泰星匯泰國菜

营业中

休息中

之前完全唔識呢間嘢, 你都葵芳行下行下知道呢間嘢打對面有一間舖(分店), 心諗一定係好味、做得住先至會開分店, 所以就試下。午餐價錢非常抵, 而且佢哋仲有個每日精選: 只需30蚊就有一個煎蛋青咖哩雞飯再送一杯嘢飲。煎蛋青咖哩雞飯, 夠份量, 味道好, 佢嘅辣味係有層次嘅, 入口唔辣, 落咗喉嚨先慢慢啦返上嚟。另外亦有食呢個海南雞飯拼泰式豬脾黃薑飯: 味道完全對版, 分量充足, 黃薑飯香濃, 值得一提係佢嗰個點雞嗰個汁, 秘製, 香香辣辣, 令人回味。望上牆上面嘅宣傳餐牌, 佢哋仲有價錢好街坊嘅泰式咖哩炒蟹炒、及炒蟶子, 都係百零蚊有交易。好期待下一次再嚟品嚐。

路經葵芳，朋友話之前試過呢間泰國菜超正，價錢合理，見佢高度推介，咁當然就梗係要去試吓啦，店舖喺新都會廣場附近，位置喺內街，朋友唔講都唔知有間泰國菜喺呢度，鋪頭六點先至正式開門，一坐低打開餐牌，食物種類選擇非常多，真係樣樣都想試（泰式無骨海南雞）有雞味，雞肉非常嫩滑冰凍椰青（泰式拼盤）炸蝦餅同雞翼都有驚喜（馬拉盞炒椰菜苗）夠鑊氣，不過份量稍嫌細咗啲（泰式青咖喱牛肉）個青咖喱醬真係冇得輸，點麵包食或者撈飯一流（椰青海鮮焗飯）呢個真係必定要嗌，佢起晒啲椰子肉黎焗飯，個汁超香超正芒果沙冰

🔻今日介紹一間我地平時去開 平民飯堂既#泰星匯泰國菜 依間泰國餐廳並不起眼 但街坊一定知佢係正嘢！🙈⠀⠀⠀⠀⠀⠀⠀⠀⠀⠀⠀⠀👍🏻👍🏻泰式甜酸脆炸鱸魚（起肉做）$145大推🤩🤩🤩依條鱸魚可以稱為隱藏版美食😋平時冇乜人叫 但一叫就返唔到轉頭💁🏻‍♀個汁味道酸酸甜甜 非常開胃 同鱸魚異常地夾😋魚肉一啲都唔鞋 魚夠大條🐟2個人夠食有的餘🤰🏻⠀⠀⠀⠀⠀⠀⠀⠀⠀⠀⠀👍🏻沙嗲串燒(豬/牛/雞）6串 $87每次去食都會叫碟串燒 每次都keep到水準😋 一碟有晒豬、牛、雞 岩晒有選擇困難症嘅你同我呀！🤔⠀⠀⠀⠀⠀⠀⠀⠀⠀⠀⠀⠀👍🏻碳燒豬頸肉 $68豬頸肉份量夠足🐷 而佢個汁係重點🤫 又酸又辣 既刻將個豬頸肉提升到另一層次呀！🤩⠀⠀⠀⠀⠀⠀⠀⠀⠀⠀⠀⠀如果大家行過附近 唔好因爲佢個街坊外表而卻步 行入去食就岩嫁喇！🤤🤤⠀⠀⠀⠀⠀⠀⠀⠀⠀⠀⠀⠀👅好味（5粒最高）：👅👅👅👅👅🕍環境（5粒最高）：⭐⭐⭐💵人均消費：$150/晚餐🚗地址：泰星匯泰國菜葵芳信芳街40號

2個人食, 叫左個$238套餐,有杯飲品, 一個小食, 一個菜, 一個炒飯. 另外叫多左碟生蝦小食 - 蝦餅十分彈牙, 肉厚飲品 - MANGO沙冰係新鮮MANGO打出黎, 不過無咩MANGO味生蝦新鮮, 個汁十分開胃, 酸酸地, 唔會好辣另外仲有個蝦頭膏炒飯, 比較一般, 無咩蝦頭膏味

