渡邊屋

营业中

休息中

一件三文魚壽司好似係6蚊， 比連鎖式壽司店更加平， 而且有質素， 三文魚上有微微油份，食到魚嘅鮮味以及魚油嘅香味， 呢一個級數嘅三文魚個人覺得灸燒會冇咁好食 (其他地方我會食) ， 生食先至食到原汁原味。 仲有牛油果卷， 都係好好食一定要試。 但係有隻牛嘅手捲同埋壽司肥咗少少，呢個價錢唔抵，慳返你啲錢食其他嘢好過。海膽都係一定要試， 我唔係特別鍾意食海膽因為食落去有陣怪味， 但係呢一個完全冇怪味，食落去好新鮮同creamy。 唔食牛食呢個更加好最衰就係全間舖頭得三個位，四個人都放唔落， 如果見到有人啱啱開始食，等半個鐘至九個字係基本。可以嗌外賣嘅， 自己去攞平啲， 用袋鼠貴好多。