泰國大城船麵

呢間泰國菜 一直都想試吓！早兩日 一行四人 銅鑼灣行街 經過呢間餐廳 就去試吓啦！最後 真係好有D驚喜！嗌咗幾樣嘢首先上嚟係 青咖喱雞肉飯，咖喱香味幾足，綠色嘅咖喱濃郁 但唔會太辣，雞肉又嫩又多汁，搭配香米飯，送飯一流！之後就係大蝦炒金邊粉，炒得夠鑊氣，應該係即炒 金邊粉夠熱、爽口，D蝦幾大隻 但味道就淡咗D但有好多配菜，口感層次豐富。最後，海南雞半隻 真係幾好食，冇雪味，雞肉嫩滑，配埋特製醬汁 正！飲品 嗌咗兩杯珍多冰 味道沒特別整體嚟講，呢頓晚餐真係幾滿意不過D環境音樂 就老土咗D啦！ 但氣氛都算幾好，性價比幾高，值得推薦！…查看更多

呢日去銅鑼灣行街，隨意揀咗間泰國嘢食，勁中伏，唔單止唔好食，食完仲有啲皮膚敏感(可能係我自己問題啫)二人精選晚餐 青檸汁豬頸肉：廚房師傅可能忘記醃製呢步驟。一塊好地地嘅豬頸肉，只有炭燒香味但就肉就冇味啦！柚子沙律： 可能成本問題，紅肉西柚就冇，只係用普通沙田柚，柚淡淡的，如果喜歡清清地嘅....炒金邊粉：顏色正常嘅，不過蝦又少又係冇味，唔只啲配料冇味，係成碟都冇乜味菠蘿沙冰 青檸梳打：終於有番樣係正常㗎啦但全部都唔好食，冇下次…查看更多

今日再銅鑼灣上完課後，便選擇了這間泰式船麵的餐廳。二人晚餐價錢很像很便宜，便進去試一試。坐下的時候，有一小籃的蝦餅送上給我們，這是很香趣的蝦餅，真的令人很驚喜，令我很期待今晚的晚餐。 炒鮮蝦金邊粉 $88想試一些傳統泰式食物，選擇這個炒金邊粉。上枱的時候金邊粉很多但蝦只有三隻，沒有味道的蝦，其他配料也不多，味道也不怎出色，金邊粉有點貴，而且不值這個價錢，這是第一道菜，令我有點失望。 二人精選晚餐$198泰式遊船濃湯河（牛肉）牛骨湯是濃郁的，但牛肉沒有很多，河是嫩滑可口，有香脆的炸豬皮，但是份量也不足夠二人。 炸蝦餅（3件）哪裏是炸蝦餅，完全是魚蛋的質地，沒有蝦的味道，只是感覺內餡是魚蛋，非常失望。 芒果糯米飯糯米糍很硬，也有些黏在一起，不是粒粒分明。而且芒果沒有芒果香也有點酸，這個水準的糯米飯完全浪費了我的運動去消耗。 最後送了一個免費的三色椰汁糕，這個椰汁的香味很濃郁，是一個不錯的甜品。 這間餐廳的船麵及免費的食物是不錯，但其他的就不太建議。 …查看更多

幫襯呢間嘢已經有五六年由早排晚市二人套餐冇得加錢食咖喱軟殼蟹，到今日發現食船麵已經冇得任落炸豬皮，連餸嗰個椰汁湯啲椰汁都慳埋嘢食係唔錯的，但吸引我嘅位都開始冇晒，開始心淡了…查看更多

豉油炒河泥（旁邊係泰式辣醬），豬頸肉似係普通嘅肉片，無做到香口脆邊同無彈牙嘅感覺，不過河粉幾闊身嘅，可能食湯船麵會好啲附送嘅椰子雞湯亦都完全冇椰子味，真係好一般$68（咁嘅質素值＄4x幾會合理啲）…查看更多

小編今日來到銅鑼灣一間泰國餐廳「Ayutthaya 大城船麵」，餐廳靈感源自40年代泰國中部地區🇹🇭 將傳統泰國運河船上的美食帶到香港🧡 餐廳堅持每天從泰國空運新鮮特產與調味料，充滿濃厚的泰國風情🙌🏻 「泰式遊船金邊粉（豬肉丸、豬潤、肉片）」經典泰式船麵，以濃郁的湯底為靈魂，湯頭混合豬血與香料熬煮✨ 味道帶有獨特的鮮味與肉香層次，金邊粉軟幼而且掛湯，加上鮮嫩豬肉丸、爽脆豬潤及豬肉片，加上黃金脆炸豬皮，油香四溢，每一口都充滿泰國街頭風味，體驗正宗泰式船麵，加一杯泰式青檸茶🍋‍🟩，令人回味無窮🍜🍽 ：泰式遊船金邊粉（豬肉丸、豬潤、肉片）👅好味指數：8.25/10💰消費：HK$58📍地址：泰國大城船麵 (銅鑼灣)銅鑼灣謝斐道483-499號新城大廈地下G&H號舖…查看更多

