泰斗 (中達大廈)

营业中

休息中

泰斗位於海防道，一個商業大廈嘅四樓，本來係貪方便，所以嚟試吓，原來都幾好食喎！價錢都合理。最衰就係因為星期五嘅關係一個半小時要交枱。我哋book咗露天位，環境一流，影相嘅時候好似去咗泰國咁，侍應哥哥幫我哋影相，仲會幫我哋打燈值得一讚😊招牌沙律三部曲….可以是三種特色沙律，帶子、軟殼蟹同埋蝦沙律，每款細細兜，啱晒我哋鍾意每樣事少少嘅人，本人最鍾意嘅係帶子沙律，新鮮帶子加埋泰式沙律，正冬陰功湯….味道正宗😋小食拼盤….又可以是不同種類嘅小食，最鍾意食嘅蝦餅心形芒果糯米飯….芒果甜甜，影相又靚

不過起碼算中流砥柱。四個人，六點五道菜，每人一杯沙冰，每人$400。店舖唔算大，在四樓加有露台比人空間感都算ok。在春天時節嘅當下，起露台食飯嘅感覺唔錯，有微風、冇蚊。但係..........你要幸運地冇人起你格離食煙!!!!!!!!!!!無錯，話明露台就自然比人食煙，相信我，如果有人起正你格離食煙，食龍肉都......煙味啦。所以，前半餐體驗好好，後半餐......想走。木瓜沙津，唔爽脆嘅木瓜，全生嘅豆角，偏辣，唔開胃，失敗嘅前菜。非常辣嘅生菜包，譚仔最多五小辣人士建議唔好叫，味道偏死鹹，冇乜層次，唔開胃，不推薦。一碟兩串牛舌，必點，熱加厚，不過有硬有唔硬，全靠運氣，有一舊朋友直接咬唔落，不過相信大部分都唔係特別硬，依然必點。$238 椰汁唔知加咩小辣青口，明顯細粒急凍青口(冇貶意)，入口幾乎only椰汁味，冇層次，食多幾隻就唔想食。一般貨色。$148 細份小食拼盤，一人一舊，冇特別但係必點。$198 燒牛小排，牛肉質地偏彈身，冇乜肉嘅質地，不過燒得幾香，點埋微酸甜嘅醬都ok，可圈可點，ok啦。$128 海鮮菠蘿炒飯，炒得幾好，粒粒分明。海鮮都有存在感，唔至於比飯完全淹沒。飯中有菠蘿

今日想食泰國菜又想行海旁，所以就㨂左尖沙咀，見到食評話呢間都吾錯，好啦就去試下味先。一入到餐廳，佢係有半露天架，個feel又幾好咼！落單嘅時候個waitress 姐姐都幾有禮貌，又會介紹我地食有啲咩好食，佢推薦我飲芒果沙冰，果然冇介紹錯！佢地用新鮮芒果打，但又吾會酸，好似食緊雪糕咁，勁大杯，可以兩個人share飲。首先嚟左碟泰式生蝦，個醬比平時辣，但又幾好食！個冬蔭公係4-5人份量，但因為想飲所以都照嗌啦！佢連埋個爐上，所以隨時都可以飲住熱辣辣嘅湯。另外叫左啲雞同牛舌串燒，不過不失啦。個泰式飛天通菜都幾大碟，啲通菜又比較嫩，味道吾錯！之後叫左個黃咖哩牛腩，啲黃咖哩真係幾好食，特登叫多左碟蒜蓉包嚟點咖哩，其實應該在要嗌多個薄餅黎點咖哩，但因為太飽所以浪費左啲咖哩汁。整體黎講吾錯，但價錢略貴，食左800幾蚊。不過兩個人食飯氣氛好就得啦！

