淥鼎記

营业中

休息中

好耐都無踏足旺角，朋友對呢間嘅点心有d興趣，星期六下午2點左右,唔駛等位就有得入座，可以打邊爐亦可以食點心，除左中國茶，係有奶茶檸茶，每order一杯奶茶或檸茶就可以免一位茶芥有熊仔樣嘅冰好有趣，天氣咁熱飲最啱不過，麻婆豆腐餃，唔算太辣，川麻味道夠，值得一試，黃金鮮蝦餃都唔錯，老干媽燒賣反而無咩特別，春風得意腸粉，賣相幾好，都ok嘅，腸粉皮內就係脆皮同蝦，腸粉皮顏色好靚黑松露赤螺三文魚酥，呢個唔太好食琥珀合桃酥，呢個除左賣相做到真合桃一樣，裏面係類似朱古力曲奇同合桃，值得推薦，整體黎講價錢同一般點心店差唔多，款式選擇唔多嘅，而且偏川味，辣比較多，但味道普遍都唔錯，值得一試。

又比我哋搵到一間好高質嘅火鍋任食店，湯底可以揀雞煲或者海鮮鍋等等，仲有好值得打卡嘅熊仔嘢飲，所以特登約埋朋友一齊去試吓🤣——————🐽 川味滷水拼盤一坐低店家就送上滷水拼盤做頭盤，滷水味真係好香，五花腩，鵝掌亦都好入味🐽 安格斯極佳級精修肥牛、美國安格斯牛肩胛、安格斯封門柳呢度嘅牛肉即使叫最平嘅套餐，亦都唔會比所謂嘅行貨你，肥牛以及風門柳質素都好高，選擇亦都幾多🐽 伊比利亞黑毛豬、黑毛豬卷腩極度推薦黑毛豬片，薄薄一片入口即溶，唔會好似其他豬肉有好大陣既豬味，好正🐽 潮汕蝦丸、墨魚丸、魷魚丸丸類好新鮮，食落口感彈牙，一d都唔會有腥味，推薦蝦丸，陣陣鮮蝦味中意食蝦既朋友唔好錯過另外出面中有個自助bar可以拎野食醬汁同野飲，值得一提既係衛生環境好好，所有食物都有盒密封住，菜同野飲都獨立處理左一拎就食得飲得👍🏻

淥鼎記嘅火鍋就夠哂吸引😋而點心無論賣相同味道都好值得一試架😆除左點心🥧佢地嘅涼拌同埋小食都一樣咁高水準🥰 餐廳嘅座位亦都好寬落 坐得好舒服😌.📌古法黑蔗糖年糕(4件) $24呢到嘅年糕特別在用咗黑蔗糖🙌🏻比起平時食開既年糕無咁死甜😛甜度適中 口感軟糯😍不過食多兩件就好容易滯🤣最啱同朋友一齊開心些牙🥳.📌重慶口水雞 $68個口水雞幾嫩唔會太鞋🥰但略嫌調味淡咗少少😢出面既口水汁都係偏重口味 但呢到既辣味同酸味都唔太夠🙈食唔到辣既人 都啱食😎.📌涼拌貢菜木耳 $48嗌左涼拌做前菜夠晒醒胃🥰涼拌醬 辣得好過癮🌶不過如果唔食得辣嘅 應該會覺得好辣🥵木耳同貢菜食落都好爽脆 索哂啲汁 好食到停唔到口🤩.📌蕃茄濃湯娃娃菜 $38夏天飲下湯真係唔錯😚味道似平時嘅上湯浸菜🥬不過清甜啲 飲落似腱左好多新鮮蕃茄同埋蔬菜煲出黎🍅而且冇咩味精味😋娃娃菜亦都好淋甜 蔬菜份量都幾多 抵食🤑

之前喺淥鼎記食過火鍋，今次嚟食點心，帶點川味。熊仔奶茶好特別可愛，今次再飲返杯！$24造型滿分，每個女仔都好鍾意！佢仲有個熊仔檸茶，但係我覺得打卡冇咁靚就港女地叫左奶茶款，嘻嘻！同平時飲嘅奶茶大同小異，可能多冰既關係，我覺得比較冇咁甜，gd！要可愛又可以少甜無咁肥嘛！老乾媽燒賣 $19野味燒賣，肉多多。老乾媽加燒賣好新潮，又唔係好辣，但好提鮮，呵呵！ 黃金鮮蝦餃 $19有少少今個喺金係面，升level鮮蝦餃！每一隻都有女仔半隻食指咁長，飽飽滿滿！黑松露赤螺三文魚酥 $36呢個幾好食，好特別！佢除咗有三文魚之外，佢嘅螺肉配搭下有啲口感，咬感！平時食黑松露，好容易蓋過晒其他未，今次三文魚同佢不相伯仲，哈！老壇酸菜魚 $68佢可以加好多配料，但係本身都已經有薯粉、萵筍、芽菜依啲，如果特別鍾意食某款先再加到ok。辣到可以自己調整，魚量都好多！兩個人食綽綽有餘，好抵食！琥珀合桃酥外型又係滿分，非常之相似！真假一定認唔出。咬開之後係滿滿嘅合桃，脆口帶甜！

