渡邊屋

营业中

休息中

今日去完九龍城買完少少野諗住買個外賣返屋企慢慢嘆。經過一間壽司鋪，平時食開d連鎖店.今次就試下佢先一入門口就有成個櫃比我簡食咩，不過我比較鍾意係自己配搭下食咩壽司。最後叫左盒刺身，魚生飯同壽司。三文魚切到好厚好大件，一啖咬落去好肥美，真係食多兩舊都飽飽地。成盒壽司最滿意既係燒三文魚，可能本身就好鍾意食，真係覺得燒完食係另一番風味。最後食埋個海膽魚生飯，海膽比我想像既多，同埋味道都唔錯，食哂碗飯都仲有少少海膽剩，食完真係好飽。

今日揸車經過九龍城見到呢間日本野就諗住試下，店舖好細只可是坐兩個客人，但佢以外賣為主，揸左車所以外賣返屋企食就唔緊要。種類都好多，而且價錢都唔算太貴。叫左呢個三文魚腩刺身，好肥美，食落口魚腩嗰陣油味會係個口到回甘，真係好新鮮好味，值得推介👍🏻壽司就揀左自己鐘諗食咩就食咩，飯量適中，唔會太大舊太飽。呢個海膽三文魚丼，海膽份量都多，價錢親民唔貴，新鮮最重要，唔錯👍🏻最後叫左小食同d熟食壽司，總括黎講，呢間小店讚👍🏻推介！

九龍城 有 許多 食肆， 嗰日 經過 衙前圍道 渡邊屋 日本壽司店 。鋪面幾特別 ，好似喺日本見到啲舖頭一樣。 於是 入去 試下 佢啲 刺身 同壽司 。成間鋪頭 得 四個座位， 原來主力係外賣壽司嘅 。嚟到 就 試下佢啲刺身飯丼 ，鰻魚丼，海膽盛丼 ，同埋多款壽司 ，再叫多幾款小食 。小食包括螺肉， 芝麻八爪魚， 甜番薯 。壽司大大件 ，材料好新鮮 ，鰻魚丼 甜蛋中和 咗 鰻魚汁 嘅 濃郁未 ， 撈埋啲飯就好好食 。海膽 盛丼 海膽勁多， 海膽非 常鮮味 入口即溶咗。 八爪魚非常爽脆 ，螺肉有口感， 日本甜蕃薯就好好食 。食完仲買咗一份壽司外賣回家-。

昨天跟老公到九龍城渡边屋晚餐，這是朋友食過之後介紹我們去的，這日本餐廳的地方雖然很細，但食物款式就不少，有多款刺食飯丼，有三文魚，帆立貝，甜蝦，鰻魚，三文魚籽，海膽，……我就選擇咗鰻魚丼，還點了很多小食如芝麻八爪魚，螺肉，日本甜番薯……，我一向較喜歡食鰻魚，渡边屋烹調的鳗魚特別好味，好新鮮，海膽也很值得推介給大家，因為日本刺身最重要就是新鮮，渡边屋就做得到，其實其他食物也非常不錯，如大家去到無位，可以外賣回家慢慢歎，學生去食還有9折優惠，更加抵食。

前兩天又一年一度的生日，阿仔話一齊食日本菜慶祝。 嚟到九龍城渡邊屋真係超細間，只有四個位，但係睇到張菜單，嘩然， 原來好多靚嘢都有得食。我哋 要咗個壽司 拼盤，有三文魚壽司、北寄貝、鮮蝦、鰻魚、 仲有八爪魚和蟹棒，好新鮮、好鮮甜。要個海膽丼，好多海膽好正 yummy yummy。再要一個鰻魚丼配甜蛋，D鰻魚超好味，D甜蛋不會乾硬， 鬆軟甜甜哋好有 水準。 野味螺肉、燒甜蕃薯都係佢哋其中 嘅小食，仲有手卷、沙律、軍艦…… 怪不得我 見好多人都買外賣，價錢好合理，真底食。

今晚去個住九龍城既friend屋企打牌, 順手就買埋外賣上去大家食, 泰國野就食得多, 今晚打牌就買外賣壽司又方便又可以試下新野個friend話平時見依間渡邊屋都好多人買, 叫我早少少黎所以6點零鐘就到左lu~好多款式, 懶得諗亦可以選擇師傅pack好左既, 入面仲有3,4個位可以堂食, 都見到有熟客仔係度食住同老闆傾計~最後我揀左2個壽司套餐, 再加左d自己另外叫既壽司~三文魚and三文魚腩壽司新鮮色澤好靚, 三文魚腩肥美有油香原味海鰻壽司就黎長過筷子既海鰻, 鰻魚汁燒既味道好香芝味蟹棒依個係朋友指定要叫既, 大大塊芝士加上火炙令其半溶既狀態, 正火炙帆立貝推介依款! 帆立貝肉厚之餘口感新鮮, 唔會淋badbad~再加埋火炙既焦香非常好味呀魚仔豉油呀, 童年回憶呀~聽人講魚仔豉油因為成本高d所以而家已經無乜鋪會用, 轉哂包裝, 估唔到係度見番~我同朋友都好滿意, 覺得佢雖然細細間, 但係壽司夠新鮮之餘只係賣番小店價錢, 十分抵食, 可以留番d錢黎做麻雀本😂

