海天花園酒家

营业中

休息中

入到黎似中伏係呢間都食左幾次講真食物既味道係唔差要提提各位食家🔴 張單會出現你冇叫既食物 (溫馨提示最好check 下先)員工係雞同鴨，唔聽人講嘢 (自我中心好強)等左禁耐又傾左陣終於上菜菜係上左，但係源源不絕太可怕了下圖可見⬇️鹽焗蟹係真係不錯椒鹽瀨尿蝦的椒鹽好吃冇位放要放到一二角omg點食，點食，叫我如何是好叫佢地可否慢慢上，最後一句話“冇架”係呢間到食飯小d EQ真係唔得態度nice到想講粗口                                  ～謝～

家人晚飯,原想預訂屯門某間海鮮食肆,不過一個月前已滿座,臨時又沒有後補席,退而求其次去了三聖邨的海天.舟車勞動食海鮮,一向不是我喜好,尤其每次飯後都要按住翻白眼的衝動,和喝大量水去緩和"中國餐館候群症"的症狀...不知那時開始,廣告開始提倡炒青菜落雞粉,煑海鮮加雞湯,説是帶出原材料鮮甜味!世界扭曲成這樣,亦是我較少街外吃中菜的原因.是晚我們在附近排檔選好了海鮮後,再交給食肆服務生,他們自會計算加工費.六人餐單如下:燒味質量教人失望,乳豬皮不脆,豬羶味很濃,我沒法子吃得下.而燒鵝也不見出色,平凡得可以..當然,責任在自己,誰叫你千里迢迢入到屯門海鮮餐館食燒臘?這叫做活該.送上枱時,大家面面相覷..兩磚街市布包豆腐,求其得沒話可説..蓮藕荷荳皆清脆,不過很油膩,亦吃出重手'調味'..大量噏得出噏不出的人造味道化學符號.材料乍看頗足,不過烹調時間不夠,因此大部分食材炆得未夠火喉..腐竹沒能入味,小唐菜也太生,整體像隨便煑成一窩感覺.蒜蓉豆豉加大量蔥,誰也想像到滋味如何不得了!聖子清甜肉脆,時間掌握剛好,整夜最好菜式.椒鹽味精瀬尿蝦!不但油多味多,也許細菌也多;品嚐時有些怪怪感覺,那是動物的b

星期日一早帶同父母來飲茶, 因知道這間酒樓有海景, 面對著藍天白雲, 開始新的一天.這間酒樓的點心種類唔算好多, 但質素都唔差, 我們點了....叉燒飽-很喜歡內裡的涵料, 很有舊時的味道蝦餃-- 一啖食入口, 竹筍味跑出牛肉--唔似一般酒樓的牛肉蘇味鮑魚燒賣, 旦煎糯米雞--無乜特別咸雞粥--這個值得推介, 粥底有味, 雞好滑鳳爪、排骨--水準之作家鄉薄撐--甜甜地, 似糯米糍春卷、咸水角--涵料唔馬虎服務方面..---- 服務欠奉的酒樓，攞位時，無侍應會安排坐位，有送菜既姐姐叫我地自己行入些少搵位坐啦，入到去，侍應們好不耐煩地話我們阻住佢地執枱，但當執好枱後完全無理過正在等候既茶客們，自己便坐下啦。之後開茶、落單、加水等等，都係無服務可言，你會聽到每枱茶客都要催幾次，令人覺得呢間酒樓人手極度不足，慢慢會見到茶客都開始投訴侍應，更有些自己動手去加水，當然侍應們見到都懶理。當覺得海天既侍應們態度係「黑口黑面、態度敷衍、永遠答案係'轉頭'」，但原來佢地係會講「咩生咩太咩老闆早晨」，仲要面帶笑容同埋躹躬的，對象當然唔會係一般茶客呢.....食物質素其實唔差，若唔介意有以上「服務」--- 只

