渡邊屋

营业中

休息中

今日一支弓去九龍城買野，見到就十字路口有間叫「渡邊屋」，咁有feel , 就望下咩料。原來係刺身壽司外賣店，仲有好多刺身丼飯，感覺幾正。仲要價錢好平，反正屋企無飯開就試下佢啦，反正一支弓都唔知食咩好。佢門口仲要有d整好既set方便趕時間既朋友仔。但我大把時間就梗係自己慢慢㨂啦我好怕點壽司，因為真係好難就份量，每次都係點得太多食唔曬！難得呢間咁多刺身丼飯揀就棟係㨂個刺身丼啦！最終點佐個極上刺身丼飯，再點多個介辣八爪魚小食！仲要俾我見到童年回憶.....波子汽水埋單百零蚊，話要等約十分鐘咁就放心，即係肯定即整啦，去附近行下街返黎拎岩岩好十分鐘準時收貨返屋企開餐嘩，呢單野真係一分錢，幾分貨，極度足料！除佐刺身新鮮厚切，D飯都做得好好食，軟硬口感適中，基本唔使落任何醬料都已經好正！最抵讚係隻蝦，一打開大隻到佔佐半碗飯！非常新鮮再黎梗係個小食介辣八爪魚，15蚊咁大把，俾咁大盒我，仲唔唔係流野，超正，連埋個刺身丼食一流，我諗呢個份量真係夠整8-10舊介辣八爪魚壽司配埋支波子汽水，今日一支弓呢個自私刺身丼真係超級驚喜又滿足！真係唔怕自己一個人多d去九龍城行街

經過九龍城，諗住買啲壽司返屋企食，見到呢間壽司鋪有咁多種類，仲要係即叫即整嘅，就試吓啦！三文魚腩唔錯，但係如果可以厚啲嘅話就更加好，芥辣八爪魚，甜蝦，北寄貝等等都係正常，但最值得一提既係舊飯！買返屋企食之後，發現眼前嘅壽司，雖然望落冇乜特別，但係食落就知道完全係用心製作嘅壽司，飯粒唔會過實，軟硬剛好，可以拍得住高質素嘅日式餐廳，完全唔似純粹外賣壽司店嘅質素食過咁多間外賣壽司，最好食應該就係呢間啦！

嘩！今日心血來潮買壽司食，一買就買咗咁多，估唔到自己去到咁盡，不過都唔係好貴啫！最重要係可以食到自己想食嘅嘢！👍🏻呢個先係重點嘛👏我就最鍾意鰻魚呀蟹籽呀仲有火炙三文魚同埋海膽壽司呢幾樣，而且我去到邊度食都係食呢幾種，所以呢度都買咗呢幾件再同個朋友分享滋味啦～～～鰻魚真係好好味，雖然間間個味都唔同，不過呢間真係好食到爆，啲鰻魚燒汁好夠味，又豐富喎！感覺好似大件過其他地方食到嘅！之後到蟹籽，呢個真係無話咩，不過佢個鮮味好足，差啲以為啱啱產卵即攞嚟整，所以真係一流呀！🎉火炙三文魚當然係睇個燒嘅耐度啦，佢呢個燒得好特別！一半一半咁，唔生唔熟咁好過癮啊！！所以都買多啲，咁先夠食都分享到，咪就會後悔喇！最後就到海膽壽司了，呢個都係一樣好夠鮮味，感覺又係即場開隻海膽攞出嚟，因為買嗰陣要等咗陣先可以買到，所以真係好用心去經營呀呢個鋪！！不得了！估唔到九龍城都有好嘢食！！👏👏👏🎉

