淥烚年代

营业中

休息中

餐廳最近做緊優惠，星期日至四晚市訂座有88折！宵夜時段（10點後）仲有7折！餐廳門面位置大約坐到十枱客、環境都唔錯，一大班人既仲可以坐包廂，私隱度更高❤️沙嗲湯鍋 $118沙嗲湯味道剛剛好，唔會太濃，仲帶有少少花生香🥜安格斯（小份）$198啲雪花紋好靚，肉質好，食落又香👍🏻另外仲散叫左少少菜同海鮮🦞呢啲細份既會用呢個好有儀式感既擺盤❣️全部食材都有細心處理，例如水魷會𠝹定晒啲紋方便煮熟秀珍菇、萵筍、雲南黑木耳、蜂巢豆腐大花甲、水魷、日本黑豚肉

今次去呢間火鍋店，地點比較隱蔽，但其實📍位置好方便～鄰近海港城！食材十分新鮮，用料上乘😋好值得一試✨✨共有九種醬料配料選擇～🥘藥膳醉雞鍋🐥醉雞會分開上，可以自己控制烹調時間，所以唔會有過老嘅情況👍🏼另外藥膳湯底係打邊爐之前飲會比較滋補養生，打完之後吸收咗食材嘅精華再飲鮮味十足！🐮安格斯-小份油脂分佈平均，牛味濃郁，份量十足！🍡三拼鮮打丸包括🐮鮮牛丸、🐷豬肉丸同🦐鮮蝦丸 。鮮牛丸用鮮牛肉制成，坊間比較少見～豬肉丸口感爽彈；🦐鮮蝦丸則較鮮甜！萵筍片萵筍係打邊爐必點嘅蔬菜之一😚我自己鐘意煮耐啲～質感軟淋😍大花甲肉質飽滿，鮮味十足✨🐷日本黑豚肉肉質呈粉紅色，脂肪紋理分明，肉質鬆軟！鮮冬菇口感嫩滑，十分新鮮✨🦑水魷每一件size 都好大😳另外處理工夫做得好好👍🏼口感爽彈！🐟脆鯇魚片肉質結實爽脆！唯一食用時要小心🦴碎骨~🥬唐生菜十分翠綠，入口清甜爽脆！推介指數： ⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️⚡️再訪：Yes

今日同中學同學聚會，揀黎呢度打邊爐，貪佢地理位置放便，坐得又舒服，上網見幾多好評👍🏻首先湯底揀咗羊肚菌海參燉雞湯，呢個湯底好滋補，有濃郁嘅雞味同埋羊肚菌嘅香氣，令湯底好鮮甜，飲落非常養生，有種家的感覺咁温暖。🍲配料方面真係好豐富，有啲我最愛嘅安格斯牛肉，肉質鮮嫩多汁，烚一烚之後一啲都唔鞋，仲入口即溶。🥩朋友加左萵荀片同新鮮鵝腸，荀片口感好爽脆，鵝腸去得好乾淨，我平時唔太好內藏都接受到。🙈 另外，仲加左雲南黑木耳，非常爽口，再點左海蝦，肉質結實又彈牙，好新鮮又大隻。菜心苗都爽口唔會苦，白鱔片都好新鮮，飲落好好味。❤️最後仲加左蜂巢豆腐同豬皮，豆腐好嫩滑，吸收咗湯底嘅味道好惹味，豬皮亦都好滑嫩。👍🏻

今日落雨濕濕凍凍地想打邊爐☺️ 咁去開尖沙咀朋友話呢間 淥烚年代 最近多人講想試下 咁我哋就上去望下啦～ 好好彩我哋早食即刻就有位入得😬 睇一睇餐牌 都有好多選擇 都揀咗一陣先揀到食咩🤣 揀好食咩之後 先來一個調味料嘅九宮格 羊肚菌海參燉雞湯 $198今次揀咗呢個滋補湯底🤤 凍凍地想暖下身 呢個湯底一上枱已經聞到勁香 再睇吓入邊有啲咩材料 有好多條海參🤩 仲有啲雞肉同埋紅棗杞子好足料好滋潤👍🏻 二話不說飲咗兩碗湯 同埋食咗幾條海參先啦😬 手切安格斯 $198好靚呀呢個安格斯牛 睇到啲紋就知油脂分布平均 食落牛味都幾濃郁 唔錯呀👍🏻 雙拼餃 $128我哋揀咗養顏桃膠餃同埋蟹皇餃 喺出面好少會見到桃膠餃 一咬開滿滿桃膠 健康又好味呀😋蟹皇餃好似食緊小籠包咁 大大舊肉同埋仲有啲肉汁起入面👍🏻 我哋仲叫咗唐生菜、萵筍、水魷、脆鯇魚片、同埋響鈴 全部都係好新鮮嘅食材 同個湯底好夾 感覺打邊爐都可以食得好健康😌 食食下反轉個餐牌 見到原來佢仲有私房菜 食完嘅時候 店主同我哋講 依家openrice book位星期一至星期四 晚上五點半至九點有八八折 叫我哋下次book咗枱先嚟就會抵啲🤣 整體

