泰斗 (中達大廈)

营业中

休息中

補祝阿Bro生日，當然要細心㨂d佢少食嘅地方同菜式，於是上網睇見到呢間環境好喎，於是打去book位啦！雖然星期日，而且係Lunch hour，但客人好少。。。因為阿bro怕熱，所以我地㨂in door，坐低一陣睇完餐牌，佢地話我話事。。。面對咁舒服嘅環境，加上美味嘅菜式。。。大家嘻嘻哈哈咁就一個下午喇！

泰式炒金邊粉($98)推介: 🌕🌕🌕🌘🌑想念泰國而我卻滯留咗係香港🤦🏻‍♀️我唯一可做既就係搵正宗泰菜食，減輕思鄉病既病情👅👅👅搵到一餐好食既Phod Thai 😍就咁睇已經見到呢個泰式炒金邊粉既份量多就唔再講，仲有唔少爽口既蝦仁!！將青檸汁落去金邊粉，將花生碎同麵撈勻，食落口幾清新，好開胃😋😋😋Yummm...好味！唔會好咸，幾有鑊氣！😗😗😗野味得來唔會太油膩👍🏻！

Very bad service today during early lunch. Totally understaffed with 2 people on the floor. Both staffs are incredibly rude and unresponsive. Very disappointed even though this is one regular restaurant I go to for lunch. Even if you’re understaff, there’s no need to be rude and with a grumpy look on your face.

如果天氣暖啲，坐露天位置同朋友把酒談歡，實屬一絕。可惜，食飯果日溫度跌到十二度，都係選擇坐係室內取暖。🙆‍♀️皮蛋炸蝦餅 ($118)皮蛋炸蝦餅好食，熱辣辣上枱，皮蛋泛起溏心，介乎固體同液體間的texture。蝦膠炸得好鬆脆，如果蝦膠再厚身啲，食落應該會更彈牙，就算唔點泰式辣醬已經夠正。🙆‍♀️海南雞 (半隻$158)雖然雞味頗弱，但肉質嫩滑，最鐘意個點埋雞醬一齊食。🙆‍♀️椰汁雞湯 (小$128)都推介，好足料而且酸辣度剛好。🙆‍♀️豬頸肉炒飯 ($108)就可以唔洗嗌了，豬頸肉切得細塊又小，炒飯偏濕無獲氣，只有淡淡豉油味。一定要講既係呢間餐廳好多味精，餐飯成到一半，已經勁口渴，好彩侍應們好勤力地幫我地refill水。

雖然唔算得上成日黎食 不過都有四五次啦 每次都係我介紹上黎食因為我貪佢呢度夠就腳 夠FREE 同埋環境好 雖然唔係特別抵 不過呢種種原因就令我成為番頭客今晚訂左7:30 唔洗等直入 坐左邊既枱 夠哂私人 BUT前面枱內地人真係嘈到癲!我地講野差D要用咪生蝦係朋友既至愛 都係泰菜必點6個人點個大既拼盤就最岩 每樣野都每人分到一件半至2件 都幾抵同夠食 最怕拼盤到喉唔到肺 唔夠分果下先慘泰式燒豬頸肉 就略嫌燒唔夠火侯 所以就變得好普通軟殻蟹柚子沙律 柚子沙律本應係要好清新 比REFRESH既感覺 不過可能師傅重手左 個汁好咸我係南瓜愛好者 每次有南瓜咖喱都會點 我覺得好夾 呢個可以配 雞/牛/豬 我地就要左雞 好入味 而且南瓜都好甜 如果有無數既薄餅 我應該可以KO哂佢

今日朋友請食泰國嘢，帶我嚟咗呢間樓上露天嘅餐廳，唔講都唔知原來返工嘅地方附近有間樓上泰國餐廳！我哋兩個叫咗野飲，椰子冰同埋青檸水！我朋友超愛食炒飯！所以佢見到有個豬頸肉炒飯即刻二話不說地叫咗！炒飯真係好有鑊氣！重點係一啲都唔油！豬頸肉超好食～～～第2樣嘢就係我叫嘅海南雞，海南雞10分新鮮，啲雞肉十分之嫩口。最後一樣野係雜茶粉絲煲，粉絲超滑，分量仲要好大份添！兩個人埋單食咗咁多野都係六百幾蚊！仲要質素咁高好抵食呀！

