巧遇酒店大堂金碧輝煌水池，即聯想起希臘許願池大媽洗腳水，朋友接住諗起魚仔食腳皮！嘩哈哈。酒店上上下下內內外外都冷冷清清，部份餐廳關閉不做生意添呢。抗武肺瘟疫，要減少聚餐要減少聚頭，但朋友係要見架！香港人要生存，香港人要抗爭，加油！圍內餓底 8 男女聚餐，全場都不足 20 位食客。因為大陸武漢肺炎，所以所有杯都要問侍應取嗎？水杯、啤杯、白酒杯，連調味料及餐具都一樣？不停煩住侍應們真係過意唔去，眼見已無休無止走來走去送餐及清理檯面，辛苦晒。餐牌縮得好細好細，應該為控制成本及不想浪費食物。有四款海鮮四款牛部位，雞豬羊各一款，諒解的。甜品都有六款蛋糕仔選擇，要親自選取。自助餐所有食物預先煮好係非常合理，因為大陸武漢肺炎，由全自助晚餐轉為半自助餐，食物種類亦作有限度供應，避免浪費及要控制成本。除甜品飲品要自取外，自助餐改為落單任食坐定定。鮮檸角、鮮茄蓉，生蠔我只需要鮮檸汁已足夠。突然女神既畫面係腦內閃過，不用任何調味，直接入口原汁原味。食蠔無蠔刀？檸檬無包沙布？無檸檬夾？因為武漢肺炎所以減少餐具？還是一向都無提供呢？即開生蠔，餐牌無指明什麼品種。師傅刀工超高，技術水準卓越，開得完美無瑕。隻隻都非常完整美觀，不經意大家消減 4 打生蠔有多喇！外觀、氣味、味道、質地、季節，估計來自澳洲。雖然不算巨形，幸福地厚身肥美滑嘟嘟，嫩嫩爽脆，有鮮味有咸香，質素不凡。加拿大松葉蟹腳，異口同聲麻麻地，不想浪費盡力全數消滅。蟹瘦肉乾肉少不夠甜，免免強強唔難食。凍蝦，超水準表現！大大碌爽彈噴汁，蝦汁鮮甜，蝦膏甘香，欲罷不能，添食再添食！淡水小龍蝦，處理繁複功夫多，但只得到比手指尾還細的蝦肉，不合乎經濟原則！天生肉味淡，就連蝦膏都偏淡，過過口癮算吧！精選燉雞湯，檢查一下如何精選，只搵到兩舊雞件。終於搵到幾條蟲草花。湯汁熱辣辣，比清雞湯更濃稠黏黏，味道還可以。蘋果鴨肝，外暖內凍油淋淋，不香不脆，油膩淡茂茂！唔甘心再試多轉，較果一樣。扒羊架，微溫全熟偏乾，肉味淡調味都淡。扒牛腹肉，四款部份中最出色就係牛腹，味濃帶甜，彈滑帶汁。扒西冷，勁多肥膏，比肉眼勁利害！切掉厭味淡乾爭爭，連膏齊食嫩滑但油膩。燒原條肉眼，色香味緊次於牛腹，焦香鬆化有牛甜味。扒三文魚柳，腥到世界盡頭，廿十成熟乾鞋散。雜菜串燒，青紅黃波椒青瓜，穩陣之選。扒牛柳，谷低之選乾硬鞋，給多一點牙力吧！其實已多次叮囑要生一點生一點，不要超過 5 成熟，但最終送到最少都 7 成，而且只有微弱暖意。埋單先發現，早已經煮好大量牛扒，根本無法要求生熟程度的。燒香草春雞，連雞髀都可以乾鞋無窮，不嫩不滑無肉汁及淡茂茂，救命！鮮果拼盤，種類繁多豐富到不得了！草莓、菠蘿、西瓜、蜜瓜、哈密瓜、奇異果、士多啤梨，整晚最出色最有睇頭，壓軸登場！…查看更多
.長腳蟹好正好好食,加D COCKTAIL SAUSE再加D辣椒汁(一流).好多SALAD CHOOSE,汁醬都有好多.生滾粥好綿.冷麵OK啦.日式麵檔,個CURRY SOUP 我幾鐘意食.樓面D服務好好,收野FILL 水都快手,NICE
好快又到了吃甜品之時, 因為如果唔skip 熱食, 我根本食唔到太多嘢所以做人要妥協要取捨, 即燒乳豬都係咁意食咗一小件, 係咁o架喇, 何況這裡的甜品不會叫人失望, 水平中上放得入口.(上文提及The Market坐位安排唔太理想, 即使兩個月前訂枱同reconfirm 已確認了梳化位, 去到都係坐最最最唔想要的'最入大圓枱'.) 相反, 嚟 Cafe on M這麼多次, 每次都不會叫我們失望, 我們坐過鋼琴區、 亦坐過窗邊長枱、窗邊梳化、內籠'圓梳化'區、 近電梯圓梳化區.......其實只要早兩三星期訂枱時講明想坐邊, 雖則為保障餐廳自己權利Receptionist 說明: [盡量安排/唔guarantee/看當日安排...] 但通常去到都安排了我們想要的位置, 所以我要在此給多個 LIKE 
and say: "Thank you!"多謝幫忙! 今日這個 Lunch Buffet成人每位$368加一, 我們享受了某張信用咭優惠有8折, 實收$330, 以這個價這個中上的食物質素及這麼有水準的服務, 我會給予一個大笑臉! 
Cafe on M~ We'll be back!