日日三十幾度，為免媽媽辛苦，今晚一家人外出食飯。「泰星匯泰國菜」大概坐到二十多人，每枱之間的距離好近，地方算擠迫。無骨豬手：份量多，豬手煮得夠淋海南雞絲生菜包：味道偏辣，唔夠肉碎生菜包好食馬拉盞粉絲雜菜煲：好足料，好惹味，抵食😋菠蘿海鮮炒飯：飯的份量多，粒粒分明，相比之下，餡料較少芋頭海鮮焗飯：質感似杰撻撻既粥多過似焗飯，師傅落咗好多水😅材料只有幾粒蝦，幾條葱，超失望的焗飯😣黃金咖哩蟹肉海鮮包：大力推薦！甜甜的咖哩汁配麵包，咖哩汁好食到可以撈幾碗飯，值得試下！必食之選！👍👍

朋友話葵芳的泰星匯不錯就今次來試試，原來二間分開對面開，我地坐了比較細果間舖有少少迫，叫了優惠的咖喱蟹以差不百四元來講又吾貴但蟹肉比較少只可講咖喱醬的確不錯但咸了一點可接受叫得咖喱當然叫了蒜茸包，好味道喎，夠厚身又脆口而且表面勁多蒜茸和牛油好味道，份量都不少幾飽肚下，沾上咖哩汁都不錯。泰國菜必食的生蝦，都幾大隻，蝦都新鮮厚肉，如果醬汁再酸一點就更好，但辣度就十分足夠。叫了飲品但所有東西到了都要再問先有的椰青，不凍有失望，水都不少而肉都夠淋身可以好方便食到。

經過葵芳見到有不少食市，其中一間泰菜都不少人食叫泰星匯，就諗住入去試一試，叫了幾個餸，都等比較耐才來到，通菜炒得都唔錯，不過吾夠香口，等了好耐的烏頭終於來到了，烏頭都幾大條肉質都不錯多肉，香料味都重整條都滿意不錯實在太耐但竟然吾夠熱，想開胃最後再叫了木瓜絲沙律，木瓜絲幾酸又夠辣度幾好味再上加了花生幾脆口仲有少少蝦乾好味道。生菜包份量比較少又夠辣度，海南雞唔好食，不夠滑度而又冇雞味。再叫了一個炒芥蘭，好咸又醬太杰身，芥蘭菜炒得不錯。飲品叫了菠蘿冰，味道好味吾太甜有菠蘿香而且勁大杯不錯，二人份都夠飲。

今晚小編同屋企人補食母親節飯，就食我地最中意食既泰國菜。🇹🇭1. 咖啡炒蟹 真心好抵食，整隻蟹都只係 $138。蟹肉新鮮又鮮甜！👍叫埋個薄飯，撈埋啲汁同蟹肉食，真係一流！😋😋2. 炭燒豬頸肉份量多，豬頸肉爽口。點埋個汁，酸酸辣辣的，正！🤩3. 泰式豬手依個都好正！豬手夠淋，夠入味。而且無骨，啖啖肉。🤤4. 芒果蟹肉炒飯足料炒飯，入面有好多芒果同蟹肉。🦀平時岀面食到既蟹肉都冇甘多。5. 馬拉盞炒通菜略嫌太油，份量偏少。

叫左個青檸雞 泰式椒鹽豬扒 椰子海鮮焗飯 海鮮冬陰公仲有個細拼盤，青檸雞味道就叫正常不過份量就少左D個日三個人食叫勉強夠食，唔好睇佢好似好大份其實好多都係料雞得大約一塊半街市雞扒。泰式椒鹽豬扒個人就唔係太ok食到我都唔知食緊物。椰子海鮮焗飯！依個就有驚喜啦！超級香食落去成口椰香係好食值得一推。海鮮冬陰公我就覺得唔得，第一太鹹第二超多味精！食完嗰晚最少飲左3L茶，如果接受唔到太鹹同味精就可免則免細拼盤就可以略過因爲無物特別就係一D炸物同春卷

係附近返工，所以之前一直都有幫襯呢間午餐，必叫海南雞飯，好味抵食! 今日突然想食海南雞飯，就黎食個晚飯啦。 今日假期，6點幾都已經差吾多滿座😲 睇一下個menu, 海南雞有半隻， 一隻叫，但2個都係胃口細嘅人，又想叫多d野食，再睇多幾頁，原來夜晚都可以點碟頭飯，有海南雞飯叫喎，吾錯。 另外叫左呢間野出名好味嘅冬蔭功湯，有海鮮同淨蝦冬蔭功湯，仲有大細size揀，叫左細嘅海鮮，見到枱枱都有呢個湯😁，再叫4串沙嗲，2串雞2串豬，加個白飯! 個海南雞飯吾駛講，仍然係咁好味雞滑飯香，個湯都真係幾好味，不過我吾係太食辣，食完成身汗🤣🤣🤣，食辣嘅人話酸多辣少喎…沙嗲要等耐少少，味道都吾錯，個白飯超大碗207蚊2個人晚餐以味道黎講係ok，但真係茶記環境，d位都好迫!

