海陽。居酒屋

Weekday 12:00嚟到門口擺咗個小心地滑牌係正門口好似根本就唔想做生意，我仲以為未開門餐廳入邊音樂超大聲超嘈可能D staff 同㕑師唔想聽到你哋講嘢嗌咗每位$498嘅午餐都唔係平呀魚生唔新鮮，朋友食完即刻肚痾壽司飯又乾又硬，難食過我工人叮嘅隔夜飯然後個壽喜燒犀利喇D美國牛肉仲有啲冰係度攞上嚟已經係啡色淥完嚟食仲鞋過佳寶美國肥牛難得放假食埋D咁嘅嘢真係好傷心仲要埋單成千蚊係我唔啱，下次放假我唔會留港消費架唔怪之得其他枱差唔多都係遊客兩枱大陸人兩枱東南亞人邊有香港人食得落架…查看更多

The sashimi pieces are fresh and well-arranged, offering a nice variety of fish that enhances the overall presentation of the dish. The miso soup provides a mild flavor, with the seaweed adding a subtle texture that complements the meal perfectly. The cucumber slices bring a refreshing crunch, balancing the richness of the other components. The soy sauce paired with wasabi offers a balanced dip, allowing the natural flavors of the sashimi to shine through. The shrimp tempura is likely light and crispy, with a delicate batter that highlights the natural sweetness of the shrimp, paired nicely with a dipping sauce that adds a savory touch. The salad introduce a subtle tangy note, adding a pleasant contrast to the seafood. Lastly, the steam egg features a soft texture, harmonizing well with the diverse elements of this sashimi box.Grilled beef appears to have a flavorful char, with a tender interior that retains its juiciness, complemented by a simple seasoning that enhances its natural taste. Both dishes would fit well alongside the sashimi box, offering a balanced mix of textures and flavors.…查看更多

今天到訪這間餐廳午飯，叫了一個海鮮丼，餐牌照片上顯示有魚生片、一小撮海膽、一小撮三文魚子、一隻蝦和一隻蟹鉗。食物上枱時，不見了隻蝦和蟹鉗，於是拿着餐牌問侍應是怎麼一回事。侍應問咗壽司師傅後，回來告訴我，這個海鮮都是應該有蝦的，但沒有蟹鉗，問我是否想要。我告訴她，不是我是否想要蝦和蟹的問題，是餐牌裏顯示這個海鮮丼應有的食物，我叫她告訴壽司師傅，這個海鮮丼應有的食物就應該放在碗內。結果回來的海鮮丼多了隻甩咗頭的蝦，卻沒有蟹肉。我是否應該投訴這餐廳不符合商品說明條例呢？…查看更多

今日係女朋友生日，當然要帶佢食好西！專登訂咗尖沙咀「海陽」居酒屋個蟹之饗宴二人套餐，原價$2368而家做緊$1194，即刻覺得賺咗！💰海陽三點漬打頭陣，醃得酸酸甜甜好開胃，我哋已經急不及待等下一道！三文魚籽蟹肉豆腐簡直係視覺享受！金黃魚籽卜卜脆，蟹肉鮮甜，豆腐滑溜溜😍海膽松葉蟹刺身一上枱我哋嘩嘩聲！海膽creamy到極，松葉蟹肉鮮甜到震，個搭配真係無得頂！皇帝蟹肉拖羅壽司超豪華！蟹肉一絲絲咁鋪滿成件壽司，仲要加埋拖羅蓉，入口即化，正到難以形容！🍣皇帝蟹肉茶碗蒸蒸蛋滑到不得了，蟹肉鮮味完全滲入蛋入面，每一啖都係享受～皇帝蟹腳黃金燒係全晚高潮！蟹腳大大隻，燒到金黃色，蒜香濃郁，肉質飽滿彈牙！🔥鱈場蟹天婦羅炸粉超薄，蟹肉依然保持鮮甜多汁，點埋天婦羅汁食，香脆而不膩～壓軸出場嘅皇帝蟹肉甲羅燒釜飯不得了！即燒蟹膏蟹肉香氣撲鼻，撈勻飯食每一啖都係濃郁蟹香🦀最後以靜岡蜜瓜作結，清甜多汁，完美結束呢個蟹宴！成個晚餐食足兩個鐘，每道菜都高質，服務又周到，環境有格調。女朋友話係今年最滿意嘅生日飯！雖然價錢唔平，但一年一次生日，絕對值得豪一次！❤️…查看更多

