泰星匯泰國菜

营业中

休息中

妹子等生日想吃泰國菜，而葵芳呢間都唔錯，裝潢就冇乜，感覺似飯堂，最緊要好食。炭燒豬頸肉，都算多，點醬汁食好惹味。泰式鳳爪就望落好似少咗啲，而且好辣。豬肉生菜包，肉碎ok，但欠缺酸味，多返少少好啲。泰式炒椰菜苗，味道岩岩好，唔會太咸。鵝腸食落好似唔太新鮮。呢個菜式唔辣嘅。木瓜沙律，都算多，味道都好正宗。好食。石榴沙冰，好fresh ，菠蘿可能更好味。明爐烏頭，魚肉多，好滑，湯底夠酸，好開胃。泰式椒鹽豆腐，感覺特別，豆腐大舊。有家嘅感覺。第一次食呢個形狀嘅蒜蓉包，好香口，好脆。

葵芳行完街同男朋友去食晚飯，舊區入面有條食街，揀了這間泰星匯泰國菜❤︎ 舖頭都幾旺，一路食一路keep住有客入嚟，仲會播下輕柔泰文情歌(我估是，聽唔明)，成個氣氛都幾舒服泰國菜必食的生蝦❤︎處理得好乾淨，蝦肉新鮮又彈牙。配個泰式酸辣醬汁，非常開胃！明爐烏頭，非常大陣仗，比想像中大條好多！鮮味十足，同魚肉好嫩滑燒大鱔，魚肉厚又燒得香，2串先六十蚊！平又抵過其他串燒店好多，下次來一定會再叫！又是每次食泰國菜都會叫的菠蘿海鮮炒飯，味道正常水準，肉鬆落超多，抵讚鹹魚蓉炒芥蘭最後要咗個甜品同男朋友兩份食，芒果糯米飯❤︎芒果好熟，超級甜，椰汁糯米都同以前喺泰國食嘅味道一模一樣整體都好滿意，下次再來！

去開葵芳，見好多朋友去葵涌廣場掃街或者去新都會廣場餐廳食嘢♥.葵涌廣場附近都有唔少餐廳選擇，今日就去咗葵涌運動場對面信芳街食野。這條街有好多餐廳，有西餐、泰國菜、茶餐廳、糖水、潮州打冷及日本拉麵等等。.今日就去咗泰星匯Thai Sparkle Food泰國菜♥之前都試過喺度食晚餐，二人套餐$188 - $2xx，份量好多又好食，絕對唔會俾九龍城差♥住葵涌區嘅朋友想食泰國菜不妨去呢間試下。.今日就來咗食午餐，午餐都有好多選擇有泰式炒粉麵，飯類及湯米線，另外仲有小食。今次叫咗餐牌上K12泰式酸辣豬扒米線。.雖然喺度食過幾次晚餐，上枱其實有啲失望，因為睇落似清湯同想像中嘅辣米線有分別。.飲咗啖湯之後，好有驚喜！湯底顏色夠淡，湯底入面加咗好多蝦仔，層次分明其實都濃味！好舒服，唔會係一滴香嗰種死辣，係具層次感既辣味同泰式香料慢慢滲出♥豬扒就不過不失。.米線入邊嘅配菜另外有白蘿蔔同紅蘿蔔，紅蘿蔔嘅甜味有助解辣，米線嘅湯底同配菜有花過心思配搭，味道配合得很好♥朋友成日都係食來食去果間米線，我介紹咗佢去呢度試下泰式米線♥

行過路過 葵芳 - 信芳街 見到這間曾經充滿話題性的 泰星匯泰國菜館 , 於是便入去幫襯 , 一嚐究竟 ~Menu ~泰式咖啡 $25 : 泰式咖啡的味道香濃 , 味道又不至於太甜 , 還算 ok ~冬陰功蝦湯 (小) $78 : 每次吃泰國菜都會點上冬陰功湯 , 此湯的味道在酸辣度都頗平均 , 香茅的味道明顯 , 有五隻蝦 , 喝後胃口大增 ~炸蝦膠釀皮蛋球 $46 : 炸至金黃的蝦膠爽口彈牙 , 皮蛋也帶點軟滑滑的溏心 , 還不錯吃的 ~泰式無骨海南雞 (半隻) $95 : 雞肉夠入味 , 皮薄肉嫩 , 口感肥美 , 讚 ~泰式炒金邊粉 $66 : 頗大碟的 Pad Thai, 賣相得體 , 蝦肉爽口彈牙 , 金邊粉炒得均勻又夠鑊氣 , 味道酸酸甜甜 , 合我口味 ~本篇完 ~

