泰海鮮 (已結業)

老漢癈鹽前每個月總會到三聖嘆幾次海鮮餐，轉眼四年再次重遊舊地！好彩玲玲經理仲係度，依然靚女無乜點變。冬蔭功湯煮海花螺⭐️⭐️⭐️⭐️⭐️湯濃香辣螺鮮甜，湯汁香辣並重落足料，茄味提神酸味醒腦！花螺新鮮度極至，螺身鮮甜彈牙、螺尾甘香綿綿。剝掉七八九十粒螺肉配啖白飯淋點冬蔭功辣湯，此味只應天上有！湯汁十分惹味，好想撈河粉齊齊灌落肚仔去！辣椒蒜蓉粉絲蒸珍寶扇貝⭐️⭐️⭐️⭐️⭐️新鮮度不容置疑，只有鮮味無腥味！活扇貝質滑彈牙，多謝廚師蒸得巧到好處熱烘烘無過時，夾著辣椒蒜蓉粉絲蒸肉汁全部一次過掃落口，滿足幸福！清蒸蝴蝶蚌⭐️⭐️⭐️⭐️⭐️厚身飽滿肥嘟嘟脹卜卜鮮甜爆汁，彈牙滑滑蚌汁飛射，原汁原味無可抗拒！薑蔥爆台山桶蠔⭐️⭐️⭐️⭐️⭐️金黃焦香有鑊氣，桶蠔滑滑鮮甜蠔味濃烈香口，夾著蒜子食更是享受，就連蔥段都十分爽甜無草腥味。油鹽水煮沙白⭐️⭐️⭐️⭐️巨形大大隻厚身黃蜆肉，讓油鹽水更帶出其鮮甜味，搶住食一隻接一隻停不了的節奏！馬拉盞炒通菜⭐️⭐️⭐️翠嫩水通我最愛，菜甜鮮爽但唔夠盞唔夠濃啊！想更惹味更香辣。豉油皇炒麵⭐️⭐️⭐️碎上？碎濕濕好討厭！續少續少夾入口使人非常疲累，沒有了大啖啜大啖啜一氣呵成的快感！生老抽味道平均，麵彈不過腍。鹽焗花生⭐️⭐️雖然香脆，但我不喜歡花生的，以前的酸紅白蘿蔔沒有再供應了！…查看更多

上星期六我同女友光顧泰海鮮，因為冇自帶海鮮去加工，只係點佢哋嘅二人套餐$7XX！我見餐單有龍蝦、鮑魚，就試下啦，其實我都冇乜期望，因為我喺香港食海鮮，多數都係有俾人厄嘅感覺。點知喺呢間酒家，白灼海蝦一到就有驚喜，啲蝦都算大隻，有鮮味; 然後到鮑魚，有4隻 (我以為只係得兩隻); 雖然只係得一隻龍蝦，中等size開邊，用芝士脆焗，特別惹味。成個套餐嘅食材絕對新鮮，份量足夠，服務亦好好。短期內一定會再去。…查看更多

我都係第一次俾好評，真係不得不讚。聽人講左好耐去屯門食海鮮，我哋一群12人去咗三聖邨，冇人識揀海鮮，直接去左間叫泰海鮮既餐廳，叫waiter搞掂，原來黃秋生都推介過呢間餐廳。職員幫手揀咗啲聖子、扇貝、海蝦都好新鮮，因為好新鮮，所以白灼同清蒸都好鮮味。條魚好大條，龍蝦手掌咁大隻，第一次見。12人一圍都係三千幾蚊，真係好抵！以為咁大間舖唔使預約，點知都要等位，下次要早啲打嚟預約定，唔約未必有位。隻芝士龍蝦真係好經典，個個都拎起影相，一世人點都要嚟食一次，下次會再嚟。…查看更多

新開的泰式料理，菜單上有很多品項可以選擇，他的份量也是真的很實在，我們都叫小份的，但送上來發現每樣都超大一份，這樣整個吃不完🤣，而且他們的餐點我跟家人都覺得很好吃，是Cp值很高的一間餐廳。還有很加分的一點是老闆人非常好也很好客，是很值得再訪的一家餐廳。—————————————————————泰味辣炒茄子很喜歡這種煮到非常軟爛的茄子 讓醬汁非常入味 辣度大概是微辣的辣度泰式酸辣海鮮湯很喜歡這個海鮮湯酸度非常夠 且用料很豐富泰味清蒸檸檬鱸魚鱸魚本身很新鮮 口感很好但醬汁我覺得偏淡 如果在酸一點會更好…查看更多

