泰基隆

营业中

休息中

深水埗多數只會諗到食車仔麵太耐冇出黎行街原來依加深水埗多左好多野食而基隆街就係其中一條係遠方已經見到呢間餐廳好吸引係門口睇到裝修都幾吸引店內空間唔算好大但都坐得幾舒服好彩咁岩有位估唔到原來都幾多人食見到隔離見既食物都已經流口水我地急不及待睇下有咩好食除左正常餐牌之外仲會有個特別推介呢排天氣實在太熱喇坐底都決定要叫左飲品先！除左啲大路飲品仲發覺有蝶豆花第一次見 個名都覺得幾得意嘩 杯飲品好靚好紫感覺好新奇而我就叫左珍多冰好夠椰汁味！除此之外我地仲叫左個海鮮沙津醒下胃先不過唔記得左問辣吾辣所以黎到 食落對我地黎講都幾辣但係呢個沙津酸味比突出好開胃就算辣都食唔停口海鮮都有蝦 青口 魷魚等等份量都唔少架去到食泰國菜總係忍唔到口 一定要叫菠蘿炒飯每人都起碼分到兩碗最後 仲叫左個泰式椰汁雞湯店員捧緊過黎既時候已經聞到香味好重椰汁味之餘仲有陣陣香草味非常特別推薦唔食得辣既朋友一試

今日陪完朋友行左陣街，就去左深水埗搵我男朋友食飯。經過呢間泰基隆覺得唔錯就決定食佢~我地叫左泰式冬蔭功炒飯（$68）冬蔭功味好濃郁，食落好開胃！泰式麻醬雞絲沙律（$88）又香又酸辣嘅醬汁配合新鮮嘅蔬菜同埋雞肉絲，令人食唔停口~~泰式拼盤（$118）有炸蝦餅、炸素春卷、雞卷同扎肉卷。男朋友表示炸蝦餅好彈牙，而我就鐘意個炸素春卷好鬆脆、口感豐富！泰式海南雞半隻（$88）酸辣醬汁食落好惹味~~~~飲品方面，我飲嘅係龍眼冰（$25）而男朋友飲嘅係椰汁冰（$25）隔離枱個泰式燒魚賣相唔錯，有機會可以試下XD

同女朋友下晝六點幾就放工, 哦喺上個禮拜先聽同事講過, 深水埗有間比較隱世嘅泰國餐廳, 佢哋最出名就係,青芒沙律鰂魚。第一次食，已經愛上。個湯底係用冬陰功，充滿濃郁嘅香茅以及泰國薑的香味，食之前有腳痛，香茅有助舒展筋骨很氣活血。晚餐之後腳痛消失，多得佢。😊條側魚好有魚味而且好大條，而且見到老細好用心佈置間餐廳。簡直就係一個小泰國。😊 魚肉裏面滲著香茅以及濃郁的冬陰功，食過之後覺得非常飽滿。炒金邊粉，份量大而且好飽肚。裏邊有好多新鮮蝦。泰式香葉炒蝦，非常有香葉味。最適合夏天遊完水之後食。裏面佈置非常之簡潔，亦蘊含著傳統泰國嘅文化，侍應生好有禮貌，令我覺得感覺舒服。值得大家一試，他們出名的青芒沙律鰂魚及炒金邊粉。可能比較頸渴飲咗個椰汁冰都覺得好滿足。😘😚

款式多，但無想像中那麼好食，有點失望，不太正宗服務態度可接受飲品不錯，不會太甜，冬陰公湯不辣，但就是不太好吃，價格有點貴 而且環境都可以接受，餐牌不太清潔，整體都一般

想食泰國野，又唔想去到九龍城咁遠，深水埗都有選擇，就係基隆街呢間泰國餐廳 「泰基隆」。同朋友兩個人，叫左個冬蔭公湯（細）、特色冬蔭公餃子、串燒、同埋泰式豬肉碎生菜包 （好似叫得有d多 哈哈），再加一個椰青同龍眼冰。最普通嘅野就有最大驚喜，第一份上左「泰式豬肉碎生菜包 」，肉碎炒到恰到好處，香口不油膩，同新鮮生菜加埋一齊食好開胃。冬蔭公湯幾推介，偏少辣，但味道一樣足。另外串燒同餃子都好抵食，而且飲品價錢都好合理，$35有個椰青，仲好足椰肉不過可能我地唔小心叫左太多嘢食，兩人台嘅台面超級唔夠位用🤭，建議3、4個人黎食，可以坐大台！

