海鮮島海鮮酒家

营业中

休息中

七月份飯局不少，而enjoyable的我都會寫低，因為值得回味，多謝朋友V同朋友W，呢餐真係食得好開心，因為係你地麻。地點隔SIP，雖然無冷氣，但坐低有陣陣海風(坐多陣就無左)，環境特別，好過去西貢食。各樣食物都好新鮮(去布袋澳食有保證)蒸扇貝- 粉絲較硬，扇貝好大隻，盡量張大咀將成隻放入咀，感覺好似用碗飲啤酒咁，好爽豉椒炒聖子- 聖子好好肉，氣夠避風塘炒蟹- 鋪滿蒜粒炒香了的肉蟹，有D搶左蟹的鮮味，朋友仔話蟹膏好正白桌蝦- 因為另外的菜味太滑蛋蒸蜆- 蛋好滑，不過同D蜆唔係太襯，始終都係炒的好蝦醬通菜- OK原本想食冬風螺，不過阿姐話無。。。，但臨走見到有人叫。。。(服務扣左1分)再叫馬蒂露- 食完咁濃味的食物，再食碗凍糖水，實在係一個完美的句號如果用潮州粥夾著吃就更加好味了再一次多謝V&W，我食得好開心！

以早點慶祝母親節為名,其實自己想吃海鮮!到時大約六時,即時點了沙薑鷄腳,再到海鮮檔選海鮮.龍蝦只有來自印尼的,有點失望,但一場來到,沒有理由不吃龍蝦.點了上湯煮,加伊麵要40元..再要了BB象拔蚌加粉絲蒜泥蒸.另白灼蝦8兩.先吃鷄腳,味道剛好,很入味,母親也吃到津津有味.待了大約20分鐘,龍蝦到,但煮了芝士焗的,侍應二話不話馬上取走再做,服務不錯. BB象拔蚌有點煮老了,好不容易才可吞下. 白灼蝦郤很鮮, 之後上湯龍蝦加伊麵也到了,火候剛好,但麵的味道有點淡.但幸好龍蝦鮮味十足!下次多約些人再試套餐!

又大一歲！為隆而重之，去了布袋澳食聞名已久的海鮮．當晚７點尖沙咀收工，冇車的我膽粗粗和女友搭地鐵轉小巴個幾鐘頭才入到去這個隔世地方！一到達該地方，十足一個小鯉魚門，才廿多步就見到兩間食肆，就揀了此間；當晚很凍而大風，而我偏偏揀了室外坐，一邊品嚐海鮮，一邊對著小海灣食風．叫食物吧！斤幾兩斤的龍蝦一半刺身一半芝士伊麵焗，蒜蓉粉絲蒸扇貝,豉椒炒聖子,炒油麥菜...碟龍蝦刺身好靚,好爽口,師父刀功有料到,聖子好大條,本來最少要叫半打,但老闆見我得兩個人就比我只叫兩隻...幾有彈性;那裡最出名是墨魚刺身(一隻墨魚一半刺身,一半油泡),我本來亦有叫到,但好在伙計忙記落單,因為兩個人真的食不了這麼多,亦因為叫了很多食物而且很大風,食物很快便凍了,所以下次都是坐裡面好了雖然哪裡離市區很遠,但冇車的人不用擔心,因為該店有安排專車接送來回最近巴士小巴站!

食咗豉椒炒聖子, 粉絲扇貝, 蒸咗條斤幾既燕子班, 薑蔥肉蟹, 炒唐生菜, 味道都係咁啦, 新鮮海鮮都唔會差得去邊, 調味適中冇太鹹太淡已經足夠. 但無論幾好味都唔及呢度既環境咁正, 座碼頭食心情都唔同d, 唯一麻煩就係上菜上得慢, 攪到d飯凍晒.

Boxing Day 二人到布袋澳... 花了$550... 吃個飽飽...1. 豉椒炒聖子- 可以省略。2. 芝士印尼龍蝦仔- 每人一隻，啖啖肉，爽! 驚喜!3. 蒜泥白菜- OK!4. 花彫蛋白蒸蟹- 一上桌已經香到... 蛋白混入了酒香和蟹味，無得頂! 不枉等了又等...飯菜碟頭算大，service 同環境都ok!總結>>> 很不錯! 一定會再來! 下次會試墨魚刺身...