今日又去九龍城啦~買完牛肉餅行行下見到呢間日式店，係門口見到有張日本產食材認定証，又寫住壽司即叫即整，望下MENU價錢唔貴喎，仲有set叫，於是買左2個set加散叫d壽司外賣番屋企食~每個SET有12件壽司，A餐$72有三文魚、北寄貝、八爪魚同甜蝦，B餐$86有三文魚、三文魚腩、海鰻、赤海蝦同蟹棒，除番開$10都唔駛有一件，好抵!另外散叫左芥末八爪魚、北寄貝沙律、原條海鰻、玉子、芝味蟹棒同火灸帆立貝壽司。落左單之後因為即叫即造既關係係要等既~大概15分鐘就拎得!靚女店員仲好有禮貌問我地要幾多對筷子同起勢俾左好多豉油同wasabi我地~須知平時外賣壽司店方俾豉油俾得好孤寒，次次都唔夠點，呢次夠哂有餘~讚!壽司坐完巴士都keep到冇散~番到屋企開出黎，4大盒攤出黎個樣件件都好新鮮好吸引!食果陣終於知點解D壽司冇咁易散，因為每件既飯都黏得好實，而且頗大件，食多幾件已經好有飽足感!特別推介下火灸帆立貝同原條海鰻壽司，前者火灸灸燒味香氣突出，帆立貝夠鮮甜夠厚，後者原條海鰻出動份量好足，平時好怕鰻魚類，覺得有陣腥味，但呢個原條海鰻冇腥味之餘仲食到好香灸燒味~推介~~我地5個人食左40幾件壽司，超級

平時都很喜歡吃壽司，之前在紅磡都會點小小的日式壽司鋪，今次來到九龍城選擇了這家壽司鋪～菜單的選擇十分多，如下：店鋪面積細細，但都有堂食位置和壽司盒裝外賣櫃。這次外賣點了油甘魚、帆立貝、甜蝦、赤蝦、虎蝦、三文魚腩、三文魚醬油、左口魚、吞拿魚卷、厚切鰻魚、三文魚籽和海膽壽司！超豐富，回到家吃滿心歡喜～每一件刺身真是吃得出很新鮮，價錢是比連鎖壽司店貴一些，但絕對是物有所值，每件都是人手包，壽司飯是暖暖的，帶醋味，不是冷冰冰的！最喜歡是加拿大海膽壽司，很鮮呀！而且海膽大大塊，很滿足～所有壽司都吃得出用心製作，所以間中試下小店的高質壽司都不錯！

常常去九龍城只會想吃火鍋、泰國菜或甜品等等，往往經過衙前圍道都見到「渡邊屋」都好吸引，想停步試試手卷及其他壽司。今次剛好時間尚早又去九龍城跟朋友去買水果，當經過「渡邊屋」就忍不住去幫襯。打開餐牌選擇十分多，有壽司、火炙壽司、卷物、軍艦、手卷、小食及刺身丼，款式多到眼花撩亂。終於我同朋友選擇了壽司拼盤，有三文魚、甜蝦、赤貝、腐皮、熟蝦等等，價錢合理，份量十足，性價比都很高。此外朋友大愛鏝魚細卷，一口一啖，肥美鮮甜。我就比較喜歡加拿大海膽手卷，是季節限定的，海膽超多，而且相當甜美，很好吃。

經常經過九龍城，又常常經過它，就決定與友人一嚐這家壽司，環境雖然不算十分寛敞，店內有四個座位，兩個人吃算是剛剛好，店內的壽司也算種類齊全。首先叫了半磅三文魚刺身，每件三文魚也算是份量十足，入口時也感受到三文魚的鮮味在口腔爆發，原來半磅的三文魚也頗飽肚，接著，又叫了火炙芝味三文魚、花之戀、甜蝦刺身以及左口魚邊，喜愛吃三文魚的我當然不斷都是叫三文魚，想不到轉角這家壽司店口味也不錯，份量也很足夠，原以為要再點也不用了。

