沙田新強記燒鵝海鮮酒家

营业中

休息中

今日同屋企人提早做節，屋企人鐘意食燒鵝，我地就近近地去左大圍新強記燒鵝海鮮酒家食冬至飯。酒樓好有傳統的裝潢風格，遠處已經見到大大的紅磚招牌，好有歷史痕跡，裝潢不變，人情味依舊不變。新強記燒鵝皇（例）鵝皮薄香脆，鵝皮脂肪不多吃起上來完全唔油膩，而且醃得入味，肉厚，吃起來不會太老，口感和味道都不錯瑤柱蛋白炒飯夠大碟，份量十足，入面有瑤柱、蛋白、菜粒，炒得夠乾爽，粒粒分明，每啖飯都食到瑤柱絲，口感豐富有層次金銀蛋浸時蔬入面有咸蛋，皮蛋，白菜仔，白菜仔唔會煮得太腍，簡單又好吃

有日電視講起食乳鴿，尊貴既奶奶話佢30年前同老爺去過拍拖食乳鴿，而家睇到電視又話想去，佢個寶貝仔就即刻車左我地去新強記食喇。當晚星期一晚上，都坐到8成客，生意幾旺，如果假日來，相信需要打電話book枱。我地叫左3隻乳鴿，同埋炒蟶子皇，金銀蛋菜同埋叉燒。簡單一餐。乳鴿真係幾好食，50蚊一隻，d肉juicy 不痴牙，好食炒蟶子夠火口，4隻份量剛剛好門口有人幫手泊車，行幾分鐘又有港鐵，好方便，期待下次再過來食乳鴿

其實呢一間喺大圍火車站旁邊嘅茶樓，自己都嚟食過好多次，但係自從搬咗出九龍之後，嚟呢度嘅頻密程度就比以前少，今日同阿媽嚟一齊食，就同佢再食一次呢度嘅燒鵝。呢度最出名就係佢哋嘅燒鵝，我係一定會叫，嚟到嘅時候，燒鵝嘅外皮已經反晒光，燒得非常香脆。而且咬落去嘅時候佢冇一種好難受嘅騷味，反而有一種好強嘅汁香味，烤得非常好。食燒鵝，一定要配上米粉或者瀨粉，我阿媽比較鍾意食瀨粉，所以我哋就叫咗一碗，佢嘅奶粉同我哋傳統想像，喺街市買嘅都幾唔一樣，反而我幾鍾意佢嘅幼身，索得更加多汁。呢一個強身羊肚菌燉雞湯係我嘅至愛，就咁睇佢奶白色嘅湯，已經睇得出裏面嘅用料非常充足，一啖飲落去嘅時候，係濃濃嘅香菌味，鍾意食菇，或者食菌嘅人應該會幾鍾意。再之後就係嚟到呢個嘅美國無花果行汁燉白肺，佢嘅豬肺爽脆，唔軔，而且個湯都有溯郁嘅花旗參味，食完燒鵝之後，我覺得都係要清一清熱。再嚟就係呢一個飲茶都幾常叫嘅煎薄餅，佢係新鮮煎起嘅，份量應該夠四個人食，夠薄而且有火腿嘅肉香味，幾唔錯。

