海景咖啡廊

一坐低就有杯港式奶茶，奶滑香濃。早餐環境不錯地方大，座位闊落，不嘈雜。員工態度有禮，收碟速度快。至於早餐，種類唔算太多選擇，都係d基本嘢嘅粥粉麵飯、點心、水果、麵包同幾款火腿等等，熱食方面如果可以多少少選擇就最好。另外第二日試埋酒店行政走廊早餐，相對行政走廊嘅食物選擇會少一半，食物方面精緻少少，如果想食粉麵粥嗰d要叫職員落order。而行政走廊環境會比咖啡廳高級d同少人d。但係員工服務質素就好參差，當時因為見好耐無人嚟收碟，我就行出去諗住攞嘢飲同埋順便搵個職員幫我落order，咁啱見到有兩個女員工企咗喺到講嘢，我就禮貌地請佢地幫忙落order，點知其中一個女員工面口好唔耐煩兼語氣好差咁叫我返埋位，佢轉頭會過嚟幫我落單，而另一個員工就即時同我講唔好意思，問我想要咩，但態度差嗰位員工就打斷佢，或者我打斷咗佢地傾計啦！所以人地先咁嬲嬲豬，咁呢刻我唯有默默地走開囉！…查看更多

朋友喺外國回來入住尖沙咀海景嘉福酒店，相約早上在酒店樓下咖啡廳見面，酒店嘅自助早餐都係一般自助早餐質素。食物種類尚算豐富，包括即煮嘅麵食、新鮮沙律、生果同各色麵包，質素普遍合格以上，尤其係麵食，口感彈牙，湯底鮮美。沙律菜新鮮爽脆，生果清甜多汁，麵包種類繁多，香脆鬆軟，滿足唔同口味需求，我就最鍾意牛角酥。環境方面，餐廳裝潢優雅，座位寬敞，加上寧靜嘅氛圍，令人可以放鬆享受早餐時光。一邊食嘢一邊睇吓酒店環境，心情都變得愉悅。整體嚟講，呢度嘅自助早餐無論食物定環境都令人滿意，係一個同朋友聚會嘅好地方。…查看更多

氣氛超好，有財神笑容滿面派利是，又有得意可愛醒獅表演，仲可以觸碰添運氣及逐一合照；長腳蟹新鮮又源源不絕補充，雖然壽司吧大部份時間冇職員招呼，但大部份食物質素可以，仲有應節「撈起」提供每台客人，好意頭得來，節日氣氛滿滿；職員非常親切，經理亦有按客人特殊需要安排周到，要大讚💯💯💯…查看更多

一家人去食聖誕節buffet因為比較遲預訂，見到呢間仲有位，心諗都千幾蚊一個人頭，應該都唔會太差掛，就去試吓啦。。。喺網上book，佢冇俾我選擇有冇四歲以下嘅小朋友，去到坐咗喺餐廳嘅外圍，感覺完全冇feel，都千幾蚊位唔係坐嗰啲位啊。。。。仲要係咁俾人撞到BB凳，開頭同個經理講係咁以敷衍吓我，再搵第二個，嗰個就好好，終於俾我哋調到入去。嘢食種類，真係好少，冇見過除咗炸生蠔之外完全冇炸物囉，一個炒麵一個炒飯，冇啦，嘢食行完一個圈已經唔吸引都唔想再攞多次，都諗唔到有咩好食，壽司都難食到不得了。。。又硬又酸，甜品都唔係太吸引，亦都唔好食，個藍莓芝士餅又濕又酸，我諗我食過最好食嗰樣係木糠芒果布甸。。。難怪而家經濟差。。嘢食咁嘅質素叫人點留港消費。。。咁就食咗幾千蚊唔知食乜。。。。唔會再有下次，，重點個廁所一啲都唔似酒店廁所污糟邋遢甘，個沖水掣長期沖唔到。。。要啲清潔姐姐嚟幫手，，，希望唔會再有機會幫襯😢…查看更多

老公上年聽咗酒店sell入會，好似好抵話有75折，俾$$$入會送返相同等值couple……第一次去食buffet，第一驚喜，第一次去酒店冇free packing第二驚喜係同期有網上平台 優惠，平過我哋所謂會籍優惠，所以全場爆滿，我哋一家三口坐2人枱，老公要坐係通道位第三驚喜，乳豬只出一次，仲要7點，我7:15去係冇啦上年食過一次咁驚喜全冇意欲再去，但仲有4張$500couple未用，唯有過期前再去，冇咗網上平台優惠，少好多人，都係冇free packing，食物都係一般，呢個假其實真係唔會揀呢度食………食埋今次加埋有次中午去食……一年後，都係蝕，仲有$1000 couple係掉的…查看更多