本來約好朋友3月去泰國玩，但可惜佢臨時公司有事走唔開，所以佢請我食泰國野補償我。我當然把握機會叫到成枱野食啦沙嗲牛串燒即叫即燒，上菜時熱辣辣，肉質夠軟唔韌，入口即溶。而我覺得個沙嗲醬先係成碟嘅精髓，點落啲串燒牛到食落又甜又鹹，十分惹味。馬拉盞炒通菜炒得好入味，唔會過咸或太辣，食完都唔口渴，好味！平時我都食開炭燒豬頸肉，但見菠蘿甜酸脆炸豬頸肉都係推薦菜式，一於換下口味。豬頸肉以咕嚕肉形式烹煮，但相比起來，豬頸肉裹既粉漿薄d，脆出黎更脆口。而且餐廳仲用上新鮮菠蘿，取代人工醋酸味，既鮮甜又可以帶出肉香，粒豬頸肉都掛到汁。呢個椰青海鮮焗飯令我嘩然，因為佢真係大份到黎哂譜！椰青內已經一碗多既飯，仲會額外附送多一碗。最抵食既係餐廳會原封不動將成杯椰青奉上，早知我就叫少個椰青啦焗飯中有大蝦、魷魚等海鮮，亦唔少得腰果、肉鬆、青豆、紅蘿蔔等配料，食落口感層次豐富。椰漿滲入左每粒飯，所以食落充滿椰香，味道清香，食哂兩碗飯都唔覺膩。芒果白糯米飯係飯後甜品芒果香甜多汁，白糯米口感軟糯煙韌，淋上濃郁既椰漿一齊食，真係甜到入心啊！椰青係食泰國嘢必飲嘅飲品，椰青又大又多汁，椰汁非常清甜。食完啲鹹嘢飲番啖椰青中和下舌

葵芳小舖有咁樣嘅水準令人好意外，見到一台客走都會有另一台客入嚟，服務亦相當唔錯。食物方面冬陰公湯好特別，茄味非常濃同時又帶得出冬陰公嘅味道，好讚！價錢都好合理好值得推薦！

乾炒豬頸肉河粉 ($40, 連野飲)個河粉超級肥，但係超好食，啱晒重口味嘅你！佢炒得好夠鑊氣，d豬頸肉夠肥美，腍得黎彈牙爽口，又唔會又韌又硬，咬唔郁，食到我舔舔脷😝個河粉唔會黐埋一住，條條都分明，亦都掛到汁，所以好入味！唔使5分鐘就食晒成碟！我加咗兩蚊叫凍奶茶，幾正宗嘅港式奶茶🥰解油膩。另外，叫咗個青咖喱薄餅。個青咖喱有一大碗，超級濃郁，椰汁味重，香料味十足，唔會辣。啲雞件都好嫩滑，份量足。但係薄餅得四小塊，唔係幾夠拎黎送咖喱食，叫多碗白飯先得！

成日嚟呢度食午餐，選擇多，泰國菜式樣樣齊！今日決定食叻沙🤤叻沙湯香茅豬扒米線，啱曬重口味嘅人！😜 🍜 湯底椰汁味好重，唔辣，香料味濃；豬扒份量足，肉質都鬆軟，整得啱啱好，唔會太韌；仲有索晒啲湯汁嘅豆腐卜，係我嘅至愛🥰米線正正常常~~唔會話煮到太腍。呢個午餐只係$45，仲連嘢飲，價格公道！平時我食米線，會飲埋啲湯，但今日呢個飲唔晒，因為我覺得有啲鹹，落鹽似乎重手左🙈不過飲番杯奶茶，就冇野了😝