今天四位大人來到海天飲茶。今日星期六，所以等位都正常。等咗大約十分鐘就有位坐。呢間酒樓好大，所以位坐滿哂，可想而知幾多人幫襯！我哋上左一樓食同等位。雖然坐滿人，但每張枱都幾大張，坐得舒服！因為我哋唔算太肚餓，所叫嘅嘢就唔係話好多。所有食物都好有水準，例如：叉燒腸粉，好滑好嫩；蝦餃，皮薄、蝦新鮮；蛋撻，曲奇皮夠鬆脆，好食；鳯爪排骨煲仔飯，份量多，餸亦多，抵食！ 總括嚟講，海天 食物價格算便宜，環境好，望到海，幾正 ！但食物選擇唔係好齊全，例如鮮蝦腐皮卷、流沙包同菜肉包都冇。服務一般，有時舉手好耐想嗌人，等好耐都冇人理 。可能星期六忙啦，所以問題不大嘅。一定會再幫襯，希望呢間餐廳可以保持水準！  四人食咗一共近400蚊！平！

跟公司去食飯，問秘書去邊食，佢話去「海天」我都無乜表示點知佢個勢利樣「同老板去食飯，一定要最貴」，我心諗「點呀你？貴就一定好咩」好！我放長雙眼睇有幾好！附近漁檔買定海鮮入去，嘩！裝修咁土豪，啱晒秘書啦。一坐低。因為個位對正三聖灣，見到夕陽，有飛機升降，其實幾好。不過由於秘書搞到我以為間餐廳好高級乜乜乜，以為侍應招呼會唔錯，但原來又唔係喎，一日最衰係秘書至於食物方面︰除咗叉燒真係好好好好好好食，有肥有瘦，又有肉味，想食多舊都無喇！而且，因為人多，唔係幾好意思~ 其他……至少有幾味都有啲OVERCOOK。不過，都唔錯咖喇！

黎三聖村一般都係食海鮮，因為有成條海鮮街你買海鮮然後去酒樓加工，海鮮價錢比西貢等遊客區平2，3成，所以識食有車一定識揀三聖村，而加工酒樓有平有貴，今次我地一行6人揀左間最貴的，就係想試下係咪真係煮功比幾他好！成餐飯成張枱都係海鮮，我地連飯都沒有叫，名乎其實海鮮餐，講返呢度既煮功我覺得同其他酒樓差唔多，其實海鮮只要靚同新鮮，點煮都好食，唯一係坐得舒服D，枱同枱之間空間大D，其他其實分別不大，所以下次可以不來！！今次煮得最出色我認為係果皮蒸鮑魚，第一呢度用既果皮好香，而且鮑魚洗得好乾淨，第二就係一個無得輸既豉油汁，一齊蒸完全帶出鮑魚既鮮味，第三係蒸既時間剛剛好，鮑魚食落口係超彈牙 鮮同散發出淡淡既果皮香同葸香！！ 配合刀叉食係絕對一流既享受！！另外，蒜蓉蒸扇貝又係蒸得時間剛剛好，因為今次選了特大扇貝，一來便10隻了，一次過蒸要好小心火喉，時間太長或太短扇貝都會變得不好吃，這果是剛剛好熟不乾身，肉質爽口且蒜蓉味出灑黎，配粉絲一起吃又是一絕！！其他菜式也好吃，不過加工費真的很貴

放閒日，住屯門都未去過海天飲茶，今日就試試，好在中午12點15前到，4大2小即有位(這裏的BB椅是整張的，不是舊式酒樓只在大人椅加張小椅上面)，否則要等位了，有代客泊車，感覺輕鬆好多!坐位不是太迫，環境不嘈，窗邊位好正，有海境，可惜今日只開2樓，窗邊位都是十幾人大檯。此外，檯面的炸銀魚小吃也很好味!叉燒包6.5/10~一籠3隻，包皮夠鬆，但內裏的汁不夠，而且不夠蜜味，有點似甜南乳味，一般潮洲粉果7/10~外皮是我喜愛正常的粉果果，不是那些晶瑩軟軟的水晶皮，餡料正常好味!春卷6.5/10~可惜炸得過火了，餡料有蝦有豬肉，食味也不錯。煎糯米雞7.5/10~味道其實一般，但這裏煎得比本人以往吃過的好，被包了蛋汁的米雞煎得真夠脆又不油!豉汁排骨腸粉7.5/10~又一底吃之選，排骨多，有肉味，腸粉軟滑，豉汁味不突出反而更好蝦餃7.5/10~粒粒大隻，內有荀粒，蝦亦爽口，用料是靚的，但味道與富臨比，後者有傳統食開的味道燒賣8/10~內有蝦及豬肉，好香，今歺最好味的一個點心。沙薑雞腳6.5/10~味道一般，雞腳發得太白，但欣賞有蔥絲，方便點沙薑汁。叉燒腸6/10~腸粉皮太糊口，入口一"pat"仲有個