見到門面不錯就入去試果然不錯服務員有介紹當日刺身~如飛機貨我們二人就點了些再點咗枝清酒象拔蚌鮮甜原條魚食完仲可以揀煮湯或炸用來配酒真心唔錯~已經諗好生日同朋友再次光顧…查看更多

個女侍應講野呼呼喝喝咁唔講我以為我係鄉下出黎入左佢呢間高檔餐廳比佢睇唔起一入黎佢sell和牛餐 話今日8折 折左都$1388我見啲野都係我鍾意果啲就諗住叫但我老公想食另一個餐多啲 $888所以就同佢落單話想要各一款餐佢一句得埋嚟就同我講話嗰個餐冇八折喎我話冇問題呀佢就再同我講和牛嗰個餐最少要嗌兩位Ok fine 咁兩個和牛餐啦之前啲野食上到好急第一度啱啱擺低冇幾耐就上第二道菜咁佢每一道菜都係碟頭形式搞到我要自己食完一道 再搬嚟搬去啲碟有一道係和牛壽司，我見佢有一舊Wasabi喺隻碟度張枱又有豉油樽豉油碟，咪倒啲豉油囉之後有個女人侍應就衝過嚟阻止我同我講啲壽司調咗味㗎啦喎大佬你擺低啲嘢食乜都冇講我鬼知咩？我冇理佢照到豉油啦，佢企咗喺我隔籬望咗幾身先行開除咗兩個餐之外，我仲散嗌咗一份天婦羅拼盤因為我本身好鍾意食天婦羅咁佢都完全冇俾意見，我話個餐個份量都唔細由得我嗌啦食到一半都幾飽，想問吓佢個天婦羅整咗未因為都等咗幾耐佢又係啲唔係咁好嘅態度呀話 炸緊啦！咁我就答佢OK啦咁個天婦羅出到嚟真係好難食唔明點解佢可以收$388呢個價錢啲粉超厚，仲要超油好明顯呢間餐廳係唔識做天婦羅嘅因為食得出佢用嘅又係普通油啲油益味勁重正常高檔啲既餐廳都會用太白胡麻油之類最後收尾有個shabu shabu 個湯底可以話係清水嚟啲和牛個樣都唔掂 食落都唔掂佢配咗三款醬汁 但個女人完全冇介紹係咩嚟嘅就咁就走咗 要自己用筷子點下嚟試先個係咪啲服務真係仲衰過牛角我覺得呢間餐廳虛有其表得個裝修同靚餐牌 食物質素同埋服務態度真係好差重點係服務態度 其他後生嘅夥計都正正常常最主要係果個短髮中年女人佢比我嘅感覺係佢唔知自己啲態度咁差但做客嘅聽到就覺得佢講嘢好哽耳…查看更多

睇完戲，同老婆兩個人食lunch，本來諗住去五武士，不過執咗，諗住去The Mussels食青口，又執咗。得呢間冇乜人唔使等位。每人叫咗$1388 和牛lunch set，再叫咗個天婦羅雜錦，叫左支300ml sake同埋1杯soft drink，total $3000，食物質素普通，牛肉冇特別，但係個天婦羅仲衰過自己炸，啲粉勁厚。最重要係服務態度差，主要係一個短頭髮的女侍應（應該係經理），冇禮貌而且好似想趕你走咁，態度十分之差，令人反胃作嘔，其他員工係正常的，間野生意差唔係冇原因。…查看更多

見完客，過咗嚟呢度食lunch。搵吓搵吓搵吓不如嚟食日本菜啦。靚女侍應推介叫我哋食呢個和牛餐，佢話性價比高，啲嘢多到你食唔晒。仲有個quality同夜晚嘅牛係一樣quality，不過可能細舊啲，不過就平好多。咁梗係試吓啦。由頭盤食到海鮮，再食到和牛，甜品食到生果。樣樣都俾你六、七月唔去日本，你都食到日本嘅味道。食好味野，我通常都揀晏晝食。因為性價比應該都係高嘅。尤其是 - 唔知係唔係，個侍應話個牛同夜晚個和牛係同一個和牛扒，咁點解唔試呢？雖然佢呢個餐係比其他lunch set貴一啲。睇完嗰啲影嘅相，我都回味嘅。其實佢仲有烏冬，不過因為我哋食唔晒嘅關係，叫佢冇上到啦。已經托住個大肚dum走人Lu。…查看更多

