泰星匯泰國菜

营业中

休息中

今日再去泰星匯食午餐，去到一望，原来開多一間車仔麵，有一個好奇心下一事，泰国菜做的車仔麵會點，點知食落又幾好味，我食果個秘製辣汁，食落都幾香幾辣，如果5食得辣就要少辣或食沙爺计，$35元有3送1麵有杯野飲，都幾抵食，車仔麵是很多香港人由细食到大的麵食，不妨一試。

係大約兩至三年前這間剛開的時候，基本上我以講係興芳街幾好食既，但到今日再試吃所謂海洋只有三隻不新鮮的蝦，其他海鮮一樣都沒有。金邊粉很乾，極難入口，我食唔到三分一！評分：不值一提

今日我同朋友行過間泰國菜，於是入去坐低食野，平時麻辣米線食得多於是試下冬陰功湯米線，估唔到冬陰功湯加米線係咁夾，再叫左個香葉肉碎煎蛋飯，肉碎小辣加埋隻蛋送飯好好味，再嚟過唔辣嘅乾炒豬頸肉河，炒得夠香夠味，豬頸肉有彈性好食，飲埋野，埋單每人都係41元，唔怪得平時會咁多人啦。

午市時間呢間餐廳都好多人排隊，所以今次都唔執輸排埋一份。排左廿五分鐘終於入坐，饑腸轆轆既我們就叫左馳名海南雞飯、泰式濕炒河同埋豬頸肉炒河海南雞飯味道幾好，係泰式既雞飯黎，Ｄ雞略嫌肥左少少之外都無可挑剔。不過叫左濕炒河既同事就唔好彩可能因為對於港式既濕炒河太過根深蒂固，無諗過泰式既原來係放湯，同事見到個刻嘴都扁埋。雖然個味道都係正常，但係真係有少少失望…豬頸肉炒河都唔見得好好，河粉炒到碎曬，Ｄ配菜又好似餸頭餸尾咁。雖然味道都係正常，不過睇落真係麻麻地。其實呢間餐廳食物都算係唔錯，至少係對得住個價錢，但係有一個問題係呢間餐廳令到我地會返轉頭。餐廳既上菜速度真係好慢，打工仔如我們得一個鐘食lunch真係等得位黎都已經唔洗食，仲要等佢上菜。同事同我地一樣叫海南雞飯，但係佢個飯就遲遲都未有。連隔離檯遲黎既食客都已經上曬菜，但係我地經過多番催促都無人理會。侍應都只係敷衍了事，唔會將隔離檯既雞飯先讓俾我地。最後同事空住肚離開，淨係飲左杯咖啡…雖然食物既味道係唔錯，但係如果係趕時間既打工仔千祈唔好係食飯時間去。

呢日去葵芳睇戲, 同友人先去食個午飯。商場內的食店已經食到有點生厭, 於是大家走遠一點, 走出商場搵食。去到信芳街有幾間食店, 我地選擇食泰國野。海南雞飯- 我點左海南雞飯, 雞食落都夠滑, 不過硬係爭左少少野咁; 至於個飯都係一般般, 沒有好香油味。至於友人既粉絲, 我既飯差唔多食完佢地兩碗野先黎~佢地話麻麻地, 都唔會有下次了。

今日好晏先食午餐，平時食茶餐廳食到厭，醒起依間泰國菜無食過，所以拉埋同事們去試下。店門口已有好多大餐牌寫左午餐同下午茶有咩好食，我地毫不猶豫就入左去，店內唔算大，都可容納到八至十張枱既人客，由於係下午茶時段，所以人流唔多，我同同事們都睇左餐牌好耐諗食咩好，最後叫左：無骨豬脾飯: 豬脾肉炆得好軟冧冧，好濃既滷水汁味，好入味，豬脾肉每塊都有豬皮拌住，好味青咖哩雞飯: 青咖哩質感稀身左少少，味道偏甜同唔係好夠味，雞肉同紅青椒有輕微煎過，整體味道普通泰式香茅豬扒湯河/米粉: 湯頭濃味，河粉份量算少，但豬扒就有點遜色，因為豬扒用左少少生粉炸左先，直接放左入湯內，令到豬扒外層個炸粉甩出黎同埋食落口太冧身，口感真係差少少，但整體上成碗既味道係可以既。 而米粉口感唔爽滑同埋一團米粉，完全唔會散開，好難夾入口食想叫米粉既就三思啦。

夏天行一陣街都流哂大汗，入到呢間泰國菜餐廳第一個感覺係冷氣好正，坐位有少少逼但都算坐得舒服，下午2點3左右一人叫咗一個下午茶，叫埋嘢飲平均消費35蚊左右，口味重的人應該會好鐘意呢到的食物因為好香口好香濃。最後見到侍應好搞笑落錯單要問旁邊兩張枱d人叫咗咩嘢食重新打過張飛計數囉唔知係咪新嚟的但都有禮貌，老闆會係店面鬧d豬豬地做錯嘢的員工。下午3點左右呢間店就會好多位會坐得更舒服。下午茶分量都係好少下次試下叫湯粉或者海南雞飯可能會抵d

5/7$342/2人，即每人$171朋友介紹在葵芳不用每次都到新都會和葵涌廣場搵食, 後街都有好野. 這間泰國菜店子小小, 但感覺十分正宗, 好像是泰國人主理般. 店內電視還播放著泰文MTV.吃了蝦餅和芝士蝦餅波波, 兩種都是蝦餅底, 我覺得芝士波波更 “野味”, 有兩樣質感.飲品叫了椰汁冰和菠蘿冰. 菠蘿冰比較甜, 也沒有像圖片般有一片菠蘿作裝飾. 椰汁冰勝.千呼萬喚的串燒鱔, 有蜜糖味, 少少脆皮, 正.咖喱海鮮麵包也很好味, 有藍青口兩隻, 竟然沒有被強烈的咖喱味所蓋過, 仲有少少海鮮的鮮味.