大部份香港人都中意打邊爐，我自己每過一排就會起癮😬，所以今日黎到呢間都好就腳近尖沙咀地鐵站既淥烚年代止下癮，餐廳唔止做打邊爐，仲有私房菜，菜式都好豐富。九款配料供選擇😬，湯底選擇都好多！今日就點左麻辣台式鴨血同埋芫茜皮蛋鴛鴦鍋！蜂巢豆腐同鴨血吸收左麻辣既精華，但係辣度同咸度既調配不錯，食得小辣既人都可以接受到！芫茜皮蛋湯底清清地但加左小小瘦肉帶左肉既香甜味，兩邊湯底係配搭得好balance！手切安格斯牛肉（細）睇相就知細既份量都唔小，油花均勻，而且佢有幾濃郁既牛肉味，性價比幾高！脆鯇魚片非常薄切之餘係好小魚骨👍🏻海蝦好大隻好多肉，而且彈牙，牛柏葉都爽口，推薦落麻辣果邊湯底，吸收左麻辣既精華更好味😋

今晚黎到尖沙咀搵食，朋友係呢頭返工，就推薦左*淥烚年代*，原來呢度係朋友同佢同事經常lunch time黎開餐😆，蒸飯加埋燉湯都係$78，而家好多人屋企都係*無飯家庭*😆，黎呢度食飯就可以飲番個燉湯滋潤下😆。做私房菜餐館一般地方都唔會好大，不過勝在枱與枱間距都幾闊落，坐得好舒服，而且仲有兩間廂房，一班人黎聚會都好有私隱度。先點一個滋補湯底，川貝百合燉螺片湯，川貝有清熱潤肺，化痰止咳；螺片有滋陰補腎功效，呢個湯底最岩我平日經常捱夜會好噪熱飲用，個湯入口好清潤，慢慢會有川貝嘅回甘；螺片嘅份量都唔小，的確好足料👍🏻。每人飲左兩碗靚湯，急不及待order左幾款火鍋食材：🥢安格斯牛肉（小份）都幾大碟，牛肉肥瘦分怖均勻，有咬口之餘，越𡁻越有牛味，尤其有油花部分，𡁻落更加甘香。🥟蟹皇餃 ，好結實足料，啖啖蟹膠，口感充實；🥟養顏桃膠餃，聽個名都好養顏，岩晒我😋，咬開真係有好多桃膠係入邊，真材實料👍🏻。🥢活海蝦，鮮甜爽彈；🥢新鮮鵝腸，真係放落湯淥幾下就得架啦，非常爽口；🥢鮮粉腸，真心一讚洗得好乾淨，原全唔會有up 味，入口軟滑，内部的粉狀飽滿，味道甘香。🥢水魷/牛栢葉，呢兩款都屬厚切，原全滿足口感，水魷

今晚同朋友飯聚， 揀左尖沙咀海防道寶豐大廈2樓嘅渌烚年代打邊爐。餐廳環境光猛新淨， 座位唔算太多， 有私房菜Feel。湯底: 沙爹麻辣鴨血湯安格斯牛肉黑木耳新鮮豬潤豬肚金菇脆鯇魚骨水魷菜心苗湯底味道濃郁， 沙爹湯好香濃， 麻辣麻味強過辣味， 食到條利麻哂， 好有Feel.安格斯牛肉 - 牛肉味濃， 肥瘦適中， 入口鮮嫩。黑木耳-好爽脆， 入口索索聲， 正。新鮮豬潤-朋友鍾意食內臟， 有新鮮豬潤就必點， 輕輕滾一滾轉色就可以入口， 味道甘甜。豬肚-超級爽滑彈牙， 份量十足。脆鯇魚骨-香甜爽脆， 魚肉身帶有豐富魚油， 好食。 菜心苗 - 新鮮鮮甜， 平時唔多食菜嘅我， 都食得好滿足。

淥烚年代火鍋店位於九龍公園對面，離地鐵站只係2分鐘左右，非常方便。餐廳裝修以墨綠色為主調，環境乾淨，地方寬敞舒適。肉類、蔬菜🥬等食材都非常新鮮，原來網上訂仲有七折！🍅 蕃茄雜菜湯底 $118有好多蕃茄、粟米、娃娃菜，味道鮮甜。🐮 安格斯牛肉 $198牛肉味濃郁，油脂分布平均。😋🦑 魷魚 $68非常新鮮，口感彈牙爽滑，一啲都唔韌。👍🏻🐚 大花甲 $118肉質鮮甜，冇沙。味道：4.2/5賣相：4.1/5環境：4.1/5性價比：3.8/5💵 $956 for 2🏠 淥烚年代📍 尖沙咀海防道32-34號寶豐大廈2樓☎️ 26711296