講起沙田美食，一定係雞粥、乳鴿無誤！講起都好耐冇食，今日心癢癢，就約埋幾位朋友一齊嚟位於大圍嘅「新強記」朝聖。酒家嘅外觀相當氣派，紅磚色嘅外牆，掛滿一串串大紅燈籠，仲有金碧輝煌嘅招牌同門面，非常值得打卡。由於大家早已飢腸轆轆，唔想動腦筋逐樣單點，就叫咗個「招牌三寶套餐B」（$698 /3-4位用），包含晒我哋想食嘅招牌菜式。🐓沙田新強記雞粥（大）呢鍋大大嘅雞粥真係名不虛傳，粥底相當綿滑，雞件嫩滑也不鞋，鹹度適中，真係食完一碗又添一碗！🦤新強記燒鵝王（例牌）燒鵝都係呢度嘅馳名菜式，皮脆有光澤，肉汁豐盈，配酸梅醬味道一流。🐣金牌燒乳鴿（兩隻）呢度嘅乳鴿同樣享譽盛名，肉質幼嫰又鮮美，掂。🍍菠蘿生炒骨🍘椒鹽脆豆腐豆腐色澤金黃，外脆內軟，表面椒鹽夠晒惹味。🥬金銀蛋浸時蔬🍚瑤柱蛋白炒飯食到嚟呢度已經好飽，幾乎食唔落個炒飯！呢個套餐真係大件夾抵食！😆

黎到沙田梗係要食雞粥啦🍲招牌三寶套餐($720) 包左雞粥(大), 燒鵝, 乳鴿, 生炒骨, 金銀蛋浸菜,椒鹽豆腐, 仲有個炒飯~我地6個人, 再加左碟燒腩仔($108),超飽😝😝😝😝雞粥好綿好入味👍🏻👍🏻👍🏻 雞肉仲唔鞋添!! 💯燒腩仔既皮超脆超好味😍乳鴿同燒鵝都好正😍😍椒鹽豆腐外脆內滑😋👍🏻炒飯炒得好乾身好香, 粒粒分明😆雞粥真係無得頂💯 如果人多一齊去食套餐, 仲好抵食添😙

有一次經過見到呢間酒樓，朋友講起原來係大圍的老字號。但由於上次食飽，所以無機會食。今日又黎到大圍，一於入去試一試。我地三個人都有選擇困難症，唔想諗。見到招牌三寶套餐B有齊呢間的馳名食物。沙田新強記雞粥、新強記燒鵝王和金牌燒乳鴿於是二話不說就點左呢個餐。➰招牌三寶套餐B（$698）有以下的食物：1.沙田新強記雞粥（大）原來沙田再出名的是雞粥，雞粥口感軟綿細滑，粥底非常鮮甜且份量多，雞的數量新鮮嫩滑而份量都唔少，非常適合好多人一齊食用。2.新強記燒鵝王（例牌）燒鵝賣相非常吸引具光澤，食落啖啖肉，且皮燒得好脆，使口充滿了鵝的香味。3.金牌燒乳鴿（兩隻）外表炸得香脆，咸香味濃，不用點醬汁也是非常入味！但我都係喜歡沾上少少的淮鹽，更惹味。4.菠蘿生炒骨甜甜酸酸好味道的生炒骨，炸漿不會好厚，且炸得剛剛好，唔會過曬火喉，仲有好多的菠蘿，正！5.椒鹽脆豆腐豆腐內軟滑，豆味濃，外烤得金黃酥脆，加上面頭香口的椒鹽粒，非常有層次感。6.金銀蛋浸時蔬7.瑤柱蛋白炒飯炒飯非常考師傅的功夫，呢度炒飯的飯炒到粒粒分明，唔會食到一舊舊的感覺，且一點都唔油。配以簡單的食材菜頭、蔥花、瑤柱絲、蛋白，已經做到出色的效果。

