沙田新強記燒鵝海鮮酒家

营业中

休息中

話說本來想過嚟食雞粥🤣，但見到個海鮮孖寶好似好吸引咁，忍唔住叫咗個海鮮孖寶嚟試吓，一共三樣嘢$3️⃣0️⃣8️⃣，有海鮮既話呢個價都算抵食！❤️蜜汁叉燒王呢個係我哋兩個一致認為最好食嘅😋！佢燒得啱啱好，又唔會好燶，佢連中間嗰啲位都好入味，啲肉一絲絲咁，唔會好韌，蜜汁好夠🥺，真係好鍾意食咁樣嘅叉燒，唔怪之得要叉燒王！我決定下次要打包一大份走！欖菜肉鬆四季豆其實佢本身配嘅係金銀蛋浸時菜，不過我哋兩個好想食四季豆，所以佢哋都幫我哋轉咗呢個🤣！份量好多，都幾夠鑊氣，呢個真係好啱餸飯！蒜蓉粉絲蒸聖子一共有四隻，其實我覺得都算大隻。超鍾意佢面頭鋪咗勁多蒜😌，加埋啲粉絲再撈埋個豉油一齊食，正到爆。蟶子質地都ok，幾彈牙。其實呢間嘢嘅燒鵝同埋雞粥幾出名，朋友話乳鴿都好正，今次試咗佢嘅叉燒覺得好正🤪，睇嚟下次嚟要試下佢其他燒味同雞粥！

老媽子好鍾意飲茶，鍾意經濟抵食、多元化。鍾意嚟呢間飲茶，我哋飲下午茶、食點心、小食等等。呢度必叫乳鴿～▶️乳鴿1隻配瀨粉一碗$58呢個好抵食，有足足一隻乳鴿。乳鴿即炸熱辣辣，鴿肉柔嫩，讚👍🏻傳統瀨粉真係唔係好多地方有～▶️白灼菜心$15菜心抵食，一碟只係$15，而且份量好多，叫返碟菜健康啲。▶️泰式鳳爪$45好耐冇食泰式鳳爪，見到佢有就叫咗。酸酸地辣辣地開胃。▶️椒鹽白飯魚$58一啲份量都好多，白飯魚新鮮炸起好香脆！▶️山竹牛肉球$18.8牛肉球好大粒，而且食得出真材實料！▶️蟹子燒賣皇$29燒賣亦都大大粒，鍾意佢豬肉夠多，冇咩肥膏。▶️古法千層糕$24一層層嘅千層糕，鬆軟又唔會太甜。

沙田新強記燒鵝海鮮酒家 (大圍)成日搭火車都經過呢間小菜酒家😙😙晚餐食鑊氣小菜👍👍金牌燒乳鴿$48乳鴿肉質嫩滑，整到好香脆😋😋2個人夠哂食😆😆佢仲會提供准鹽同醬汁，惹味😉😉新強記小炒王$118小炒王入面好多料，有蝦乾、魷魚、腰果、韭菜花🥦，炒到好有鑊氣😘韭菜花爽嫩，腰果香脆🤩🤩好正👍👍栗子炆雞煲$98特式煲仔菜，入面分量十足，有好多栗子同雞件，洋蔥雞件好入味😚😚栗子好鮮甜🥰🥰餐廳環境：傳統酒家，環境乾淨😁😁整體評分：4/5味道：4/5環境：4/5抵食：4/5地址：大圍積運街2-8號海福花園47-50號地舖

今日去沙田大圍食新強記食燒鵝雞粥，成日坐車都會經過新強記，絕對係大圍中式小菜飲茶地標之一。一坐低就俾佢隻中國風既碟吸引左，唔錯。-新強記燒鵝王(例牌)👍🏻，好想叫半隻，但係兩個人食唔得多，一上枱擺碟唔係好理想，有啲失望，不過食落皮脆肉嫩，有鵝味有肉汁，最緊要唔算肥，好食。-椒鹽鮮魷👍🏻，熱辣辣，新鮮炸起，炸粉唔算厚，魷魚咬口唔錯，送酒一流。-沙田新強記雞粥(例牌)👌🏻，記得以前食沙田雞粥好香好好味，今次個雞粥雞油味係差少少，可能食完燒鵝同鮮魷所以覺得雞粥有啲淡，雞既份量好足，味道整體可以。******************************👍🏻好食 | 👌🏻可以 | 😔 難食評分 : 6.5/10簡評 : 燒鵝擺碟同雞粥可以改善下(個人口味)

