海鮮島海鮮酒家

营业中

休息中

8/1/2006 dinner同屋企人黎食, 椒鹽鮮魷同瀨尿蝦都好正!不過龍蝦就有d失望......

早前同一班食友行釣魚翁，終點是在布袋澳，當然順理成章的在這裡食埋。事前都估左行到這裡應該都沒體力及心機去逐樣揀，又未到最後一刻不知「甩底率」為何，穩陣起見，叫了兩個廉價﹝HKD1,380﹞的套餐，不夠就再加。三十七人報名，得番廿五人起筷，跟這裡偏遠的位置可能都有點關係，所以除套餐以外，都只能另加碟沙薑雞腳及墨魚兩吃就算。呢度係碼頭對出的位置，風涼水冷，不知幾正，不過就可能只得呢幾個月正，遲點來就要吃西北風了。行完山，興興的，一杯冰凍青島啤酒下肚，感覺非常暢快。食友未到齊，就叫碟油鹽水雞腳。雞腳幾大隻好肉，加油鹽水去浸，夠味又不錯；後加的墨魚兩吃，比套餐的任何食物更快有得食。先吃酥炸墨魚頭鬚，炸得不算很透，也不是脆卜卜的，但墨魚鬚很是爽脆，味道又鮮甜，一吃便知是新鮮的，用來下酒，很有水準。唯份量不多，又要頭幾味上的香口下酒菜，所以一轉眼已經一掃而光；墨魚刺身墊在一舊大圓冰上，薄薄的，吃落都算鮮甜，但不算很新鮮，很明顯是凍得過份，應該是雪過的，似乎不是即撈即上檯，要十蚊一兩，微微物非所值。雖然如此，但也好快得番舊冰；吃罷墨魚，套餐菜色也來了。套餐的灼蝦當然是基圍蝦，肉質較實，可幸吃幾隻都是

昨日約了OR的食家去行山，或者因為太熱，大家也行得好累，但還是很期待晚上的海鮮餐，因為<發記>最近太出名了，所以我們選擇了這間。除了$1380套餐外，我們另外叫了一個生猛墨魚2食(刺身/椒鹽)。生猛墨魚2食(椒鹽) - 炸得好脆，又有鮮味，令我更加期望之後的菜式；可能大家也比較餓，很快便食完了(刺身) - 很新鮮，也很有咬口，但做刺身就唔多夠味，我還是比較喜歡清蒸多一點。套餐的菜式椒鹽墨魚- 雖然也炸得好脆，但很明顯肉質比之前的差，相信因為係套餐，所以給的部位也有分別，開始有點失望了。白灼蝦- 蝦幾新鮮，味道也不錯。雞- 肉質比較韌，麻麻，只食了少許。芝士龍蝦加伊麵- 芝士汁太多又太濃，完全搶了龍蝦的鮮味，相信清蒸會好得多；龍蝦幾彈牙，相信都好新鮮，真係有點可惜。蒸魚- 是今晚比較像樣一點的海鮮，魚肉都很新鮮，但就蒸得過了少少火。蟹- 一向唔多喜歡，所以無食。湯- 味道就幾好，但相信味精都唔少，因有點"假"的感覺。炒飯- 炒得過濕，味道也很一般，主要係飽肚的一味吧了。之後見大家都唔多飽，就叫多個豉油皇炒麵，炒得也是麻麻。因唔知道菜式名，只寫出是什麼菜就算了。總結今次都幾

次次都係去發記,今次星期日同班同事黎黎o左呢間,好啦,試下先~試o左以下幾款:1. 椒鹽大大隻瀨尿蝦($13/兩)激讚!個瞉夠香之餘,d肉又勁甜,可能因為d瀨尿蝦夠大隻啦~2. 豉油皇大大隻竹蝦($16/兩)好~不過好似唔夠膏囉3. 胡椒蜆湯好辣,同埋d蜆肉好硬,唔好食,我硬係覺得佢d蜆應該唔會好新鮮囉,唔係駛鬼整咁熟....4. 豉椒蟶子ok啦,咪又係一碟蟶子囉5. 白灼花螺($80-90)好普通,或者我唔應該對白灼花螺有乜期望o既....可能辣酒會好do卦....不過我自己就食過一d甜do既花螺囉...6. 生猛墨魚2食(刺身&椒鹽) ($10/兩+$60刺身刀工)椒鹽真係好香呢,好好味,刺身都幾特別,唔錯,不過媽咪之後同我講其實可以試下白灼喎7. 蒜蓉粉絲蒸扇貝($15/隻)都幾香o家,不過個貝就好硬同冇乜味....唔知點解呢...8. 菜+炒飯總括黎講,我覺得兩間水準都差唔多啦~建議:如果係食晚飯都係楂車好d,因為小巴真係好疏落呢,9:20分係尾二班車,之後就要等到十點先有車啦...