人哋話嚟到大圍一定要嚟新強記食燒鵝，今日下午茶時段嚟到，兩人都安排係大枱坐得非常舒服😊首先嚟到既食物就係必食既燒鵝，今次叫咗燒鵝飯。燒鵝唔會好肥，皮好脆，肉好實淨但唔會柴皮！燒鵝既肉汁仲淋咗係飯面😍。仲嚟咗個熱辣辣既雞粥，好濃既雞味而且雞件都幾多，唔洗同人爭🤣 而且啲雞件應該用酒處理過，食落有淡淡酒香。點心方面全部都好滿意，奶皇包唔厚皮，細細個但爆曬饀，非常好味👍🏻！鮮蝦菜苗餃一望已經知皮薄，餡料唔會好咸，食到新鮮白菜仔既味。叉燒腸同樣足料，腸粉皮好滑。燒賣好大粒，雖然唔係原隻鮮蝦係面，但其實入面係好多打碎咗既蝦肉，所以由頭到尾都食到蝦肉，都幾彈牙同有口感。飲茶都成日叫d煎炸嘢，我地叫咗椒鹽炸豆腐同炸雲吞。炸豆腐皮薄又脆，而且面頭都好多炸蒜同椒鹽。炸雲吞唔油膩，每件都有蝦仁做餡。另外仲有煎蝦米腸，雖然唔係好脆但勝在非常足料！啖啖都有蝦米同葱花。最後有蘿蔔糕，調味夠咸，有好多蘿蔔絲，煎得唔錯😊上菜速度夠快，但都唔會凍冰冰，用料亦靚。而且所有要跟醬既嘢食都會跟食物上枱，唔洗另外叫先識上，值得一讚。呢到既乳鴿亦係招牌，下次嚟再試下！

收工最鍾意約埋同事去食晚飯，今日我哋就揀咗去大圍都幾有名嘅沙田新強記燒鵝海鮮酒家，新強記最有名嘅菜式梗係燒鵝啦，同埋雞粥。 新強記燒鵝皇(例)燒鵝外皮非常香脆，肉質細緻，鮮嫩多汁，上碟時還是熱辣辣的。大家都好鍾意食，一上檯即刻箸如雨下，好快就食曬。 蒜蓉蒸鮑魚（6隻） 清蒸鮑魚有兩個口味可以揀，分別係蒜蓉蒸鮑魚，陳皮蒸鮑魚。 今日就揀咗蒜蓉蒸鮑魚， 有咩好處？ 就係可以保存海鮮嘅鮮美， 垂涎欲滴嘅鮑魚上邊，只有蒜蓉 ，仲有少少蔥花作為點綴，令到呢度菜生色不少。 想不到晚飯後，餐廳竟然還有廣東傳統糖水供應，有紅豆沙和綠豆沙的選擇。紅豆沙散發出陣陣陳皮的清香，吃完唇齒留香。綠豆沙裡面有海帶，不但能清熱解毒，而且非常適合飯後食用。

屋企住大圍，親戚聚會，都會揀沙田新強記燒鵝海鮮酒家，因為坐得舒服，食物質素唔錯，所以今日都唔例外。 脆皮燒腩仔(小) 乜嘢先係一個完美比例嘅脆皮燒腩仔？ 就梗係要用上好嘅五花腩，肥瘦部分要均勻，豬肉有好香肉味。最上邊嘅外皮好脆，食燒腩仔我最鍾意就係食咗個脆皮先， 就算係晚市食都係脆， 新強記嘅食物係真係好有保證。 沙田新強記雞粥（例）雞粥香甜，入口回味無窮，雞粥表面沒有雞油的脂肪，可能係餐廳大家開始食得更加健康，所以將雞油撇走咗，對人非常之有幫助。特別而家冬天，食下粥，身體感到非常和暖， 非常舒服。 金牌燒乳鴿 (例)紅色嘅乳鴿外皮好脆，餐廳有提供膠手套，方便食用，好窩心。撕開乳鴿，食落肉質好嫩，炸得好香口，聞起來幾香，食落好入味。  