旁邊三聖村海鮮🦞街市買左9樣海鮮，去到泰海鮮加工另叫一個菜。泰海鮮以不同煮法加工，沒想到可以如此美味，由其辣酒煮螺😘辣度適中，咁快手都十分入味薑蔥羔蟹炒得很入味，又不會太熱氣。火候控制得很好👍🏻炒蜆味道也是十分美味，必須配上白飯。另外鋪頭提供玻璃樽可樂😍正！唯獨美中不足是碗碟十分不滿意大家食前記得洗乾淨啊😂…查看更多

一行六人為朋友慶生, 朋友原本話說要去南記, 但我提議泰海鮮因為比較舒服. 結果就去了泰海鮮. 不得不說泰海鮮比較闊落, 冷氣也夠凍.原本諗住叫個四人餐份半就啱啱好, 結果老伙記話沒有半份餐叫, 一係叫一個四人餐再加一個二人餐. 或者叫四人餐再散加另外件數食物. 但結果我們外出買海鮮在回餐廳加工. 六隻黃油奄仔, 一扎小蟶子20兩, 龍蝦仔三隻, 花竹蝦八隻, 一共$2100豉汁聖子米粉底.... 賣相和美味很好, 米粉脆脆不油膩, 豉汁呢度剛剛好沒有死咸, 蟶子好爽嫩. 脆皮芝士龍蝦.... 賣相超吸引, 個人覺得做得有點過熟, 不過尚可接受.豉油王花竹蝦.... 味道可以, 比起流浮山較為遜色鹽焗黃油奄仔.... 時間味道都好好, 是真的鹽焗好香椒鹽鮮魷.....粉厚, 絕對是失敗的出品, 結果要猜包剪揼才能把他吃完. 薑蔥霸王雞....伙記放低半隻雞, 真係見到都唔想食, 感覺是番蒸隔夜雞. 勉強每人食咗一小件, 就唔肯再食, 結果食剩差唔多半隻雞冇喐過, 連包剪揼去食都唔想. 因為唔想浪費, 只好比多两蚊打包給姐姐吃, 唉！食餐飯招呼一般, 換過一次碟, 埋單9支啤酒仔, 30蚊切餅費, 六個茶錢,兩碟花生, 一共$1450個人覺得始終流浮山抵食好多, 不過流浮山冇脆皮芝士龍蝦咯！…查看更多

計多左兩支啤酒、一支汽水野食上比之前差左，份量少左連埋海鮮都要二千零蚊5個人唔太抵食下次都係去西貢好啲附近個車場原本以為10蚊一個鐘，但原來星期五係15蚊一個鐘。…查看更多

今次專登去左屯門三聖泰海鲜去慶祝媽媽生日飯，可以自己買海鮮去附近飯店度整，我今次揀左 -泰海鮮- 食揀左蟹，聖子，蝦，蜆，螺之後去加工，真係好好味，薑葱炒蟹好惹味，清蒸九節蝦也好有鲜味，蜆仔和，鹽焗東風螺也好正，豉椒蟶子皇食到停不到口，用料充足 新鮮食材 正!有驚喜！見到師傅 用心製作性價比也幾高，也有好多人光顧，環境似酒樓也坐得舒適，早訂位更可坐享冷氣充足 的 VIP 房。今次我們一共點了七款海鮮，而我就揀選了今次海鮮依舊在「關財記」買，價錢約$2000，大家都飽得捧著肚子離開…查看更多

食海鮮梗係搵返啲有得自己揀海鮮嘅地方食啦.見到啲餐廳有大部份都坐得唔係咁舒服，見到有一間加工價錢唔算太貴，算坐得舒服嘅大排檔就決定揀呢間首先要左個大魷魚2食刺身同埋炸魷魚鬚魷魚切到好薄刀工好好，魷魚鬚啲粉唔係太厚承諾有趣又彈 豉油王炒蝦啲 d 蝦膏多到爆瀉 海中蝦蝦味十足返原條魚就麻麻蒸有啲老豉椒炒蟶子就一般般冇咩特別鮑魚同扇貝因為新鮮所以都係勁鮮甜值得一讚嘅係個豉油做得好好好夠味但係又唔會好鹹最後到龍蝦芝士脆焗,我覺得有啲嘥咗隻龍蝦望落去好靚但係食落去冇蒸咁好食…查看更多