尖沙咀有好多火鍋店，要料靚湯底正先可以突圍而出，可以有客人捧場呢間火鍋店就主打私房菜+燉湯，午市會有燉湯套餐，晚市就做私房菜加火鍋湯底我哋當然揀佢招牌燉湯，嗰日做嘅係雞腳羊肚菌海蔘雞湯，超足料的湯，店員建議先飲碗湯後再開始打邊爐其他火鍋配料方面都幾高質，特別係鵝腸，粉腸，雖然好鍾意食內臟，但成日出街食怕處理得唔乾淨，但呢間火鍋店嘅內臟處理得好好，完全好乾淨，無臭味，鵝腸好爽口，而且入面啲肥膏好香手切牛肉雪花平均，肥美可口

今晚透過OpenRice訂座享88折優惠 (5.30pm-9pm入座)，另外，如果9.30pm入座更享7折。餐牌價錢合理，無mark-up，所以計埋折扣係有著數嘅。除左火鍋，餐廳更提供中式私房菜，價錢按人頭計。羊肚菌海蔘燉雞湯 ($208): 用料矜貴，湯底鮮味清甜，在享用其他食物前，我地每人都飲左兩三碗湯先再添加上湯開始起筷。安格斯牛肉 ($198/小份): 脂肪分佈均勻，油香豐富，肉質滑嫩，肉味濃郁，輕灼數秒即可享用。牛柏葉 ($68): 口感爽脆，加埋自己調製嘅芫荽蒜香辣醬，都幾惹味。鮮粉腸 ($58): 質感富有彈性，帶嚼勁，內裡粉粉的，鮮味而不帶苦澀。鮮鵝腸 ($98): 鵝腸不帶脂肪，質感爽嫩，輕灼數秒鐘即可享用。水魷魚 ($68): 水魷相當新鮮，質感爽嫩，味道鮮甜。惠比壽生啤 ($75): 我都係第一次飲呢款日本生啤，味道清爽，苦澀味低。

-【淥烚年代 。尖沙咀】————————————————位於尖沙咀海防道既淥烚年代火鍋店，朋友介紹，話食物高質，決定同男朋友黎試試，擺盤精美，環境舒適，有個拱橋比我地放食材，真係打卡一流。🤣上火鍋前餐廳職員會比九宮調味盤比客人調整醬汁先✨✨芫荽皮蛋湯：
皮蛋的濃郁和芫荽的香氣完美地融合在一起，令湯更有層次感，好清新的味道，非常適合同沙嗲湯梅花間竹咁食。🤪✨沙嗲湯：沙嗲湯的味道好濃郁，唔算辣、飲落甜甜地係幾上癮既湯底，湯既質地濃稠，口感豐富，有比較之下沙嗲湯更為出色。🤓✨安格斯牛肉：
安格斯牛肉切成片，入口即化，肉質鮮嫩，口感豐富，有微微脂肪，令整體更鮮美。係熱辣辣既湯底涮兩涮，牛肉既鮮美味道更加完美地釋放出黎，好入味！而且算厚身，份量都多。😝✨唐生菜／萵筍：
萵筍口感爽脆，非常開胃。唐生菜超新鮮，唔係普通料，葉好靚零黑點，真心好食！😭✨鵝腸：
鵝腸的質地彈牙，咬落口感脆爽，味道鮮美，配合沙嗲湯底好濃郁好開胃。😋✨鯇魚骨腩：
魚肉鮮美，骨頭酥脆，肉質彈牙，大大塊，除左安格斯牛肉外必點item之一。🥰✨金菇／木耳：
金菇同木耳都有種鮮味，入口之後會有啲口感彈牙，同埋味道濃郁，好好味。☺️✨豬

今晚同朋友做完facial，就同朋友去呢到打邊爐，唔係之前行過見到，應該唔知呢到有得打邊爐一上到去好鍾意佢成個色tone同格調，好唔似一般邊爐叫左一個川貝百合鏍片燉湯做湯底，先飲湯邊爐不嬲都係熱氣嘅，但食之前飲個靚湯即刻無哂啲罪惡感，而且佢係好足料，係雞油香，唔會勁咸，雞腳滑，超lum鏍肉滾到最後再食，仲好味！揀調味料都唔使行出去自己整，重點係所有野都好乾淨整齊，成件事超pleasant擺盤絕對會增添人食慾！土魷好爽，唔會咬唔斷、係彈牙個種粉腸同生腸都好正，中意食內臟嘅人真係唔可以miss! 有咬口有鮮味仲有豬潤同萵筍片，全部都好新鮮，不過都係要滾多啲入哂味再食先正同埋想講Openrice 訂枱超抵，5:30-9pm 88折，朋友今日就係用呢個offer book枱，如果捱到肚餓，9:30pm 7折 ，抵到爆

