洪記海鮮酒樓

营业中

休息中

行完山去左西貢洪記海鲜吃午餐，有点心和海鲜，我們叫了一個498兩人海鲜餐和幾個點心，海鲜餐有芝士龍蝦伊麵，不過那龍蝦伊麵全部頭和腳，一件肉都沒有，有点那過，其他有豉椒聖子，聖子有3隻，鲍魚很軟滑，是最好吃的，黃立鲳有点不太新鲜。

早上在土瓜灣食完個late breakfast後，趁平日放假就入西貢行下。搭船等候入去完鹽田梓，正正就是在洪記門外，睇到2人海鮮餐都幾實惠，都心思思想試吓，於是一回程上岸後就入去食個early dinner，果時大概4點20分左右😅😅呢個時段，餐廳冇咩人，我和男友揀選坐室內。$498免收加一但茶位收$15/位，包括花生，橋頭各一碟。椒鹽鮮魷- 炸粉厚左啲，亦冇想像中脆口，真係有點失望。豉椒炒蟶子 - 有3大隻，豉椒味佐料都幾香口，但蟶子肉質都係一般，又係有啲失望。清炒菜心 - 炒得唔錯，唔會過熟。2人餐再送碟菜，算唔錯架啦。薑蔥焗蟹 - 有2隻，有肉，冇霉，有薑蔥未，比想像中好喎😲 都惹味既。芝士龍蝦伊麵 - 主角最後上場。職員話已轉晒西澳龍蝦喎🙄 份量比預期中豐富，肉質都彈牙，而且啖啖肉。伊麵硬身左少少，芝士汁可以多返啲就好好多。整體而言，CP值高既😋。用$498食到海鮮餐，有龍蝦，蟹，蟶子⋯再加碟菜，兩個人食都幾飽肚，而且質素算係咁啦。出去市區邊可能食到呢？同埋呢個時段冇乜人，廚房都煮得算唔錯架啦😆😆Overall, 我會比3.5分。食完都只不過5點半，但開始見到有其他食客入場了

幫襯左好多年，疫情期間都有幫襯而家通返關，好多遊客啦，香港人就唔係客啦！呢日係平日下午，但都滿座無侍應會理你，話要自己揾位OK，我自己去揾，自己問人係咪就黎食完，然後企係隔離等（海景位），等左10分鐘終於有位然後叫左好耐先有人理我地開茶比我地。然後面前有2個內地客黎話食海鮮，呀姐話我地只食點心，唔比我地坐呢張枱，要我地揾過張坐我話：隔離左右，同頭先張枱都係食點心wor！呀姐（手指指）地講：頭先還頭先，而家食點心就唔比坐！我話：咁我走啦唔食啦呀姐：好呀咁你走啦！成件事好過份！疫情間唔係香港人繼續幫襯，你鬼撐得住呀！一通關就當香港人唔係人！自己揾位等位已經叫埋茶，都因為要做內地客生意而趕你走！痴線！以後不會再幫襯！放假唸住黎食下野去外島玩，點知一黎就一肚氣！破壞哂心情！香港人請齊心不要幫襯睇不起香港人的店！

聽講西貢食海鮮好貴，原來有優惠套餐又唔算貴😋之前我哋3人新年期間假日walk in ，大約6:50pm 去到都已經好多人，基本上附近餐廳都要等位，於是我哋選咗一間比較少人嚟等位，等咗大約25分鐘就有得入座！當時餐廳提供超級大優惠嘅套餐，我哋3人選擇咗4人套餐！優惠四人套餐($1088）👉🏻可選5款菜式，奉送清炒時蔬，我哋選咗以下5款：-白灼海生蝦-芝士波龍伊麵底-清蒸海上鮮-豉椒炒蟶子-蒜茸粉絲蒸元貝本來以為呢個套餐只係新年期間供應，原來平時都可能會有，張紙底部寫咗只限午市及晚飯散座供應，菜單如有更改或暫停，恕不另行通告！😋食後感：-因為係4人餐所以4人份量-蝦大隻有肉，食落好鮮味👍🏻正-芝士波龍伊麵底-比較濃味份量多同埋愈食愈漏，最後4人都食唔晒😂-清蒸海上鮮-係䱽魚-中型size 正常味道-豉椒炒蟶子-好味😋啲汁好正😂撈飯一流👍🏻裡面都多蟶子，必點✅-蒜茸粉絲蒸元貝-4隻大元貝味道正常-清炒時蔬
假日茶芥＄20/位套餐免收加一，加一只收菜芥Total : $11543人用餐即每人平均$385，這價錢食到5款海鮮餐，都算幾抵！

去開西貢，想搵一間想食少少海鮮，見佢有位就入左去⋯兩個人只點左一個豉油王炒麵，另外去同間店秤左6隻聖子～1. 豉油王炒麵🍝- 成碟油林林，得個咸字同個濕字，完全冇入味冇乾脆既口感🫣🫣🫣🫣2. 聖子粉絲蒸- 話俾大家知，唔咬崩牙當你贏！😡😡間野同你開蓋開到碎晒，混晒入肉入面，超級唔細心！10啖有8啖都有蓋，咬到牙都崩！😵‍💫😵‍💫😵‍💫😵‍💫兩樣野賣單$409問題係佢質素真心唔值！一開返關，質素就變差，搵唔到野讚佢！

