泰星匯泰國菜

营业中

休息中

聖誕新年期間太多好戲上演, 商場睇完戲都特別多人食飯, 突然醒起呢邊有間泰國野, 之前食過唔錯.佢呢度既沙冰係好多人飲, 不過今日沙冰機壞左, 所以叫左另一款試下.椰汁涼粉冰都好大杯, 椰汁唔會好甜, 清新既感覺, 仲有幾多一塊塊既涼粉, 夠晒口感.想食少少蔬菜, 所以要個豬頸肉炒芥蘭, 豬頸肉唔會好乾, 夠軟腍. 份量都唔少, 芥蘭唔苦夠爽口.仲有要左個泰式芒果絲脆炸鱸魚, 呢款之前食過好味, 份量又足.面頭既芒果絲係凍凍地, 所以入口有D似食緊沙律, 好醒胃.下面既炸鱸魚已經拆骨起肉, 每舊都炸得好香口, 外脆內嫩.

以前響葵芳讀書, 都知道球場對面仲有好多食肆, 今日黎開呢頭做野, 一於搵間餐廳食野懷緬下.見呢間泰星匯最多人, 而且泰國菜都好啱我口味.Menu既第一頁已經見到呢款泰式芒果絲脆炸鱸魚, 個人好鍾意食魚, 而且比起一般既明爐烏頭特別, 所以叫左試下.一上枱已經比佢疊到成坐山既芒果絲, 洋蔥絲填滿眼球, 不禁嘩左出黎.炸鱸魚炸到非常脆口, 一舊舊肉起好晒, 而且起晒骨, 食既過程完全無食到骨, 非常貼心, 啱晒唔識食魚既人.炸蝦餅又係泰國菜必食, 炸到熱辣辣, 蝦肉夠彈牙, 唔會一咬散開既感覺. 點D甜酸醬仲特別開胃.仲有泰國菜必備既椰青, 夠晒清甜又解渴.見餐廳門口仲寫住晚市9點後入座有85折, 下次會夜少少再黎.

間餐廳嘅泰國菜都幾傳統同埋都好有泰國風味，舖頭唔算特別細，坐落多幾舒服👍🏻👍🏻今次叫咗個海南雞飯，啲海南雞都好嫩滑，同埋係冇骨嘅，幾出色唔錯🥳🥳跟住佢個飯係根由飯，佢嘅油飯都好食，係有味道嘅油飯，唔似得出邊有啲餐廳嘅油飯好似白飯咁😋建議大家早啲嚟食，因為見12點零開始就好多人坐滿晒😆今日見人哋識嗰個太陽蛋肉碎飯都好好食，啲肉碎仲多個飯，仲要有得揀辣度👍🏻👍🏻我下次都會去試吓個肉碎飯🤩

想講香葉肉碎炒飯，差唔多成三碗，大顛！一個飯可以兩個少carbs人share, 想像唔到！之前阿媽買，食親呢個飯，我就個胃就好似黑洞一樣，即刻胃口大增。d九層塔同少少辣味，再加肉碎豆角同飯加埋一齊嘅口感, 又惹味又有口感，勁正。雖然個炒飯偏向重味，但可以間唔中咬兩啖青瓜refresh下，balance返成件事岩岩好。雞肉串又係正到形容唔到，啖啖肉又入味，口感好爽，但唔會死死實實。牛串就正常但唔會又老又柴，唔食肉會空虛既朋友，加埋串串就差唔多。

我要投訴泰星匯啊，佢哋嘅食物真係冇天理！每次去食都係浪費錢同埋胃口。佢哋嘅菜色一啲都唔似佢哋嘅宣傳，食落去味道差到爆炸。例如佢哋嘅炒麵，麵條煮得好爛，完全冇彈牙感，好似食返啲糊糊嘢咁。仲有佢哋嘅湯，唔止冇味道，有時仲會用到唔新鮮嘅食材，令人擔心食物衛生問題。而且佢哋嘅服務態度都好差勁。每次點菜，啲服務員都冇耐性聽客人講，經常搞錯訂單或者拖延送餐時間。而我哋提出投訴或者意見嘅時候，佢哋嘅回應就好冷淡，冇一點關心客人感受嘅樣子。真係令人覺得被忽視同埋唔受尊重。我希望泰星匯可以認真對待佢哋嘅食物同埋服務質素，提升菜品水平，改善服務態度啊。如果唔係嘅話，我絕對唔會再去佢哋度食飯，同埋會警告身邊嘅人，唔好再去受慘喇！