_____好味指數：🌟🌟🌟🌟抵食指數：🤑🤑🤑🤑呢間餐廳除咗主打嘅火鍋之外仲有私房菜🍲而且酸菜魚亦出名，依家仲提供好多款特式手工點心！非常有才華✨餐廳座位全部都係卡座，而且用餐更不設時限，甚至包括火鍋放題！想喺旺角搵個坐得舒服又可以慢慢用餐嘅地方呢度絕對係不二之選👍🏻❇️老壇酸菜魚最近餐廳仲做緊推廣午市咁大盆酸菜魚只係$68！真係好抵食🤑一上菜已經聞到好吸引嘅香味，湯底用左兩款辣椒提升層次感🌶湯底味道先酸後辣，魚片肉質滑嫩，吸收晒湯汁嘅精華，非常入味🐟入面仲有大量配料包括蓮藕、芽菜、萵筍同寬粉，非常豐富✅泡菜鮮肉餃將泡菜包入餃子當中，食落有泡菜果種酸辣嘅味道，但又唔會搶過肉嘅鮮味，好創新嘅配搭✅老乾媽燒賣燒賣配老乾媽真係好惹味，果種淡淡嘅麻辣同鹹香真係夠晒開胃✅酥皮菠蘿叉燒包酥皮叉燒包食得多啦，咁有菠蘿嘅叉燒包你又食過未呢🍍呢度嘅叉燒包加入軟熟鮮甜嘅菠蘿，豐富口感同時增添甜味，好特別✅熊仔奶茶&檸茶好可愛嘅熊仔冰🐻而且兩款飲品嘅熊仔係唔同㗎！係分別用奶茶同檸茶整成，成個造型得意又好飲🧋

淥鼎記今次係旺角試下間未食過既打邊爐點知都有唔少驚喜！今日早收工，可以早啲食，又平多幾十蚊我地530到簡左小寶套餐$228一位，可以食到730一入去覺得好新淨環境幾寬落👍🏻一坐低有份熱辣辣嘅滷水拼盤可以俾你食住小食咁嘅落單有腩肉、鵝翼、紅腸、豆腐仲幾大碟幾好食肉類同部份配料用QR code落單湯底方面可以四選一豬骨、麻辣鴨血、皮蛋芫荽、海鮮咁我就簡左海鮮鍋湯底都幾鮮有啲蜆，全部都無沙另外，出面都有大量配料、野飲、醬料自己拎啲配料全部都有蓋夠晒衛生打邊爐食得最多一定係牛肉啦小寶套餐包左安格斯極佳級精修肥牛、美國安格斯牛肩胛、安格斯封門柳三款都有試大推牛肩胛同封門柳👍🏻👍🏻👍🏻👍🏻👍🏻啖啖肉、夠肉味、唔會肥好好食又有啲厚度，有咬口得黎又唔會韌唔會頭一兩round靚啲之後就變差炸魚皮👍🏻👍🏻👍🏻👍🏻出面自己拎脆卜卜之餘仲大大塊唔會得啲碎咁鍾意食羊可以叫羊肉都幾好野飲都好多選擇仲有啲係一杯杯自家出品推薦竹蔗茅根同茉莉花茶唔會死甜有啲真材實料既味道罐裝野飲連少見啲既椰汁都有總結味道好好好多選擇又唔算貴上菜速度都好好下次旺角打邊爐可以多一個選擇

_____好味指數：🌟🌟🌟🌟抵食指數：🤑🤑🤑🤑呢間餐廳除咗主打嘅火鍋之外仲有私房菜🍲而且酸菜魚亦出名，依家仲提供好多款特式手工點心！非常有才華✨餐廳座位全部都係卡座，而且用餐更不設時限，甚至包括火鍋放題！想喺旺角搵個坐得舒服又可以慢慢用餐嘅地方呢度絕對係不二之選👍🏻❇️老壇酸菜魚最近餐廳仲做緊推廣午市咁大盆酸菜魚只係$68！真係好抵食🤑一上菜已經聞到好吸引嘅香味，湯底用左兩款辣椒提升層次感🌶湯底味道先酸後辣，魚片肉質滑嫩，吸收晒湯汁嘅精華，非常入味🐟入面仲有大量配料包括蓮藕、芽菜、萵筍同寬粉，非常豐富✅泡菜鮮肉餃將泡菜包入餃子當中，食落有泡菜果種酸辣嘅味道，但又唔會搶過肉嘅鮮味，好創新嘅配搭✅老乾媽燒賣燒賣配老乾媽真係好惹味，果種淡淡嘅麻辣同鹹香真係夠晒開胃✅酥皮菠蘿叉燒包酥皮叉燒包食得多啦，咁有菠蘿嘅叉燒包你又食過未呢🍍呢度嘅叉燒包加入軟熟鮮甜嘅菠蘿，豐富口感同時增添甜味，好特別✅熊仔奶茶&檸茶好可愛嘅熊仔冰🐻而且兩款飲品嘅熊仔係唔同㗎！係分別用奶茶同檸茶整成，成個造型得意又好飲🧋

