海陽。居酒屋

营业中

休息中

第一次差評餐廳，第一次係餐廳發脾氣。唔知啲好評係邊度黎既。原本為朋友慶祝生日，食到肚火滾。我地預早book左檯，三個人逼住坐一張二人檯，連三份餐具都係疊住先擺到，朋友話理解。但中間位只可以擺到一個碟咁細，所以佢一次只上一個菜。叫左個438hkd既木魚湯底既美國和牛鍋，上左一盆清水加幾條昆布。成個鍋完全無味，同waiter講左個鍋完全無味道，鹽味都無，會唔會太誇張，可唔可以比啲鹽都算數掛？奇蹟發生啦，我地要wasabi都唔記得既waiter，真係比左一碟鹽比我地。服務態度勁差，極差，速度勁慢。食物overprice。我地原本想食住再加單，最後服務咁差，唔想再係度食只想快快埋單走人轉另一間餐廳。點知叫左埋單都等左二十分鐘，無人理睬，最後我地要起身離開時送左兩粒唔知泡芙定係乜既話係甜品上黎，玩野呀？今次晚餐，成張檯最好味最高質既，就係果碟豉油。This restaurant isn't NOT CHILD-FRIENDLY, it is NOT DINER-FRIENDLY restaurant ever.

今日在 K11 Musea 想來點日式的，便屬意這間海陽居酒屋，餐廳環境格調高雅，一入門口是一個超高身的酒櫃，再往裏面走便是欣賞師傅手藝的一列吧枱，我坐進了餐廳的最深處，是一張寬敞舒適的卡座。龍蝦蟹籽沙律，蟹籽沙律裏面是一梳梳為數不少的龍蝦肉，味道清爽，用紫菜包住同吃，美妙。炸京都絹豆腐，絹豆腐外皮酥脆，上面滿是京葱絲、香蔥和木魚絲，香氣迫人。燒雞腿，燒雞腿一共有兩卷，形狀長得很像卷物，賣相相當精緻。雞肉嫩滑得不可開交，若然外皮再燒得香脆一點應該會更加好。月見雞肉捧，此店的月見雞肉棒有別於一般的混入了許多的雞軟骨，啖啖肉口感更為紮實，所選用的日本蛋令蛋味更濃，加上香葱和芝麻的贈慶，恰到好處。火炙三文魚壽司，廚師選用的三文魚靠近魚腩位置，份外肥美，被火炙過後更加將油脂盡數迫出，口感自然更加豐膄。辛口明太子稻庭冷烏冬，此道貴為餐廳招牌果然不同凡響，烏冬彈牙爽身，與明太子醬口感分明，味道 creamy，加上辛口明太子作出適度的提鮮，非常配襯。

喺K11 musea 搵食晚餐嘅地方之前都見到朋友話呢一間餐廳好食所以今晚就決定一試可能早食飯去到未見好多人排隊入邊亦都未坐滿餐廳入邊嘅坐位非常之舒服而且分得好開唔會有覺得坐得好迫夾嘅感覺餐廳枱面嘅擺設都非常之簡潔睇完餐牌好快就已經決定到食啲乜嘢第一樣嚟嘅嘢食就係一夜干馬友魚完全係出乎意料咁好食魚唔算超級大條但係炸得好好筷子一插落去聽到魚皮同魚肉清脆聲而且入邊魚肉亦都冇乾爭爭食到最後魚尾亦都食到鮮味叫咗個海膽三文魚子丼定食賣相正常不過兩款食材個比例唔一樣如果可以做到一半咁就係效果最好兩款食材都非常之新鮮飯嘅份量亦都好恰當之後就係牛油果軟殼蟹卷一份六件 賣相都係正正常常每一舊其實個份量都算好大軟殼蟹炸得剛剛好唔會咬落係軟林口感之後等得最耐嘅就係大蝦天婦羅雖然等咗好耐但係真係即叫即炸佢哋連蝦頭都會炸埋比你成舊擺落口脆卜卜啲蝦隻隻都肉厚入口彈牙而炸粉亦不算厚推得一試