我們在該餐廳的用餐體驗非常糟糕，我們感到非常失望。首先，主持人的態度極其惡劣，他的語氣粗魯且不尊重客人。他將我們分配到一間裝修極差的房間，而且房間內冷氣不足，他甚至要求我們把門打開對著街道，方便他們送餐。這種對客人的不禮貌和不負責任的態度完全不應該存在於任何一家專業的餐廳之中。其次，餐廳的菜品質素令人十分失望。我們點了椒鹽魷魚，卻只有四五塊魷魚，其他菜品的品質也非常差。不僅如此，侍應生居然要求我們自己寫上菜單號碼，而且飲品屢次未按時上，我們不得不三番四次提醒才能獲得服務，這種不專業和不負責任的態度令人無法接受。更糟糕的是，我們在其中一杯飲品中發現了昆蟲，而餐廳方面只是將該杯飲品免單，而沒有對其他同類型的飲品採取任何措施。此外，餐廳的裝修和餐具狀況十分惡劣污糟，有成員在用餐過程中甚至看到了二次昆蟲屍體在碗碟上。這樣的用餐體驗讓我們感到極度失望和不滿。我們希望OpenRice網站能夠關注這個問題，並嚴肅對待我們的投訴。我們希望這樣的餐廳能夠受到相應的懲處，並警示其他消費者避免類似的糟糕體驗。

i ordered Catering order thru delivery platform and this restaurant prepared and sent the order an hour late!!! they just sent the order through a taxi driver who didnt know the way and we have to pick him up at the carpark.called the restaurant and they just kept saying on the way. never told me that they asked a taxi driver to deliver who definitely wont send up to your place. i paid $320 for the delivery for this kind of service.NEVER NEVER NEVER EAT AT THIS RESTAURANT!

行開附近,記得呢間野都做左好耐又見到裡面都幾多人就諗住去試下。結果20:05出單等到20:36先拎得。半個鐘頭先出到個外賣，完全不能接受。幾好食都唔會有下一次。希望店家見到可以認真考慮增加人手。

今日約返舊同學係葵芳食飯，去返以前中學飯堂既信芳街搵食🧑‍🏫大部分餐廳都係做開街坊生意，所以更替冇出面咁頻繁，好似震陞、新豐記同信芳廚都已經做超過十年🥸🥘冬蔭功海鮮湯 | $90細份既冬蔭功已經好大兜，貼心地用小蠟燭熱住🕯起碼有4到5碗既份量，用料好足，鮮蝦已經係背上開殼方便食，湯既味道酸辣夠鮮，飲完好過癮😋🦀黃金咖哩軟殼蟹 | $188每次黎食都係必點，因為呢度全部即叫即整，軟殼蟹經過油炸後十分香脆可口👍上菜時係咖哩另上，可以避免炸蟹被汁浸腍，黃金咖哩味道極惹味，份量多到一定要叫埋飯或者酥餅配住食先最識食🦑碳燒魷魚筒 | $98叫款小食就要等耐小小，因為係即叫即處理好再燒，外面有小小焦香🔥筒身口感係爽口彈牙，食魷魚鬚就爽脆有火氣，點埋特制泰式酸汁幾開胃🍛蝦頭膏炒飯 | $75平時食蝦醬炒飯就多，通常比較著重鹹味，今日揀呢款蝦頭膏就會有蝦既獨特香味但味道就溫和適中好多，而且幾乾身同粒粒分明，配料可以揀雞、豬、牛或者海鮮🐓今次揀雞都仲有嫩滑口感，可以咖哩汁食超正😍

平時去得葵芳都好少過去葵芳運動場對面個到食野，但我知個到有好多小店，米線呀，茶餐廳都好多，但係覺得個到有少少遠，都懶得行過去，因為成個新都會再加葵涌廣場都夠食了。但個日真係好想食泰國野係葵芳，咁就係open rice見到呢間野就去試左試，收工黎到都差唔多7點，好驚好多人，點知佢對面仲有間既，所以一入去就有位了，叫左幾串串燒，炒飯，菜，薄餅同咖哩蟹，食泰國野點少得咖哩蟹，食咖哩蟹就一定要配薄餅，可以點啲汁慢慢食

今日同朋友到葵芳食飯，去到等了一陣位就可以入座。我們叫了4串沙嗲串燒、一個大的泰式拼盤、泰式香辣椒鹽豬扒、薑蔥蟹肉海鮮炒粉絲、一杯芒果沙冰和菠蘿沙冰。首先上的是椒鹽豬扒，味道帶點辣，炒得很香，豬扒口感不會硬。之後是沙嗲串燒，分別2牛和2雞，沙嗲醬香帶點甜，雞滑而牛的牛味足。之後是炒粉絲，粉絲的份量多，當中食得出海鮮的鮮甜，而且整體不會過鹹。芒果同菠蘿沙冰，足料大杯，而且果香味十足。最後是泰式拼盤，有炸蝦餅、魚餅、雞翼和春卷。 端上來時非常之熱，而且外脆內軟，非常之香口。整體而言，份量多而且味道不錯。