之前踩單車經過見到呢間餐廳古色古香裝修嘅餐廳 我俾佢嘅裝修吸引咗所以想入去食返幾味店員同我講呢一度嘅乳鴿同埋雞粥係最出名 所以我就叫咗乳鴿（$48）上到嚟熱辣辣 外表充滿油分 咬入去超多汁 水同埋油已經分唔出 佢好貼心可以俾你揀一開四或者一開二雞粥例牌（$98） 第一啖聞落去係好香嘅紹興酒味 跟住食落去係淡淡的雞肉味 啲粥煲到開晒米花 棉滑非常 雞肉唔會鞋口 超嫩滑 果然係呢一度嘅名牌菜鳳梨咕嚕肉（$128）咕嚕肉酸酸甜甜 佢除咗菠蘿之外仲加左白桃肉 青椒紅椒比例適合 咕嚕肉係非常多舊 而且仲要有略帶肥膏 外面脆亦都非常掛汁 實屬高水準小菜一碟新強記燒鵝王例牌（$130）皮脆肉嫩 火候燒得剛剛好 外皮紅潤透亮 皮脆干香 剛出爐時仲冒著熱騰騰的熱氣 實屬誘惑 值得一試總結近地鐵站🚉地理位置方便店員服務態度良好與時並進用上掃描code點單值得一試

每次在大圍租單車，也人留意到新強記燒鵝海鮮酒家，這次住在大圍的好姊妹放假，趁機會感受一下著名沙田雞粥及沙田乳鴿的威力😱🙏🏻酒樓仍然保持着傳統風格，裝修保持著一定的歲月痕跡，乾乾淨淨，大部份都是一些公公婆婆光顧，好像進入了另一個年代。我們先來一壺鐵觀音，茶夠香且不過濃烈，一邊飲茶，一邊聚舊很輕鬆！侍應姨姨們做事乾淨俐落，反應較快，不消一陣就將所有點心及小茶送上來。沙田乳鴿$48外表炸得香脆的BB鴿不太厚肉，但咸香味濃，不用點醬汁也是非常入味！沙田新強記雞粥$98生滾雞粥口感軟綿細滑，與雞油混在一起令粥底非常香口，雞件嫩滑而量多，粥底份量大，適合多人享用😋叉燒腸粉（大點）：正常發揮，腸皮略厚而滑，味道可接受！百花釀魚肚（頂點）：是我必點的點心之一，這裏魚肚吸盡海鮮精華，鮮香味甜，蝦膠彈牙入味，加上蟹子脆卜卜的口感，味道很好！👍🏻菜苗鮮蝦餃（大點）餃皮略厭厚身，但餡料豐富，滿滿的蝦肉及菜苗混在一起，不錯！這裡每個座位空間有一定的距離，坐得舒服，食物質素中上，本人比較喜歡沙田雞粥，下次想試試燒鵝🥰

燒鵝要做得好真係唔容易想食靚燒鵝既，唔一定要去深井既黎大圍新強記都得啦樣樣都好吸引，而且價錢都唔算貴QR CODE落單，方便新強記燒鵝皇（半隻）首先當然要叫呢到最出名既招牌燒鵝先啦呢隻燒鵝果然不得了半隻已經咁大隻咁多分分鐘三四個人食都得鵝皮燒得岩岩好，金黃又香脆，脆到好似食薯片咁聞落去已經聞到陣陣鵝香而且皮脆之餘，肉質依然嫩滑肉身既鵝香更加係濃郁因為佢有層層既鵝脂加上佢地咸香有層次既秘製豉油成個味道都口感都令人好滿足沙田新強記金牌咖哩皇（牛腩）我對咖哩牛腩要求好高，而呢間既咖哩牛腩就係我少數會爆食既咖哩牛腩最大原因當然係佢既咖哩汁呢到既咖哩唔係一般餐廳或茶記入貨返黎果種佢應該係真係有自己調製既因為你會好明顯食到佢有唔同層次既香料味而且佢唔會辣，咩人都可以感受到佢既美味牛腩同牛筋更加係又淋又入味將成個咖哩既精華都索晒入去漁香茄子煲天氣咁凍，又點可以唔食返個熱辣辣既漁香茄子煲呢呢到既漁香茄子煲勁足料不論係豬肉、茄子定係咸魚都勁足令你一入口會食到勁香咸魚味而個醬汁惹味香濃得黎又唔會過咸味道更加係會食到唔同調味既層次呢個漁香茄子煲加埋咖哩牛腩，我相信已經夠你食起碼三四碗大白飯