本身今晚book5位8pm，佢本身話如book一間房最低消費$2000，現在可最平比$1500，所以為起上嚟$300per head + 10%. 後來book了，之後我們加多一位，我再打去通知加多一位。到了之後我們叫菜，我叫侍應計算下夠不夠$1500。之後經理入來，話係$300 per head, 現在6位要$1800+10%.我哋話唔係，打來book時話係minimum $1500. 佢話我聽錯 . 我話我無聽錯。佢地堅侍話要$300 per head, 我地條氣唔順，咁就算啦, 如果係咁就走囉。佢地就話落左單，我地覺得老屈，就走左啦。之後去左鹿明春都食左2千幾蚊啦！有時唔係錢既問題，係條氣既問題。極之唔識做。如果真係$300 per head, 咁點解我打去加一位,佢哋冇講清楚？如果真係$300 per head, 點解話原先係2千蚊min, 比個折扣$1500,但係2千蚊除$300除唔盡？為左$300無左$1500生意，值得嗎？

Thai Jeng泰斗 TEA SET 隆重登場早排試了味道，價錢優惠、多款式而且好味道但會有少許微辣適合冬天喜歡食tea set又怕凍冰冰的女士看看有甚麼東東！ 最低層的有少許微辣的但極為美味上兩層都是炸物另有兩杯沙冰特飲可作解辣的！ 蝦刺身 甜點很精緻美麗 這個芒果飯亦很美味，暖暖的！ Thai Jeng泰斗餐廳‬下午茶套餐價錢為$298/2位價錢優惠 因為當日外面下著雨所以選擇了室內食用外面露天環境亦寬敞不會逼而且氣氛唔錯絕對適合朋友或情侣吹住微風一邊傾天一邊享受泰式美食供應時間逢星期六至日下午2 時至 5 時

話說新出lunch buffet，有蝦，螺，青口，蝦餅，春卷，生菜碎肉包，豬頸肉，炒粉，炒飯，咖哩牛腩，各類炒菜，泰式湯，青木瓜沙律 等等以輪流方式出來，味道雖然無乜驚喜，但我都覺得ok，唯一就係食物出得比較慢，對於心急既香港人嚟講要等太耐啦。我旁邊一枱5個男人，明白男人大食啲，但一出菜就2-3個人十件十件咁拎又未免太過份。室內約坐40人，露台約40人，今日就算坐唔滿，但起碼有50-60人。睇得出係管理層既人服務有禮貌，不斷提醒客人唔駛心急，會繼續有得出，但之後再出好多都係炒菜同炒粉炒飯，蝦/螺/青口有再出過一次少量，所以根本滿足唔到全場50-60人$168加一，每位$185(包兩杯咖啡奶茶，其他飲品要加$30)，個人覺得試一次好啦，令願散叫。

早收工同男朋友去尖沙咀拍拍拖，原來佢已做左research,仲book左枱食飯，平時海防道好多人，估唔到泰斗環境咁好，搭lift上到去，一開門已經見到一個大露台。望出去同平日見到海防道人多物雜既環境完全不同，上到去已覺得環境好浪漫，好似去左渡假咁，完全唔似尖沙咀。鍾意睇波既，仲有個大電視銀幕，可以飲住啤酒睇住波食飯都好唔錯，男朋友鍾意到不得了。餐廳店內都有室內座位的。上到去餐廳6點多，店員叫我地如果飲酒可以先點飲品，因為仲有happy hour,仲可以買一送一添，不過我地第二日仲要返早，所以都係乖乖飲cocktail，下次放假就要早少少上去嘆吓哪。我選了 Cinderella,男朋友選了Fruit Punch,兩杯都好好味，唔太甜，好能夠開胃，賣相都十分吸引。先點了個小食，蝦肉黃金卷。鍾意佢個蝦肉好足料，咬落好彈牙，配埋脆脆既春卷皮，真係好開胃。食泰菜又點可以少得棷菜苗呢？菜苗超嫩口，入口爽脆。男朋友鍾意食蟹，所以我地點了一個辣椒膏炒蟹，上枱隻肉蟹超大隻。辣椒味道好香，唔會好辣，但就好野味，唔想浪費D汁，於是就多點了一個薄餅點汁配埋食。店員仲要好好，遞上食蟹工具同手套，可以即刻開餐。淨

呢排都要係呢頭返工 咁我係要on shirt 架 所以有時都要搵晚餐食 今晚都係 咁岩肺朋友搵我食飯就去左呢間食泰國野 叫左個金邊粉 都炒得幾好食 熱辣辣咁上碟好惹味 仲叫左個菜苗 有少粉少爽口架呢個菜

