹅肉饭鹅肉系潮州菜嘅灵魂！鹅肉肉质嫩滑，保持住鹅油嘅香气。卤汁渗入鹅肉每一丝纤维。白饭吸晒卤汁，食落每一啖都系浓浓嘅卤香。蚝仔粥粥底够滑够绵，蚝仔新鲜肥美，入口鲜甜多汁，完全冇腥味，仲带住海水嘅甘香味，配埋胡椒粉，味道层次更加丰富。
继续阅读