上星期六去左西貢Hea下過個Weekend. 去得西貢唔係唔食海鮮下嘛！不過實在太多間食肆餐廳酒樓，點揀好呢？又唔想太貴，又唔想食難食嘅海鮮，睇返食評，最後揀左最多人評價average 之上嘅(洪記海鮮酒樓)。staff帶左我哋坐正門旁嘅細枱，食果陣都7點零，好多人差唔多坐滿晒。2個人食乜好？見到有套餐優惠二人世界都ok又唔算貴，最後點左1 芝士波龍伊麵底(都好食，唔會太乾，夠汁)👍🏻2 椒鹽焗鮮魷(鮮魷味幾岀)👍🏻3 豉椒炒蟶子(有鑊氣，唔會overcooked)👍🏻4 蒜蓉粉絲蒸元貝(正常水準)👌🏻一碟清菜係套餐送嘅。👌🏻整體來講weekend黎食算係咁，味道唔錯，價錢正常，又唔使等位，冇限時間食。👌🏻味道⭐️⭐️⭐️⭐️整潔⭐️⭐️⭐️價錢⭐️⭐️⭐️服務⭐️⭐️⭐️

🧡 洪記海鮮酒樓📍西貢海旁廣場兆日大樓地下6號及9-10號------------------------------1️⃣6人套餐 $1680 白灼游水海蝦清蒸海沙巴𧄌芝士西澳龍蝦伊麵底蒜香粉絲蒸元貝薑蔥焗海蟹椒鹽焗魷魚楊州炒飯蒜蓉炒菜心 推薦指數：👍🏻👍🏻👍🏻👍🏻大部分海鮮都很新鮮😋海蝦鮮甜爽脆🤩龍蝦🦞係西澳龍蝦 比波士頓龍蝦好食 蝦肉新鮮結實 元貝 蟹🦀️ 魷魚🦑都好有鑊氣2️⃣金牌鹽焗雞推薦指數：👍🏻👍🏻👍🏻👍🏻雞肉肉質不錯💕 調味恰當😋推薦3️⃣馳名菠蘿咕嚕肉推薦指數：👍🏻👍🏻👍🏻👍🏻👍🏻份量十足 啖啖都係肉 皮脆肉嫩 好鍾意🤩😋------------------------------原本以為套餐的食物水平會一般般 點知好有驚喜🤩食物份量超出想像 炒飯和魷魚都要外賣 再食多一餐😂大排檔環境略嘈雜 不過可接受總評味道：⭐️⭐️⭐️⭐️環境：⭐️⭐️⭐️服務：⭐️⭐️⭐️

今天過去西貢飲茶，去到洪記想找知客安排座位，原來他們沒有知客，很難才找到一個夥記問有沒有位，他叫我們自己找。我們見到有一張放了酒的枱，所有杯都是沒有開的，也沒有茶，我們以為是沒有人的便打算坐下，怎料給夥計遏止不能坐，他說有人。 既然他這樣說，我們便另找座位吧，見到有一張四人枱，我們便想坐下，另一個夥計問我們多少人？ 我們說2位，他又很不禮貌地說不能座，當時我也有點不滿地問他有沒有位，他沒有回答便走開了。

情人節唔想去食西餐俾人劏, 所以一行4人去左西貢食海鮮, 一直對西貢海鮮街嘅印象係劏遊客, 所以冇乜本地人去食, 但有見疫情期間小左遊客, 同都有朋友介紹話幾好食, 所以黎試下, 起碼情人節都冇人價先, 跟番閒日menu, 有得叫海鮮set. 我地叫左個5份海鮮set (平版~1000, 貴版~1100 免加一), 有生果同炒菜送. 總括黎講海鮮係幾新鮮嘅, 淨食海鮮都夠飽, 但某幾碟就會稍嫌偏貴, 如果我以每碟200蚊黎計. 不過大時大節唔加價, 食完可以去海傍行下飲杯野, 都算係一個幾好嘅體驗.推薦: 5/10環境: 唔知有冇室內位, 不過好似9成都係室外位, 情人節當日有小小凍, 舖頭有提供火爐仔, 同埋都cover嘅, 只係野食都會幾快凍. 好彩當日食煙嘅人唔算多, 唔知舖頭有冇分到吸煙區服務: 中式餐廳黎講服務都算唔錯(餐冇收加一, 只有啤酒收加一), 侍應都有禮貌, 都好快回應到客人需要.野食: 椒鹽鮮魷合格, 唔算好好食, 200蚊黎講偏貴, 唔係件件都完整, 有d碎魷魚白灼蝦個質感好硬淨新鮮, 食落都好新鮮, 都算多蝦, 成碟只有1,2隻係梅.上湯龍蝦伊麵可以揀芝士或上