👍🏻海陽.和風套餐有前菜、刺身、壽司、雜錦天婦羅、串燒、丼飯、甜品。👍🏻前菜最喜歡係個茶碗蒸，超滑(SHU一下就吞落肚)，同時有很多配料係入面：冬菇、豬肉、蝦，清清淡淡屬不錯的前菜。👍🏻刺身：金槍魚、油甘魚、甜蝦。凍冰冰得黎食得出好出鮮，魚味好香無咩腥味，油甘魚既油份食落口已經浸哂出黎，而且兩款都無魚筋位。👍🏻壽司：碎蔥吞拿魚腩、原條海鰻、海膽。全部即叫即整，紫菜仲好脆，碎蔥吞拿魚腩幾乎滿瀉，魚蓉十分綿滑，蔥花充足。原條海鰻更加係誇張之作，足足有一個木盤咁長，蒲燒汁甜甜地加上燒過既微焦，配埋厚身既鰻魚(仲要無細骨無幼骨）食落口又係滿帶油香。海膽亦都唔吝嗇，份量好多。我選擇食左海膽再食個壽司飯，入口即融呢個形容貼切不過，海膽一點腥味都無 (超難得)，亦無半點苦澀，好鮮甜！👍🏻雜錦天婦羅 炸粉非常薄脆，唔會太油，仲可以點埋天婦羅汁加蘿蔔蓉。特別條炸蝦好大條，脆口得黎都好爽口！明副其實做得天婦羅既精髓外脆內爽。👍🏻串燒：燒牛脷、月見雞肉棒兩串都仲好回味，牛脷豐腴，食起上黎又爽又脆，小小鹽灑係面更覺鹹香惹味。雞肉棒肉質帶咸，不過正正沾上溫泉蛋汁又中和返，一啖點一下認真滋味，啖啖肉！👍🏻卷物：牛

這間位於K11 Musea的居酒屋主打精緻日式料理 餐廳裝潢以紅黑色為主調 踏進餐廳 映入眼簾的是一個小酒吧 中間設有壽司吧台 最深處的包廂懸掛著一些紅色燈飾 配以特色通花設計的窗花 充滿日本風情🎏.這裡的食物頗多樣化 丼飯 壽司刺身 串燒 天婦羅 涮涮鍋等應有盡有 多道菜式中最喜愛十勝豚肉丼飯 豚肉反覆炙燒後 肉質爽嫩 與沾上油香的珍珠米同吃 齒頰留香 令人難以抗拒 灑上葱絲更是風味十足🍱.除了人氣豚肉丼飯外 這裡的串燒也很不錯 牛脷口感爽脆 鱔魚肉汁豐富 另外壽司飯與魚生比例亦剛好🍣.Kaiyo走中價路線 環境寬敞 格調典雅 是品嚐精緻日式居酒屋料理的好地方

🦞龍蝦什錦海鮮鍋配北海道花膠滋補湯我成日周圍去食好野係K11MUSEA 其中一間最愛❤️精緻又高級嘅現代居酒屋海陽🌊KAIYO除咗有壽司🍣刺身、天婦羅🍤、丼飯，甜品，仲有全新春日盛宴，海鮮日式火鍋最想試既「阿拉斯加皇帝蟹涮涮鍋套餐」（港幣$1,288/位）賣哂，我地就叫左🦞龍蝦什錦海鮮鍋，呢個set勁豐富：御付茶碗蒸龍蝦。海蝦。活蜆。帶子美國和牛如自家製餃子招牌魚蛋田園野菜稻庭烏冬同時提供養生既北海道花膠滋補湯、壽喜燒、辛辣日式泡菜湯，仲有經典涮涮鍋木魚湯。海鮮非常新鮮甜美，份量都唔少，食埋甜品好滿足😊見到佢個Menu好多嘢都好吸引，特別太刺身同天婦羅，已經約定好姊妹下星期再食