每人一隻豉椒炒蟶子－好爽,好大隻；每人一隻蒜蓉粉絲蒸扇貝－無上次咁好食喇；一隻十三元一兩既芝士焗龍蝦－超甜好味；每人三隻清蒸鮑魚仔－果然好正；豆豉鯪魚油麥菜－好多油．阿M.在此要多謝佢朋友請佢食哩餐生日飯．

星期六同外國朋友去布袋澳食海鮮,其實2間都食過,決定今次去海鮮島食,1號風球關係,無得坐外面,一齊出去選海鮮,見到d朋友一邊睇一邊影相好happy:豉椒炒蟶子- 好大隻好爽好好味椒鹽瀨尿蝦- 好惹味油泡鮮魷- 麻麻地,比起其他蒜蓉粉絲蒸扇貝- 一個字"正"芝士焗龍蝦伊麵底- 好爽好味白灼蝦- 覺得唔係太新鮮,普通清蒸紅柚- 時間好,好滑超正漁翁蜆湯- 好正,雖然黑胡椒味勁重,不過真係好鮮味,料又多!蒜蓉西生菜- 超多油,有少少苦d外國朋友哂手指勁讚,風味好兼味道又好,雖然散叫要成300蚊一位,比食餐貴好多,不過總括都覺得抵食.

好耐之前已經想去布袋澳食海鮮,今次我地就拉帶隊入去試吓.一坐低我地就點左幾道海鮮:豉椒炒蟶子-好爽,好大隻薑蔥炒羔蟹-D蟹都幾硬正,又多羔,蔥夠野味椒鹽瀨尿蝦-炸得好香,肉質鮮甜,椒鹽鮮魷-好惹味,夠哂份量蒜蓉粉絲蒸扇貝-好鮮味,配合得好好,超正埋單每人都係HKD200,侍應招呼都幾好,下次一定要叫多D朋友一齊再去食過.好抵...

昨日同老公慶祝生日，特地坐車入布袋澳食海鮮。大約7時半到達，因為呢幾日都落大雨，唔係太多人。坐向碼頭的枱，冇雨又有D海風，唔熱.....正!但亦因為落完雨...好多蚊呀!不過唔咬人，只不過飛黎飛去，好鬼煩...點菜時間：墨魚兩食- 身做刺身(爽甜新鮮)及頭鬚椒鹽(好鬼香口野味)豉椒炒聖子(好爽好味)椒鹽瀨尿蝦(正!)薑蔥炒肉蟹(有羔，肉質爽滑又甜)蝦醬炒通菜(稍淡，但因為其他菜都濃味，所以ok)比西貢好味同平，一定會再！

We have 5 ppls and ordered 7 dishes:1. 椒鹽瀨尿虾 (Very good )2. 蒜蓉粉絲蒸貴妃蚌(Good )3. 清蒸鮑魚(Vert Good )4. 辣酒煮花螺(OK )5. 豉椒炒蟶子(Very good )6. 楊洲炒飯(OK )7. 椒絲腐乳炒通菜(Good )Good taste with cheap price! Good Good..Good..

今天早上看了其他的食評,知道布袋澳的海鮮島海鮮酒家的評價不錯,又正好有朋友邀約行山, 所以就決定行完布袋澳郊外徑後去那裡吃晚飯.六點多去的時候人並不多,我們點了六個菜:1. 椒鹽瀨尿虾 (啖啖肉,炸得很乾,很惹味)2. 蒜蓉粉絲蒸貴妃蚌(味道鮮甜, 火侯剛好)3. 漁翁蜆湯(很大一窩,材料豐富)4. 辣酒煮花螺(辣味夠, 但味道一般)5. 紫菜蝦皇炒飯(很大一碟, 味道不錯)6. 蒜蓉炒白菜仔(不萛太多油, 菜很甜)總體而言, 都很好吃, 埋單一人差不多200百, 以吃海鮮的價錢來講, 萛合理. 到我八點鐘走時, 已經有很多人了, 車龍很長, 所以準備星期六或日去吃的,早點去應該比較好

布袋澳--海鮮島海鮮酒家有車真係唔同d,周圍去都零舍方便.布袋澳其實只有兩間餐廳.一間叫發記,一間就係今次試既海鮮島海鮮酒家. 今次再訪布袋澳,係同同事farewell, 一行5人,6點半左右已到達.對上果次逼到爆,今次閒日兼落雨,冇mud人,認真難得. 叫左以下5道菜: 1.避風塘炒瀨尿蝦皇-超大隻,啖啖肉,very impressive,好食到冇野好講!! 2.紫菜炒飯-大碟到有d誇張,味道就ok. 3.清班一條-肉滑,新鮮. 4.蒜茸粉絲蒸扇貝-ok而已5.真正海蝦一斤-平時食開cheap cheap基圍蝦,隻隻一樣樣.結果碟野一上,睇落去真係以為係”切爾諾貝爾”度撈番黎.隻隻唔同size兼唔同樣.不過真海蝦都唔係浪得虛名,真係出乎意料地好食,肉質異常爽口彈牙,野生野,真係唔同d! 埋單千二,位位兩舊幾,講真剩食碟避風塘炒瀨尿蝦皇我已經覺得回左本,食過超過五間,最好食,都係呢間