尖沙咀一向食肆林立，想搵食絕對冇難度，不過如果吃完再吃，就代表D食物出品有保證。今日同朋友再次到訪哩間位於尖沙咀海防道嘅泰國餐廳，之前嚟系日間，坐室外光猛開陽，今次因為戶外已爆滿，就坐室內雅座，舒適適合傾計。▶️燒牛肉沙律($138)泰式酸辣汁撈勻再食，酸咪咪好開胃，不過牛肉燒得過咗少少，如果燒到岩岩熟就完美喇！▶️脆爆香茅三文魚鮫($138)每次嚟都必食嘅一道菜，好熱氣但系絕對要食返件，因為食完會想食多舊😂。三文魚鮫外脆內嫩，炸得岩岩好，出面脆卜卜，但係裡面新鮮嫩滑，多重口感，食到lam lam脷。▶️串燒✨鹽燒牛舌串($48/2串)✨串燒沙嗲牛($38/2串)✨串燒沙嗲豬($38/2串)✨串燒沙嗲雞($38/2串)串燒上枱時色澤光亮吸引，最欣賞個牛舌串，juicy又彈牙，裡面系粉嫩嘅顏色，點埋個泰式酸汁，真係太正喇！▶️辣椒膏炒青口($168)朋友好中意食辣椒膏炒海鮮，今次終於食到。青口大大粒，肉又肥美，加上辣椒膏炒非常惹味，岩曬送飯或者一邊食一邊飲返杯啤酒。▶️泰式凍奶茶($42)/椰汁冰($42)食泰國菜點少得杯凍奶茶，夠濃郁又夠奶香，椰汁冰甜入心，凍冰冰好清爽～

海防道平時成日都經過今次試既餐廳泰斗就位於海防道其中一棟大廈4樓餐廳有部份係室外位置個view都真係幾好望正對面既樹唔知夏天黎會唔會好熱呢雖然見到裝左冷氣今日天氣少少涼又唔算凍坐近室外就正啦首先叫左龍眼冰用泰式奶茶龍眼冰唔算好甜 泰式奶茶一貫奶香泰式春卷係粉絲皮 非常香口鬆脆馬莎文咖哩汁甜甜地 個汁唔會好杰 可以少少地飲兩啖牛坑腩份量唔算好多 但係肉超級腍食咖哩配至愛薄餅就啱晒最後食左冬蔭公海鮮炒飯冬蔭公湯就成日見炒飯又幾特別 雖然唔係話湯咁重味道但係配上香口炒飯都唔會好膩而且都幾多海鮮料總括黎講都算幾唔錯既泰國餐款式選擇多 不過我地得兩個人 試唔到好多款多d人一齊食就可以叫多幾款試難得食既嘢都算幾油 但係食完都無過好口渴美中不足食嘢途中聞到一陣煙味好彩就全餐飯得果一次

依間餐廳環境幾好，坐近露台位係好有係樹林食緊野嘅感覺，好有feel好寫意。野食選擇好多，想食飯、麵、海鮮、菜、串燒、小食定甜品都有齊哂！首先叫左串燒，叫左雞牛豬各兩串($38/2）夠哂大串啖啖肉，燒得幾靚，味道香得黎肉質唔會太老，而且個沙嗲醬好好食，唔辣但好濃花生香味另外叫左馬莎文咖哩牛坑腩配薄餅（$188），依個咖喱係唔辣嘅，偏甜仲有少少酸，有啲似豬腳薑嘅味道，幾得意。牛坑腩肉質好鬆軟，吸埋咖喱汁入口好juicy最後叫左個泰式炒椰菜苗($128)，好惹味，少少辣辣地，椰菜苗口感爽脆，炒完之後好香。野飲方面選擇又係好多，除左酒精類仲有泰式特飲，叫左珍多冰（$42）同龍眼冰（$42），係泰國嘅味道！好飲不過係偏甜嘅。依間真係環境同食物質素都高，選擇又多唔會厭！