今日我哋去咗K11 muse 既Kaiyo餐廳食晚餐，呢間餐廳我哋聽過朋友介紹咗好多次，今次終於到我哋嚟食打開餐牌之後我哋發現咗有海陽之鍋Deluxe hot pot，有四款火鍋可以選擇，分別係美國和牛、日本A4和牛鍋、龍蝦雜錦海鮮同埋阿拉斯加皇帝蟹涮涮鍋，由於媽咪又想食海鮮又想食和牛，所以我哋揀咗龍蝦雜錦海鮮$698位首先會有三個前菜，包括小魚仔、蕃茄沙律同埋茶碗蒸，三款前菜都非常精美，最鍾意就係小魚仔，香脆又有咬口，而且茶碗蒸蛋香味十足，而且非常嫩滑然後精美嘅海鮮拼盤就到啦，海鮮拼盤包括大蜆帶子、海蝦同埋龍蝦，再加埋美國和牛，真係十個正字龍蝦超多膏，大蜆亦都無沙，啲海鮮非常新鮮哎呀唔記得咗同大家講湯底都有四款，我哋揀咗北海道花膠滋補湯，上面嘅湯底非常鮮甜，而且花膠嘅數量都唔少，係打邊爐之前先飲一碗花膠湯，真係好開胃美國和牛每人兩片，呢隻牛油脂分布平衡，而且重牛味，一樣唔錯呀！呢個套餐仲有自家製餃子、招牌魚蛋、田園野菜同埋稻庭烏冬，朋友好鍾意食佢哋嘅餃子🥟同魚蛋因為皮薄餡多，而且魚蛋比較彈牙最後仲有泡芙作為完美嘅終結

一直見好多人推介呢間餐廳，諗住同朋友一齊黎試下。Book左枱食晚飯，時間到咁我地就去到餐廳門口，點知企左喺道幾分鐘都無人招呼入座😅 最後終於有位經理發現左我地.. 就帶我地入座。座位係喺落單機隔離，梳化位有一半都係條柱，即係其實得半個位坐😞 估唔到一早Book左位都要坐得咁唔舒服，不過廢事麻煩就算啦。點知坐低之後，就見到側邊擺豉油既碟係倒瀉哂，然後豉油碟又得返一隻，好明顯係未執完枱就俾我地坐😨呢一刻真係忍唔住，加上見到入面房仲有空位，我地就同經理講想調位。點知侍應只係換過隻豉油碟就算，經理又話多人無得調。咁都算喇，照叫野食啦，叫左個卷物。侍應上菜既時候，放低左碟卷物之後，竟然收走啲豉油同碟...我同朋友一臉問號😓 之後經理再過黎倒返啲豉油俾我地。最後，當然係發生左最常見既事 - 漏單。漏左個蟹丼，加返單之後仲要追左兩次先上菜。食飯既過程，睇住啲侍應跑黎跑去，放廚餘同碗碟既盤又不停喺廚房跌出黎，又有人跌爛野，整體感覺食得好唔舒服。食物既味道同質素唔差，但呢個價錢配呢種服務，令人失望。

起初以為呢度只有供應壽司刺身🍣同埋其他和風料理外，但原來新加入左海洋之鍋！一共有四款可以選擇！我哋選擇左阿拉斯加帝皇蟹涮涮鍋（2位起）$1288/位湯底有4款可以揀，每位可以揀唔同嘅湯底，所以我哋揀咗一個壽喜燒湯，一個北海道花膠滋補鍋（+$68），首先當然要飲返啖湯，食返舊花膠養顏套餐包括左沙律同埋茶碗蒸，茶碗蒸既雞蛋好滑！沙律菜好新鮮，加入埋酸酸嘅醬汁，非常開胃主菜當然係阿拉斯加帝皇蟹，粗壯既蟹腳，蟹肉都好飽滿，餐廳已經細心將蟹腳剪開，方便食用，唔識莫蟹嘅人有福了！套餐仲會包括左魚蛋、水餃、蔬菜同埋烏冬！仲有泡芺做甜品❤️