對上一次光顧已是數年前既事, 印象中該店的海鮮較貴, 猶幸食物新鮮味美, 還是值得一去的. 而日前趁著中秋追月夜, 心想露天食海鮮著實不錯, 於是一眾友好共八人結伴前往. 食物一上檯...發覺海鮮size 縮晒水, 0係揀海鮮玻璃缸處所見的跟煮好送來的是兩碼子的事(貨不對辦哦~~！！).. 味道亦令人感到不滿意.. 到了埋單, 更是嚇了一跳...當中...四隻瀨尿蝦竟索價$390魷魚一小碟$190 總的說來, 眾友人覺得呢餐非常唔抵食~~~！！！而得出的結論係, 唔會再黎幫趁lu.

因為朋友食開介紹，所以到此一試，當日點了1. 黃油蟹@ $220（未食過黃油蟹一滴黃油都無，又未經同意就將花雕打入蟹內，攪到隻蟹D味怪怪地。）2. 炒時棻3. 粉絲扇貝4. 炒蜆5. 芝士大頭蝦（無芝士味，有D肉梅）6. 鹽焗雞（UN UN地）7. 清蒸可斑埋單每人四舊半，勁唔值，又難食。沒有仕應服務，全程未有協助換碟。又要迫人坐露天位，慶上加慶，相比隔離那間好好多，起碼價錢合理，服務好些少。

父親節當天跟外父慶祝，訂訂了八點，抵達後還要等位，海鮮島方面也完全沒有概念要等幾多張才能輪到我們，只催促先點菜，因為而餘貨無多。在海鮮檔餘貨無多下，我們在海鮮島的恩賜下獲分配了以下食物(1)鹽水雞腳一打(2)椒鹽瀨尿蝦三隻(3)蛋白花雕蒸蟹(需等候一小時)(4)炒聖子(5)清蒸班仔斤半一條(6)清炒油菜(7)大青島三支，支裝忌廉汽水兩支總數共HK$1,352侍應無論男女都粗口爛舌，十問九唔應，衛生情況劣爆，遍地濕滑，極度不適合攜同老人家光顧。

尋晚同朋友兩人膽粗粗入左西貢食seafood唔知係咪因為落雨關係...我地8點幾入到去....只得3-4台人,好多空位不過一於唔理咁多...走去揀野食最緊要!1.蒜蓉粉絲蒸象拔- 好好味,味道好match到2.白灼蝦- 新鮮,大隻,爽!3.花賙蟹蒸蛋白- 超好食!!!D蛋白有酒香同蟹肉鮮味!又蒸到滑一滑WO4.墨魚刺身:果然係墨魚刺身專門店....新鮮到呢....個賣相都好好...5.鼓椒炒蜆-好大碟,不過一般,仲有D肉唔知去哂邊...得返D殼6.沙煲雞腳-第一次食D咁多肉又咁彈牙既雞腳都唔知咩雞黎既,可以咁好食!埋單710大元!!!!食到飽飽~~仲有個VIEW同環境都好舒服!係吹水既好去處

星期六晚響度食晚飯。好o左我o地早到，如果唔系就有排等位。果日果個海膽炒飯到今日都仲回味緊，正！我o地仲叫o左什麼什麼星班，成條紅色既，有o的藍綠色點點，o的肉好滑，好好味。仲有蔥爆賴liu 蝦，都好正！個辣酒煮花螺就okay啦。不過，呢餐都幾貴，以上dishes 加埋碟菜，都成750。來呢度食飯可以帶埋相機，可以影下山水相。打哥爾夫球既朋友，呢度有二手波賣，蚊至蚊個。無駕車人士，最方便方法就系搭地鐵到寶林然後轉小巴，就直達大路口。當日，我地仲買左條鹹魚添，都好正呀！

Delicious, good service, variety of food (not only seafood), various wine (Chinese, red, white....etc) available. We had fish, shrimp, crab, scallop, chicken, vegetable, fried rice, beer, soft drinks. All are very delicious.$750 for 3 people (incl everything) and we all were completely full. Very reasonable price (especially compared with Sai Kung, Lei Yue Mum and Lamma)The only bad part is too few carparks in Po Toi O.