難得入到三聖一定去食海鮮 八個人叫咗八個餸👍辣酒煮海螺,大大隻嘅扇貝,清蒸海蝦,大大碟 豉椒炒蜆鮮滑嘅沙巴龍躉,分量好足嘅揚州炒飯潮州濕炒飯,最當然仲有主角芝士焗龍蝦出場！辣酒海螺 唔會好辣 味道 鮮甜完全冇腥嘅味道大大隻嘅扇貝配上清蒸豉油 一樣係 鮮味十足清蒸海蝦鮮甜味美, 蝦膏十足, 而且非常飽滿炒蜆蜆肉全部充滿肉汁, 鮮甜彈牙, 配上配菜非常開胃, 甜椒炒蜆味道更加突出沙巴龍躉非常嫩滑鮮甜, 肉質唔會過時配上鮮魚豉油 美味非常當然唔少得 揚州炒飯同潮州濕炒炒飯味道十分刺激 份量十足的飯味香薰濕炒炒飯唔會太乾, 食物飽肚！最後當然由主角 芝士焗龍蝦 優勝芝士味道適中唔會太鹹： 配上龍蝦肉 十分合襯！龍蝦肉嫩滑 啱啱好配上紅豆沙 甜品 同生果盤做最後總結十分抵食！…查看更多

三聖係食海鮮聖地🦞🦐，屯門標誌🐠，最近去黃金海岸酒店staycation， 順道食海鮮！交通🚍： 黃金海岸商場門口有巴士🚍，小巴🚌，大部分都會經三聖村！上車前問問車長！呢間三聖人氣海鮮店，好評如潮，等我試咩料先！由於只有二人關係，如果外購海鮮，唔知食得啲乜！好在佢地有二人海鮮餐$730，價格合理！另加一，茶介🫖每位$10，花生🥜$15！先上白灼蝦🦐，超級熱，海蝦🦐好鮮味，🙅🙅絕對唔係下爛貨！正蒜蓉粉絲蒸元貝🦪，每人一隻，都係熱到辣手！元貝蒸得剛剛好！調味恰到好處！脆皮芝士焗龍蝦🦞，每人半邊秘製芝士醬，焗得十分之脆口，金黃色🦞，都係熱到不得了！龍蝦食得出好新鮮，好鮮甜！ 龍蝦肉大大啖！肉質彈牙！好野！果皮蒸鮑魚，初時以為每人只有一隻鮑魚，原來每人有兩隻大鮑魚，果皮香得呢唔搶口，蒸得剛剛好！上湯浸時蔬🥬，外表平平無奇，上湯帶出白菜仔鮮味🥬！一向套餐炒飯都係麻麻地，估唔到佢有驚喜，炒得好香，食得出係即炒🍚！總結💝：招呼好， 原來套餐都可以做到十分足料，好夠飽，好新鮮！ 食物樣樣熱辣辣，like! 呢間要encore, 下次一定要訂位☎️，平日去食都好爆滿！…查看更多

十年無來過三聖食海鮮了，印象中多人、海鮮貴，味道都忘記了. 這次朋友臨時話想食海鮮，提議三聖，試下無妨😃在海鮮檔買了以下海鮮，檔主會問幾人份量，然後幫我地秤，以下4人份量，有些無寫價錢，我地都無問，任佢秤：澳洲龍蝦兩隻（$268/斤）鑽石蚌（檔主推介，說不是經常有）一札聖子大連鮑魚$100/5隻極大瀨尿蝦4隻元貝4隻奄仔蟹兩隻（$90/隻）———total $1840——在泰海鮮加工，出品如下：蒜蓉蒸龍蝦👇👇 肉稍微淋咗小小，係肉質的問題油鹽水鑽石蚌👇👇 加咗胡椒粒，帶出鮮味，第一次食有驚喜😋豉椒炒聖子👇👇爽口惹味😋一致高評價👍薑蔥鮑魚👇👇爽口彈牙入味👍泰式冬蔭功瀨尿蝦👇👇 選取檔口最大隻的一款，見網上評價這種做法好食，於是一試，其實冬陰功味就沒有，不過調味得尚算唔錯，大隻肉厚但很嫩😋蒜蓉粉絲蒸元貝👇👇 元貝大隻新鮮，配粉絲蒜蓉係不二之選，火候剛剛好😋鹽焗奄仔蟹👇👇 蟹比較細隻，只有一隻有膏，不過尚算鮮味😆大家都捧著個肚滿足而歸，好久沒有咁食得咁盡興開懷，這家的廚師功力很好，在客人滿座的情況下保持很好的水準，及上菜速度非常配合，計算了一下，扣除其他餸及酒水，7款海鮮的加工費大概$700，這樣一頓飯下來每人$760左右，貴唔貴見仁見智，滿足開心就好😀…查看更多

