海景咖啡廊

一坐低就有杯港式奶茶，奶滑香浓。早餐环境不错地方大，座位阔落，不嘈杂。员工态度有礼，收碟速度快。至于早餐，种类唔算太多选择，都系d基本嘢嘅粥粉面饭、点心、水果、面包同几款火腿等等，热食方面如果可以多少少选择就最好。另外第二日试埋酒店行政走廊早餐，相对行政走廊嘅食物选择会少一半，食物方面精致少少，如果想食粉面粥𠮶d要叫职员落order。而行政走廊环境会比咖啡厅高级d同少人d。但系员工服务质素就好参差，当时因为见好耐无人嚟收碟，我就行出去谂住攞嘢饮同埋顺便揾个职员帮我落order，咁啱见到有两个女员工企咗喺到讲嘢，我就礼貌地请佢地帮忙落order，点知其中一个女员工面口好唔耐烦兼语气好差咁叫我返埋位，佢转头会过嚟帮我落单，而另一个员工就即时同我讲唔好意思，问我想要咩，但态度差𠮶位员工就打断佢，或者我打断咗佢地倾计啦！所以人地先咁嬲嬲猪，咁呢刻我唯有默默地走开啰！…查看更多

朋友喺外国回来入住尖沙咀海景嘉福酒店，相约早上在酒店楼下咖啡厅见面，酒店嘅自助早餐都系一般自助早餐质素。食物种类尚算丰富，包括即煮嘅面食、新鲜沙律、生果同各色面包，质素普遍合格以上，尤其系面食，口感弹牙，汤底鲜美。沙律菜新鲜爽脆，生果清甜多汁，面包种类繁多，香脆松软，满足唔同口味需求，我就最钟意牛角酥。环境方面，餐厅装潢优雅，座位宽敞，加上宁静嘅氛围，令人可以放松享受早餐时光。一边食嘢一边睇吓酒店环境，心情都变得愉悦。整体嚟讲，呢度嘅自助早餐无论食物定环境都令人满意，系一个同朋友聚会嘅好地方。…查看更多

气氛超好，有财神笑容满面派利是，又有得意可爱醒狮表演，仲可以触碰添运气及逐一合照；长脚蟹新鲜又源源不绝补充，虽然寿司吧大部份时间冇职员招呼，但大部份食物质素可以，仲有应节「捞起」提供每台客人，好意头得来，节日气氛满满；职员非常亲切，经理亦有按客人特殊需要安排周到，要大赞💯💯💯…查看更多

一家人去食圣诞节buffet因为比较迟预订，见到呢间仲有位，心谂都千几蚊一个人头，应该都唔会太差挂，就去试吓啦。。。喺网上book，佢冇俾我选择有冇四岁以下嘅小朋友，去到坐咗喺餐厅嘅外围，感觉完全冇feel，都千几蚊位唔系坐𠮶啲位啊。。。。仲要系咁俾人撞到BB凳，开头同个经理讲系咁以敷衍吓我，再揾第二个，𠮶个就好好，终于俾我哋调到入去。嘢食种类，真系好少，冇见过除咗炸生蚝之外完全冇炸物啰，一个炒面一个炒饭，冇啦，嘢食行完一个圈已经唔吸引都唔想再攞多次，都谂唔到有咩好食，寿司都难食到不得了。。。又硬又酸，甜品都唔系太吸引，亦都唔好食，个蓝莓芝士饼又湿又酸，我谂我食过最好食𠮶样系木糠芒果布甸。。。难怪而家经济差。。嘢食咁嘅质素叫人点留港消费。。。咁就食咗几千蚊唔知食乜。。。。唔会再有下次，，重点个厕所一啲都唔似酒店厕所污糟邋遢甘，个冲水掣长期冲唔到。。。要啲清洁姐姐嚟帮手，，，希望唔会再有机会帮衬😢…查看更多

老公上年听咗酒店sell入会，好似好抵话有75折，俾$$$入会送返相同等值couple……第一次去食buffet，第一惊喜，第一次去酒店冇free packing第二惊喜系同期有网上平台 优惠，平过我哋所谓会籍优惠，所以全场爆满，我哋一家三口坐2人枱，老公要坐系通道位第三惊喜，乳猪只出一次，仲要7点，我7:15去系冇啦上年食过一次咁惊喜全冇意欲再去，但仲有4张$500couple未用，唯有过期前再去，冇咗网上平台优惠，少好多人，都系冇free packing，食物都系一般，呢个假其实真系唔会拣呢度食………食埋今次加埋有次中午去食……一年后，都系蚀，仲有$1000 couple系掉的…查看更多