到了傍晚， 我老婆開始有點肚餓，正當諗緊食乜嘢之際，行經基隆街時候見到，一間泰國菜，我們又想吃泰國菜，即刻入去試吓，呢度地點有點偏僻，但竟然食物令我出乎意料之外，我們當日點了 炒咖喱蝦 、木瓜沙律 、燒茄子 、冬陰公湯 、芝士蒜蓉包 、生蝦刺身 和一杯泰式咖啡，每一道菜都非常美味。咖喱炒蟹 咖喱非常出色 很有地道黃咖喱味 香甜帶有椰香味 大人小朋友也啱胃口，配上芝士蒜蓉包或者白飯 非常開胃 ，吃不停口。木瓜沙律 不太辣 ，爽口味濃。燒茄子 特別推介 ：鮮甜 茄子上嘅 醬汁和肉燥非常出色，冬陰功湯 配料充足 味道一流！生蝦刺身 生蝦肥美，大隻 爽口彈牙 夠新鮮，一碟七隻 非常抵食！我估不到，這條靜靜的街竟然有一間非常出色的泰國菜食店，食物新鮮好食，價錢合理，一定會帶朋友再次光顧，最後，這杯泰國咖啡，令我找回在泰國，喝泰國咖啡的味道回憶！大家不妨去試試。

Small shop with decent food. Reasonable price and service. Fully support. Great variety of choices.

深水埗近年多左好多美食，大部分以小店為主，台灣菜、馬拉菜、泰菜、大排檔、車仔麵，每日人頭湧湧，有一段時間冇食泰菜，是日相約住附近嘅朋友前來食晚飯。黎到嘅時間已經8點鐘，店內位置唔多，最好都係先行預約座位，尤其是大枱唔多。始終係小店，枱與枱間未有很多空間，尚能體諒。可能坐得比較入，冷氣不是很足餐牌供應小食、沙律、小菜、海鮮、咖喱、湯品、飯麵、蔬菜、燒烤等，除左飲品選擇較少，其他一般泰菜都有供應。每日會有啲小店是日推介，原本店員推薦青芒鰂魚沙律，不過我地想食明爐魚，問過價錢幾抵，128蚊起，可惜當日已經賣哂，所以將魚擱置了，只好試其他食物泰式麻醬雞絲沙律 $88沙律有幾款，除左麻醬雞絲，仲有鮮魷、海鮮、木瓜等，感覺麻醬撈沙律都會幾夾，幾開胃。雞絲份量不少，食落都仲幾滑，除左麻醬，仲加有少許泰式風味，所以食落會有少少辣辣地泰式炸蝦餅 $68原本想唔洗煩點個拼盤，但又驚食唔哂，於是點左個蝦餅算。蝦餅一份有三件，即叫即炸，都算炸得幾靚仔。蝦肉唔太明顯，勝在口感幾彈牙泰式蝦膏炒飯 $68唔食個飯唔安樂嘅我地當然要點個炒飯食，呢度嘅粉飯都幾多款式，炒飯有冬蔭公、菠蘿、蝦膏、蟹肉、馬拉費盞、豬頸肉等等

今日約左朋友來到深水埗晚餐，有一段時間冇喺呢邊食野，選擇左位於基隆街嘅泰國野。小店一間，評語唔錯。預先用op訂位兼8點前會有折扣，啱哂我地。鋪頭位置唔多，平日都幾full，預約最穩陣！我地被安排到坐最入嘅四人枱，都ok，唔會太逼。大家都餓，急急腳點野食！基本上想食嘅泰國菜呢度都有，我地點左小食、沙律、菜同埋兩個主食。泰式炸蝦餅蝦餅一份6件切半，68蚊價錢ok啦，熱辣辣炸起，都幾正麻醬雞絲沙律辣辣地，又有D麻醬，好開胃，最緊要係D雞絲都夠多豬肉碎生菜包平時就好少點，但突然好想食生菜包，份量都唔少呢。肉碎炒得幾香口，而且唔會好油膩，包生菜一流，夠爽脆泰式辣椒膏炒鮮魷呢個炒鮮魷冇乜泰式風味，D蒜蓉幾香口，魷魷中規中矩，又唔係韌嘅，但有點油，又唔係脆。鹹魚炒椰菜苗最鐘意食椰菜苗，今次都一定點！夠嫩，又炒得惹味，鹹魚粒都食得有，但唔會令個菜太鹹。青檸梳打，龍眼冰