每次答港鐵既時候經過大圍就會望到新強記，今次終於有機會試一試。一行四人，叫孖寶C餐$328，有清蒸沙巴龍躉仔、蒜蓉炒油麥菜同送一份小的蜜汁叉燒皇。蜜汁叉燒皇完全驚艷到我哋😱一來係厚切，但肉質超夠鬆，唔會太實，二來非常入味！熱辣辣用嚟送飯簡直一流👍🏿👍🏿龍躉仔一啲都唔細條，肉質嫩滑，配上甜甜的蒸魚豉油，又係另外一個送飯嘅好菜！至於蒜蓉油麥菜同樣出色，唔會太鹹，煮到啱啱好，菜唔會太老。呢個餐嚟講只需要$328，性價比都算高，三樣餸都係好好食😋我哋仲叫咗兩隻乳鴿同一碟咕嚕肉。兩款肉類之中乳鴿就比較出色。乳鴿係剛剛炸起，所以食到個皮係好脆，而肉質真係唔會太鞋，再點上鹽，令乳鴿味更加突出。至於咕嚕肉則普普通通，甜酸醬汁係正正常常，沒有太大特別嘅地方。

今日嚟到沙田燒鵝名店新強記，晚市堂食嘅第一日人山人海，特登帶埋屋企人一齊過嚟！我哋四個人叫咗個三至四人招牌三寶套餐。入邊有燒鵝,燒乳鴿，雞粥等等，好多小菜！菠蘿生炒骨，椒鹽脆豆腐，金銀蛋浸時蔬，瑤柱蛋白炒飯。大概$820，未加一！我哋坐低冇耐，侍應好快就上咗菜！效率非常之高。燒鵝王（例牌）新強記燒鵝果然名不虛傳，外皮脆入面軟熟！燒鵝荔枝柴香味十足，令人想食完又食乳鴿唔會好穌同干柴柴/ 過油！配上准鹽岩岩好！吊一吊味！雞粥好軟滑，雞肉吾會好干身，食落小小咸味，而且份量好大碟，我地都食吾哂！菠蘿生炒骨唔會好厚炸粉，酸酸甜甜，非常開胃。但令我驚喜嘅就係瑤柱蛋白炒飯，飯粒斤斤分明，唔會過鹹或未炒散。蛋白嘅香味喺口入邊擴散出黎。最後仲可以揀紅豆沙/綠豆沙做甜品侍應嘅服務態度都非常之好，建議住喺附近嘅朋友仔都可以來試一試！

開番夜晚堂食嘅第一日即刻來大圍老志號新強記食中菜提早慶祝母親節😆！4 個人叫左個3-4 人餐😂 完全係5 個人的份量好大份上菜速度非常快，侍應都有幫手碗碟套餐$820沙田新強記雞粥（大）雞多好好足料，雞味濃（咸雞），份量極大份 4 個人每人兩碗仲有一半淨～新強記燒鵝皇（例牌）燒鵝味道果然係老牌酒家，味道好入味 ，吃得出師傅有甘上下功夫！唔知係味我地見到好多野食擺左一陣先食個皮就唔係話好脆，但啲肉同味道真係一流😝金牌燒乳鴿（2隻）呢個燒乳鴿外脆內軟！！非常新鮮！全家讚不絕口😂完全果陣so 味！ 大推大推🤭菠蘿生炒骨呢個就係家常小菜 但份量非常慷慨😂比起平時酒樓多數都係菠蘿椒但呢個肉呢個肉份量好多又唔會炸到好多粉！椒鹽脆豆腐 呢個媽媽最愛 好脆 好熱 又唔會太咸 點少少醋 食完唔會成口味精好口渴 ！🫠金銀蛋浸時蔬呢個係菜係平日發揮🤓 但唔會好咸真係好岩胃口😂大家清哂的一碟！瑤柱蛋白炒飯😆炒飯最重要粒粒分明 呢個炒得火候岩岩好 瑤柱同蛋白份量比例好好 每人食左2-3 碗 ，仲有少量蔬菜🤭 最後送甜品有紅豆沙/綠豆沙🥰大家都選左綠豆沙😂😂😂！清熱氣 飽到棒住個肚