呢間餐廳嘅lunch set 選擇好多，有唔同款式比你揀，無論鍾意食刺身壽司、飯麵/鍋物都搵到心水！我點咗吉烈豬扒蛋丼，豬扒炸到外脆內嫩，蛋汁又香又滑，配飯一流！另外仲有三角和牛涮涮鍋，和牛入口即溶，湯底好鮮甜，食到停唔到口！最開心係店員服務態度超好，好有禮貌又細心，成個用餐體驗加分！埋單都係$403，係呢個商場都搵到咁抵食嘅午餐…查看更多

先兩日下午一個人嚟左呢間海陽。居酒居..食丼飯...大約二百零蚊啦..呢個地段...性價比高啦...服務員態度好好..食品亦有質素..下次經開呢區..都會再上黎食..系呢個地段唔錯嘅選擇👍👍👍…查看更多

同朋友想食日本菜結果open rice搵到喱間日本居酒屋，我哋兩位好彩唔需要等位~我哋兩位都揀咗888套餐店員服務都算唔錯有介紹清酒俾我哋兩位，因為餐枱比較細佢哋好細心每道菜式食完收埋碟先慢慢上菜好適合飲酒嘅我~可以同朋友慢慢傾慢慢飲…查看更多

剛剛去完日本，想搵間好味啲嘅日本餐廳食午餐，點知一時唔記得睇下openrice啲comments, 就中曬大伏！（1） 服務態度差！好似入咗茶餐廳食嘢咁！但係我想聲明，好多茶餐廳嘅服務都好好！係指一啲好惡劣嘅茶餐廳服務。（2）食物， 我點了燒鰻魚丼，我從來未食過咁難食嘅鰻魚！仲話即叫即燒！ 係呀冇錯呀， 燒燶咗嘅新鮮製造！另外和牛丼就算ok啦，份量少！再加了三隻港島蠔！叫做稱職。不過係一間k11 musea中級日本餐廳, 真係勸勉大家唔好嚟!如果叫咗貴嘢嘅,就真係仲更加揼心揼到要去東京多一次先可以氣消！…查看更多

用左咁多年openrice, 今次第一次打食評lunch 同客食飯，order 3個lunch sets加1個小食1. 三角和牛涮涮鍋（$198)2. 照燒和牛丼 ($188)3. 精選壽司定食（9件） ($328)4. 吉烈廣島蠔 ($38)食物portion 細，涮涮鍋完全無味無問過我要飯/烏冬就自己幫我order上菜我詢問點解係烏冬，個waitress 即時黑面完全無禮貌就咁放底個烏冬走左去3個人夾埋食左$827 真係又貴完全唔抵食唔值得浪費錢去食，有好多選擇…查看更多

この居酒屋は雰囲気が良いです。👍👍👍料理の質は良いです。😋😋😋サービスの態度はとても良いです。👍👍👍家族と私は食事をして楽しい時間を過ごしました。😋😋😋次回は友達を連れてまた訪れます。👍👍😋😋呢間居酒屋...🥰🥰環境真係唔錯.👍👍👍食品質素有水準.😋😋😋服務態度非常好.👍👍👍我同屋企人都食得好愉快.😋😋😋下次會帶埋朋友再次光顧.👍👍😋😋…查看更多

朋友仔今個月生日😝想去K11 musea慶祝下，睇左OpenRice上見到呢間居酒屋裝修好靚，就約朋友黎試下。入座時員工打鼓叫口號歡迎，好有儀式感丫。我地叫左啲小食、Kaiyo卷，呢條卷打卡超級靚，😍另外網燒鹿兒島A4西冷和牛，唔會太肥。店員介紹咗支清酒俾我哋👍🏻，唔會太甜又唔會太dry。另外問咗店員有冇生日牌寫架，介紹咗我哋食日本抹茶雪糕紅豆最終餅配和菓子，幫我地寫埋生日名，超靚靚丫🫶🏻居酒屋聽住音樂好有氣氛，食物好好，服務都好好，好殷勤同主動，超級滿足，同朋友仔食到十點半先捨得走🤪一定會再返黎…查看更多