其實市道真係靜，唔係講笑！6:30pm 去到，直至食完，有大部份位係冇人坐的。整體服務非常好👍🏻每位侍應都好有禮貌。而且有特別嘢食嘅時候，侍應係逐枱通知，出面有乜嘢食👍🏻食物方面唔係特別好，ok la! 飲品亦係任飲的。…查看更多

海景嘉福酒店lounge 設於酒店一樓， 環境舒服 ，枱與枱之間有一定距離， 每位服務員都有親切笑容， ，下午茶擺設精美 每一件cake都細細件 好精緻 ,好味👍👍,檸檬cake好香檸檬味,三文魚牛角包鬆軟 可口夹着三文魚大大片。❤️❤️❤️…查看更多

真係嬲到唔寫唔得, 見主題"帝王蟹 . 海膽"所以選購自助餐, 一早已知海膽是限量供應, 所以主打當然係"帝王蟹", 我們一行6人大約19:15到達, 當然先到海鮮區, 但發現所有海鮮的數量都相當少 (龍蝦"仔"同螺除外), 唔講仲以為自助餐時間就快完, 而於整個用餐時間 (我們坐到22:00先走), 都只補充過一次, 仲要係O個次補充後再去, 都係得少量 (帝王蟹同龍蝦都係咁), 既然做得"帝王蟹"主題, 點解只補充1次就算? 另外, 刺身就更有趣, 通常有供應的刺身都會放係凍櫃內等人揀, 但唔知點解硬係要收埋D帶子, 見到有人食先知有, 要問佢先會比你, 帶子都唔算叫特別O既食物, 真係唔明點解要收埋, 真係好鬼鼠, 鐵板區都係咁, 通常有咩食都會整個樣版等人知道, 但現場除雞串同魚外, 就睇唔有其他, 我都係見到有人食煎鴨肝先知有, 成餐飯比我O既感覺就係海鮮唔會主動補充, 比較多人會食O既食物就收收埋埋, 熟食選擇亦唔多, 唔計燒味同印度食品, 如冇記錯得5款 (當中有2款係炒飯同伊麵), 以接近$600/位O既價錢黎計, 可以話完全唔合格, 由於唔可以唔比星, 所以點都要比1粒, 但其實佢連1粒都唔值。…查看更多

食完呢間真系忍吾住第一次用OpenRice 留食評冷盤海鮮方面吾夠新鮮、龍蝦冇肉質冇鮮味。長腳蟹皇帝蟹得個咸字。7點之後就冇refill過咁濟、出左去3轉睇個龍蝦位都冇refill過、碎冰上面keep住系比人夾剩個4、5件龍蝦。刺身方面食完一啖三文魚直接放棄左、毫無味道可言。另外有兩set海膽主題既換領劵，其中炸蝦上面件海膽系臭，系擺完入口忍吾住要吐反出黎個隻臭。甜品方面個心太軟可以完全冇流心、口感又粉質。其實個心太軟做得咁差就不如吾好懶特別咁要響聲先出。真系是旦去便利店買個現成叮熱去都仲有質素過呢件。熟食方面一件都冇試過因為已經放棄左，所以冇意見。呢餐只可以用極之失望黎形容！ 配合埋成個場地、呢個價格真系毫不值得。…查看更多

