泰國大城船麵

营业中

休息中

鬧市中無加一嘅抵食雙人套餐～～～星期五黎開銅鑼灣買野 見到呢間餐廳新開冇食過 裝修幾新淨 環境睇落幾乾淨 而且唔需要+1服務費 就入咗去試下～～～睇完餐牌之後我哋揀咗精選二人套餐 再加多個椰青 夾埋人均大概百零蚊😊～～～🍽二人餐有幾個項目 每個項目都可以自選食物 一共四樣嘢最後我哋啲揀出嚟嘅組合就係碎肉生菜包 海南雞 芒果糯米飯 同炒鮮蝦金邊粉～～～🐷碎肉生菜包：碎肉生菜包裏面嘅肉 多肥少瘦 食落去肉脂味好重 香香辣辣 加埋生菜一齊食 整體味道平衡得好好 而且辣得幾到位令我回憶起泰國去旅行嘅味道😊～～～🐥海南雞：海南雞質感柔軟之中不失紮實 而且店家好細心地 喺個碟嘅兩端都擺咗個海南雞醬 令到兩個人分享嘅時候 各自都可以有一兜醬 安排幾貼心 ～～～🦐炒鮮蝦金邊粉：鮮蝦爽口彈牙 蝦味幾突出 金邊粉炒得好濕潤 裏面落咗蛋 芽菜 豆腐乾 側邊仲有擺放左青木瓜等等 調味頗豐富～～～🥭芒果糯米飯：食飽飽之際 先醒起我哋仲有個甜品未上 就係呢一個都會令人好飽肚嘅芒果糯米飯 本來仲驚食唔晒 但係嚟到嘅時候又比佢個樣吸引咗 試一試味道果然不錯 糯米飯上面加咗芝麻同埋綠豆蓉粒等 食落去軟糯中不失咬口 加埋

用心製作的泰國菜🇹🇭銅鑼灣謝斐道有很餐廳，最近新開了間泰國菜。放工立刻去試試～菜式都幾多，心大心細，決定選擇精選二人套餐試試。🎈精選2人套餐（$298）碎肉生菜包-豬這款碎肉生菜包外表和一般的沒有太大分別，但入口發現肉碎夾雜了不同香料嘅味道，令豬肉碎更加惹味。還加入了泰國米碎，令口感更加豐富。店主表示原本是用較大的泰國米，但嘗試過發現過於突兀，最後決定改良，將米變碎。十分別，推介～👍🏻🐓海南雞（半隻）雞肉嫩滑和雞味濃，份量幾多，啖啖肉～炒鮮蝦金邊粉🍤金邊粉味道濃淡適中，花生碎炒得很香，芽菜粗粗的幾甜！芒果糯米飯🥭芒果偏甜，椰汁好香和濃稠。白糯米飯加了綠豆，口感特別，而且糯米粉比較黏，整個甜品很配搭。精選晚餐全部菜式都可以二選一，今晚的選擇都感到驚喜。另外我們還點了珍多冰和龍眼冰（$28）。下次再去會想嘗試其他甜品，想試試泰式奶茶雪糕，斑蘭雪糕，斑蘭椰子湯圓🤤

銅鑼灣新開嘅泰國菜，茶記格局有大量卡位，裝修簡約舒適。價錢相當親民，精選2人套餐（$298)睇落好抵食，一於試吓！【碎肉生菜包（豬）】泰國菜必食之一嘅生菜包，呢度可以揀豬或雞肉，我覺得呢度菜最夾都係豬肉。豬肉加埋啲香料同辣椒，辣辣地好開胃！【泰式古法煲仔翅】呢個煲仔翅散叫都要$128，個SET包埋真係好抵食！上到枱可以見到上面舖滿蟹肉同金華火腿，最緊要係用「真翅」，並非素翅或粉絲，十分之足料！另外仲有一碗芽菜同芫荽畀你撈落去食，阿姐再三叮囑要撈埋落去，哈哈！同中式嘅翅真係有啲唔同，間中食到金華火腿個鹹味會彈出嚟咁，好特別吓！呢道菜我幾鐘意，下次再食呢間會Encore！【炸蝦餅】泰國菜定番菜式！以後套餐咁叫個份量會少啲，點知都係一齊碟，有八個半件，兩人食真係超足夠！彈牙嘅蝦肉配上炸到金黃色嘅脆片，冇乜嘢可以挑剔。【菠蘿海鮮炒飯】套裝可以揀金邊粉或菠蘿炒飯，散叫好似係冇菠蘿炒飯，於是就揀嚟試吓。算係好足料，份量都好多，有蝦仁、帶子、魷魚等等，係個魷魚冇乜味，其他配料都正常發揮！成個套裝真係好豐富，食埋個抄飯大滿足！【飲品】套裝唔包飲品，另外散食嘅！椰青鮮甜，椰肉未算最軟嘅狀態，但都好易𢳂埋