公司部門聚餐，選定了到屯門三聖食海鮮，一直聞說這裡海鮮不錯，味道好而價錢划算，終於有機會來嚐一嚐。前幾天已訂了座位，我們約七點左右到達，侍應安排好座位後我們便到餐廳旁邊的海鮮外賣店選海鮮，這裡的模式跟鯉魚門、長洲等大致相同，都是先在外賣店買好海鮮然後再交給餐廳加工烹調。我們買了：瀨尿蝦、翡翠蚌、元貝、美國筒蠔和聖子。餐廳提供不同種類的海鮮烹調方法，我們選擇了對每種海鮮最能突出其鮮味的加工：- 瀨尿蝦：椒鹽- 翡翠蚌：油鹽水蒸- 元貝：蒜蓉粉絲- 美國筒蠔：薑蔥炒- 聖子：蒜頭豆豉炒此外我們也點了叉燒和半隻燒鵝。落單後等了不久，一盤盤海鮮便一一送到。瀨尿蝦一開二，半隻蝦比碟子還要長，蝦肉很彈牙、新鮮厚肉，被椒鹽覆蓋著非常開胃惹味。翡翠蚌很有驚喜，蚌肉很厚很實，而油鹽水的味道很淡，故不會搶去蚌的鮮味，所附加的粉絲吸收了鹽水和蚌的鮮味，非常好吃，但粉絲放得不夠多，每人一小口便吃完。元貝是大size的品種，廚師在蒸之前先在元貝肉中間𠝹了一刀，使元貝肉熟透的同時能吸收到蒜蓉的味道，元貝肉很厚很實並帶有咬勁，一口吃下去時蒜蓉、粉絲、元貝的鮮味合而為一，除了「鮮」之外想不到用什麼去形容了。筒蠔炒好後

是的,一直聽說食海鮮不止鯉魚門,西貢兩個選擇,今天首次得嘗來到屯門三聖.果然也很有規模,頭頭是道.基本上流程一樣是先到海鮮檔找海鮮,然後找間酒樓作加工,誠然沒有比鯉魚門的漁村風情,也沒有西貢的遊客景點.但整體而言不會比前兩者差,如果像小弟今次般,又部份朋友住元朗屯門等地方,這邊也是上佳選擇.小弟很久未去過西貢食海鮮,但記得鯉魚門選海鮮的街道較狹窄,環境屯門這邊比較寬闊,選起食材來會較舒服.而今次寫的這間,在海鮮加工方面很不錯,我覺得這很基本-否則也不會有這個類似鯉魚門食海鮮的地方出現,反而是這家食店他們的自家食品也很出色.這點值得推介俾個LIKE.就先介紹他們的非海鮮類食品-然後就是海鮮類了,關鍵是選材.記得找位懂選海鮮高手同行

一家人都愛吃海鮮,順便為媽媽補祝生日飯,訂好枱來三聖食海鮮!唔洗等位,仲可以係海鮮檔慢慢揀靚海鮮~代泊哥哥服務好好。籠仔荷葉蒸九蝦海鮮檔話九蝦唔係成日有,所以貴少少都試諗住下啦,點知我地哩頭買完半斤,果頭全部比人買晒！蒸完出黎細隻左好多,比白灼乾身,鮮啲,我都係鍾意白灼多啲！口感爽口,鮮甜~不過吃起來真不及海麻蝦,因為太細隻~或者我唔識欣賞啦！蒜茸粉絲蒸蟶子好鮮甜爽口,粉絲略少~味道就ok!淮杞燉螺頭湯好濃又鮮甜~超正!清蒸杉斑清得剛剛好,不過杉斑原來肉質唔係太滑~下次試另一隻斑先!花鵰蛋白蒸花蟹蛋白好香好滑又易送飯,酒味好香~加埋蟹汁鮮甜味清之中帶鮮甜,蟹又好肉!蒜茸炒豆苗好嫩,味道剛好,清清地~擂沙湯圓雖然好新鮮好好味,裡面的麻蓉更正,但食到尾真係好飽了！水果拼盤菠蘿最好食,好香甜,爽口又夠熟,其他一般啦！桂花椰汁糕唔係好實,食落唔係太甜,但椰汁同桂花味都好香,口感軟滑!海鮮買左六百幾,加工就都係七百左右~泊車唔洗錢,比廿蚊Tips就ok,不過真係好豐富同新鮮好味~最緊要係唔洗等位囉！太飽~真係有啲眼寬肚窄!

