泰基隆

营业中

休息中

前幾日同男朋友去深水埗行街，經過呢間泰國餐廳突然好想食泰國嘢，於是就膽粗粗入去試啦，估唔到又幾好！侍應推介我哋食冬陰公餃子。好特別！第一次食餃子有冬陰公味，而且幾夾，皮炸得好脆餡料滿滿的，我食左四件泰式辣椒膏炒蜆雖然話係辣椒膏，但係唔會太辣，都幾香口惹味肥美，而且唔會炒得過老呢個泰式燒茄子好抵食$30一大條，重點係肉醬同蒜片真心正！飲品我就揀咗龍眼冰，令人想一啖一啖咁接住飲，唔會「死甜」，有龍眼香，龍眼肉多男友就揀咗洛神花茶，原來真係用洛神花去沖，好有花香味！糖水自己加。呢間平民價得黎有心思，侍應好有禮貌，希望keep住水準啦！

如果唔想去到九龍城咁遠，又想品嘗到高質泰國菜，可以考慮嚟呢間位於深水埗基隆街嘅餐廳。餐廳唔算太大，裝潢簡單，但係俾人一種置身於泰國小店嘅感覺。我同朋友叫以咗鹽燒鰂魚、豬頸肉生菜包、馬拉盞炒通菜同埋青檸水。鹽燒鰂魚外皮燒得好香脆，味道唔會太鹹，食到魚肉本身嘅鮮甜，而且肉質嫩滑。豬頸肉生菜包嘅豬頸肉炒得好香，食落都幾辣，略帶微酸，相當惹味，生菜亦非常新鮮爽脆。馬拉盞炒通菜夠曬鑊氣，味道唔太辣，通菜新鮮唔會太老，非常好味！最後飲返杯酸酸甜甜嘅青檸水，簡直係完美嘅一餐~聞到其他食客order嘅明爐烤烏頭魚同串燒都好香，賣相亦相當唔錯。睇黎要去多幾次，試埋其他菜式喇！

講到去深水埗食嘢,邊少得泰國菜呢！今日同好友去咗深水埗的泰基隆，環境氣氛很由泰國的風味內裡環境都唔錯坐下來看看餐牌點餐第一道菜是他們的手工菜冬陰公炸餃子，炸得外脆內軟，餡料適中！第二道菜是生吓刺身食下去彈牙爽口很新鮮配上汁簡直是絕配第三道菜是串燒選擇多，我地點選左雞肉、牛肉和豬肉，燒得好香脆，食得十分美味第四道菜是泰式拼盤有四款食物春卷炸得很好扎肉很香好口感極之可口， 蝦餅鮮甜很好吃 ，雞棗香甜可口第五道菜是蟹肉炒飯好香，又好足料蟹肉多鮮甜飯很香口最後一道菜是芥蘭炒豬頸肉，好香的蒜的味，介蘭炒很香口又不太老飲品方面我地點了椰子冰很好飲和珍多冰有好多椰果

難得夾到同男朋友一齊放假去屋企附近新開的泰國菜食我本身好中意食生蝦所以都點左生蝦 有8隻而且係大大隻厚肉正宗嘅泰國菜 生蝦會配蒜頭辣椒加苦瓜平時食開嗰啲都冇苦瓜 呢間果然係正宗泰國餐館必點係生菜包 豬肉碎好入味有少少汁夠辣又叫蜆肉冬陰公湯 好味好足料 蜆肉有好多又大隻冇沙 重點袖子沙律超好味呀 推介！一d都唔酸個袖子 個汁配合沙津菜好夾仲有個青咖喱雞肉配芝士糙米包完全地夾 口感好豐富青咖喱汁再配以芝士糙米包好完美另外 叫咗個椰青同埋碟豆花飲品

香港人對於泰國情有獨鍾，泰國餐廳林立，可惜質素參差，經朋友介紹下今晚到了位於基隆街的一間泰國餐廳用膳。這間餐廳的名字深深印在我腦海中，因為他的名字就是他的地址《泰基隆》，他的廚房設於門口，故此未到餐廳，先聞其味。經過走廊後，發現內堂很廣闊，能夠容納很多人。而他的裝潢也很有泰國特色。今次點了青咖喱豬肉、芝士法包、豬頸肉炒通菜、海南雞、油飯及蝦醬炒飯，飲品方面點了龍眼冰。就食物而言，整體的賣相及味道與泰國當地無異，本人最欣賞的是青咖喱，因為他提供了火膏予客人，可以讓青咖喱保持溫度，不會令味道變異，此舉十分細心。整體來說，這間餐廳縱使位於深水埗區，但是他的水準能夠與九龍城區的所謂名餐廳媲美。