21/4-晚市堂食一開，就當然要出街食下飯❤️二人7點左右入座唔洗等位，可能因為太耐無開晚市，所有員工都勁好禮貌啲落單姐姐勁熱情，好warm☺️因為得兩個人，好多野想食但得兩個胃，所以就叫左兩個小菜加個雞粥，落完單上菜好快。首先到既係椒監鮮尤-$98，熱辣辣脆卜卜勁好食，好大舊，啖啖魷魚😋再來係魚湯腐皮浸時蔬-$98，本身想轉菠菜，最後無哂菠菜，就轉覓菜，魚湯煮好入味，食完都無口渴，腐皮都好好食。最後係重點推介-沙田新強記雞粥（例）-$98。例牌都勁大煲，啖啖粥都有好重雞味，又唔會油，好好食😋最後姐姐仲問我地食唔食糖水，有紅豆沙綠豆沙。我地叫左紅豆沙，好耐無食過酒樓紅豆沙，起哂沙又有陳皮味，正。茶錢就每位$12，最後埋單$350兩個人食，飽到上心口，反到屋企一啲都唔口渴，佢啲野食無乜點落味精。下次再同屋企人黎食👍🏻

呢間舊式酒樓下晝飲茶好抵！我哋叫咗乳鴿瀨粉。乳鴿原隻上，有鉸剪及手套，可以剪嚟食。瀨粉大大碗，幼身。乳鴿夠熱炸起，皮夠香脆～～乳鴿幾香！XO醬炒腸粉估唔到咁大碟，腸粉又大條，XO醬又香又少少辣，煎得幾香口。牛肚亦都好大件，夠入味多汁。蝦餃一籠有四隻，大大粒，蝦又大隻又夠爽口。山竹牛肉球亦都好大粒，脹卜卜，加埋喼汁食，咬落有馬蹄口感爽爽地。飲茶點少得燒腩仔，燒腩仔肥瘦啱啱好，皮脆脆地。一碟有好多，抵食！嘆茶嚟呢度不錯！

今日同屋企人飲茶, 有人話想食雞粥, search到li間喺大圍MTR過條天橋就係嘅新強記, 平時搭地鐵經大圍都一定見到li間茶樓, 咁多年但入面食野環境又keep得ok wor.🐔沙田新強記雞粥 ($40/位)黎得飲茶🫖無理由淨嗌粥😅, 原來一位係一個煲仔上👍🏻. 想講li個雞粥真心正, 粥底綿滑每一口都充滿雞肉嘅精華, 當然唔小得嘅係好多件嫩嫩嘅雞肉啖啖肉呀, 又有好多薑絲同葱提味, 推介!!!🥢金牌燒乳鴿 ($48/隻)Li度嘅燒乳鴿比起坊間茶樓感覺大隻d, 個皮燒得寧舍脆而且唔會燒到乾柴咁, 個碟亦都無話油淋淋, 屋企人後來encore了.🥢新強記蝦餃皇, 蟹子燒賣皇而家已經好少茶樓一籠蝦餃燒賣係4大粒!! 而且勁足料, 鮮蝦肉又爽, 仲好大粒添, 睇返特點都係$26實在街坊價抵食. 🥢蜜汁叉燒腸, 蜜汁叉燒包Li度有燒鵝食咁我suppose啲叉燒都係自家燒吧👍🏻, 食落完全唔dry, 叉燒好夠味亦唔會勁多肥膏個隻.🥢再剔個厚切•香煎蘿蔔糕+好味花生🥜底•鼓汁蒸鳳爪>> 飽飽

沙田有間酒樓好出名，沙田新強記燒鵝海鮮酒家裏面環境好寬敞，今次就去食點心飲茶傾計。唔係下下都係Cafe嘅！蟹子燒賣皇（特）大大隻裏面除咗有蟹籽仲有蝦粒，鹹香而且彈牙。潮州蒸粉棵（小）裏面非常足料，多多花生及馬蹄等，鹹香十足。瑤柱珍珠雞（大）材料豐富，味道不過不失。蜜汁叉燒腸（大）外皮富有彈性，而且蜜汁叉燒味道甜香。椒鹽豆腐（小食）分量十足，外皮金黃鹹香裏面同樣保持香滑，好吃！脆皮燒腩仔（例）表面都好香脆而且整體肥瘦適中有咸香！冰糖桂花糕（小）食埋個甜品桂花糕有彈性又香甜，咁就perfect！一路嘆茶一路食嘢，休閒一下真好！