壽司外賣店由我小時候已經十分喜歡幫襯，不過近年壽司外賣店越開越多，可是壽司質素就參差。家附近的這家壽司外賣店，一直在我心目中是很就高的位置。店內大部分的壽司都是即叫即製，價錢也很便宜，可外賣或立食。店內有少量企位，店子小小但很有日本風。壽司的種類很多。如果趕時間不想要即製的壽司，現場也有很多選擇。油甘魚壽司清淡且甘甜 ，再加上清新的柚子醬，鮮味了不少！火炙左口魚邊壽司既有魚既油脂味，肥美油潤。三文魚壽司色澤鮮橙亮麗，肥美油潤，而且脂肪分佈均勻。大拖羅壽司厚身且拖羅魚味濃厚，有香甜且油脂豐富。明太子帆立貝壽司很特別的一款壽司，在外面很少機會吃到，有多重的味覺刺激。海蝦壽司蝦肉外表晶瑩剔透，入口爽滑。我最喜歡的蔥粒吞拿魚腩卷，細細件但中間的料份量多，又有青香嘅蔥花味。 如果下次到九龍城十分推薦一試。

放假的日子⋯當然想多點的時間留在家hea下咁～想食壽司又唔想去等位但又想多選擇⋯真係好少⋯但係剛好呢間外帶壽司就不一樣了！這裡的選擇是超級多～最少4版a4咁多～而且你都可以看到，價錢不是太貴～還有其他卷物、手卷、刺生、等等～今次我地就買了超級多番家食好正丫！你可以見到原條海鰻壽司🍣～肉質較鰻魚鬆化～櫻花墨魚～酸酸甜甜配上墨魚爽滑口感超開胃！飛魚籽～真係好好食～每一粒都卟咔脆～厚切鰻魚壽司鰻魚是我最喜歡食的～呢到仲有得選擇普通切/厚切 好正丫～火炙壽司大家都食過了，明太子火炙壽司就真係唔係到到都有～而我就選擇左兩種，明太子三文魚火炙壽司同明太子劍魚火炙壽司🍣～明太子的咸味加上三文魚的油香～加上三文魚的肉質交融！真係絕配！劍魚口感就比較特別爽口，相比上來對比比較強！也不錯呢～

星期日三點幾泥到呢間細細間既小店😄真係名符其實既小店，因為除左個凍櫃，收銀位同有四個吧位座位之外就係廚房！😆叫左火灸三文魚腩，芝士蟹柳，火灸帶子，厚切鰻魚，芝士鰻魚，玉子卷，加州卷同馬糞海膽軍轞佢係寫明即叫即做既！甘岩我地去既時候無人，所以就可以坐係到慢慢等佢整！但如果好多人，我諗真係無咩位可以比你企係到等佢😂😂價錢泥講係正常，同元氣差吾多價錢食物我覺得算係ok，加州卷一共有八件，真係會食到飽，呢個覺得最抵食！海膽就吾算太腥！下次可以試下啲丼，價錢好似幾抵

今日喺旺角食完晏，跟住去到九龍城行一陣，行到差不多三四點有啲肚餓，又想食日本野見到這間壽司店啱晒門外餐牌有很多選擇，而食物價錢大眾化入到店舖，店員很有禮貌地介紹他們的壽司是即叫即做，十分新鮮，而這裏也有堂食和外賣我點了一個花之戀壽司，花之戀放滿很多蟹子，一食落口滿口蟹子卜卜脆，而三文魚又新鮮，細味品嚐一下魚肉很甘香芥末魷魚壽司很好食，魷魚爽口彈牙，很新鮮八爪魚壽司一食落囗，淡淡的海水味加上魷魚獨有的香味和口感，十分好吃這個三文魚腩刺身，肥瘦均勻加上薄薄的魚脂，點上芥末和豉油一齊食，魚油的甘香好食到點了一支清酒＄78這裡的價錢比一田還要便宜這個雜錦壽司每樣都真材實料，這間店用的食材新鮮，而且即叫即做，價錢大眾化，性價比很高

