湯加

麗港城商場這個舖位原本也是一間茶餐廳，倒閉後最近開了另一連鎖港式餐廳湯加。有趣的是隔壁已有同集團的魚米，而且兩間餐廳所售食物有不少重疊之處，例如都有賣魚類及米線，實在摸不着該集團的策略為何。跟餐熱檸茶有一些不明雜質浮面，雖然應該是無害的檸檬皮，但已令人有點不安。黑醋汁豬扒撈淮山麵配潮汕豬肉丸浸紫菜 ($53) ★★★✰✰淮山麵幾幼身有韌度，味道不錯；豬扒鬆化不過醃得不夠入味，至於黑醋汁則不太突出，不過我想像到如果酸味太突出也不會好食。其餘豬肉丸紫菜湯則一般茶餐廳質素。皮蛋芫茜黑魚片米線 ($57) ★★★★✰是當日食過三道主菜中最正常的一道：魚湯濃淡適中，皮蛋及魚塊份量及味道都抵讚。咕嚕魚塊配白飯 ($64) ★✰✰✰✰本來咕嚕汁及彩椒菠蘿等配菜都沒太大問題，但魚塊十分十分鹹，炸皮表面儼如有一塊塊鹽巴，食到一半即使一塊魚配三芍飯都受不住，最終未能完食。而且我叫了穀飯但來了白飯。新餐廳開張，店員未熟運作實屬正常。不過當日確實有點混亂，店員有手足無措及無奈的感覺，收銀只接受現金付款，而且單據還弄得很混亂。由於食物味道一般，尤其那道魚鹹得太過分，加上服務有待改善，所以只能給予劣評。…查看更多

今日嚟到麗港城商場食一間心儀好耐嘅餐廳，入到去好有住家嘅感覺，我哋嗌咗二人餐，分別有三杯雞，老火湯，同埋甜酸鱸魚，先講一講老火湯，完全係真材實料，而且冇加味精，飯前飲一啖湯，簡直係冇得彈，三杯雞用咗古老手法烹調出嚟，食得出小清新嘅味道，雞件煎得好香口，加上秘製材料令到醬汁更加提升，另外甜酸鱸魚酸酸甜甜，而且魚肉炸得好香口，食完都好食胃，甜品方面有我最喜歡嘅紅酒圓子，食落去甜度適中，為晚餐錦上添花，飲品方便中規中矩，下次可以同屋企人或者朋友再嚟試吓。…查看更多

麗港城近排新開嘅湯加全港有好多分店 好耐之前係其他區食過 觀塘區附近應該就得佢呢間分店主打湯底 胡椒豬肚雞湯底 酸菜魚等除咗散叫 亦有二人餐二人餐包括燉湯、主菜2款、白飯、飲品、甜品🥄羊肚菌人參燉烏雞湯 燉湯唔係一位位 係一大兜🥢上湯菜膽雞雞有半隻 而且好似咸雞咁好夠味🥢鹹蛋皮蛋腐竹浸絲瓜清清淡淡 住家風味🍹飲品仲可以免費升級4款果汁🥄甜品係紅酒糟圓子 即係小丸子 甜甜哋味道都OK呢度都係做屋苑生意價錢親民 飲碗湯都唔錯…查看更多

【深夜食堂｜麗港城暖胃之選｜湯加 黃酒雞米線外賣實測】整體評分： 4/5分人均消費： HKD$51-$100食用方式： 外賣自取最近工作忙到踢腳，喺麗港城開完夜會已經成晚上7點 身心俱疲，好想食啲暖胃嘅嘢。行過「湯加」，見佢燈火通明，一於外賣自取一個招牌「黃酒薑絲煮滑雞米線」 返屋企慢慢嘆。—— 外賣體驗 ——外賣包裝相當穩陣，湯同米線分開裝，值得一讚！但由於當日星期六晚上 等候的時間較長—— 食物評價 ——黃酒雞米線 賣相： 4/5分 一打開蓋，一陣溫和嘅黃酒香氣撲鼻而來，即刻醒神！湯色清澈金黃，睇落唔會好油膩。雞件份量都幾足，勁多薑絲同雲耳、少許杞子，養生感十足。湯底： 4.5/5分絕對係精華所在！ 第一啖飲落去，黃酒嘅醇香非常突出，但完全唔會有苦澀或者嗆喉感，味道溫和順喉，甜度恰到好處。飲完成個人都暖笠笠，好舒服。為咗呢個湯底，我差唔多飲清！雞肉： 3.5/5分雞肉肉質尚算嫩滑，唔會鞋烚烚！米線： 45分米線本身質感不錯，軟硬適中。唔會太腍。—— 總結與推薦 ——總分：4/5分優點： 湯底極品，真材實料，香濃暖胃，外賣包裝妥當。缺點： 外賣等候時間較久 · 好似我咁，開完夜會想搵碗「治癒系」湯粉嘅上班族。· 鍾意養生藥膳、黃酒料理嘅朋友。· 住喺麗港城附近嘅街坊。回頭指數： 一定會！下次想試下佢哋嘅燉湯同其他口味。如果係堂食，相信米線口感會更加完美。…查看更多