泰星匯泰國菜

营业中

休息中

一向都喜歡吃辣也喜歡品嚐不同國家美食近年尤其對星馬泰既菜式特別鍾愛只要聽到朋友說那兒有好吃的星馬泰菜都會想去試試這天來到位葵芳信芳街既泰星滙一嚐泰國美食 位置不算難找 也很近地鐵站巴士站 泰星滙美食也不少 種類很多花多眼亂實在令人有犯選擇困難 很多都好想試很想吃最後點了黃金咖哩蟹肉海鮮包、泰式煎蠔餅、馬拉盞炒通菜、炸蝦膠釀皮蛋球、石榴沙冰以及泰式芒果酥皮薄餅 馬拉盞通菜味道得宜 不會過於濃味因為普遍的都會炒得偏咸但這個卻是剛好而且上枱時熱呼呼 更覺美味 泰式煎蠔餅用上大隻蠔仔 而且份量也頗厚 吃起來異常地有咬口配上跟配既辣醬一併吃更有風味 炸蝦膠釀皮蛋球是必吃推介 也是心機之作足料厚身蝦膠有咬口 配合皮蛋外脆內軟是意料之外的好吃 石榴沙冰清甜解膩 沒有添加太多人工香精不過就是溶得太快了喇 黃金包不論是賣相又或是味道都一絕麵包是事先用蒜泥烤焗過 香脆可口再併上咖哩蟹肉海鮮在內 每一口都有麵包既香脆感之餘 仲有咖哩既味覺衝擊如嫌咖哩汁不足夠 其實已經貼心配上一碗方便點食 最後當然要品嚐正宗泰式甜點 等了好久既芒果酥皮薄餅 以奶油包圍著上枱芒果份量多又甜

近排小弟返工比較忙，好耐冇食好西，今日一放工就去葵芳揾食！葵芳信芳街有好多野食揀，今次就去試下呢間泰星匯泰國菜！餐廳細細，但係一啲都唔簡單！我哋總共叫咗5個菜，2個飲品。第一個就係菠蘿蟹肉炒飯，炒飯有好多肉鬆，腰果又好脆，飯粒粒粒分明，唔錯！第二個就係泰式炒椰菜苗，泰式醬汁非常惹味，椰菜苗又爽口，一定要叫。第三個就係大泰式併盤，有好彈牙嘅蝦丸、春卷、雞卷同魚肉卷，春卷食落唔會好滯，因為入面係芋頭蓉，好健康，好特色！第四個呢個不得了，炭燒豬頸肉，餐廳老闆話係用新鮮豬肉整㗎，再慢慢炭燒，食落啖啖豬油香，太好食喇！第五個就係泰式酸辣鳳爪，呢個食落都幾辣下，味道係夠㗎，都可以接受。飲品呢我哋就叫咗一個珍多冰同椰青沙冰，個椰青沙冰真係好抵食，大大個，又香又甜，大家一定要叫呀！

之前返工久唔久都會嚟食吓，貪佢份量夠又好味🤤。今日適逢同朋友嚟撞正下午茶時間（都好多人嚟食），大約$30-35一個餐包一杯嘢飲，真係好抵啊！下午茶餐原來都有生菜包，估唔到都有5-6塊生菜，肉碎香口夠辣、生菜又夠新鮮😋，但都係$30！真係超平！而本身乾炒牛肉，但冇晒就唯有揀雞肉，河粉炒得幾有油香味，穫氣夠；而冬蔭公雞肉粉呢，湯夠酸辣，雞肉好滑，開胃好味😋。最盞鬼係店入面仲會播泰歌手mv，識唱可以跟住唱😂。又一餐。

見到八點幾都有人等位，諗去試下呢間泰星匯泰菜。。。點知一入到去，餐牌都冇份，成間餐廳都係啲目不識丁嘅啊姐，落單都已經搞左好耐。。。好彩當食物尼嘅時候，味道都還可以。海南雞飯比較普通，沙冰味道都可以，不過尼到嘅時候已經溶到一碟水喺杯低。芝士蝦丸幾彈牙，不過冇乜蝦味。推介嘅係蒜蓉包，味道唔錯，亦唔會太乾。。至於咖哩蟹，等左一個鐘都未到。。叫大姐跟單，啊姐只話“有單，排緊隊架喇“。。真係嬲到冇晒食慾。當尼到嘅時候，咖哩嘅味道同質地係幾好嘅，但當開左蟹殼之後，發現蟹肉小得誇張，真係大失所望。可能呢個就係$138嘅質素。俾啲大姐激到一肚氣，就算啲食物幾好味，都已經冇晒心情。。見到隔離枱叫左碟咖哩，但薄餅一早已經放到涼左，想叫啊姐叮一叮，點知啊姐竟然話“唔好叮啦，叮完仲難食“。。心諗“仲難食??"。。真係唔知點解要請埋晒啲倒米啊姐，令所有食客都不歡而散。。