前幾年開始迷上左九龍城一間食日式燒肉既日本餐廳，多左去九龍城。某日發現一個轉角位開左間外賣壽司店，係一個日本人師傳主理，同埋有一個本地阿姨員工。之後日本人師傅係隔離街開左拉麵店，請左員工負責整壽司。果陣既裝修格局比較隱蔽，而且一直以為會好貴，所以一路都無試過。直到之後轉左裝修，認真睇下個meun發現其實好抵wor!!! 咁咪試下囉！點知呢一試就返唔到轉頭⋯食唔返連鎖集團d大陸珍珠米⋯我諗呢間壽司店既壽司成本有一大半都去左舊飯度，佢地係用日本米！而且煮得好好！一般火炙壽司黎講我最鍾意左口魚邊，但呢度既火炙三文魚醬油漬真係無得頂。燒完既三文魚油脂香味加醬油漬既咸香，完全帶出左日本米既甘甜🤤不得了！三文魚，吞拿魚，蝦呀果d正路，生既最推薦海膽，好鮮甜。琴日好想食壽司，好熱又唔想行過九龍城，係app叫外賣，一樣咁好食🤤。始終成30度，叫外賣食熟d安心d😆呢個價錢呢個水準，我覺得交足功課架啦！最平$6一件，你唔會拎中環銅鑼灣尖沙咀既omakase去比呱？

今日行過九龍城, 喺呢邊返學嗰陣, 就好想試下呢間日本餐廳, 但基於佢得吧檯位, 唔好坐所以就一直冇試,但今日同屋企人想買嘢返屋企食, 所以就嚟試一試啦😍入到去雖然細,但係好有日本風味, 佢哋亦比較多外賣嘅客,店員亦十分熱情,亦向我們介紹食物,而介紹得十分適合我們,而 我哋叫咗個三文魚腩丼, 三文魚腩鋪滿成個飯,而三文魚腩入口即溶, 蟹子亦都增加咗飯個口感, 食完十分之滿足. 之後仲嗌咗一盒壽司, 六舊炙燒三文魚腩 壽司, 再加一個隻燒嘅帶子壽司, 三文魚腩同大仔都係入口即溶, 加埋炙燒個燒味, 簡直想人一試再試, 食材新鮮不在話下, 一定會再次光顧😊

今日係九龍城等母親大人嘅時候好肚餓😩，你係唔會知道佢會行幾耐架，😗所以要買點食物，一路食住等。☺️九龍城其實除左泰國野之外，😍呢到都有好多好野食，例如出名嘅蛋撻、串燒、糖水等等⋯⋯😋但我要飽肚感，好想食米飯，咁岩見到有間好似外賣壽司嘅店，🍣所以就入去睇睇。原來佢係食日本菜架，唔係只得外賣壽司咁簡單，仲有即叫即製嘅壽司同丼等。😍⛩入面位置就唔算多，見佢都好多客係打左電話黎，外賣自取。👍🏼佢有午餐set相當抵食！由於我想食其他嘅關係，我就自己散叫左。😋⭐️海膽盛丼❤️大滿足‼️啲魚生好新鮮，我留意到佢係Japan food supporter ,相信佢嘅食材都係日本貨🇯🇵，估唔到咁細嘅一間店，質素可以咁高‼️⭐️三文魚牛油果卷我最喜歡嘅三文魚同牛油果🥑夾埋一齊，好清新嘅感覺，仲好好味添！👍🏼下次一定再黎食，佢仲有下午茶呢d Set, 十分有趣。😂

3個朋友開party，今次就由我買壽司，因為我知道九龍城有一間壽司係好抵食，又新鮮😆揀咗好多款壽司，花之戀係必叫的！$15一件，壽司包住咗3塊好厚既三文魚，超級足料抵食！北寄貝沙律味道都唔錯～另外鰻魚壽司同火炙玉子壽司都唔錯。火炙玉子壽司面頭仲有明太子，食落好惹味🤤叫埋牛油果卷，呢個真係又平又抵食！！牛油果係一片片完整覆蓋咗個卷，同埋入面有忌廉芝士同三文魚，口感係十分之正！性價比極高！！下次可以打電話落單黎自取添架

每次經過九龍城都見到呢間日本壽司小店，開頭以為係一間有位坐嘅餐廳，原來主打外賣😯店內只有兩至三個位左右可供堂食，見到都幾多人買外賣，今日就入去食😃餐廳基本上有散叫壽司及丼飯，因為太多選擇，所以最後揀咗個極上丼飯🍱及壽司餐🍣當飯即叫即整，極上丼飯包括有大牡丹蝦、三文魚、吞拿魚、帶子及魚子😗 最鍾意蝦夠鮮甜，帶子新鮮。壽司餐有四件三文魚壽司；兩件三文魚腩；兩件海鰻；兩件蝦及兩件蟹棒。 壽司尚算新鮮。而家好多年連鎖式嘅壽司店，所以都要支持下啲小店💪