去深水埗買電話咭•餓餓地甘啱見到有間泰國菜•睇落似模似樣•老公話入去試下•冬蔭公餃子-店員推介菜式•塊皮炸到脆卜卜•個餡酸酸辣辣•醒胃惹味•泰式豬頸肉生菜包-平時食慣生菜包係用肉碎•e度有得揀豬頸肉•當然要試下新嘢喇•份量多•每一啖都食到豬頸肉•大滿足•泰式鹽燒鰂魚-條魚好大條•時間控制得好好•好滑溜•唔洗（點）汁已經好出色•泰式香葉辣椒肉碎炒飯-炒得幾有鑊氣•幾惹味•美中不足油咗小小•整體都唔錯•有驚喜•

深水埗出名多好嘢食，今日我就同朋友嚟到呢一個區，尋找隱藏喺小巷中嘅泰式美食，冇令到我哋失望嘅就係呢一間餐廳！佢哋嘅食物種類非常之多，我哋首先就要做一個椰青，係天氣開始轉熱嘅日子下，一個冰冷嘅椰青絕對係消暑嘅好方法！值得一讚嘅係佢哋嘅食物都係即叫即燒，呢一個有齊豬牛雞嘅串燒，一上嘅時候，已經聞到好香嘅味道，當然亦都好好食！另外我哋仲叫咗燒扇貝同埋燒完隻虎蝦，用了非常之新鮮，價錢亦都好合理，尤其是係扇貝非常之好食！另外，我哋仲試咗海南雞，不愧為招牌菜式之一，雞肉好滑，好好食！😋

朋友相約我到深水埗一泰國菜館用饍，名為「泰基隆」。名字是台灣東北部基隆市，而這街道也叫基隆街，相信三者定必千絲萬縷 ,就先不在此探討，不過應該在該區頗有年資地位了。秘制酸辣鳳爪，賣相奪目，夾一隻已混味的鳳爪在口中感覺軟綿綿的，十分入味，這酸爽也夠醒胃。咖哩炒蜆，蜆肉不會像其他的餐廳只有殼沒有肉,咖哩汁充滿濃濃咖哩椰香味.(豬、牛、雞)串燒拼盤，沙爹汁需要點讚，花生碎散發淡淡果香，力證新鮮自家製醬料，後來我們再追加多兩串雞腎。脆法包外脆內軟，金黃色皮更有粒粒芝士，再點咖哩蜆汁叫人回味無窮。這碟馬拉盞炒通菜 ,海量炸蒜蓉粒放上面，撈勻之後好惹味 。下火神器,冰凍draught啤酒,$32一杯。下次必點鎮店招牌菜，爆炸蟹$368、餐牌有各款菜式,下次一班朋友來咁happy hour就可以多點幾款。

人少少嚟試試，叫咗都幾多餸，想試多d。點知好壞參半，已經叫咗嘢飲，又有冬蔭公湯，食完都好口渴 (你懂的）-生蝦個醬不及正宗泰國醬般香辣-生菜包嘅熟豬肉旁邊放一舊生豬肉伴碟-通菜普普通通-白飯比日常餐廳多-甜酸魚不錯

近排為左慳錢,主要都係去小店為主,小店雖然又細又平,但味道比大型連鎖更加出色今次試左間泰國菜,細細間價錢又平菜式十分多價錢大部分都$58-$$88小食要左隻烤雞翼$16 ,即叫即燒，好惹味蝦膠炸皮蛋$78嘩，出面好少泰國餐廳有得食，因為好考功夫，又吾可以太貴，蝦膠好彈牙，皮蛋好香馬拉盞通菜$58偏向乾身，通菜爽口海南雞飯$68雞肉勁滑，連皮食滑嘟嘟用辣椒醬好好味濕炒豬河，豬肉薄薄切，肉質好滑，仲有大量蔬菜，娃娃菜，西蘭花，芥蘭龍眼冰，甜甜地冰冰地椰青好清，好多肉，開貴又消滯店面細細間但好多人，好味坐滿人

去完朋友屋企玩狗 就係深水埗行下街 欣賞下老區既風景咁就俾我地發現左呢間的的骰骰既泰國菜6點鐘未到食飯時候 所以客人唔多我地兩個人 點左4個菜 好快就上到枱最鍾意既係泰式黄咖哩雞 同埋 泰式炸蝦餅黄咖哩好有誠意咁 有個小火爐一直熱住 最鍾意泰式黄咖哩個種香味十足但椰奶味重過辣味既感覺 香香濃濃既咖哩 送飯一流! 我地係食到乾乾淨淨 一滴不留另一道係炸蝦餅上枱夠熱多脆 唔沾酸辣醬就咁食可以食到少少蝦膠既甜味 沾埋酸辣醬就停唔到口杯椰奶冰都幾好飲 不過冰可以少返啲 因為一融左就沖淡哂