深水埗, 餐廳選擇有很多打邊爐扒房中日西餐四川菜米線甜品樣樣齊！講得出都有🤗今日我就同三五知己選擇食泰國菜！由於本人去旅行都好鍾意去泰國😆所以對泰國菜特別有興趣🤩亦都好有要求💪🏻要好食又平又經濟又抵❗無乜幾多選擇😏*泰基隆* 絕對是一個非常不錯的泰國菜選擇😍第一次吃的感覺也很好啊🙃🙂很有泰式風味的餐廳冬陰公炸餃子🥟食落酸酸地又帶少少啦！好好滋味😋第一道菜係餐廳嘅新菜式生🦐刺身賣相極好，而且好新鮮，醬汁與新鮮的蝦刺身簡直係絕配泰式拼盤炸蝦餅春卷扎肉雞棗也是大眾口味串燒味道不錯有多個選擇🐷啦🐂啦🐑啦🐔啦！樣樣齊芥蘭炒豬頸肉不過不失的一道菜,口感來說,不太老,配上豬頸肉❗蟹肉炒飯意想不到的大碟！份足好足夠！是非常飽肚門口仲放左牌，每日有唔同的餸菜有半價優惠

今日同男朋友去深水埗行街，途經基隆街發現新開左間泰國野係到，就同男友帶著好奇既心情，膽粗粗咁走左入去試啦入面地方不算太大，但尚算坐得舒服，唔會覺得迫窄！！我地坐低左急不及待睇起menu睇下有咩食先😆最後我地點左幾様野開❤️Share呢到一星期七曰都會有唔同既優惠可惜我地入黎既時候冇睇到到食完行出門口先知有優惠😑😑唯有下次再試吧🤣🤣飲品：椰汁冰 $25 幾香椰子味 甜甜地幾好飲男友點既海南雞飯$68d雞肉好滑溜 飯質亦軟硬適中泰式炒金邊粉 $68 味道酸酸地既開胃配料都幾足下 蝦都俾左好幾隻炸春卷 $58 炸到熱辣辣 脆卜卜 入面配料 有粉絲 雲耳 蘿蔔絲...呢個春卷好岩素食者食用 蝦醬炒雜菜 $58 一上枱已經聞到超香蝦醬味燒雞全翼 $16 燒得好惹味 正肉質鮮嫩 仲配埋酸甜醬俾客人點本身仲打算點埋燒雞腎的可惜老闆話今日冇貨 最後兩個人埋單三百幾 都算抵食 食左咁多野

好多人都知深水埗有各式各樣既食店留得係深水埗生存既, 都要有返咁上下斤兩!今日就介紹一間係深水埗新開張既泰菜店-泰基隆泰基隆係一間小店, 店內環境幾乾淨, 坐位之間比較狹窄,所以要坐得比較親密店員態度好好, 會好主動咁介紹菜式最後我地點左個店員推介既雞絲沙律。店員介紹呢碟雞絲沙律係由新鮮雞整成,又估唔到入口真係好新鮮, 肉質彈牙, 食落1d都唔會鞋口食得出呢隻唔係冰鮮雞!醬汁方面, 個人覺得辣左少少(參考: 本人食開譚仔小辣)不過都幾推介呢個雞絲沙律, 的確幾令人驚喜,有別於傳統既泰菜!

不知何故最近愛上吃泰food, 明明以前對哪種獨特的酸酸辣辣好感不大， 現在卻感到不能抗拒！ 為咗整頓一下我那飢渴感， 要視乎來到了這間泰基隆食番餐好泰吓嘅晚餐先！ 這裏菜式的款式十分之多， 足足底面兩版都寫唔曬！勁！ 而且價錢親民， 啱曬三心兩意嘅我， 揀多幾款食都唔會覺得肉赤！ 而且有些菜式例如串燒類可以散叫， 啱曬鐘意樣樣都試下嘅我！ 食泰國菜最高興就係要點番一個泰式拼盤， 泰式拼盤有我最鍾意食嘅炸蝦餅， 還有炸素春捲 ，這個還有雞捲和扎肉捲！ 超大盤足夠四人開心share講緊都係一百蚊多啲！ 炸蝦餅夠曬大塊！咬落夠曬彈牙！質感非常之good fit！ 春捲亦都勁好食！ 最鍾意佢個皮夠曬脆而且夠曬多層， 驟眼望埋去都有成五層， 層層鬆脆令到個口感好豐富！ 而且內裏的素齋一啲都唔dry, 還保持到蔬菜應有嘅“汁“感！ 老公知我鍾意食仲讓多咗一嚿畀我食(≧∇≦) 明爐煮烏頭都可以算係泰國菜嘅 signature food。 而這裏有好幾種味道嘅選擇， 可以滿足到鍾意食原味或者酸辣味甚至冬陰功味的各路英雄！ 在北風呼呼嚴寒的日子裏， 吃著這個熱騰騰的蒸魚， 烏頭雖然質感比較爽實但是勝