本身諗住去呢個地邊係想一間cafe 點知執左，於是就去左呢間泰國菜食，本身係香港食泰國菜期望都唔過得去邊，因為係香港搵到間真係妹努食既係難既，就算好出名個啲都係爭啲！係到叫左個生菜包，生蝦，海鮮蒜容包，串燒！每一樣送都好出色，我係未試過食泰國菜可以清晒所有野，好耐無食過咁鮮既生蝦，個蒜容包係最後上既，幾飽都好，都忍唔住要食晒成個，串燒燒到恰到好處，生菜包個汁好好食，雖然啲菜大塊左啲，我地仲叫左碗白飯，同埋一個椰青，埋單3百幾蚊，都算合理，下次一定要再黎

葵芳食肆林立，高檔的有新都會廣場，掃小食的有葵涌廣場本身喜歡食泰國菜，選了泰星匯泰國菜泰式粉絲雜菜煲：好辣，一邊食一邊飲水，但非常惹味菠蘿海鮮炒飯：有魷魚、雜菜粒、腰果、提子乾等，每粒飯粒粒分明，極力推薦鐵板蠔仔蛋：價錢頗貴，但物超所值，蠔仔份量多，蛋滑，附有芽菜，減去油膩感泰式甜酸脆炸鱸魚：只有一個字形容酸酸甜甜，十分開胃，加上魚已起肉，十分方便，可以配幾碗飯好食到忘記影相，食到一半先記得，絕對會再來的餐廳

我本身未去過泰國，但泰國菜都食過唔少，葵涌廣場同新都會廣場多野食就個個都知架喇，但自己唔鐘意掃街唯有出去外面搵下野食。經葵涌廣場條天橋落去原來都有好多野食。行左個圈之後都係揀咗呢間泰星匯泰國菜，鋪頭細細但都坐到好多人，一嚟到睇睇個menu就即刻揀到，我發覺我食親泰國野都會揀呢個A3 香葉肉碎煎蛋飯裡面好豐富有大量肉碎，豆角同香葉，加左少少辣椒碎，好香口撈飯食一流。仲有唔好睇少隻蛋，我睇泰國人整呢個飯隻蛋係會拎去炸，所以雖然望落好似熟哂，但其實個蛋黃係會流汁架，又係拎嚟撈飯食！

我食呢間通常都午市 早少少去仲有湯飲😋😋有蘿蔔薯仔同雞 好清甜👍🏾👍🏾👍🏾呢間泰菜有唔同嘅湯可以揀 泰式湯 冬陰公湯 叻沙湯 曼谷酸辣湯👍🏾👍🏾👍🏾平時都食開曼谷酸辣湯海南雞米線印象中係酸酸甜甜有肉味 好開胃越食越想食 不過帶點辣 都好大碗添 所以呢個價錢都係唔錯泰式湯牛丸粉絲今次第一次試 呢款嘅湯就比較淡 就咁飲湯就好好味啱啱好 但配起粉絲就會 變得好淡咁 應該因為啲粉絲唔會吸湯 兩個配起嚟就比較淡有蔥有炸蒜 仲好似有啲胡椒鹽冬陰公海南雞米線因為泰式湯我覺得有啲淡 所以我等男朋友食完我將我啲粉絲放左落佢個冬陰公湯度 就好好食啦😂😂😂 冬陰公湯酸酸辣辣好好味 有香茅等香料海南雞都滑 雞皮爽嫩

最近激嬲左女朋友 為左補償佢 佢話想食泰國菜但其實食泰國菜唔洗山長水遠入九龍城既 😋黎葵芳附近都有好食既 今次來到呢間 🤪充滿泰國🇹🇭風味既裝修 散發著泰式風味光芒🙂頭盤先來既係冬陰功海鮮湯 😏2人份量 幾足料既 2隻蝦 幾舊菇 魷魚🦑 青口等等好飲 好開胃 🤩有新鮮既生菜包住泰式肉碎 🤩真係好惹味 口感好正 少少辣 多多汁🥺😍次次食泰國菜必點既通菜 因為真係太正😗呢間正既原因係火候岩岩好 淋淋地又入味 我同女朋友都食完一下又一下 冇停手😅最後來既就係金邊粉啦 數過有四隻蝦🦐 炒到幾乾身 冇乜油 幾入味 好想再食過呀😍埋單258蚊 唔洗加一服務費 💕整體服務很好 上菜速度一流 環境清潔 希望下次再encore呢間流連忘返食過返尋味🤨