係葵芳突然想食泰國嘢，葵芳嘅泰國嘢選擇唔多，試咗呢間都幾多好評嘅泰國餐廳。叫咗個菠蘿海鮮炒飯，飯量、海鮮量十足，炒飯有菠蘿、魷魚、蜆肉、蠔仔、提子乾、臘腸、蝦同雜豆，各配料份量適中，味道適中。伴碟有好多肉鬆同腰果，腰果好脆口！ 飯後有免費甜品送，今日送龍眼肉大菜糕兩件，龍眼肉有嚼頭，大菜糕爽口。唯炒飯味道較淡，大菜糕不凍，用餐衛生環境偏髒，服務態度尚可。總括來講，食物份量很大，味道尚可，用餐環境中下。

朋友地瞻介紹，話呢度的食物幾好食，價錢又得宜，同4個朋友行完葵涌廣場，就決定過嚟試下，喺大排檔、打冷林立的葵芳圍一帶，係一個幾好的選擇。店面雖不太大，但格局企理，一行入去就有種泰國的家庭餐廳味道，老闆娘係泰國人，同老闆一齊招呼人客，好好人，仲送左個泰式鳳爪比我地。椒鹽軟殼蟹夠辣，有大量洋蔥、青蔥、乾蔥、青紅椒配料，送酒一流，有別於街外港式的乾身做法，好食。泰式魚肚羹湯羹唔會太杰身，足料，有筍片、魚肚、冬菇、粉絲、雞絲，最驚喜就係最底有半隻烚蛋，味道同泰國食嘅一樣，問返老闆原來所有廚都係泰國人，所以味道方面都會跟返泰國地道。黃金咖哩扇貝黃咖哩好香，同咖哩炒蟹個咖哩一樣，加蛋炒的。扇貝不老身，無煮過龍，好食，配埋蒜蓉包一流。老闆話個黃金咖哩魚都好多人食，係成條魚起肉上，下次一定嚟試下。香茅蝦味道可以，夠乾身，唔會太油，係不錯的頭盤選擇。泰式炒生菜外表平平無其，但夠鑊氣，好過好多大排檔、小菜館。飲埋泰國啤酒，埋單490，抵食，下次再嚟一定再試下其他菜式。

呢間泰國菜分開兩個舖位, 都係打對面...Lunch都叫幾多人去食~價錢亦係平民價錢...都係大約40蚊左右一餐連野飲. 如果著校服既學生仲著數啊! 每人再減四蚊!!【無骨海南雞飯 (配油飯)】HK$36海南雞飯賣相已經好吸引, 雞皮夠哂黃, 而且冇肥油層, 雞已經被去骨, 但同行既朋友果碟咁岩係有雞翼部分, 果個位置就冇拆骨喇...油飯粒粒分明, 唔會話太多油, 而且又大大碟...如果唔想食油飯,都可以同侍應單聲轉白飯都得, 跟多杯餐飲, 以四十蚊有找既一個Lunch Set, 真係唔係周圍可以食到~

葵芳終於有間好味o既泰菜，太好了，叫左個海南雞飯，無骨雞，黃飯，食落真係好新鮮，好味道只是40元，仲有冬陰功湯河，雖然湯色較淺，但食落味道正宗，另外豬頸肉炒河都ok，但豬頸肉同蒜容包就整得不夠出色，豬頸肉味道較重。

行街行到咁上下，，就去醫肚9點後送泰式鳳爪，，上次食係唔夠辣既但今次辣左惹味好多，，同行朋友又辣又要食,,服務態度唔錯，，葵芳食泰國野，，價錢要抵食既話，係唔錯既選擇咖哩香口，唔少得梗係要叫果薄餅黎點啦

還未到食飯高峰時間,所以唔洗等就有位👍室內環境感覺幹凈企理,😃座位寬敞舒適,可惜好多蚊係度飛黎飛去,可能因為呢排落雨,佢地又打開曬門咁😞侍應們全都好好服務and笑容👍 會再黎食~~~

老夫老妻的我們並沒有為情人節去做甚麼特別的事, 睡醒了便一起落街買餸, 好準備為家人煮「情人節晚餐」。    在葵芳裏逛了一會兒才想起大家未曾進食我們的第一餐, 丈夫便提議去吃海南雞飯。根據以往經驗, 這店的無骨泰式海南雞飯做得不差, 而店內亦有座位, 我不反對在這兒開餐。點了兩客無骨泰式海南雞飯$40, 另加$8要了杯青檸梳打。送上檯時已感覺奇怪, 為何梳打會這麼混濁!?再細看一下, 青檸只得一薄片又何來會夠味?直至喝一口頓時知道, 原來店方是用了青檸漿 !店方落得重手, 連梳打也稀釋不夠, 味道既酸也帶點苦!輪到無骨泰式海南雞飯上檯, 吸引眼球的第一眼就是油亮的雞皮, 有爽脆的份兒但是無脂肪, 雞肉嫩滑有肉香, 最正就是不癡牙。   個人慣吃煙韌的飯, 這兒的油飯不合我口感, 油飯是有香味但是飯質較硬及粗嚡, 跟飯有碟酸辣汁, 一看便知是自家製, 夠酸夠辣我用來撈飯吃。此時此刻才想到 --- 難到是丈夫製造「比翼雙飛」之意