今日喺九龍城做完嘢，自己一個人，本身想去九龍城食個泰式午餐，點知行到衙前圍道嘅轉角位，見到有間日本野裝修有日本feel， 入面鋪仔雖然細細，但是非常乾淨整齊😍位置方便，好容易就見到最終我決定外賣壽司返屋企食，因為鋪仔入邊都坐門人，因為座位只得幾個，而外賣的人相當多入面座位只有四個，見到四個學生在品嚐他們的學生餐😬見到我都流晒口水餐牌上面款式眾多，有手卷，刺身，丼飯，同埋壽司😊價錢都非常合理，性價比非常高👍🏻大帶拖羅$108有三片，非常厚身，而且拖羅魚味濃厚，咬落亦非常新鮮，有香甜嘅魚味雪櫃入邊亦有不同種類嘅壽司，顧客可即時選購，又或者另外再叫廚師即整壽司也可以👍🏻$68 雜錦刺身，乜嘢款式都有，希靈魚夠爽口，有一件係三文魚腩，脂肪遍布均勻，非常肥美又夠厚身😍呢件係我最喜愛嘅芝士蟹子壽司，芝士味非常濃厚，而且蟹子粒粒爽口，廚師剛剛做起，非常新鮮小小嘅店舖入邊有一個雪櫃仔放滿不同種類嘅日本壽司食物，供給客人無限量選擇🤟🏻非常肥美，魚油嘅味道完全混入到壽司飯😆加埋支波子汽水一流，好多日本餐廳依家都好難買到波子汽水，平時我會去一田購買，但這間餐廳小店只需$12，比起出邊平多幾蚊😁第一次試橙味嘅

一件三文魚壽司好似係6蚊， 比連鎖式壽司店更加平， 而且有質素， 三文魚上有微微油份，食到魚嘅鮮味以及魚油嘅香味， 呢一個級數嘅三文魚個人覺得灸燒會冇咁好食 (其他地方我會食) ， 生食先至食到原汁原味。 仲有牛油果卷， 都係好好食一定要試。 但係有隻牛嘅手捲同埋壽司肥咗少少，呢個價錢唔抵，慳返你啲錢食其他嘢好過。海膽都係一定要試， 我唔係特別鍾意食海膽因為食落去有陣怪味， 但係呢一個完全冇怪味，食落去好新鮮同creamy。 唔食牛食呢個更加好最衰就係全間舖頭得三個位，四個人都放唔落， 如果見到有人啱啱開始食，等半個鐘至九個字係基本。可以嗌外賣嘅， 自己去攞平啲， 用袋鼠貴好多。

想試好耐，終於黎到買外賣返屋企食。叫左幾款飯同刺身，3點前落單每個飯可以送一罐汽水。油甘魚刺身好新鮮！魚肉晶瑩剔透，入口好爽滑！呑拿魚刺魚魚肉色澤紅潤！黃金尤魚軍艦, 三文魚籽軍艦三文魚細卷一口size好味！鰻魚丼三文魚籽海膽丼海膽唔係普通貨色，入口即溶，鮮味十足！三文魚籽粒粒都好爽！飯量亦剛好。三文魚腩好肥美！火炙左口魚邊壽司一向愛食左口魚邊，好味！究極葱粒呑拿魚腩飯飯面舖滿拖羅蓉，啖啖都好正！仲有6片厚厚嘅呑拿魚刺身，必試！

今日黎左九龍城覓食， 呢個地方出名係多泰國菜， 周圍都後泰國野。 但竟然比我發現到有間轉角既日本魚生外賣小店。我就決定同女友人買外賣返屋同家人分享。 呢間小點開係轉角人流都廣選擇都唔小。 今次我就叫左幾碗魚生飯同d魚生刺身。先講佢既海膽三文魚子飯都幾大碗，海膽好新鮮色澤好好。 叫左兩換鰻魚飯，鰻魚都好大條好肥美.刺身方面就叫左d吞拿魚同油金魚同埋三文魚腩，d 魚腩好正，好新鮮肉質好嫩. 屋企人都叫左d三文魚卷同魷魚軍艦。 佢地話好好味