由此工作關係, 已經冇黎一排, 特別掛住佢嘅冬陰功湯｡ 今日趁黎開呢頭行花市, 順道舊地重遊一下 😎 佢嘅 Lunch Set 都幾抵, 而且有好多款式, 有泰式炒粉麵飯同冬陰功/叻沙湯麵｡ 冬陰功湯燒豬頸肉米線 見到紅卜卜嘅冬陰功湯, 好易令人食指大動｡ 湯底十分足料, 可以見到香茅、南薑、檸檬葉、秀珍菇 🍄 同埋其他講唔出嘅配料｡ 湯底味道夠濃, 酸得黎又唔會太辣｡ 豬頸肉燒得唔會好柴, 而且仲有 4 – 5 大塊｡ 乾炒豬頸肉河 炒得好有鑊氣, 特別鐘意呢度嘅河粉, 據知來貨係一大塊, 然後師傅再撕開, 所以每條河粉炒到出黎係條條唔同形狀嘅｡青檸梳打略甜, 青檸酸味再好多少少會好 D 龍眼冰杯底有好多龍眼肉, 但其實食落去已經冇咩味 

想喺葵芳食正餐，而唔係掃街會有咩選擇？泰式午餐$39起 簡單係抵到爛呀🙈中午12點半前或兩點後更會送泰式是日例湯而午餐本身都會送港式飲品👍🏻價錢就抵啦，不過質素有點參差總括來說試過炒河同湯麵比較好食👋🏻無骨海南雞拼豬頸肉飯 $48平時食開淨海南雞，今次一於試吓雙拼啦～值得一提係，個汁好好味☺️當然啦，碟頭飯佢一定唔會係炭燒豬頸肉，我覺得其實整海南雞飯比較抵食，豬頸肉無乜驚喜，唔夠香脆，仲有點薄。重點係，其實我已經嚟過好多次，但係海南雞飯個黃薑飯每次都係唔夠熱，只係微暖，同侍應姐姐講完，佢話多謝我意見😂 唉，我肯返轉頭比機會，但次次都失望。香葉肉碎煎蛋飯 (辣) $40呢個飯就中規中矩。首先隻蛋煎得好老呀😭豆角嘅份量比起肉碎仲更加多，勝在味道唔錯，撈飯都幾好食，反而呢碟個飯係夠熱嘅，不過仍有改善空間。干炒豬頸肉河 $40其實我比較想食金邊粉，但之前試過呢度金邊粉覺得唔夠正宗，酸甜到未如理想；所以今次一於試吓豬頸肉河！點知有驚喜🤤食落去有鑊氣之餘👋🏻豬頸肉份量都好多👍🏻乾濕程度適中 料又多 好抵食呀！

今晚食晚飯時，㸃咗幾個餸及芒果沙冰，啤酒。超過半小時，芒果沙冰未到，問下疑似老細帶眼鏡的男人，回答等下啦，再過十分鐘仲未到，我地問會唔會漏咗單？男人答：「有單傢，等下啦，唔催得㗎！」過咗一個鐘，隔離枱好心食客幫我地追另一女侍應（女人）係咪漏咗單啊？「都是等下啦，整緊啦」最後，我地唔等，餸已經全部食完。叫疑似老細的男人，取消芒果沙冰。佢即刻答： 好啊！食物味道不錯，雖生意好，服務態度都唔需要咁巴閉咁串，冇下次。

葵芳某大商場剛剛完成大裝修，順路行下，兼發掘下附近有無咩小店美食。大球場對面呢間泰國菜值得將來番嚟再食。環境：地方小小，播泰國音樂，幾有 Feel 的。服務：老闆和廚師都係泰國人 (聽到他們用泰文溝通)，感覺親切。(當然他們識講廣東話)食物：泰式生蝦非常生鮮，爽口有彈性，配埋醬汁，Perfect Match! 炭燒豬頸肉係老闆推介，他說他們不是用急凍貨。我唔太識分，剩係知好食，好香口。泰式椒鹽軟殼蟹軟殼蟹炸咗之後同泰式香料快炒入味。配啤酒無得輸！整體非常出色，值得一食再食。

又係葵芳自己食飯嘅時候，諗唔到食物行咗一個圈，都係決定去泰星𣾀食泰國嘢。下午茶時間選擇有22款咁多，(11款泰式湯粉餐。11款冬陰公湯米線餐)價錢抵食啦，仲包一杯野飲。曼谷酸辣湯雜錦粉絲$39有肉碎，肉丸兩粒，雞絲，扎肉一塊個份量幾適合減肥嘅人。個份量都唔少，仲有生菜，芽菜同埋一件炆到非常入味嘅蘿蔔。半肥瘦豬肉碎非常香口，雞絲亦嫩滑先喝一口湯，之後酸沒有辣，原來辣嘅精髓在於放在一旁的紅蝦碎，當完全伴匀的時候，真係越食越辣，直到最後，額角冒著汗。雖然話係下午茶，但係份量非常足夠當正餐，大滿足。