計劃了一段時間, 終於在三月同一班舊同事黎食飯。我地大約十個人, 於是就叫了套餐。我們大約有以下菜式: 豉椒炒蟶子王- 好爽,好好味,很大隻,我地加左二百蚊轉做蟶子王,呢個係成個套餐裡, 我最欣賞既菜色。椒鹽瀨尿蝦- 我不好瀨尿蝦, 但朋友們話好好食! 蒜蓉粉絲蒸扇貝- 普通白灼蝦- 幾新鮮胡椒蜆湯- 唔知係咪胡椒味太重,唔覺有蜆味~蒸魚- 無乜特別薑蔥炒蟹- 很惹味,蟹身幾多肉。炒飯及雞- 講真, 黎呢到食海鮮, 唔會對炒飯及雞有太大期望糖水- 意外之作, 呢個係我地另外再叫, 估唔到不論西米露或是腐竹糖水都好有水準

第一次黎已經係2年前既事...當時覺得好好味...借逢情人節...我地兩個人一齊再黎....環境....好有風味....服務....非常殷勤....衛生....我覺得海鮮檔黎講....算係ok...食物...仍然係好好味....兩口子...食左8碟....傻嫁...我地點菜既時候...係個阿姐叫停我地.......2隻豉椒炒蟶子.....超正....肉又厚....1隻薑蔥炒膏蟹....正...2隻椒鹽瀨尿蝦.....味好好...肉好多..男朋友仔好鍾意半打果皮蒸鮑魚仔....硬左d...2隻蒜蓉粉絲蒸扇貝....都係硬左d....墨魚兩食....刺身好味到癲左.........椒鹽...我食左一兩舊咋.....蒜蓉炒豆苗就差d....太油...同老....好滿足既一餐.....我想再入黎食....

講左半年有多既布袋澳之旅終於成真喇結果唔駛我請喎…好彩(話時話究竟我請左你地食飯未架?)可惜都係得五個人無去既小天使就走寶喇咁大個仔第一次唔係跟屋企人去食海鮮乜都要自己揀唔慣之餘都預左俾人當海鮮咁劏架喇…呢尐野都係要交下學費既無蒸魚費事中雪卡毒唯有朋友自己扮蘇眉影相就算啦豉椒炒蟶子五隻炒得好香好爽成舊蟶子一啖幾乎食唔晒蒸鮑魚仔半打(附送竹籤挑肉) 一般啦白灼墨魚(斤二，好似八蚊両)雖說係墨魚專門店不過食落唔覺得好特別以往食過更鮮甜既白灼吊片今次就說不上好好食喇所以成為今餐去貨最慢既一道菜椒鹽瀨尿蝦(兩斤八兩隻13蚊両)勁呀屈指一算兩隻瀨尿蝦剪開十件每件都成廿幾蚊但係絕對係必食首選啖啖肉之餘亦好新鮮爽口真係要再三回味薑葱炒蟹兩隻差唔多兩斤不過唔記得幾錢両相比之下蟹就無瀨尿蝦咁得炒出黎好似細隻過揀果陣好多咁唔多夠食海鮮蜆湯胡椒豬肚湯換成胡椒蜆湯蜆仲多過湯叫做試下啦下次會情願食炒蜆好過海膽炒飯食海鮮唔飽肚唯有叫炒飯後尾先知原來要98大洋架一尐都唔平雖然大碟到食唔晒海膽? 見到有d黃色一點點既野不過食落就唔似海膽喇炒豆苗亦新鮮唔錯起菜相當快一度懷疑過究竟係咪真係我地揀果尐黎架…不過肉隨砧板上都

叫左香口的椒鹽瀨尿蝦，鮮甜的白灼跳螺，爽口彈牙的清炒大尾魷，惹味的蒜蒸象拔蚌...分別坐在碼頭邊吃邊喝，只要二佰多元已經很滿足。