住o係深水埗咁耐都未食過泰國菜... 突然間口痕想食 咁我就想try try之前有經過但未食過 開店唔係好耐 位於基隆街的街頭 好容易搵到既”泰基隆” 今晚就同男朋友試下啦 入到去環境唔錯 夠寬敞 坐得舒服 我同男友無乜頭緒想食啲咩 見到menu太多選擇 幸好店員介紹左幾度特色菜俾我哋 非常之好👍🏽 第一道菜係佢介紹既炸冬陰公餃子 肉餡配冬陰公味既肉 小小辣 食唔到辣嘅人都可以試吓 外皮炸到金黃色 咬落去脆卜卜 好好味 出面都未食過呢種餃子 值得一試😋食左啲炸野最好不過飲番杯特飲 咁我哋叫咗杯珍多冰 裡面果啲一條條好有咬口 又唔會太甜 加左朵花上去令杯特飲更加好飲 如果喜歡食辣野送酒 佢哋都會有泰國Chang beer可選擇 有不同嘅promotion 第二道菜係馬拉盞炒椰菜苗 炒得好香 啲椰菜苗好新鮮 都夠大碟 再黎不可缺少嘅係泰式串燒 我哋叫左個泰式串燒拼盤(雞、牛、豬）每人一串唔洗爭 哈哈 肉質嫩滑 燒得好好 非常野味最後一道黃咖喱配大蜆 大蜆好新鮮 好有鮮味 平時食開係配薄餅 但今次係配芝士糙米法包 裡面有芝士已經開心再配埋糙米 口感非常好 食落去非常之夾 yummy 今晚食得

今日朋友請食飯，萬歲！佢話岀左花紅要慶祝一下，因為朋友係深水埗住，所以今晚放工後即坐地鐵去深水埗佢話最近佢住附近開左間新嘅泰國餐廳，好想試下，所以我地就決定食呢間餐廳環境舒適。我覺得樹個幅畫好靚吖，好似結婚時人地用來簽名個種首先我地叫左個泰式炒雜菜$ 58，呢個最少有4款菜，仲有茹吖，用泰式炒有少少辣，不過我食得辣，我覺得好野味，完全唔食得辣嘅可以轉馬拉盞炒呢個燒豬頸肉$78 好岀色，因為燒到好香，而且肉仲係好軟身，配埋個汁簡直食到停唔到口馬拉盞炒飯 $68，真係勁大碟，完全無諗過咁多！雞肉都有好多，飯炒得好有鑊氣，好乾身唔會好濕泰式炒金邊粉$68，又係勁大碟，我地2個女仔都唔知食唔食得晒，金邊粉味道酸甜適中，唔會過酸或者過甜，配菜有好多，我最愛開頭落單時驚唔夠飽，所以叫多2串雞翼$16，但其實已經好飽，因為估唔到每碟都好多！呢2串雞翼係朋友最愛，因為佢話燒到好似平時自己去bbq咁好食不得不提杯椰汁冰，簡到濃到不得了，非常非常好飲！可以話係我飲過咁多杯，呢1杯係最正！老實講咁多野先$350左右，真係好抵！而且係好食！絕對值得我再幫趁