呢間燒鵝都已經可以話係成個大圍甚至沙田最出名既一間食過包你唔後悔小菜多人套餐好多都好抵食不過今日我今日係衝住燒鵝而黎新強記燒鵝皇（半隻）超大隻既燒鵝，半隻已經咁大隻而且佢既鵝油係超多一咬落去豐盈既油脂香大爆發最難得既係佢真係燒到皮脆肉嫩鵝皮咬落去索索聲，就連鵝肉都唔會鞋口真不愧係金牌燒鵝皇金牌燒乳鴿食完燒鵝，都意猶未盡，但又唔想叫多半隻咁誇張咁就再叫左一樣好馳名既乳鴿，一樣咁高質呢到既乳鴿都幾多肉最緊要係佢既鴿皮又薄又脆鴿肉仲要冇咩騷味，有陣陣鴿香漁香茄子煲呢個都可以話係食小菜必食之餸啦一上台已經聽到炸炸聲個煲超級熱令Ｄ咸魚香飄晒出黎，已經流晒口水入面有大量既肉碎同咸魚成個汁散發住咸魚獨有誘人既咸香淨係Ｄ汁已經夠送幾碗飯鮮艷既茄子索晒味，又唔會油膩真係越食越好味

今次介紹間好近大圍站嘅燒烤海鮮專門店，就腳得來又好食，啱晒一家大細齊齊去🔥〘 豉汁蒸鱔片 〙HKD168鱔片夠熟又夠滑，配上蔥花同辣椒嘅豉汁令魚肉更有鮮味；分量方面就啱啱好，十分足夠兩個人share。〘 豉油王海蝦 〙HKD88嚟到最香口嘅一碟：外殼脆卜卜，入面爽脆又入味嘅炒海蝦！雖然外表簡單，只有少許蔥花作裝飾，但係食落的確有驚喜。〘 芋頭臘味煲 〙HKD98鍾意芋頭嘅朋友一定要試！煲入面嘅臘味可以轉排骨，再配上暖笠笠、軟綿綿又香噴噴嘅芋頭，係冬天必點嘅菜式。

朋友推介大圍嘅老酒樓新強記，佢話酒樓有做好多舊式點心，所以一於去朝聖。 入座已經係下午茶時段，識食當然睇咗有乜特價筍嘢，點心，粥，粉麵，飯，糖水都有。第一樣當然係新強記必試嘅招牌燒鵝瀨，鵝油香濃，皮感微脆，肉質嫩，雖然係下午茶，但粉嘅份量都算多。另外芋絲炸春卷，同想象中有啲偏離，因為平時食開嘅餡會較乾明顯食到芋頭條狀口感，而呢度嘅餡會偏軟糯，有少少芋角嘅感覺，外皮亦炸得十分香脆而不油膩，所以感覺幾好。接落嚟就係無食等如無嚟過沙田嘅雞粥啦，口感綿滑，清雞湯嘅味道加上姜葱提味，小時候食宵夜嘅味道反晒嚟。懷舊點心出場啦，豉汁蒸魚雲，沙爹金錢肚，黑椒牛仔骨，都係比較多功夫，而而家較少酒樓會做嘅點心。魚雲賣相好似全部骨，但係用心食落都好多肉，而且魚雲肉質亦都較滑，豉汁又唔會太咸，我都中意食。沙爹金錢肚味道惹味，炆嘅時間夠長沙爹汁嘅香辣入晒去，正。黑椒牛仔骨就有少許失望，骨嘅比例較多，同埋肥嘅部分都過多，所以多食會有啲膩。仲有其他嘅點心都做得唔錯，例如蝦餃皇，燒賣皇我就唔逐樣講，總括員工服務態度好，用餐環境都舒適，乾淨。用餐體驗好，會再來。