未食完嘢，已經俾侍應收走食物🤬🤬🤬🤬5:15Pm入坐落單，5:25開始上菜，唔到六點走左點解會咁早走，原因係佢地侍應清走曬我哋啲食物🤬🤬🤬5:50pm當我地食完魚後，有侍應問我哋收得未，我話收得魚。（之前一直冇其他侍應幫我哋清垃圾）（（點知侍應將其他垃圾掉落其他餸菜度，一次過收走晒我所有餸菜，其他餸菜仲未食晒架😡😡😡））原因佢就係諗住清我張枱比其他客人入座。但事實上附近仲有其他吉枱😡😡😡向收銀反映，佢地冇道歉！！！喺度食飯仲要比+1服務費😂😂😂服務的確係有服務，不過就唔係好服務啦😂😂😂😂兩個人幫襯優惠海鮮套餐$498，加左$100蒸魚轉斑不過條魚好似未發育咁（好細條😂😂😂😂😂），所以冇影相。隻蟹似幼年期咁😂😂😂，細到好似普通大閘蟹咁細，應該無洗過蟹，好污糟。聖子係比以前細，但我覺得OK嘅，至少冇沙。至於龍蝦伊麵我覺得味道都OK ，不過伊麵就比以前少好多。我覺得整體味道都OK，不過品質比以前差🙂疫情期間可能少啲客人，所以品質比較好，份量都比較大。總結以後唔會返嚟食。

今日去左西貢行山，夜晚當然要係西頁食海鮮餐啦！我地揀左二人餐，明碼實價唔怕到時埋單有驚喜，海鮮餐點咗：芝士龍蝦伊麵、椒鹽蝦、蒸鮑魚、薑蔥炒蟹及時蔬，分量尚可，用料尚算新鮮，味道也可以。套餐嚟講，海鮮選擇都好多。龍蝦性價比高，厚肉，芝士汁味道適中唔會太濃，但送到來的伊麵已經有點凍。蟹就有啲失望，無咩肉食，而鮑魚有點蒸過火，肉質有點，但味道OK。椒鹽惹味之作，椒鹽炒得夠香，蝦亦容易拆肉，好味！相對地清炒時蔬略嫌油份太重。整體一般。

(自費食評) 好便宜又抵吃的海鮮午餐今天我們三人來到這裡吃午餐，我們挑選了優惠二人餐，可以選擇4款海鲜，我們選擇了芝士龍蝦伊麵底，蒜蓉粉絲蒸元貝，豉椒炒蜆，椒鹽焗鮮魷芝士龍蝦，龍蝦肉大大粒，淡淡肉，配伊麵底賣相吸引，份量十足豉椒炒蜆，很多很多肥蜆蒜蓉粉絲蒸元貝(2隻), 入味，元貝很肥椒鹽焗鮮魷，份量十足。新鮮製造。好有香濃的椒鹽，好香口蒸紅棗糕，有四件，點心需要自己自行出去大排檔自取熱辣辣鮮蝦菜苗餃，好食，有好多蝦肉，正

同朋友行完西貢萬宜水庫東壩，一行五個人決定坐的士直接去西貢碼頭洪記海鮮酒樓飲茶，上咗去二樓坐，貪佢少啲人，吹水傾偈方便啲，坐低後即刻叫咗兩碟飯麵先，跟住先落樓下拎點心。呢個鴻圖窩伊味道認真麻麻，真係好一般。呢個福建炒飯只見面頭鋪滿粟米粒，都算少見，但味道還可以。點心就覺得蟹籽燒賣同蝦餃皇最好味，啲蝦夠爽有鮮味，醬汁鳳汁同山竹牛肉都ok，潮州粉果啲皮過厚，鮮蝦菜苗餃唔錯，鮮蝦腸粉皮都有啲厚，味道都可以，炸竽角好鬆化幾好味，至於珍珠雞同豉汁蒸排骨就好一般。最後想食啲油菜，但下面點心車就冇，阿姐話要去收銀處落單然後由廚房炒，即係要收炒菜價錢，碟菜份量ok，都好翠綠。埋單連兩支大啤要成八百元，價錢都唔平！

過年與朋友到西貢一天遊，在碼頭搭船去橋咀，來回$30，之後到洪記海鮮酒樓晚飯。選了個二人套餐，轉西澳龍蝦唔洗加錢。我們點了上湯龍蝦加伊麵底，清蒸海上鮮（黃立倉），白灼海生蝦，炒蟶子，再加一個蟹肉粟米羹。龍蝦食落唔太鮮味，海蝦普普通通，蟶子就是全晚最好食的海鮮，條魚亦是一般般。埋單$692，價錢就唔太貴，當晚就唔太多人，下次會試下其他食肆。

幾個老朋友今日遊畢鹽田梓，回程就返到西貢食海鮮。海傍一帶有唔少選擇，非假日都唔少人。洪記的海鮮套餐尚算抵食，我哋仲另叫咗點心,甜品和羅漢齋炒麵，味道、份量都值得推介。