人山人海既尖沙咀，附近唔係名牌商店就係高樓大廈，係海防道樓上有一處鳥語花香，感覺置身於泰國園林中既正宗泰菜餐廳！多款正宗泰國菜，高水準處理！泰式燒豬頸肉唔洗講都知必叫！份量好多，足夠二至三人食！豬頸肉肥瘦適中，入口爽脆，絕對有滿足感！豬肉表皮都處理得唔錯，有焦香感☺️再黎推介泰式香葉肉碎炒飯！小小辣，但可以接受！味道好有泰式風味我like🫶🏻🥹睇相都見到每粒飯粒都有沾上左醬料既顏色，所以每一啖都好有味道！鐘意食蝦既朋友唔好錯過佢地既大頭蝦粉絲煲🤤❣️ 大頭蝦都有成五六隻，每隻手掌咁大再開邊處理👍🏻粉絲又係哩道菜靈魂之一，所有鮮味都煮入晒每條粉絲當中，超級入味！☺️飲品我叫左Refresh同Fruit Punch兩杯，我自己比較鍾意Refresh，青瓜獨特既味道，加上有少少荔枝玫瑰嘅甜味，好清新既感覺👍🏻☺️Fruit Punch都不錯，多種水果味道都幾濃郁😍餐廳環境真係好吸引，相信如果晏晝去環境應該仲正！想享受一個泰式moment，可以一試🌴🥰| Fruit Punch $88| Refresh $88| 泰式燒豬頸肉 $138| 泰式香葉肉碎炒飯 $128| 大頭蝦粉絲煲 $298

#尖沙咀 @thaimaster_hk👯‍♀️同朋友提早做冬! 打破食中菜的慣例, 試試泰國菜! 之前去食飯時搭電梯開門時發現呢間泰國菜環境好好, 有露台位, 燈光柔和, 好有氣氛, 今次就試試! 菜式選擇多, 來點基本的試試味道! 🐥泰式香草燒雞 $168/半隻, $268/隻 ~ 即叫即製, 需時20-25分鐘! 上枱新鮮熱辣, 雞皮香脆, 店員表示要趁熱食, 會更好味! 肉質嫩滑又無雪味, 半隻都好大隻! 🐄馬莎文咖喱牛坑腩配薄餅 $188 ~ 牛坑腩好滑, 煮得好腍, 咖喱味好香好濃, 配上香脆薄餅好夾! 🦐泰式蝦肉炒金邊粉 $128 ~ 金邊粉炒得好好, 有穫氣又乾身, 蝦肉大大粒份量多, 配菜不少! 夾上香脆花生碎及青檸汁, 加添口感! 🥥椰汁紅豆冰 $42 & 珍多冰 $42 ~ 紅豆粒粒大粒, 2杯椰汁味都好濃!😱好彩一早訂定位, 超多人! 

🤍泰斗🖤尖沙咀海防道38-40號中達大廈4樓🔥串燒沙嗲雞/串燒沙嗲牛舌芯/串燒沙嗲牛 $38~48串燒全部都好大條，仲有兩款汁可以點，最驚喜一定係牛舌芯！每串都有四粒大大粒牛舌，仲要非常爽口，出邊食肯定唔止呢個價錢！🔥燒豬頸肉沙律$138食開嘅泰式沙律都係表面有啲肉，再加底下係沙律菜，但係呢度係相反，底下有大量勁厚切嘅豬頸肉！份量實在太多我哋都食唔晒😂🔥泰式蝦肉炒金邊粉 $128金邊粉就正正常常偏濃味❤️通常擺咗一陣未食完就會變硬同乾身，但係呢碟粉食到最後都仲保持濕潤～🔥飛天通菜$98通菜炒得唔油，再加上大量指天椒同埋豆醬，少少微辣好惹味😎🔥珍多冰/龍眼冰$42唔飲得甜一定要叫少甜😆見到其他人叫特飲都好啱打卡，下次一定要再試吓！

食完呢餐... 我明白到點解【泰斗】會座無虛席... 客似雲來嘞!😆⭐泰斗 (中達大廈)📌尖沙咀海防道38-40號中達大廈4樓我哋今晚order嗰幾樣都幾好食👇🦀蒜香軟殼蟹 $128炸得外脆香軟嘅軟殼蟹... 配埋金蒜... 特別惹味!😋🐷泰式燒豬頸肉 $138有兩大塊... 相當抵食!👏 爽彈軟滑... 帶點焦香... 配埋特製泰式醬汁... 夠曬地道!👍🍚菠蘿海鮮炒飯 $168菠蘿嘅酸甜令人食慾大增... 炒飯用泰國香米... 炒出嚟粒粒金黃、粒粒分明... 配腰果同肉鬆一齊食... 口感層次豐富!🍰椰子菠蘿慕絲蛋糕 $58椰香滿滿嘅mousse蛋糕... 夾著清爽菠蘿餡... 成個感覺好香軟清新!🥤龍眼冰 $42雖然都幾甜... 不過真係甜得好好味... 我鍾意呀!😍 而且仲有好多粒龍眼肉可以慢慢食!🤭🧋椰汁紅豆冰 $42香濃嘅椰汁... 同粉糯嘅紅豆係絕配! 呢度嘅紅豆... 甜度掌握得幾好... 好正!Overall... 食物質素相當唔錯👍... 價錢💰都合理! 我幾鍾意呢度嘅環境... 尤其露台位... 勁有feel呀... 好啱打卡!📸而且地理位置🗺️都幾方便...