十一月第一間自助餐就去左香港而家唯一既洲際海景咖啡廳咁就緊係無可能同麗晶個自助餐可以相比啦不過當日食完早餐個感想就係呢度以量取勝但質素唔算差而且出面廚師充足成個場應該係用熱鬧黎評價咁當然啦都一定係要有優惠先黎食既十月果時kkday就出左個買二送二既蟹之盛宴自助餐優惠星期五六日個價就係1820用番恆生95折code埋單1729平均每人就係432所以就同埋老豆老母一家人星期日去食左餐飯順便慶祝老豆生日有remake到不過呢間餐廳係完全無慶祝蛋糕出現自助晚餐時間由1830去到2200食三個半鐘因為星期日黎食第一次可以係開場前黎到都已經係樓梯排晒隊原來呢邊先叫做正門海景咖啡廊有分外面同入面即係企樓梯果邊可以share大堂樓座咁自助餐區入面呢d座位就要接受矮樓底不過有落地玻璃海景既四人檯都好大張不過無檯墊無擺盤就咁包埋套餐具就擺檯面張凳又有d食物碎海福嘉福真係完全配唔上洲際呢個名呢度自助區之前食過都知係兩個方形檯個場野食就唔算少不過排隊空間就好窄尤其係兩張方形檯中間果條走廊所以一開始凍海鮮刺身果邊長期就塞晒車影下相果刻已經比人清左唔少少量芝士cold cut凍海鮮都算係比較齊仲有垃圾小龍蝦順帶一提呢度係仲有熟龍蝦不過佢凍龍蝦d膏都係豐富既質素就不過不失沙律壽司六種刺身八爪魚鯛魚吞拿魚三文魚甜蝦同埋有帶子都算係咁但又想講下呢度有d廚師好L惡既其中一個就係刺身師傅佢自己果邊無碟會叫你自己擺隻碟上黎而佢出面又無碟但佢係唔會有任何反應既仲會喝其他客話自己做緊野另一個就係拎蟹粉大閘蟹果邊個阿嬸都係無乜禮貌而兩個人都有個共通點就係上左年紀所以話點配得上洲際呢個名唯獨有個似總廚既南亞樣反而仲更加親切煎龍蝦比較後生果個都ok其他都無咩特別問題飲品呢kkday果個餐單話每人會送一杯無酒精飲品睇youtube片都見到有既但今日問係無左呢樣野話係變成自助飲品仲有汽水任飲到熟食檯呢個位1915會切乳豬塊皮仲係好脆口另外因為蟹主題每人又有一張配給粉可以得到一隻大閘蟹我本身就麻麻地食蟹因為拆殼麻煩係呢幾年先練得快左剪蟹腳咁大閘蟹要成隻拆就更加唔會去試不過今日有兩老助陣叫做可以拆到黎食都叫有d膏不過真係唔化算我都係食番麵包蟹好過另外呢個位仲有蟹粉撈麵可以拎麵條係刀削麵蟹粉都多可以黏晒上麵不過就唔算好濃味海南雞又係呢邊拎格離仲有原條蒸魚咖哩蟹燒鵝燒腩仔中式海底椰燉湯同西式蟹肉忌廉湯中式野食都算唔錯再格離已經係燒肉眼都好夠紅味道可以好過好多cheap cheap餐廳炸雞同印度咖哩蟹主題仲有焗蟹蓋蟹肉意粉同埋蟹粉龍蝦呢個位我就encore最多因為蟹蓋以自助餐算唔錯雖然都溝左唔少料但細細隻易入口煎龍蝦都香口不過肉質比凍龍蝦差少少勝在用蟹粉拌麵檔仲好多選擇比左碗牛腩河牛腩有驚喜好淋好好食再落去就已經係甜品區雪糕係haagen dazs法式栗子薄烤餅同法式班戟應該係重點推介有大大張相擺後面橙酒pancake係即整既tiramisu又已經唔係人手整比你蛋糕仔望落賣相都唔差不過就無原個蛋糕最後係馬卡龍同水果蛋糕正常重點既tiramisu同燈酒pancake都唔錯最特別係有海景軒名物蛋白杏仁茶上次係海景軒無叫到今次叫做補完左用左黎收尾就好完整洗手間多人用都唔算太乾淨即係以食物黎講cafe on m真係唔差雖然賣相一般但好難得係個以量取勝既自助餐仲會搵到有d比較好食既食物仲有d係佢地自己比較有特色既好似杏仁茶同乳豬加上而家蟹主題蟹粉都算係唔姑寒咁派雖然唔算好濃郁但都已經收貨而且食物基本上都有refill唔會話有d野食完就永遠唔再見不過餐廳係比較污糟同埋服務麻麻既除左廚師問題有時侍應仲會想收走未食完既碟整體感覺就大概係咁四百三既話就真係咁多間最L抵食呢一間仲要係星期日…查看更多

年尾想食自助餐，唔使睇價錢大食特食海鮮，咁啱見到呢間酒店做緊七五折，為返一個人$630左右，晚餐自助餐仲喺酒店我覺得個價錢合理，就book咗三兄弟一齊去食總括嚟講都係滿意嘅，因為佢有我想食嘅蟹腳，海水味比較重啲鹹咗少少，但係肉質都係彈牙新鮮，蟹鉗就太硬成舊擦子膠咁，我就淨係食咗蟹腳，因為其他海鮮個樣都唔太吸引，另外刺身就食咗佢嘅三文魚刺身同埋帶子刺身同埋八爪魚刺身，都新鮮好味，熟食就比較少選擇，我拎咗個燉湯好好飲，另外叫咗個即制卡邦尼意粉，煮好之後放落個大芝士盤到搞一搞，好睇又好食，另外燒牛肉還好，羊架就一般，甜品都一般般，冇話邊隻蛋糕特別好食，都係食咗兩杯Häagen-Dazs雪糕，另外我覺得幾好嘅就係汽水任飲，有時食啲比較油膩嘅肉食，尤其是自助餐，太油膩嘅時候飲啲汽水呀好夾算係不過不失嘅一次自助餐…查看更多