今日麵係想食麵😅周圍行吓，見到哩間有泰國船麵喎！俾佢門口嘅相吸引咗入去，環境有d似茶記，一入到去店員就叫我搭枱，但店員服務態度係唔錯嘅，見我睇緊晚餐Menu嘅船麵，店員就好好俾個下午茶Menu我，話差唔多，重平啲添，我就叫咗個下午茶嘅泰國遊船金邊粉（豬肉丸/豬潤/肉片），賣相唔錯，但我唔記得轉鴨蛋麵（我比較喜歡鴨蛋麵），湯低：都唔錯，但唔算濃味，再濃味d會好d，豬肉丸：正常好味，彈牙，豬潤：新鮮，冇腥味，略嫌熟咗少少，金邊粉　：偏腍少少，夠索湯，正常，仲有炸豬皮：唔會太硬，可吸到湯，如果可以脆多少少更好，呢個價錢平常食，值得，另外仲叫咗杯青檸梳打，正常不過不失，一開始仲送咗一個酸湯，幾好飲👍🏻…查看更多

不用去泰国也能吃到正宗的船面香港本地人都愿意排队的店 来铜锣湾一定要来尝尝！.🏠:泰国大城船面📍:铜锣湾謝斐道483-499号新城大厦地下G&H号舖🕓:12:00-23:00 .💯招牌推荐:1⃣大城招牌船面🈶猪肝+安格斯牛+牛丸+鸡蛋等🥚满满一大碗超满足‼️肉香汤浓，再放一点炸猪皮 真的吃的一滴不剩🥢2⃣冬阴功海鲜炒饭爱吃冬阴功的朋友不能错过🥄酸酸辣辣的海鲜炒饭太开胃了 刚上桌就炫光🍚3⃣酸辣猪颈肉生菜包猪颈肉大块有嚼劲 配上酸辣酱好赞👍🏻适合我这种不太能吃辣又爱吃生菜包的人😋…查看更多

不想服务可以不开店 没人逼你开。所有店员都应该辞退重新培训三年。口碑就是被这种无关紧要的表面给做坏的，吃了两年 一次两次三次服务差就必不可能再吃。能吃的都是神人了，喜欢受虐你就来吃吧…查看更多

叫左牛丸肥牛船麵走青，員工有同我覆單。食物嚟到食左一啖先發現嚟錯咗豬肉丸肉片同豬潤。即時同樓面講咗，點知淨係拎碗麵入去加返啲肥牛就算。雖然啲豬肉食材冇拎走，但呢樣完全唔係我order嘅嘢，我寧願你拎起哂啲豬俾返牛丸我。退一步唔講餐廳出錯餐，個麵都好唔掂。唔知係唔啱口味定點，但我去泰國當地食船麵都未試過呢隻味。湯底一股藥材味，豬肉片只有肥肉亦唔香，牛肉煮到極老。講得啲嚟講，所有食材都冇味道只有個湯味。而個麵底都係一餅嘢咁，俾$78食垃圾。…查看更多

在銅鑼灣經過這間星期六也有午市套餐、價錢經濟的泰菜就內進一試。餐牌上的食物種類多，樣樣都想食。餐廳有「船麵」兩隻字，那就點一碗船麵吧！每位點午餐的客人也會有一碗椰汁雞湯，質地比較稠、不夠熱，送的就沒有甚麼期望了。泰式遊船金邊粉(牛脷)湯底的顏色很深，味道十分濃郁，不需要加入任何魚露等的泰式調味料，同時也幾掛麵呢。裡面的餸除了有牛脷之外還有肉丸、通菜、芽菜、豬皮等。或許湯底的味道太濃，個人不怎麼食得牛脷的味道，而肉質是幾軟淋的不會韌。環顧附近部份客人桌面會有一瓶瓶炸豬皮，若你喜歡的話可以隨意加入你的麵食或者飯裡。食泰菜當然要飲熱泰式奶茶啦。對於餐廳使用碗裝著奶茶我感到新奇又意外，還配上匙羹呢。茶底香濃，跟跟奶的比例剛好；由於普遍香港人都覺得泰式奶茶偏甜，餐廳把煉奶加入碗裡基本上沒有拌得很均勻，故意地把部份煉奶留在碗底，客人可以跟隨自己的口味自行經攪拌去調教甜度，個人幾欣賞她們配上匙羹的做法。餐廳環境整齊整潔，店員態度友善，午餐食物性價比不錯，難怪挺受附近的上班族歡迎…查看更多