難得黎深水埗買電話卡加上天氣凍就想食泰菜 一搵見到呢間新開冇耐就想黎試下店員介紹咗冬陰公煮蜆(HKD88)比我地冬陰公煮得好入味仲有個火爐一路熱住 食落暖笠笠 好岩冬天食外面食生菜包通常都係肉碎但呢度有豬頸肉生菜包（HKD 88)多一份煙韌彈牙的口感而且肉份量好多主菜我地叫了泰式炒金邊粉（HKD68)味道好正宗 同係泰國食既差不多而且個份量夠兩個人食呢個價錢有咁既份量 真係超值本來口痕最後叫咗兩串串燒誰不知最後都好有驚喜燒雞腎（HKD15)厚切好有咬口 而且燒得岩岩好不會太乾燒茄子（hkd30)上面嘅汁調得超好食最驚喜性價比超高既泰國菜小店希望一直可以keep到水準下次會再黎幫襯

繼續出黎深水埗買野，是晚食下泰國菜先，好耐無食啦。小店好似是新開的？之前無見過喎，價錢唔貴，店員又熱情招呼，試下佢先店內不大，裝修光猛又有泰feel，感覺唔錯喎。餐牌選擇蠻多，一般泰國菜到泰式打邊爐都有，是晚點左幾款野同朋友share食。泰式炒椰菜苗（$65）自某泰國餐館食過後便愛上呢隻菜，是晚又叫番佢先。即叫即炒熱辣辣出哂煙，炒得爽口又韌韌地，菜梗爽甜，菜葉吸哂醬汁勁正，帶蒜香又微辣，好好味冬蔭功大蜆煲（$88）店員大力推介呢個新菜式，我地又叫一份試試先，個爐幾別緻喎蜆大隻肥美，鮮甜無砂勁正冬蔭功湯酸咸辣鮮，味道豐富平衡做得好好，除了蜆，內裏仲有少許娃娃菜同大量粉絲，吸飽冬蔭功湯的粉絲超惹味，食唔停口，飲到一滴湯都不剩，十個讚泰式炒飯（$68）有牛/豬/雞揀，是晚選了雞，大大碟炒飯呢，同樣係即叫即炒的，睇下啲煙幾勁就知啦。因為食完蜆先食飯，上面的太惹味，炒飯相對起來較淡。但也是炒得很香口啦，除了雞肉，仲有芥蘭同炒，口感豐富，份量太多兩個人食不完，打包了大半碟呢，好抵食呀椰汁冰（$25）＆鹹檸疏打（$28）最後就是泰式特飲了，自己杯椰汁冰極濃，椰汁好杰身，椰香微甜勁好飲。朋友杯鹹檸疏打

今晚約咗朋友深水埗要買電腦器材，行行下，經過基隆街，見到一間新開嘅泰國餐廳，裝修好似好泰式，天寒地凍，食啲辣野就最好不過。老闆熱情嘅招呼,可能係新開張嘅關係，佢推介我哋食冬陰公餃子。冬蔭公餃子冬蔭公餃子好特色,餃子餡內有濃濃冬陰公料味道，炸得脆口，肉汁豐富，食落又唔會太辣，再配予泰式醬汁，值得一試。泰式沙律魚，賣相幾靚，係泰北菜，一般泰國餐館少見。條魚切塊炸香再排回原條，幾脆口，一件魚塊拌一口沙律齊吃， 酸酸辣辣好滋味。不過魚塊件數就略少。香燒大蝦原隻燒大頭蝦，賣相幾吸引，有鮮味，不過吃完又無特別。芒果糯米飯糯米飯軟滑配香濃椰汁，一口芒果肉夾一口飯。

泰國菜通常最多都係去九龍城食，但經過左今次之後，我會選擇黎呢間泰基隆食。話說今日同老婆行西九龍，行到咁上下係附近搵食，見到呢間新開張，就入去試下。呢到裝飾左好多富泰國特色既畫像同飾物，鋪面面積需小，但五臟俱全之後我地就睇餐牌點野食，我地分別點左泰式炸蝦餅、泰式冬陰公炸餃子、泰式豬肉碎生菜包、泰式炒金邊粉。炸蝦餅熱辣辣外脆內軟，好味呢個冬陰公炸餃子係店員推介俾我哋嘅，外皮脆脆的，肉餡係冬陰公味道嘅肉，辣辣地幾過癮幾野味，果然冇介紹錯。生菜包肉份量足，食落辣味剛剛好，食到停唔到口，一共十幾舊，好快就食哂了。金邊粉正正常常，炒得唔會話好乾身，濕濕地，不錯飲品：蝶豆花茶（左），味道淡淡的，冇咩味，不過見到餐牌介紹寫住好有益，老婆就叫咗黎試吓。椰汁冰（右），椰香味濃，甜甜地，好解渴餐牌：