紫色絕對是車媽媽不能抗拒的色調，如果是我喜歡的下午茶更足以令我失控！像這頓下午茶正正中了兩大我最愛的要點，重點是吃罷下午茶後還有超精美的禮物帶回家，可說是我近年吃過最喜歡及CP值高的下午茶，這個ARTĒ Madrid X InterContinental Grand Stanford Hong Kong攜手推出的The Fluttery Garden下午茶，以ARTĒ Madrid的VIVIANA系發作藍本，由海景嘉福洲際酒店行政總廚Jean-Marc Gaucher精心設出多鹹款甜點心，誓要以精緻味道捉緊大家的味蕾、眼睛和心靈。VIVIANA系列充滿活力色調、詩意的圖案華麗而不俗套，配襯西班牙巴洛克風格的的花卉設計是否太美了吧。這杯Butterfly Tini紫醉金迷的飲品以Gin酒、藍莓糖漿、柑橘及蝴蝶豆花茶調配而成，酒味濃郁又甜美加上紫色賣相非常誘惑。好友不喜歡凍飲選來了熱咖啡來享用！連咖啡上也印有品牌Logo真的非常精緻。我們這天可以品嚐到行政總廚Jean-Marc，以VIVIANA系列為靈感各式精緻點心，下午茶點放於蝶舞翩翩超美的三層架中太美麗了。鹹點共有四款包括魚子醬煙燻三文魚薄煎餅、鴨肝慕斯、慢煮豬肉絲漢堡及煙熏火雞批，每款也很吸引現在只煩惱吃那一件先哈哈。終於決定先品嚐這件看下去非常清爽的煙燻火雞批！煙熏火雞胸肉吃下去不會鞋口，配襯了美美的紅菜頭雞蛋沙律和爽脆的青瓜，配合以木炭炮製的批底一起品嚐，口感香脆又有咬口味道還很清爽。第二件要嘆的是魚子醬煙燻三文魚薄煎餅，矜貴的魚子醬加油潤嫩溜三文魚，再夾上鬆軟小薄餅成了一件精緻的點心第三件事非常邪惡但又好美味的鴨肝慕斯！口感香滑的鴨肝慕斯放在鬆脆的奶油麵包上，再配襯很有節日氣氛的香料紅酒果凍，吃下味道甘香中帶上酸酸甜甜的味道這個組合真的非常誘惑。最後一件是慢煮豬肉絲漢堡，好開心這次我終於吃可以品嚐漢堡包了！以入味非常的手撕豬肉再配上顏色絕美的紫椰菜沙律，放在小巧可愛的牛油麵包內吃下味道香濃可口，但切記要趁熱享用放涼了包包就沒有那麼軟熟。鹹點過後我給急不及待品嚐新鮮出爐的英式鬆餅，每位也可得到兩件鬆餅一件事，包括綴有金箔的原味和提子鬆餅，乾濕度恰好的鬆餅塗上藍莓果醬和Clotted Cream，吃下去總是帶上幸福的味道。這一刻來到要品嚐下午茶的甜點的時候！足足有六件甜點那麼多相信甜摸迷必定會非常滿意及滿足。率先品嚐如紫羅蘭美的蝶豆花香檳啫喱，口感清爽的果凍帶上幽幽的酒香不過甜，日式絲滑藍莓芝士餅口感細膩中帶出果香，微甜的香芋撻以的紫色芋頭配搭薄脆的牛油撻皮，吃下口感很豐富好吸引，鑽石朱古力用上濃郁黑朱古力配襯柚子的柑橘香，甜中有酸絕對是誘人的味道。最後以我最愛滿載水果香的香脆法式馬卡龍來將這場蝶舞翩翩的下午茶閉幕。享用此下午茶的客人也可收到ARTĒ寶石雕琢而成的特別版VIVIANA紫蝴蝶吊墜(價值$880) ，以及價值＄300元的現金券可於香港指定的ARTĒ Madrid店鋪使用，CP值真的高得無可再高大家真的別錯過喔。The Fluttery Garden下午茶費收費為$688/套(+10%)，可於海景嘉福洲際酒店一地下酒廊及M層海景咖啡廳享用，由即日起至12月31日供應3-6pm供應。…查看更多