位於銅鑼灣謝斐道483-499號新城大廈地下G＆H號舖(馬會投注站附近)店名：泰國大城船麵Ayutthaya地道特產、食材，和特式調味料，每天從泰國空運到港，直接送到我們的廚師手中，以確保每碗都滿滿盛載泰新鮮和泰風味。全由泰國廚師團隊料理，夠正宗又夠爽。從美味的招牌湯船麵、蝦餅、豬肉香腸，到健康素菜單、果味茶凍飲料，以及必試的泰式咖啡(以醒神公雞碗奉上），都是好味配搭的療癒食品，物有所值。平民價錢，食高質泰菜…查看更多

泰國大城船麵 Ayutthaya 🇹🇭📍 銅鑼灣謝斐道483-499號新城大廈地下G&H號舖 🚶🏻‍➡️ 銅鑼灣站C出口行5分鐘就到 ⏰ 等候時間: 即時入座 (大概18:45到)💰 埋單兩個人總共$226 (冇加一)今次我地嗌咗二人餐($198)，係Course A + B + C 各揀一個餸。二人餐入面只包餸唔包野飲。但咁岩見到餐牌後面寫住晚市(18:00後)野飲半價，所以即刻嗌咗兩杯泰奶嚟試下！即刻睇下我地兩個食咗啲咩：• 泰式遊船濃湯河 🥢 湯底濃郁，可以揀豬或者牛。船麵入面有豬潤、豬肉丸、豬肉片同炸脆脆等多種料，船麵都幾大碗，兩個人share啱啱好！加上側邊嘅酸辣汁，令到成碗船麵更加好食同惹味！• 泰式炒通菜 🥬通菜口感爽脆，搭配飯食一流，但真係真係太辣啦！如果食唔到辣嘅朋友，可以問下可唔可以少辣。如果唔係，可能就會食得有啲辛苦。• 碎肉生菜包(豬) 🌶️ 肉碎酸辣多汁，雖然調味稍為唔夠。生菜尾端有啲苦味。由於生菜係成棵上，食起上嚟唔太方便。轉另一款生菜可能會更好。• 泰式奶茶 🥤 味道一般，口感順滑亦唔會太甜，口感上可以再厚啲。值得一提嘅係晚市野飲半價，一杯泰奶只係14蚊！CP值極高！呢個價錢真係冇得要求咁多。整體嚟講，呢間泰式餐廳算係幾抵食，兩個人食得好飽。雖然呢間餐廳嘅CP值好高，但唔會特登嚟銅鑼灣食。如果係附近返工返學，絕對可以試下呢間餐廳！雖然啲餸冇話特別出色，但勝在夠抵食！…查看更多

第一次食 唔排除佢其他嘢好食 但係我想講佢嗰個乾炒豬頸肉金邊粉 真係難食到忍唔住要講 首先 好少食到啲咁難食嘅豬頸肉 難食到食唔落嗰種 好多肥膏有浸臭味而且好多根 根本咬唔到其次 根本唔係乾炒 成碟嘢包括啲豬頸肉 都係濕嘅再者 本人自問經常食泰式炒金邊粉 呢碟金邊粉根本完全唔係泰式嘅味道 店家仲點好意思講自己係一間泰式餐廳？金邊粉68蚊 凍飲加2蚊 叫咗杯凍飲 泰式青檸茶 不過不失PS 埋單15分鐘後 當我開始寫緊呢篇嘢嗰陣 個肚開始痛😓…查看更多

放飯時間，突然好想吃泰國野，求其搵下附近泰國餐廳。午餐有set，包埋野飲。叫左平時最鐘意泰式炒金邊粉。泰式鮮蝦炒金邊粉：一上枱，嘩左一聲，份量超大🤭金邊粉配上小量芽菜同花生碎粒，而粉亦帶點泰國風味嘅甜甜酸酸，蝦肉新鮮彈牙，整體配合起來可是相當美味。如果金邊粉再炒得乾身少少就更加好👍#泰式奶茶：係我第一次飲，無乜茶味，奶味太重。我都係鐘意飲港式奶茶。同事叫左個船面，賣相睇落都唔錯，佢話幾好食，下次我都試下先🤭…查看更多