上個月才到泰國旅行，雖吃了不算太多美食，但也甚為懷念泰國的風味。今晚便相約友人於這間甚有氣氛的泰國餐廳用餐，一解思念之情。餐廳格調昏暗，頗有情調；除了室內坐位外，還設有室外露台雅座，露台座位有一大電視銀幕和小型酒吧台，相信是為看球賽人士而設的吧! 這晚我與友人被安排在介乎室外與室內之間的座位，有種雙重享受的感覺。餐廳的菜式十分多，很多都很想試，就怕兩人都眼闊肚窄，最後決定先叫三款鹹食，一款甜點和飲品。在柚子沙律與軟殼蟹沙律之中，最後也決定要軟殼蟹沙律($128)，因友人喜歡吃軟殼蟹。說真的，沙律的份量比我想像中的細份，而軟殼蟹大概只有半隻，而且炸得不夠脆口，甚至有點軟腍，真的有點少失望。幸好沙律味道不錯，柚子香十足，酸甜清新，加入至愛的腰果更為香口，才挽回一點分數。然後是主食菠蘿海鮮炒飯($148)。以半個菠蘿裝上炒飯，賣相誘人。飯炒至黃色，大概是加入菠蘿的緣故；有淡淡椰香，海鮮配料有蝦，魷魚等，份量不少! 可能是菠蘿的緣故，其果汁令飯身的濕潤度增加，但亦不至於過腍身。旁邊亦配有腰果和肉鬆，與炒飯一起搗拌吃口感更為豐富可口，不錯!無肉不歡的友人怎樣也要點上一款肉，所以點了一客泰式燒豬頸

泰國菜一向都是香港人最愛的菜式之一，皆因泰國菜甜酸苦辣得宜，很適合香港人的口味。今晚就約了好朋友來到泰斗晚餐，朋友貼心訂了露台坐位，坐在露台除了可以看到樓下街景，還可以看到九龍公園，在煩鬧的尖沙咀，這是綠洲。每次到泰國餐廳，必叫泰式炒椰菜苖，皆因椰菜苗只有泰國餐廳才有。泰斗炒的椰菜苗青脆爽口，好吃泰式燒雞(半隻), 燒雞很入味，雞肉滑溜多汁，不會乾巴巴的，正！咖啡虎蝦，非常推薦，四隻比手掌還大的虎蝦，鮮味彈牙。咖哩香濃惹味，咖哩汁中加了大量洋蔥及椰汁，令咖哩香甜濃稠。每隻虎蝦都比我我掌大，超級無敵好吃😋👍🏻最後當然甜品不可少，泰國甜品首當應該是芒果椰汁糯米飯。這裏的糯米飯香糯清甜，正😋😋

今日同朋友食飯，黎食泰國嘢！間野好多人幫襯，想到你啱啱好友一個露台嘅位置俾我哋，呢度氣氛好好，仲可以望吓附近嘅風景。唔講唔知原來平時行開嘅海防道，樓上就有呢間泰國餐廳啦！首先梗係叫咗杯野飲先啦！黎唔開我最愛嘅椰子冰！唔會太甜啱啱好～～～因為有啲肚餓所以我哋叫咗個炒飯！炒到超有鑊氣超級香！可能我哋太肚餓啦我哋連啲菜都食埋？哈最好食嘅莫過於係海南雞！好新鮮同埋啲肉好嫩！點一點醬汁，正！然後叫咗一個雜菜粉絲煲！啲粉絲好正，容量好大兩個人食都有多！鍾意食泰國嘢嘅快啲嚟幫襯啦～

呢期天氣冷，好想食咖哩，但係講真印度咖哩太重口味唔岩屋企人，好彩醒目妹建議泰國菜，雙親亦都秒同意! 今晚選址尖沙咀，醒目妹立即訂坐，岩晒食完飯再行街幫兩老添寒衣! 一出電梯門，餐廳都幾大，環境不錯，原來有露天茶座既泰菜，夏天應該好開心!好肚餓，開飯先! 地道泰式魚肚羹＄168好凍呀! 老人家強烈要求要飲湯，好彩有個泰式魚肚羹，岩晒中意食魚肚既我地! 非常足料的魚肚，很爽，仲有雞旦，有營有款!咖哩南瓜盅 $138餐牌上的咖哩南瓜盅完全吸引住媽子目光，無得唔點! 一黎到，嘩!好大份，又有好香的咖哩味，咖哩有特色，帶有一點甜，非常開胃，難怪侍應聽到我地話想食咖哩就好有自信推薦! 南瓜爽口，豬肉新鮮，正到呢!!! 咖哩蟹 $398主角出場-咖哩蟹，今次的咖哩同蟹膏溶和，比較 ‘傑’ 身，令咖哩味道層次感更強，一啖蟹肉一啖醬，好完美，食到我地個個吮晒手指，今次真係我食過最正咖哩蟹!!!泰式椰青海鮮焗飯＄148非常超載，海鮮堆到非常養眼，真係望住都開心，海鮮鮮美，焗飯粒粒分明，岩晒一家大細口味!珍多冰 $42 (少冰)食住咖哩，人都開始暖，突然凍飲mode 啟動，珍多冰貴為童年回憶，今日見到，一飲