做人係咪真係咁無要求？又或者要寫不實食評？去食buffet, 都唔要求好高質，至少都要有足夠野食，有refill。兩，三個禮拜前訂，竟然3個人坐一張二人枱，有一個人基本係坐係行人通道上面。擺放食物嘅安排基本係唔可以有排隊嘅概念。7點到，涷盤可以清倉，都已經唔係要求有啲咩靚食材。壽司，係爭鮮嘅level, 或者爭鮮更好味。熱盤有5款嘅。正價接近700, 有人搶到買2送2嘅話我諗我會揀Cafe Momo, 我用買2送1, 500零蚊其實好多選擇。同level YMCA同Marco Polo完美KO。好多網媒介紹，又多有openrice食評，希望唔好有人中伏…查看更多

伊甸園夢幻紫The Fluttery Garden 下午茶送您ARTĒ價值$880特別版 VIVIANA 紫蝴蝶吊墜 性價比高嘅下午茶：好味、抵食、靚、仲有禮物今次嚟到香港海景嘉福洲際酒店品嘗和ARTĒ Madrid 合作推出 The Fluttery Garden 下午茶。食之餘仲可以欣賞ARTĒ最新VIVIANA 系列靈感來自彷如伊甸園般的夢幻園境，將大自然的精緻活力與永恆之美設計成細膩的珠寶。總廚更精心設計了與VIVIANA 系列的復古典雅融為一體的The Fluttery Garden 下午茶。下午茶以4款咸點+ 5款甜點組合而成設計精緻，味道更是口感豐富，款款有驚喜🔸酸忌廉煙三文魚卷配牛油薄缾🔸鴨肝慕絲牛油多士配香料紅酒啫喱🔸慢煮豬肉絲酸椰菜沙律渶堡🔸煙火雞紅菜頭青瓜雞蛋沙律竹炭撻🔹法式雜莓馬卡龍🔹香濃柚子黑朱古力🔹日式絲滑藍莓芝士餅🔹士多啤梨紅絲絨蛋糕🔹蝶豆花香檳啫喱🔹香濃紫芋撻牛油鬆餅配法式果醬及濃縮奶油除了咖啡或茶更可品嘗特色飲品 ~ Butterfly-tini。這款迷人的飲品用上杜松子酒、藍莓糖漿、柑橘和蝴蝶豆花茶調制而成。不喜歡飲酒可以點咖啡或茶我就叫了伯爵茶，配下午茶一起吃剛剛好🥰…查看更多

係KK搶到買二送二的優惠, 平均每人唔使唔500蚊, 已經全包連加一,  所以當晚的自助餐超滿場, 唔單全場滿座, 仲連走廊位都坐滿晒, 超級誇張.去到第一時間去拎凍海鮮, 包括有堆到成座山的蟹腳, 龍蝦, 龍蝦鉗, 麵包蟹, 青口, 螺, 蜆等等, 蟹腳係半邊一份, 連蟹身同蟹腳, 雖然唔算巨大, 但任拎唔嬲, 而且也好有鮮味, 全晚食得最多的就係蟹腳.龍蝦雖然唔大隻, 但都鮮味同有膏,  麵包蟹就稍為失色少少, 蟹蓋的膏唔算多.今次係以蟹做主題, 除了長腳蟹外, 仲有煎龍蝦配蟹粉, 刀削麵配蟹粉, 蟹肉忌廉湯等. 食了幾輪海鮮之後, 就去排隊拎大閘蟹, 每人一只, 大約3兩, 3兩半左右, 唔算大亦唔算爆膏, 純粹過下口癮啦.另外, 排隊拎大閘蟹時, 發現燒味部居然有燒鵝同乳豬, 嗱嗱聲都拎了些返去, 燒味檔的師傅好好人, 任你揀喜歡邊碟乳豬, 指俾佢睇就拎俾你, 燒鵝就大大碟放係度任你夾.粉麵檔雖然無幫襯, 但見到居然有牛肩胛, 龍蝦鉗, 尤魚, 魚柳等配料, 雖然無肚去食都覺得好高級,仲有各式熱盤, 沙律, 刺身, 相對已經唔夠吸引都無去食了.飲品係自助的, 除了例牌的咖啡檸茶, 仲有汽水同啤酒都係任飲的,  比起一般自助餐只得一杯飲品, 呢度確實又係一個加分位.最後再食埋甜品, 生果, 雪糕, 真係捧住個肚走.呢餐真係超值又滿足…查看更多