是日慶祝好友生日，好友又想試新泰國菜所以就黎呢度食，結果就係又平又抵食首先呢個菠蘿炒飯，係淡左d既馬拉盞通菜，好夠味！正！但偏細沙嗲豬和雞！好好食！d肉好嫩有d後悔冇叫薄餅配個咖啡汁等左35分鐘既大沙律拼盤真係好大，所有野都好好食其實我地4個人食呢個都幾飽建議唔好撈咁多酸辣汁，因為好辣炸皮蛋，第一次食又幾好食煱佢外層係炸蝦丸黎，yummy朋友叫左個椰青，美中不足係唔夠凍濃濃芒果味既沙冰，好快溶到成台都係蕃石榴沙冰，都好濃味埋單都係6xx，真心抵食大家絕對可以黎試下

葵芳返工，好怕去葵涌廣場食飯，一連365日都人頭湧湧。但係過一條天橋， 葵涌運動場果一邊，其實都有好多唔同嘅選擇，今日lunch嘅時候同同事食呢間泰菜，覺得抵食喎。Lunch set $39起點做一個冬陰公湯底豬扒金邊粉，個湯底真係好惹味，好似唔夠辣，個湯底真係幾好味。但係豬扒有啲敗筆，肉質一啲都唔鬆化，好鞋口。試食咗同事嘅豬頸肉冬陰公米線，反而好驚喜。好好味呀。午餐加＄8就有特飲。個人覺得幾抵。又平又抵食唔錯

走咗去葵芳搵好嘢食搵搵下見呢間泰國菜，去到夜晚8點左右唔洗點排隊就入咗場，店入空間唔大，都坐爆有30人左右，迫迫下幾有氣氛。諗咗陣，嗌咗個生茶包、香辣海鮮炒粉絲、主菜係個蒸驢魚冬蔭功湯底生茶包好足料，都可以包到10塊生菜，包住嚟食幾惹味炒粉絲又唔係想像中咁辣，份量夠又多配料，啲菇好岩胃口蒸魚大大條，佢即場點火蒸俾你，你可以睇住條魚慢慢熟，啲湯底又甜又香辣，再加配一碗仔冬蔭功湯底俾你加湯。條魚熟咗好滑、爽口彈牙我就無加任何嘢飲，見好多人都有加椰汁冰、椰青大大個，都抵食食飽飽湯底都飲埋，抵食又好味老闆娘應該係泰國人，有2個樓面都識講廣東話，落單快，等咗大約20分鐘就有炒粉絲上枱，邊食就愈嚟愈快上枱，手腳快，執枱樓面熟手爽快

今晚去呢間試下泰國菜，(佢對面仲有一間係食車仔麵)。六點去到，未係好多人，兩個人點了焗飯，燒魚，雞翼，芝士蝦球，2杯果汁冰。份量好足，味道不錯。最窩心就係俾番椰青飯個D椰青水我地，原個椰青都要$33，未試過有餐廳有呢種回贈，仲會俾多碗椰青飯。燒魚就未見過咁大條。果汁就真材實料，仲要高過個杯……$360埋單，比九龍城好多餐廳好好多

份量好.平.正.值得再食~本來泰星匯泰國菜的主店,我不愛吃湯河粉麵~~     近這個月發現此店對面開了一間分店,有車仔麵食~~          共吃過兩次了,暫時覺得豬紅,蘿蔔..正！

4個人叫左8養野！諗住有兩個係小食，應該無問題既，點知最後真係食唔哂蟹肉炒粉絲點解可以好食到禁，一落台試左啖，即刻夾左3碗下次想試下辣炒海鮮冬陰公呢個正啊，酸辣度適中，勁好飲！要個細都好大，夠4個人飲青木瓜沙律呢個係唯一一個我要say no既，早知要柚子沙律啦，老點左個fd添，啲青木瓜絲應該醃左，如果係新鮮既會好好多泰式通菜唔咸，而且嫩口豬手夾左啲肉黎試，配個汁真係無敵，女士黎講，皮就唔好搞我啦諗住小食黎，點知都係好大碟，食唔哂炸芝士蝦丸芝士味超濃，正啊，只係個人對丸類無咩興趣，而且粒丸既比例同份量都佔幾大下海鮮咖哩包個包烘得岩岩好，咖哩又正鹽燒盧魚白雪雪既魚肉鮮甜新鮮大條另外個象啤好正，好中意個種米香味！椰青沙冰入面啲肉，刮左試，都超甜！