放假去呢度，多數要等位，係常識。今次5個人食，叫左一碟炒野，一碗粥，陳川粉，燸米雞等...各樣野，水準有D參差，講好既，有齋鵝同煎蛋燸米雞，2樣都夠脆口，後者竟吃出了煎蛋年糕的風味。唔好既，係個粥比以往差左D，排骨陳村粉既粉吸唔到味。而炒野則SO SO啦。有樣野一定要講，我一向有叫開佢地個柚皮，既好食架，今次去到居然冇左呢味野! 失望! 唔知遲D會唔會有返呢?!!

家庭日與家人一起吃飯,但其實只有三位但在海鮮檔買了很多海鮮~訂了坐但還是等了15分鐘才能入坐。前菜的蓮藕片酸酸的味道不錯而且很開胃;白灼海麻蝦,非常鮮甜,因為新鮮嘛！腐乳通菜如果是細的那種口感會好多了,味道不錯!蒜茸粉絲蒸扇貝:好吃,又大隻,鮮味十足!魚翅湯:湯底很濃,料很足!很棒!清蒸紅星:新鮮,蒸得剛好,沒有太老!白灼賴尿蝦:這個品種問題,膏很多,多得誇張但肉的鮮味還是中size的較好!蛋白蒸花蟹:超好味,蟹的鮮甜味全滲透在蛋白裡,而且很好送飯!這裡就是新鮮海鮮的加工場,雖然材料新鮮必定好吃,但如果製法不對就敗壞了，因為這一家老字號我很有信心!!!

呢間食店系我至愛食店之一, 原因好簡單, 用料靚,廚師功力一流, 每次來食都可以保持到水準, 本人平均一個月會來飲茶一次. 因為d點心好有質素而且環境舒服 佢系位於青山灣附近, 飲茶之餘仲可以睇埋靚海景(不過唔系個個位都睇到海景的, 二, 三樓近右邊d位先至睇到), 總共有三層, 不過地下那一層要多人的時候先至會開的. 另外佢仲有電梯, 方便老人家和行動不便的人 佢d裝修都幾華麗, 檯與檯之間都比較寬闊, 而且唔接受搭檯, 好有隱私,感覺好舒服, 二樓有三張卡位, 不過要好早來到先至會攞到 今日我地2位10:00am到左攞位, 通常10:30am前都唔使等位, 但10:30am後會比較多人要等位.通常佢會先開二, 三樓先, 如果爆滿, 便會開埋地下. 如果真系要等位, 佢會輪住個號碼派位的, 所以有可能2個人都會坐張大檯 不過佢d服務一般啦, 可能系個場太大但侍應不足夠, 呢d都系很多酒樓的通病. 好難搵到佢地落單或者加水 今日叫左6樣點心, 水晶蝦餃, 咖哩魷魚, 合桃叉燒批, 生滾咸雞粥, 北菇棉花雞, . 除左點心好味之外, 而且水滾茶靚. D茶葉無苦澀味. 而茶錢又唔

1) 我地話唔要碟小食，個侍應同我地講茶位已經包埋，但埋單時發現原來要收30元，前言不對後語!!!2) 一斤半龍躉（即24兩)，埋單竟然計30兩，收多6兩油料錢。3) 龍躉炒球的加工費完來唔包西芹。 部長確認手工費只計油泡龍躉，加西芹要另收60元。4) 明明亂收費， 正路應該改返正張單，比人check到就美其名叫《自由折扣》!但減完36元仍然收多我地錢。5) 比錢前張單叫海天花園酒家，比錢後變了海天燒烤樂園餐廳。原因自己聯想！！！

早兩日入屯門海天同朋友食海鮮，銀包早已上好彈藥血拼，叫左勁多海鮮!!!瀨尿蝦超野味，一定要比個like 佢!!! 差d 想叫多一碟黎食~貝類出品都十分ok! 其他就唔多介紹，大家自己去試下啦~服務同環境就都係咁啦... 始終都係港式酒家~ 最後落樓都唔係好貴，不錯~