身為一個鍾意周圍食嘅寶寶，又到大時大節當然要帶屋企人食好西啦😋 我哋今日去咗位於大圍嘅新強記燒鵝海鮮酒家 💕 因為佢哋嘅乳鴿遠近馳名，所以我哋都點左一隻試嚇，佢上菜嘅時候已經幫我哋將隻乳鴿分開咗做四件，咁樣會比較方便，我哋就可以每人一件，乳鴿咬落好多汁，熱辣辣的好好食。 ❤️❤️❤️ 除咗乳鴿之外，我仲試咗佢哋嘅叉燒，因為佢係一個套餐，一條魚再加一碟菜，就會送多一碟叉燒，叉燒令我好驚喜，肥瘦均勻，真係好好食呀！不過最令我驚喜嘅，當然係佢哋嘅菠蘿咕嚕肉，酸酸甜甜咁好開胃，好適合老人家同小朋友食。及一個香口的避風塘炒蝦佢仲有糖水餸，我哋叫咗綠豆沙諗住清熱解毒，佢哋嘅綠豆沙都幾足料，唔會太甜。我哋一行四人食咗大約$800，我覺得整體來講都真係好抵食，下次會再帶埋屋企人嚟試嚇佢哋嘅雞粥~~

晚上又是一家人一起吃飯的好時間 今天和家人到了大圍的新強記燒鵝海鮮酒家 吃飯因為我們和兩位老人家一起吃飯，所以我們叫的東西都是比較清淡👍 我哋叫咗一碟叉燒，佢嘅叉燒都幾大嚿好好食😋肥瘦適中咬落去仲有濃濃的豬肉香味！係我食過以來覺得算為中上既叉燒！有驚喜聽講佢哋嘅乳鴿都係好出名嘅所以我就點左一隻試吓！佢將隻乳鴿一開咗四 咁我哋屋企人每個人一人一件 隻乳鴿燒得剛好唔會太老咬落去好脆 好Juicy好多汁~ 之後當然要點晚飯必備嘅菠蘿咕嚕肉啦 超多咕嚕肉啊超好食 炸得剛剛好啲汁又甜甜酸酸的好開胃 😋😋之後仲點左啲海鮮一碟黃金大蝦同埋一條魚 黃金大蝦睇相都見到好多隻好抵食 條魚都好新鮮好肥美 人均大概150左右都好抵食 下次過時過節又可以去食

話說疫症期間好耐無同兩老去飲茶🫖見有時間就同爸媽一齊去一間好傳統上歷嘅酒樓飲茶🍵裝茶杯嘅碟都咁精緻，雖然得3個人，但一定要試晒呢間酒店嘅三寶😋🍲 沙田新強記雞粥($98)：🌟🌟🌟🌟🌟我哋叫咗個例牌雞粥，一上檯估唔到咁大鍋，三個人係食唔晒😂而淺嚐左第一啖粥，覺得超綿超入味～三個人食得好開心，仲有好多雞件在粥入面，啲雞味入晒煲粥度，仲食到薑絲同蔥，而啲雞仲好「淋」好好味😋果然係呢間酒家嘅三寶之一，我自己俾佢5粒星！🐥 原隻金牌燒乳鴿($48)：🌟🌟🌟🌟🌟另外三寶之一係呢個燒乳鴿，可能太耐無食乳鴿，上碟時仲熱辣辣，爸、媽同我都覺呢度嘅燒乳鴿外脆內軟，乳鴿燒到剛剛好😋一隻三人勁速清咗佢。🥩 招牌燒鵝瀨($48)：🌟🌟🌟🌟嘩嘩嘩⋯本身店舖三寶之一嘅燒鵝最細都要叫例牌($120)比較多，但我哋實在太飽食唔落了，點知食食下來到下午茶時間有下午茶點心紙😂即刻叫左招牌燒鵝瀨，想試咪佢個燒鵝有幾掂先？嘩！下午茶俾咁個燒鵝髀我哋？又係燒到外脆內熱，肥瘦剛好，配瀬粉真係無得輸😝📍總結：🌟🌟🌟🌟好懷念以前好多人一齊飲茶嘅日子，我覺得呢間酒家歷史猶久，我覺得都係值得一試嘅，雖然飽到上心口，我哋仲叫左幾款點心試試：

雞粥其實沙田新強記燒鵝海鮮酒家都好出名，酒家除左雞粥，亦有燒鵝、乳鴿一樣都好出名，今日我地特意黎新強記食雞粥，除了雞粥，我地都點了三款小菜。沙田新強記雞粥（大）嘩嘩嘩，好大兜，雞粥上浮了一層香醇雞油，可見雞粥非常足料，入面有好多雞件，連埋雞一齊煮，雞的鮮味與粥互相融合，口感綿滑。金牌燒乳鴿（2隻）餐廳已經幫忙一開四，乳鴿燒得皮脆肉嫩，已經相當入味，不沾任何醬汁都已經好好食。菠蘿生炒骨有我至愛我菠蘿生炒骨，生炒骨如果脆一點會更好，味道酸甜醒胃，送飯一流椒鹽脆豆腐炸得非常香脆的脆豆腐，加上椒鹽，味道更惹味，佐酒一流