黎到九龍城每次都係食泰國菜，今次我例外嘗試一吓日本料理，現在已是九點了，太夜所以我決定外賣回家吃同老公一齊分享😄正所謂分甘同味😂原來這間壽司店是10點半才関門，而且壽司也會即叫即整🤩可以堂食可以外賣😬，即做當然新鮮望一下雪櫃，款式多，睇落很新鮮我買了一板馬糞海膽，三文魚腩刺身，八爪魚壽司，飛魚子壽司，鰻魚壽司，山葵尤魚壽司主角是這個馬糞海膽，金黃色嘅表面一疏疏嘅海膽，一放入口黏稠嘅口感，天啊回甘嘅味道在口中散發，加上海膽獨有嘅鮮甜，不得了，好好味呀，海膽非常新鮮食完一板都唔夠喉三文魚腩刺身，魚身油脂分布均勻，有光澤眼見巳經很肥美，一食落口，滿口魚油甘香，又有口感，豉油和wasabi又點可以少飛魚子壽司太多料，又卜卜脆，太正鳗魚壽司很厚身，一食落口，彈牙的，一間非常新鮮和有性價比的日本料理，絕對有下次

本人黎講對於壽司、刺身類真係無任何抵抗力，呢間係九龍城嘅外賣店，對我黎講實在太吸引，因為係屋企附近之餘又多選擇。佢啲丼實在係太抵食，我今次揀左兩款，一個係海膽盛丼，另一個係極上刺身丼。因為係外賣，所以可以打去叫定先，好方便，大概15分鐘左右就攞得。海膽盛丼啲海膽都有成半板咁多，刺身又夠厚身，同埋最犀香係連啲飯嘅調味都好好，唔會過酸，軟硬適中。極上刺身丼咁多料都係88蚊，性價比極高。隻赤蝦勁大隻，仲有野飲送！非常平靚正，一定會再幫襯！

今日同朋友喺附近食完泰菜,本身諗住買個糖水返去同老公一齊食， 點知佢同我講話 本身約咗食飯個朋友甩底，佢而家仲未食嘢 好肚餓， 要求我買外賣， 仲要指明係呢一間， 咁冇辦法唔去啦。店面好有日本feel ，店內好細，只能夠容納三四人， 本身想就咁買櫥窗上面嗰啲， 但又見其他人都係即叫即做外賣，咁我唯有order 完等等，最後等左10至15分鐘，唔算耐。買完發覺自己好似買得太多， 冇辦法，價錢實在太吸引，買咗21件壽司，一盒蟹柳細卷，一盒味付螺肉，埋單都係211六蚊壽司有三文魚 ，墨魚，飛魚子軍艦， 抗通脹價。 蟹柳細卷8舊15蚊, 價錢平，用料上盛，壽司飯軟黏可口。飛魚子，三文魚子軍艦分量多，大約3分一軍艦位置最美味係火炙系列，火炙芝味鱈場蟹柳壽司7蚊件，芝士鱈場蟹柳配芝味醬，燒炙后味道勁濃郁。火炙左口魚裙邊經燒炙加持后，甘甜魚油滲出，更加惹味，zoom up 影左張，真係好正。街坊價錢，有大師級水準

今晚收到指示， 話要返屋企食飯兼加餸 ，又咁啱喺九龍城收工， 於是乎就走咗入去呢一間壽司店嗰度買壽司外賣 。叫咗三文魚壽司、 吞拿魚壽司、魷魚壽司、希靈魚壽司、八爪魚壽司、 帆立貝壽司、甜蝦壽司、赤海蝦壽司、 虎蝦蟹棒壽司、 鰻魚壽司同埋花之戀壽司。先要讚好嘅係佢個吞拿魚壽司 好新鮮， 喺超級市場買嗰啲根本冇得比， 鮮甜嘅拖羅真係人間極品。另外要讚好嘅係帶子壽司， 帶子好厚切好多肉， 亦都係好新鮮， 鮮甜到同係日本漁市場食既冇乜分別。 另外仲要讚佢個花之戀，因為佢個三文魚真係好厚身， 同出面最唔同一係佢個份量好大件。我可以總結話佢係全九龍性價比最高嘅壽司店。