今天去咗到創興廣場五樓既淥鼎記，去到係食火鍋放題，我地叫咗小寶套餐，7:30前離座只需228元，餐廳主要是卡座為主，靠近窗邊那些卡座更可以外望繁華的街景，無論是環境還是自取食材啲地方都乾淨企理。入座後首先選了湯底，待應首先會奉上一碟鹵味拼盆，做得幾入味，味道不錯，之後就自行出去調配醮料，醮料的選擇也很多，應該可以滿足不同人的口味需要，各款肉類是用手機下單的，上菜速度十分快而準，雖然是放題任點，但無論是安格斯牛肉和黑毛豬肉，都有頗高的質素，其它食材如丸類、蔬菜、水餃、雲吞等等都是在外面的自助吧自取。大多是一般大路貨色，不過當中有些個人覺得比較好的，如芥末貢丸，把芥末均勻地混入貢丸裡面，特別滋味。另外新鮮的雲吞和水餃也不錯，全部用料新鮮而且內裏有真正的蝦肉。自助飲品吧的選擇有好多，個人最欣賞就是該店自家製真材實料的茅根竹蔗水，打邊飲爐就一流，我們每人飲了幾杯。

餐廳：淥鼎記地區：旺角地址：旺角彌敦道593-601號創興廣場5樓日期：11/7/2022時間：17:30人數：2人 等位： 0 min價錢： ＄502今次又搵到一間高質火鍋店🤗我哋叫咗個小寶套餐 $228/1位，係安格斯牛+伊比利黑毛豬嘅任食套餐，而湯底就簡咗麻辣鴨血，上湯底時都幾驚艷🤩底盤放好晒啲辣椒、花椒、蒜蓉、鴨血、豆腐、仲有舊心型嘅牛油，店員再係你面前加湯，打卡一流🤣而且味道香濃，辣度適中👍🏻佢亦會送一碟川味滷水拼盤，雞翼滷得都幾入味，唔錯唔錯👍🏻肉類就主打食咗4款：安格斯肥牛、安格斯牛肩胛、安格斯封門柳同埋伊比利黑毛豬，食得出佢選材用心，都幾新鮮👍🏻最正嘅係伊比利黑毛豬，食落好香好爽口😋🌟🌟重點：必食佢哋嘅手工餃子🌟🌟我哋覺得最正嘅係韮菜餃、魚皮餃，手工做嘅餃子完全無得輸！由其啲韮菜食落真係勁新鮮🤟🏻 💯滿分呀❤️係飲品方面，都有好多款式，而最出色嘅係🌟竹蓆茅根🌟見到佢哋連埋啲渣pack埋一齊，非常足料☺️味道清甜，好有自己屋企煲嘅味道❤️另外，手打魚蛋、墨魚丸都好正👍🏻但因為太飽仲有好多唔同嘅火鍋配料都未試得晒🤣；同埋淥鼎記除咗做火鍋之外，仲有酸菜魚、烤魚、雞煲等好多唔同款式嘅

熱到死嘅日子真係咩都唔想食，但打邊爐真係幾時打都無問題。好鍾意同朋友嚟呢度，因為地方夠闊落，環境唔錯，食物質素高，服務態度好除咗任食靚牛肉，仲有好多配菜、嘢飲，任飲任食。仲可以加多$18要多一盤酸菜魚或者雞煲。一次過滿足晒你嘅願望。值得一提，佢哋嘅安格斯牛肩胛真心好味，唔會太肥入口嫩滑。剛好我和朋友都進行生酮飲食中，所以呢一餐絕對係物超所值，食到優質蛋白質，大量蔬菜。另外佢哋設有好多自家製嘅醬汁，我特別鍾意佢哋嘅乾蔥油。