大大力推薦呢間環境靚、地段好、嘢食正同埋服務態度一流嘅泰國餐廳！！！唔知係咪適逢聖誕，呢度佈置好靚好有情調～有半邊係outdoor seating，餐廳好貼心地放咗啲暖爐喺度，唔洗驚好凍～特別想讚呢度嘅店員都好有禮貌、好親切仲會好有耐心咁介紹同推薦嘢食嘢飲比客人～真心推介比鍾意食泰菜嘅大家！✨馬莎文咖哩牛坑腩配薄餅 $188薄餅熱辣辣好酥脆，真係記得要趁熱食！咖喱味道濃郁，帶微微辣味，重口味人士必食！牛坑腩幾嫩，好好食！配咖哩真係一流🥹✨手打炸魚餅 $98泰藉混血兒朋友大讚呢個魚餅(๑･̑◡･̑๑)檸檬葉、香料味好濃，好少喺香港其他泰國餐廳食到呢個風味！魚餅入面仲mix埋細細粒豆角、辣椒食得出真係餐廳手打，唔係來貨嘢～十分推薦鍾意泰式口味大家食呢道菜！！！✨泰式椰青海鮮焗飯 $168呢個椰青焗飯份量勁多，上面堆滿一個半圓嘅飯椰青入面仲有一半飯，真係勁多😂每啖飯都有好清甜嘅椰香味，仲夾雜住椰子粒，好用心！加埋啲肉鬆同腰果一齊食，口感香味更豐富！！食到最後我仲有刮內裡啲椰子肉嚟食🤭🔹青芒絲沙律配燒北海道帶子 $158酸酸甜甜辣辣哋幾開胃～帶子燒過有少少炙燒香味～正～🔹千層糕 $48好香椰汁味唔

今日約咗朋友喺尖沙咀食飯，朋友話想食泰國菜，所以決定返兜之前食過將軍澳唔錯嘅泰斗！尖沙咀呢間嘅裝修型格嘅風格，燈光軒咁，好有情調，而且仲有大大個露台位置，俾人可以喺露台一邊欣賞街景一邊食嘢，超有feel～✨黃咖喱雞+薄餅黃咖喱味道唔算辣，反而有濃濃既椰香，偏甜，啱哂唔食得辣既朋友。雞都係以肉為主，冇咩骨，食落嫩滑。配菜有洋蔥、紅椒等，仲有炸過既薯仔，索哂啲咖哩汁，配埋薄餅簡直絕配！✨生菜包生菜包唔算好辣，亦都唔會好咸，反而食得出落左唔同既香料，食落酸辣香口。最中意既係佢地仲加左好少見既炸豬皮，增加左成個餸既口感同層次～✨串燒牛肉+牛舌喺外面食嘅泰式串燒既肉質都偏結實，反而呢到牛肉同牛舌都勁soft，火候掌握得啱啱好，勁suprise。而且佢地既肉都係厚切，份量十足！串燒跟左兩隻醬汁，一隻係酸酸甜甜既魚露汁，味道夠鮮香；一隻係惹味既沙嗲醬，令人回味無窮。✨炒椰菜苗一上檯已經聞到蠔油鮮露同蒜頭辣椒香，成個炒菜既味道都少少甜，唔會好辣。食得出個菜好有鑊氣，熱辣辣咁上檯好吸引。✨椰汁冰+珍多冰兩杯野飲既椰汁都係偏杰個種，有濃濃既椰子香。開頭好驚會好甜，但出乎意料既係唔會，非常