平時耐唔耐經過呢條路，今次行過見到間新開既泰國菜餐廳，貪新鮮就走左入去試下啦。💟酸辣豬頸肉生菜包平時肉碎個種生菜包食得多，豬頸肉生菜包就第一次見，所以叫黎試下，呢個都有少少辣，上面既香料都幾特別，不過我諗未必個個人中意，d香料食落有d一粒粒口感既野，但我唔知係咩黎，哈哈！我個人就一般般啦呢隻香料，不過呢個配搭就感覺幾新鮮，而且d生菜好新鮮乾淨同靚，無一忽忽爛既，但個生菜size就有d細，包得好少饀料黎食。💟泰式炒通菜呢個味道普通，比較淡味，無想像中咁濃味，本身以為係類似馬拉盞個種。💟炒鮮鰕金邊粉食左d至記得影。呢個味道就普通，同出面食既差不多。可能新開張，落埋時職員都介紹下d野食同臨尾埋單都有問下我地d野食點。

二人餐$298泰式古法煲仔翅 「集腋成裘」大概就係呢個煲仔翅嘅意思。將冬菇、魚唇、金華火腿、金菇等等材料平均咁融合喺一個煲入面，真係太好食啦唔會過濃變鹹，而係啖啖都食到食材精華，不過可能部份食材(魚唇?)未浸發得透，有啲位咬唔到.碎肉生菜包（雞肉）酸酸辣辣的雞肉碎，一個字，「開胃」～想讚佢嘅生菜，呢度選用西生菜，本身菜葉都成個兜型咁，好容易包住雞肉餡～.炒鮮蝦金邊粉大份夾得食，入邊仲有四五隻大嘅蝦，肉質食落幾結實，金邊粉炒得算乾身，之前食過出面好多都過濕架.芒果白糯米飯喺糖水鋪/街市泰式小食鋪頭食到嗰啲芒果糯米飯嘅糯米通常係凍食，而呢間餐廳嘅糯米飯係暖笠笠架，食落另有一番風味😇溫度將椰汁嘅甜度自然咁提升，芒果size中規中矩啦.泰式奶茶(熱) $26呢度係用碗裝奶茶，上檯見到奶茶bulu bulu起泡， 似係即叫即滾咁🤩飲落偏淡味，「甜」係泰式奶茶一大特色，但呢碗完全同個甜字扯唔上關係，反而奶味行先，突顯唔到甜甜的茶味🥲.椰青🧉 $38有個疑問就係點解喺泰國飲嘅嘢青係唔清甜但係喺香港飲嘅反而係幾清甜好飲的，真係諗唔通唔明🙁唔多講椰青真係好好飲，食得泰國餐廳一定要叫😙.

今次好彩喺附近路過嘅時候，居然見到呢個泰國菜新開仲好好彩做緊半價優惠😍有幸可以半價優惠嘅價錢試用到呢間餐廳🥰泰國嘢食來講份量超級大就算唔係半價都好抵食！為咗方便大家睇所有價錢都會用正價顯示😊-🥬碎肉生菜包$68可以選擇豬肉/雞肉🐔今次我就選擇左豬肉👍🏻豬肉碎半肥瘦夾雜，不過就略為太過辣🌶️如果唔係太建議叫佢小辣啲🥲但係就非常惹味，炒到濕濕地好juicy，洋蔥粒🧅、芫荽、香茅等等好多特色香料。生菜採用原個上好fresh都唔擔心會洗唔乾淨！超級特別！🦐炒鮮蝦金邊粉$88見到個份量真係嚇親人😱估計最少三碗嘅份量😦味道甜甜酸酸，非常經典嘅泰式炒金邊粉味道！配料都頗為簡單：碎蛋、芽菜、豆卜。蝦仁細隻，肉質偏霉，但係呢個價錢絕對對得起呢個質素👍🏻🥭芒果白糯米飯$68呢個完全係必點之選！升到恰到好處嘅白糯米飯、配合香甜可口嘅椰汁🥥。芒果都juicy帶有少少酸味，不過都仍然算係甜。黑糯米飯上面鋪有綠豆粒同芝麻😍分量特大超級飽肚。🦐炸蝦餅$88一上碟見到有8️⃣塊，相對而言呢道菜比較偏貴，麵包糠包住入邊見到蝦仁嘅彈牙蝦餅，香脆可口脆而不膩👍🏻簡單蝦膠蝦仁粒但係都可以食得出鮮味🍤🧊龍眼冰$28龍眼蜜味香濃，底部