自從尖沙咀開咗K11 Musea呢個咁靚咁大嘅商場，成日都會約朋友嚟呢度行吓食吓嘢。今日就揀咗Kaiyo呢間日式餐廳。香脆鱈魚乾（$48）即燒所以好鬆脆，好香炭燒味，佐酒一流！燒日本和牛鵝肝丼（$268）厚切嘅鵝肝外層煎得香脆、內裏保持鬆軟，口感好正！和牛片肉質嫩滑，有少少筋，但係油花都算均勻唔會膩。碎蔥吞拿魚腩卷（$118）吞拿魚碎得黎唔會太蓉太淋，口感實在而且份量唔孤寒！燒牛脷海蝦卷（$128）一向好鍾意食串燒，見到呢個創意配搭，貴少少都忍唔住叫黎試吓。薄薄一層嘅牛脷包裹住爽脆嘅海蝦，口感好正！如果大份啲就好啦。桃雪葩（$78）細細杯，用完個日本桃裝住好可愛！Passionfruit Ginger Sake Sangria（$118）同平時嘅西班牙水果酒有別，用sake而唔係紅酒！加埋熱情果同埋薑片，味道酸酸甜甜又帶點微辣，係清爽嘅配搭！

Booked this place as we want to go to LegolandSmooth booking on OpenRice!I got there with my 4.5 year old. Ordering: the staff couldn’t get my order right. Not sure if he’s sober but it’s merely two things that I ordered. After we order we asked for a dessert spoon and knife for my kid. They gave me a plastic fork and a silver spoon, adult size. 5 mins later I asked another staff., he got it. And later on I saw a kid next to us had a kids’ one, not sure if it’s BYOU. We ordered several dishes af

復活節假日，周圍人頭湧湧。這家餐廳也是，這晚全場爆滿。餐廳裝潢有格調，黑色和紅色為主調，設有壽司吧台，懸掛著不規則造型的紅色燈。餐牌除了可以選擇壽司、刺身外，也有日式鍋物。我們選擇了龍蝦什錦海鮮$698/位，必須兩位起點。有不少四款湯底選擇，壽喜燒、辛辣日式泡菜鍋、北海道花膠滋補湯和涮涮鍋木魚湯。⭐️北海道花膠滋補湯$68滋補湯有花膠、紅棗、枸杞、蟲草花、海帶等，十分滋補。建議滾了之後先嚐一口，入口甘醇。⭐️涮涮鍋木魚湯木魚湯較清澈，味道較清淡。⭐️御付前菜是裹了糖的核桃白飯魚，入口香脆滋味。沙律新鮮爽甜。⭐️茶碗蒸茶碗蒸有香菇和蝦等，入口熱騰騰，口感香滑。⭐️龍蝦、海蝦、活蜆、帶子海鮮的確十分新鮮，我較喜歡活蜆，尺寸中等，肉質飽滿香甜。龍蝦也十分出色，蝦肉紮實彈牙，鮮味十足。⭐️美國和牛美國和牛薄薄一片，肉味頗突出。⭐️自家製餃子菜肉餃子下鍋煮滾就可以吃了，不然會糊掉。⭐️招牌魚蛋雪白的魚蛋，入口綿綿的，很彈牙。⭐️田園野菜野菜有菇類和蔬菜，整體新鮮。⭐️稻庭烏冬最後把烏冬倒下去，真的很飽呢！⭐️精選甜品最後來一泡芙甜品，泡芙內餡是忌廉，很不錯。