從小就在葵青區長大的我 這間泰國餐廳可以說是我家人的首選 即使鄰近新都會廣場有着不少泰國菜餐館 我哋亦都從未變心😂今晚聽到媽媽話食泰國菜 我就知道佢所指何處了😂首先要講 這間餐廳泰國氣息濃厚 電視上一路轉播着泰國歌手的MV 而餐廳亦都有一間開到兩間 就打對面 生意越做越好 皆因食物質素有保證👍🏻 今次同媽咪揀選左咖喱炒蟹 見佢晚市做緊優惠$138！另外點了碟香葉炒聖子同埋我第二最愛的芒果蟹肉炒飯😋雖然現在不是吃蟹的季節 但今晚的蟹依舊大隻 肉質鮮甜 咖喱汁是泰國的風味 微辣當中帶點甜 平時一家人食會追加蒜蓉包 不過今次兩個女人仔吃不下 大家記得要叫包配埋汁食！一流！！炒聖子方面一碟有四隻 全部XL碼！炒聖子的火候剛剛好 嫩口多汁 辣度比起咖喱蟹稍為強 非常惹味🤣至於個芒果蟹肉炒飯 我就交俾張圖去說明 蟹肉超多 芒果亦是 基本上每一啖都會吃到芒果和蟹肉的配搭 實在太好味🧡至於這個炒飯是我第二最愛的原因 我平時來的首選到時椰汁海鮮焗飯 量大椰漿濃 極香濃 從來冇喺別的泰國餐館食到咁高質素的焗飯 仲要有杯椰子水！抵👍🏻這間泰國餐館真的是葵青區居民心目中名列前茅的餐廳 大家如果經過這裏 不妨一

今晚就同朋友兩人７：５０ＰＭ入坐先黎叫左個波羅沙冰（２５蚊）開開胃先幾好飲　酸味味　真係波羅搞溶個隻冰　甜度剛剛好沙嗲串燒６串（８７蚊）有牛，雞，豬牛：就算燒左都無話無左牛肉味　幾香！雞：最唔乾身同唔ＵＮ豬：最ＵＮ　同埋燒完好似豬肉乾錦之後叫左燒鱿鱼（８５蚊）又香又有口感　亮點是魚露　香辣惹味　必吃！同埋都好大隻　兩個人食都好頂胃～最後一碟係蝦酱炒飯（６６蚊）一見到都知起瑪有４碗滿既飯飯粒粒分明　入面有加上青豆　肉鬆　提子乾仲有一塊蛋係上面ＴＩＭ所有材料加埋都好甲　好大陣蝦酱味　正！總結：可以一試

上班族每天的煩惱就是思考每天的午餐該吃什麼。今天筆者和同事思前想後，終於決定到「泰星匯」這家平價泰國菜餐廳醫肚。本來想選擇車仔麵的筆者，點餐時才被告知餐廳不再出售這款美食。店員馬上遞上餐牌請筆者另覓新歡，於是隨意點了一個泰式湯粉絲餐。四十多元的價錢有麵食也有熱飲，今時今日相當難得。粉麵份量頗多👍🏻。除了本身的粉絲，粉底還可以轉為金邊粉、米粉等。筆者選擇粉絲貪其更能索湯，吃得更滋味。豬扒一件切開5小塊上碟。但因上碟時已浸在熱湯中，香茅豬扒失去了香煎後的惹味。另外亦不太能吃出豬扒的香茅味。泰式滷水湯底味道偏甜。配菜蘿蔔亦煮得非常入味和腍身，入口毫無苦澀味。餐後配上一杯熱檸檬茶，眨眼間就結束了是日的午飯時間。

今日同好姊妹睇完舞台劇，黎食埋晚餐。姊妹想食泰國菜，見這條街好多食店，就試一試這間（原來對面車仔麵都係佢的，所以可以互叫）餐牌好靚好多圖畫，好吸引又好款；價錢合理又見其他客人的餸菜好正！我們叫了：1. 泰北脆炸鱸魚生菜包這個是推薦的菜餚！完全無叫錯，好香好熱騰騰！鱸魚炸得好香脆，啖啖嫩魚肉、外皮好脆口（小心細骨）；配上蒜、蔥及脆口腰果，口感一流！用新鮮的生菜包著食，更健康又清甜2. 馬拉盞粉絲雜菜煲好香好野味，好多款蔬菜，入味又健康，唔會好咸或油膩；粉絲吸收了汁，好正3. 芋頭海鮮焗飯好熱辣辣上碟，喜歡芋頭的我真係好，芋頭粒好香軟好入味好粉、海鮮足料（魷魚、蝦、臘腸等）醬料剛剛好，好配飯又香軟