今晚媽咪👩🏻就埋我放工時間🕕一齊近近地去尖沙咀搵晚餐食🍽️。經過尖沙咀海防道中達大廈樓下。有個「泰斗」嘅餐牌，見嘢食幾啱我地食就上去。👣上到4️⃣樓出𨋢，係間有氣氛、有情調嘅泰國餐廳🍴。決定今晚同媽咪係度撐下枱腳。🥳🐔 泰嫩海南雞（半隻）餐廳🍴提供薑蓉同海南雞辣汁。😚我個人比較鍾意辣汁，好惹味。😋起咗骨嘅海南雞肉質嫩滑，咬落啖啖肉。🤩🥘 椰香紅咖哩 (牛)青咖哩、紅咖哩、黃咖哩之間，🤓我地揀咗中間辣度嘅紅咖哩。😎媽咪👩🏻好鍾意呢個汁。😍佢話辣得度又有椰香味。😋🥯 蒜蓉包一上枱已經聞到好香嘅蒜蓉味。🙊蒜蓉包索汁，用嚟蘸咖哩汁食一流。😻原本媽咪仲想再叫多個蒜蓉包嚟蘸埋少少咖哩汁。😂不過我地實在太飽了。🤭🍲 濕炒海鮮河有蝦、青口、魷魚、西蘭花、菜心、紅蘿蔔等等食材。🥰估唔到呢間泰國餐廳都可以炒到有鑊氣。🤩而家咁乾燥嘅天氣💨好適合食濕炒河粉。忍唔住要外賣多份比爹地放工返屋企食。😛🍹 Blue Butterly (Cocktail)係間有氣氛嘅餐廳🌠，我叫咗杯有酒精嘅cocktail飲品。💕用奇異果、益力多、碟豆花、Gin Soda調製成。紫紫的💜賣相好靚。奇異果、益力多味道突出，仲有奇異果肉🥝。同G

聽朋友講中達有間空中花園嘅泰菜，話d野食質素好好，環境又好chill，咁喜歡食野嘅我一定要去試下啦🤤估唔到Lee間餐廳咁出名，真係爆滿，平日去食都超多人去排隊，環境方面真係超有氣氛，露台邊嘅位置好適合打卡，不過座位有限，如果想坐個d位就要早d去啦😽◽️小食拼盤$148Lee個拼盤唔簡單😂有泰式雞卷，魚餅，蝦餅同埋粉絲皮春卷，全部都炸到好鬆脆，但唔會油膩，另外仲配埋泰式雞汁，好夾👍🏻◽️串燒沙爹牛$38好香好惹味，肉質鬆軟juicy，超正🫶🏻💕◽️泰式椰青海鮮焗飯$168好特別，有淡淡椰青香味，海鮮好多，食落比較飽肚☺️◽️蝦醬炒通菜$88蝦醬好香，通菜入面仲加左薑絲，岩曬而家嘅天氣食，暖胃💕◽️White Temple $108好靚嘅一杯cocktail 🥰好似個粉紅色嘅海洋咁，中間仲坐住一隻🧸💕飲落會有淡淡荔枝同埋桃香味，係水果味比較重嘅一杯cocktail🍹◽️Blue Butterfly $98Lee杯都係好靚，好似日落咁🌄飲落有d蝶豆花同奇異果味，幾特別☺️好飲

嚟到尖沙咀想食泰國菜加上天氣涼涼哋 就諗起泰斗嘅環境設有露台空間一邊用餐一邊有微微嘅涼風吹感覺都幾寫意地點夠就腳 食物質素都唔錯添-生蝦木瓜沙律 $138木瓜絲清爽開胃 生蝦肉厚口感彈牙 好好味大頭蝦冬蔭公湯 (細) $158足夠 4碗份量有兩隻開邊大蝦 湯底有唔少菇類冬陰功味好濃郁 趁熱辣辣飲就最正泰式香辣蝦膏海鮮炒河 $138有蝦、魷魚、青口 海鮮份量好足味道方面唔覺得辣 甜味則比較突出平時食唔到小辣嘅朋友都食到飲品點咗龍眼冰及青檸梳打 @ $42龍眼冰清甜 青檸梳打酸爽 解渴又消滯