和久未露面的朋友相聚，他說不想食得太Heavy，想清淡一下食日本餐，又要靜靜地，找了很久，決定來到K11 Musea的Kaiyo。第一次黎，想不到這裏裝修這麼有格調。餐廳門口就是酒吧枱，放滿各種不同種類的酒！樓底很高，牆身都掛有富日本風情的掛畫。全店走紅黑色為主的型格路線！朋友坐低想也不想，便點了阿拉斯加皇帝蟹涮涮鍋，因為她想回味日本蟹道樂的感覺！前菜先上，有芝麻醬沙律、茶碗蒸和魚仔乾核桃。頗喜歡個核桃，甜甜地好香口！茶碗蒸熱辣辣好嫩滑！主菜當然是阿拉斯加長腳蟹，份量也不少，長長的蟹腳，晶瑩的蟹肉，看得出的新鮮！湯底選了壽喜燒鍋，鍋底滾起，便迫不及待將蔬菜放入去！蔬菜盤的份量也不少，有金針菇、冬菇、娃娃菜、菜心、豆腐等，仲跟了個烏冬！這個壽喜燒鍋底，配新鮮蔬菜剛好，完全不會搶去蟹的鮮甜味道。蟹肉新鮮得食到微咸的海水味！肉質也彈牙爽口！最欣賞是已經預先開好殼，所以蟹肉一撕即出，啖啖肉！這鮮甜無疑是日本的感覺，令人不禁想起了日本的味道！跟餐還有餃子和魚蛋，魚蛋彈牙得很，餃子也足料，開頭我們以為還要點其他食物，但是吃着吃着，都吃了差不多兩個小時！跟餐的烏冬，煙韌有咬口，滑嘟嘟，撈上芝麻醬和香

今日去了尖沙咀k11 musea新開的k11 musea 好靚風格！好有藝術風格，有好多藝術品，真的讓藝術帶入生活！我們今日去了"Kalyo 海陽。居酒屋"我們點了龍蝦火鍋套餐御付=前菜茶碗蒸龍蝦，鮮蝦，活蜆，帶子美國和牛自家製餃子，招牌魚蛋田園野菜稻庭烏冬前菜～魚乾茶碗蒸好香好滑！龍蝦，鮮蝦，活蜆，帶子龍蝦好新鮮！鮮蝦好甜！蜆好肥美！帶子好爽口彈牙！美國和牛肉味香濃！肉質滑嫩！自家製餃子，招牌魚蛋魚蛋好爽口彈牙！田園野菜～好新鮮！

想喝一杯，聊聊天，吃吃佐酒小吃，在K11 Musea可以去海陽，寬敞的店面，型格的裝橫，感覺很relax。菜單款式多樣，除了寿司，串燒，天婦羅，丼飯，連火煱也有。黑豆甘露煮($58)以前去日本都會買包丹波黑豆煮返HK食，好想再吃，所以就下單了。黑豆大大顆，質地綿密帶微甜，一下了就吃完了。月見雞肉棒($58)每次去居酒屋都會點，喜歡雞肉和生雞蛋結合的口感。吉烈廣島蠔($78)用上生蠔殼放，賣相精緻，已經十分吸引。金黃色的廣島蠔，炸得酥脆不油膩，蠔不會過熟，很creamy。燒黑豚肉白蔥串($48)燒得很香，黑豚肉味濃郁。燒牛脷($68)簡單的好吃，有想加單的衝動。牛油果軟殼蟹卷($128)炸軟殼蟹脆脆，很有飽足感。季節天婦羅盛($248)很豐盛，除了基本的有蝦，還有蝦腳，蠻特別的，而蔬菜類則有苦瓜，小青椒，番薯，茄子，南瓜，整體炸衣夠薄夠脆，最喜歡炸池魚，肉質非常嫩滑。慢煮牛小排($128)半生熟牛肉配甜味醬汁，再加青檸汁，酸味味，十分醒胃。