今日同屋企人去到葵芳食飯，葵涌廣場人來人往，要找一個位置，唔使等位，真的不容易，所以行多兩步，去到運動場附近。叫咗個炒蟹，咖喱炒蟹$138份量真係好大份，隻蟹好大隻，仲要好新鮮，全家人都食到舔舔脷就好好滿意。另外叫咗條燒魚，就算我唔鍾意食魚，我都覺得好味，一啲都唔鞋，仲要好大條。泰式串燒真係好味到爆，最緊要牛肉一啲都唔鞋，好似牛柳咁好食。晚市有甜品送，整體都好味，難怪而家除咗泰國菜，斜對面仲有佢嘅車仔麵分店啦。唯一缺點係，呢啲街坊小店，坐得會冇咁舒服，同埋有少少迫，不過嘢食好味都已經補番。

葵芳廣場出名喺購物及美食天地，不過每處都人頭湧湧，今次行過廣場對面搵嘢食，見到間泰國嘢餐館門前招牌吸引著，$138咖哩炒肉蟹，咁抵食就要入去幫襯下啦。咖哩炒肉蟹$138上枱時整碟蟹好澎湃，熱騰騰陣陣咖哩香味撲鼻，咖哩汁內有濃濃椰汁，個茨汁啱啱好辣辣香香，蟹肉肥大鮮甜，配白飯或蒜蓉包齊吃，惹味又滋味，大家都比個like佢。泰式炒雜菜 $65有介蘭，椰菜花，椰菜，香菇 及甘筍片，用泰式麵醬炒得好香，唔太鹹。香葉炒鵝腸$75呢款菜式喺泰式餐館少見， 鵝腸用雜菜一齊炒，炒得好香有鑊氣，鵝腸好爽， 冇異味，不過碟頭細咗，可能我鍾意食就覺得份量少。 鹽燒烏頭$115上枱時熱辣辣還冒堙，掰開魚身， 見到肚皮塞滿泰式香葉，香茅，檬檸葉，南薑等香草，令條魚冇晒腥味，烏頭魚燒得剛剛好，完全唔乾，魚新鮮有肉汁，點埋個特製嘅醬料，老公不喜歡食魚都大讚啖啖肉，滋味無窮。沙嗲串燒$87雞豬牛肉各二串，又是熱騰騰上碟，牛肉入口即溶 ，而豬肉串燒味道似义燒，雞肉就偏淡，點上沙嗲醬，味道立刻提升，幾款都好好味，最重要時即叫即燒。石榴沙冰味道酸酸甜甜 ，吃過辣嘢， 飲多兩口石榴沙冰，喉嚨都舒服曬及食埋老板送嘅甜品就好滿足

今晚心血來潮想食泰國菜但又唔想去九龍城咁遠，記得上次家姐提過葵芳有間不錯嘅泰國菜館，一於搭車過去試下先。餐廳地方不算太大，但地方乾淨企理。餐廳選擇多而且仲有套餐可以選擇，非常方便。我地叫咗款套餐再加其他小食，一於今晚大吃一餐。椰青沙冰第一次原個椰青沙冰，份量十足，味道清甜解渴，超正！無骨海南雞飯海南雞雞肉鮮嫩多汁，雞皮滑嘟嘟，沾上泰式醬汁，更添滋味，反而香茅油飯可以再濃味一點。冬陰公海鮮湯（小）湯頭酸辣味非常均勻，入口濃郁鮮味，鮮蝦爽口又彈牙，正！馬拉盞炒通菜馬拉盞咸香惹味，通菜鮮嫩甜美，好有鑊氣。燒大鱔外皮酥脆口感，咬落脆口，肉質爽嫩有彈性，味道鮮美，非常滋味，最後還忍唔住encore多2串炸芝士蝦丸蝦丸蝦膠鮮味又彈口，蝦味濃郁而中間半溶化嘅芝士餡料軟嫩香口，芝士配蝦膠，絕配呀！價錢又便宜，味道又好，堅抵讚！