葵芳一向有許多街坊小店，今次想試下泰菜，就去泰星滙食晚飯。店舖小小，但感覺好地道，而且位置都算方便。小食拼盤，炸蝦餅外皮炸得很酥脆，蝦膠好彈牙，食味亦佳。泰式春卷超脆，裏面夾雜著一些蔬菜，有一種頗清新的感覺，油而不膩。泰式海鮮炒粉絲，炒得相當惹味，色澤吸引，粉絲軟硬度適中，爽口美味，如果再多加些海鮮更佳。泰式煎蠔餅，未食已聞到陣陣香氣，蛋煎得香滑，蠔仔新鮮，而且夠多，啖啖都是蠔，加些辣醬更好食。泰式辣雞煲，相對較辣，但十分香，雞肉嫩滑入味，份量亦足夠，愛食辣的一定要試。菠蘿沙冰，沒想過是那麼大杯，入口冰涼解渴，有淡淡的鮮菠蘿味，又好飲又抵飲。珍多冰，奶味香滑，有不少煙煙韌韌像粉圓的東西，幾有咬口，感覺不錯，幾好飲。

講真依頭真係比較少嚟行街睇嘢，不過老友記話有啲嘢做要嚟依頭行下咁當然無問題👌。不過唔嚟開真係唔知原來依頭有咁多民間小店，仲要好有驚喜🤩。冬陰功海鮮湯起初諗住通常叫餐食份量都唔會多得去邊，真係估唔到第一驚喜就出現😳，上枱個湯熱辣辣出哂煙，個鍋真係一啲都唔細，份量唔少都唔止，裏面啲海鮮🦞仲要唔止一兩舊🤩。飲落真係一啲都無偷工減料，除咗份量十足，味道都十足十冬陰功味，有辣味得嚟唔會over ，辣辣酸酸非常開胃👍👍👍。馬拉蓋炒通菜通菜份量非常之多未，食落味道亦都好有泰國食到嘅feel，菜本身非常之嫩，食落唔會好老👍。碳燒魷魚🦑桶第一啖食落口已經瞓得出佢係真係用炭燒出嚟😋，加上本身魷魚筒非常新鮮，鮮味十足，原因係如果唔新鮮會食落非常之清楚😏，所以本身嘅鮮味再加炭燒嘅味道令到魷魚筒非常惹味👍。炸蝦餅炸蝦餅炸得金黃鬆脆，我落嘅時候不單止脆口仲出哂煙😍，香口得來亦都有蝦味，再點埋個甜酸汁簡直配合得天衣無縫👍。蝦頭膏炒飯除咗份量非常足夠之外，食落嘅時候都會食到蝦膏嘅味道😋，材料亦都非常之足夠👍。椰青泰式鹹檸七食泰國嘢點少得有泰國feel嘅飲品配搭一下。

嚟到葵廣附近搵到一間好抵食的泰國餐廳，呢間係朋友推介，由葵廣二樓的天橋步行三分鐘就到，非常方便。晚上7點去到，人流唔算多，可能附近是屋邨關係，多數是做外賣的。餐牌上價錢好親民，而且全日不設加一！泰式炒金邊粉，蝦仁大大粒爽口彈牙，配料如豆乾同金邊粉味道幾夾！芒果蟹肉炒飯，芒果大大粒好有口感，蟹肉份量多，味道有驚喜！沙嗲串燒，四件，牛雞各二串，燒得不錯！馬拉盞炒通菜，炒得好有鑊氣，馬拉盞少辣更惹味！飲品方面，叫了芒果沙冰和波蘿沙冰，二杯都清甜解渴！總結：每碟的份量較大，價格親民，推介芒果沙冰

喺葵芳搵到間親民又抵食嘅泰國菜！價錢唔貴，而且份量極多，仲好近葵廣！🥥酸辣椰汁雞湯椰奶味濃，加入大量香料熬製。酸甜微辣，好開胃！雞件亦十分嫩滑，份量都唔小。🦐泰式香茅蝦蝦肉打成蝦膠，再用香茅串上，炸到金黃香脆，蝦膠爽口彈牙。再點一點泰式辣醬，滿滿泰式風味。🌮豬頸肉生菜包豬頸肉用紫洋蔥、辣椒等炒成，辣辣地好惹味。香茅味好獨特，以甜菜包裹進入清新爽口，好夾👍🏻🥬馬拉盞炒通菜通菜新鮮爽脆，用上馬拉盞去炒，小辣惹味，鑊氣十足！🍍菠蘿海鮮炒飯炒飯配料豐富，有蠟肉、鮮蝦、菠蘿、肉鬆炒成，夠乾爽同飯粒分明，配上juicy嘅鮮菠蘿，好入口。🍹龍眼冰甜甜地清暑解渴，粒粒龍眼肉好落足料，建議叫少冰，唔會沖淡咗啲龍眼味😋