母親節後一星期到訪泰海鮮，當日中午book 枱，仲有位，準時6:30 到海鮮街揀靚貨五位，六道海鮮，加個炒飯同菜。茶芥連加一、盛惠$906。等待埋單期間，聽到傳菜姐姐同廚房爭論，似乎錯將A 客既北寄貝送到B 枱，所以A枱一直催上菜都冇消息，遇著B 枱客人唔老實食左又唔出聲，傳菜姐姐慘囉～ 成餐飯食左兩個鐘，每道菜相隔15分鐘左右，微暖，唔係熱到出煙。最熱既係last 兩道鹽焗同蒸扇貝。既然有台山桶蠔，就試砵酒蠔，可能食慣大牌檔（萬發），唔慣冇瓦煲上菜。而且唔夠香、唔夠乾身，食得出經過炸既工序，脆邊，當前菜OK 第二道就係菠蘿炒飯，以為泰式野實冇事 失望，炒飯好濕，雞肉雪藏又冇味。$90/碟清蒸海斑，時間岩岩好，廚房贊油似乎重手左嚟到三聖，必食青山灣芝士焗。先前停晚市，係名門（名鑄）食過，呢度再試試，比較之下，都係熱辣辣既，味道差唔多。上次琵琶蝦，厚肉，今次本地青龍，肉冇咁飽但甜，芝士焗冇咩太大分別，都係好食馬拉盞炒油麥菜，太濕，似係d 醬未撈勻😅 鹽焗奄仔蟹，斤半，熱辣辣，咸咸地，軟硬膏，硬膏好香似咸蛋黃爆膏，正最後一道，蒜蓉粉絲蒸扇貝，基本上每枱都有。根本唔知係咪我買果袋貨😂 按數量上足數就算，扇貝加工費每隻計$15，咁都OK! 起碼唔秤貝殼重量（又唔係食個殼）味道不過不失 餐廳設男女廁所，乾淨。環境服務唔好要求太高，叫做好過大牌檔、又同酒樓有距離啦。枱布有煙頭辣到一個個窿，真係唔開胃相信冇打斧頭收費比大街名門低，平日加工費每斤 $48，假日$52，名門索價$9X 斤，但環境裝修新淨舒適味道普通，冇人地講咁正，間間「青山灣芝士焗」應該差唔多上菜速度、擺盤有待改善未必會再嚟喇海鮮盛惠 $1300，加工連加一茶芥 $920人均$444（連自帶海鮮）…查看更多

同家人慶生，過往多幫襯興X，見呢間食評唔錯諗住嚟試吓，點知未入座A侍應已問食客海鮮煮法，但海鮮隨放膠筒內又沒有標記客名，只拿著海鮮膠袋問食客憑膠袋搵海鮮。大海蝦賣晒，買了細蝦用黎海蝦伊麵， 反被質疑你嗰啲係蝦仔嚟，你知唔知你自己買咗啲咩蝦，用黎白灼㗎咋，冇禮貌兼完全唔尊重食客。我們11人按防疫要求分兩圍枱，為怕廚房漏將餸菜分2圍上，入座時已即時通知樓面，結果冇禮貌A侍應又走出嚟責怪點解分枱唔早啲出聲，其實佢問我哋煮海鮮嘅方法時已清楚知道人數11人，必須分兩圍坐，我們只提醒同一味餸要分2碟，反過來又被怪責食客！全餐晚飯共12度小菜連海鮮，全部都淡而無味，芝士焗開邊龍蝦就冇芝士，要改為上湯煮、蒜蓉蒸刀背又煮到靭晒，全部餸菜趕收工，一連串上晒枱面，幫襯過三聖邨咁多間海鮮餐廳/酒樓，這是最難食及服務態度最差的一間，以後唔會再光顧。…查看更多

媽咪生日去左三聖買海鮮然後去泰海鮮🦞加工煮佢吃真係好好味😋😋😋想買乜買幾多自己定然後想食乜口味都有得揀個廚真係冇得頂前枱勤力好服務👍🏻👍🏻👍🏻👍🏻大家食得好開心可以再食…查看更多