點解叫做養生邊爐？除左食菜同湯底都可以好養生之外仲可以包廂打麻雀約埋朋友仔一齊打返鋪養生麻雀今次雖然冇打麻雀但係都誠意推介俾大家——————————兩個人叫唔到太多嘢就少少地嗌幾個餸打邊爐一嚟就有九宮格嘅配料選擇必落大量辣椒同埋炸蒜！湯底就叫咗個沙嗲湯由於太耐冇食沙嗲 就試一試味道唔會特別鹹偏向龍尾嘅選擇話明養生火鍋推介呢一個桃膠素餃入面有桃膠紅蘿蔔木耳等等口感幾唔錯安格斯肥牛一望油花就知道係靚料牛肉香 入口亦好軟滑仲叫咗一個彩虹橋一次過七個餸打卡一流鱔非常好食 夠香滑而且切得一啲都唔薄啖啖肉好正木耳又係另一健康選擇當然唔少得叫返碟菜食至於豬肚份量都唔少同沙嗲味湯底非常之夾仲叫咗水魷魚金菇同埋淮山兩個人食咁多嘢非常之滿足埋單都係千零蚊到聽講仲有七折優惠絕對推介大家來試一試

今日同媽咪黎尖沙咀呢頭食野，見到淥洽年代呢個名好得意，就去試下。因為同媽咪食嘢，所以都想揀番d養生健康嘅野。見到湯底好多選擇，就揀左鹿茸菌燉花膠雞湯湯底。呢個湯底真係好好味！聽店員講係完全冇添加味精。所以可以放心飲埋個湯底。我地開始打邊爐之前我地就忍唔住飲左兩碗湯。個雞湯好鮮甜，加埋d鹿茸菌，非常有益。完全估唔到呢個養生湯係可以用黎打邊爐咁奢侈架😍食物方面，我地揀左新鮮鵝腸、牛柏葉、脆鯇魚片、安格斯牛肉、滑豆腐、豬皮同埋三拼丸。鵝腸、牛柏葉、豬皮，非常爽口，吸左d雞湯，好好味呀！安格斯牛肉，好嫩滑，牛味濃郁。脆鯇魚片，魚片鮮甜得黎好爽口。三拼丸揀左黑松露豬肉丸、清酒鲜蝦丸同埋金沙牛丸。黑松露豬肉丸好香好好味。清酒鲜蝦丸爽口彈牙，清酒味好香，一咬就爆汁。

同事一直推薦一間樓上火鍋店，淥烚年代🍲，話食物用料新鮮，性價比高，佢講到咁正，無理由唔去試下😋。餐廳係一個幾隱蔽嘅大厦2️⃣樓，裝修一啲都唔似「六十年代」，充滿現代風格🤗，以墨綠色🟢為主，簡潔得嚟又充滿空間感，令人覺得好舒服🥰。坐底無耐店員就奉上一個9️⃣宮格，入面全是火鍋醬料，基本要嘅都有，但估唔到連薑蓉🫚都有，正😍。雙拼鍋 $168芫茜皮蛋湯 - 芫茜味重，皮蛋係糖心嘅😍。沙爹濃湯鍋 - 沙爹味好香好濃🥰。安格斯肥牛(小份) $198🐂油花分佈均勻，加上誘人嘅鮮紅色，一睇就知對板🥰。肉質軟腍又充滿牛肉味和牛油香味，好食😋。日本黑豚肉 $68🐖肉質鬆軟，入口軟腍帶彈性🥰，含豐富肉汁，肉味香甜不膩，也不帶半點肉臊味😋。新鮮鵝腸 $98鵝腸🦢新鮮冇雪味，質感爽脆彈牙😋。鮮粉腸 $58粉腸新鮮冇任何異味👍，口感有點嚼勁又富有彈性🥰。牛柏葉 $68口感爽脆，冇異味🥰。放入湯鍋掛上湯汁尤其好食😋。水魷 $68🦑新鮮味甜，肉質軟腍又帶彈性🤗。萵筍片 $58鮮嫩水分多，口感爽脆，清熱又解毒😍。唐生菜 $58🥬新鮮、清甜、爽脆。蘿蔔片 $58新鮮水分多，味甘甜，吸收了湯汁的蘿蔔片，更加好