之前一直都會去觀塘食淥鼎記依家旺角都開咗，超級方便，又可以即刻叫朋友去食啦😋我真係一年365日都咁鍾意打邊爐🥰-一坐低即刻叫牛🐂先，有三款可以揀-安格斯極佳級精修肥牛我自己最鍾意食呢款肥牛🤩-安格斯牛肩胛同安格斯封門柳就重牛味多啲，亦都比較大塊厚實-大家嚟到淥鼎記一定要嗌佢嘅海蝦🦐同沙白呀🤤啲蝦真係好新鮮，好鮮甜，食到冇停手另外啲沙白粒粒都脹卜卜，一食落去即刻有海水嘅味道湧上嚟🥳-旺角嘅淥鼎記闊落坐得好舒服，哩個價錢真係好抵！大家一定要黎試吓！-

黎淥鼎記食點心好食抵食傾偈唔會嘈住人1)黄金鮮蝦餃2件$19皮薄，蝦爽口。2)特色奶皇流沙包3件$30究竟堅定流⋯⋯係流🤣有相為證，唔太甜我鐘意。3)五年陳皮牛肉球3件$28(係唔係五年我就唔識)陳皮好香就真，牛肉嫩滑，加埋喼汁就好好食。4)香芋天鵝酥3件$36食到芋泥，我覺得味道似咸水角。5)黑松露赤螺三文魚酥3件$36食落三個層次，夠酥脆，鐘意黑松露嘅朋友就要食，佢係主角。熊出沒注意⚠️超可愛熊仔奶茶$24超快溶熊仔檸檬茶$24注意‼️叫咗檸檬茶，就要快啲影相📸️檸檬茶熊仔係紅茶凝結，所以硬度時間短。奶茶熊仔就有奶成份，凝結度就比較耐，可以慢慢影相📸️都可以。

今日同朋友食晚餐嚟到旺角嘅呢間淥鼎記火鍋度食火鍋放題 閒日夜晚時間嚟到 人唔太多所以畀咗張四人卡位超級無敵闊落 值得一讚嘅係服務態度好好 上菜同收碟都非常迅速一坐低已經有個鹵水拼盤 滷得非常入味 同單點質素有得揮呀湯底叫咗個芫茜皮蛋湯芫茜係碎上 裏裏外外都充滿芫茜味 芫茜控必點呀打邊爐點可以唔食牛呀 呢度出名安格斯牛肩胛 牛肉好足料 肉色紅潤非常新鮮而且肥瘦適中一啲都唔韌仲有主打黑毛豬 豬肉同樣地非常新鮮 肥瘦適中一啲豬騷味都冇最驚喜係脆肉鯇竟然係任點任食 質素好新鮮而且非常夠彈牙

估唔到佢個湯底有成大舊心型牛油，好IGable 😍當日去左淥鼎記，叫左個小寶套餐，套餐係任食嘅，所以一定好夠飽，不過我地見加$28 可以多個主菜，就加左個酸菜魚試吓 🤣 酸菜魚勁大盤，魚片嘅份量都好多，仲要味道都唔錯，真係好抵！ 雖然我個人就鍾意辣啲酸d啲，但朋友唔想食咁辣冇計啦～原來一開始餐廳會比一份滷水拼盤我地食住先，有滷水豆腐，腩肉，紅腸等，味道不過不失，但細食啲嘅人，食完拼盤再食小菜，已經被K.O.左個胃 終於到咗主菜邊爐！湯底揀咗小辣嘅麻辣鴨血鍋，嘩左一聲，中間有個心形牛油，真係好靚！味道一開始係冇乜辣味，要煲耐D先出味，到後期個味道更加好味～火鍋配料方面，我哋主打都係各款嘅牛肉羊肉同埋豚肉，牛肉種類都有兩三款，味道或者係口感都唔錯，但係豚肉就令我更有驚喜，所以我都，兩次豚肉片！除咗肉類，出面仲有啲丸啊雲吞同埋蔬菜飲品可以拎，總括都唔錯！題外話，因為見到有個熊仔奶茶好得意我叫咗杯嚟飲，雖然要加$28 ，但係佢靚得黎都幾好飲，都值嘅～

有好一段時間冇食火鍋放題喇今日戰鬥力麻麻揀咗小寶套餐120分鐘有40幾款火鍋配料任食最basic咩都冇加已經好夠食每枱會送一碟滷水拼盤湯底揀咗海皇海鮮鍋屬於清清地嘅湯底有唔少花甲(定係蜆?😆)為湯底增加鮮味肉類用電話落單其他如飲品、醬料、丸、菜等等要出去拎出面嘢食幾多選擇諗到打邊爐要有嘅嘢食都有咁滯每樣食材都用膠盒入住，幾乾淨企理每樣都攞啲試吓，最最推介以下呢啲-🔘安格斯精修肥牛(肥瘦適中有牛味)🔘皇帝菜 (純粹個人喜好😆)🔘手打蝦丸/墨魚丸 (彈牙好食)🔘自家製竹蔗茅根 (比較唔甜幾好)🔘芥末貢丸 (幾特別）🔘魷魚 (爽彈）食到好飽嘅一餐~