為了同本人慶祝生日, 朋友仔同男朋友一同去布袋澳食海鮮!!我地一行4人, 7 點半左右已到達.我地選擇坐係碼頭既長堤上....幸好個日唔凍, 有少少風, 好舒服.我地叫左以下6 道菜:1. 游水大墨魚兩食, 墨魚身做刺身, 墨魚頭用椒鹽炸, 好正!!必食呀!!!!2. 避風塘炒瀨尿蝦皇, 超大隻瀨尿蝦皇,啖啖肉, 好味!!3. 豉椒少聖子皇, 隻聖子比把餐刀仲要長, 好鮮,好爽口, 下次來會再食!!4. 海炒飯, 好大碟, 份量夠, 本人覺得比較普通, 不妨一試.5.漁翁蜆湯, 好抵食, d 料好多,有豆腐, 粉絲,有好多蜆, 同芹菜. 個湯底係魚湯, 鮮味得來唔會腥, 正因為係個湯度落左楜椒,值得推介!!!6.清炒豆苗, 呢個都ok 啦~~不過不失~7. 自攜白酒一支, 因為唔洗開瓶既開係, 係冇收任何費用!呢度既海鮮,真係好好好正架!!!下次搵多幾個朋友會再來!!

雖然明知所有海鮮都唔會係現處海灣度捉的；如果係仲恐怖…連魚缸內的水都係外購的。而每年以中秋與重陽之間入布袋澳最舒服。晚黑稍有秋意，海風輕輕吹送，坐在碼頭長堤晚餐，如此浪漫醉人時刻，最適合史上最強組合7金鋼聚頭飲酒食煙講粗口。可能由於遠離俗世，地方可以盡情使用。漁缸有一定份量，市面一般有的食品都有供應。市面未能提供的食品如36野味等則請自行向村民查詢。當中以墨魚最出名，亦係布袋澳特色。能經歷整個暑假晚晚成團釣墨的死剩種墨魚，最後亦被一網打盡上岸游水。噴幾多墨都難逃一刀。自備打孖上白酒，送墨魚刺身，一墨兩吃，頭爪仲可以炸。而Corkage 每支$10，不過剩係幫你開，麻煩自備埋酒杯。所有海產已包油料費。例牌食品就有聖子鮑魚花甲雙蝦加條魚炒個菜。同埋香口炸蠔炸魷魚沙薑雞腳得送啤酒。交通而家有雞記接送司機由路口行到山腳，比以前好好多。

每兩三個月, 我就會來一次. 但從十月到明年一月左右,我會特別喜歡來, 因有我的至愛-- 墨魚.其他也有一定的質素.

星期六晚跟朋友來食海鮮, 8點到都差不多滿座, 侍應安排我們坐在一張對海的六人檯, 並吹著陣陣涼風, 完全唔覺熱。最後我們選了:湯蜆- 一大窩蜆加上豆腐湯, 湯裏頭放了胡椒粒及薑, 少許辣但好鮮甜, 5個人每人都可以分到3碗;豉椒炒蟶子- 選了大扇貝, 用洋蔥及豉椒一齊炒, 好夠未唔錯;白灼墨魚- 侍應幫我們選了細隻的, 爽口鮮甜, 還伴有一碟醬油和蝦醬, 略嫌蝦醬太咸;薑蔥膏蟹- 兩隻膏蟹都很多膏, 又大隻, 連蟹鉗裏頭都有膏, 連帶D蔥都好味, 所以我連蔥頭都食埋;椒鹽瀨尿蝦- 炒得好香口, 不是太辣, 夠大隻, 都是有膏的;蒜蓉蒸扇貝- 上左瀨尿蝦和膏蟹先上扇貝, 連埋d豉油同蒜蓉一齊食, 都好鮮味;另再叫左炒油麥菜和咸魚雞粒炒飯, 菜就預左多油, 炒飯個賣相幾好, 食落好有咸魚香味, $60一碟足夠12人食, 我地5個都食左半碟。之後仲食埋糖水同生果, 糖水係另一檔的伯伯負責的, 我揀左馬蹄爽, 口感一般, 反而朋友的西米露好似好d, 糖水$6一碗。咁多檯客上菜都好快, 侍應招呼都幾好, 埋單一千二百幾, 幾抵又好味, 可以再來!