沙田新強記燒鵝海鮮酒家

营业中

休息中

11月頭又係忙碌既一個月份，又到年尾特別多野做，知道屋企人鐘意食中菜，今晚一於揀間好食既慰勞佢地，朋友推介我地試下呢間大圍既新強記食中菜，餐廳樓底好高，空間感十足，裝修方面以傳統酒家做藍本，唔會覺得好舊，估唔到平日都坐滿人，質素應該都唔錯，我地揀左佢地既招牌小菜套餐，超豐富招牌燒鵝乳鴿雞粥小菜套餐 ($588)新強記燒鵝皇 (例)燒鵝超香，鵝皮好香脆，肉質嫩滑，見到表面有光澤就知油脂豐富啦，偶爾邪惡一次唔怕啦金牌燒乳鴿 (兩隻)套餐包左兩隻燒乳鴿，每隻切好四件唔洗爭，我就當然食最嫩既乳鴿髀啦，啖啖肉超正，記得趁熱食呀招牌新強記雞粥成日聽人講沙田雞粥就聽得多，今次第一次食，粥底好綿滑又足料，好多雞件，爸爸食到讚不絕口椒鹽鮮魷另外兩款小菜我地就揀左椒鹽鮮魷，炸漿夠薄身，魷魚超彈牙，香口小食我地最愛沙嗲牛肉炒菜心食左咁多肉要揀返個菜，今晚就試下佢地既沙嗲牛肉炒菜心，牛肉片份量超多，絕不欺場，菜心煮到剛剛好唔會有渣

This is a very traditional tea house that reminds me of the old timesThe food portion is bigger than those modern tea houses and quality was OKI was a bit disappointed with the deep fried pigeon as the skin was not crispy...The congee with chicken was nice though

今日去找朋友聚舊他帶我去食沙田雞粥，這間新強記燒鵝海鮮酒家歷史悠久，很多傳統名菜也可以吃到。內裡裝修格局用上木色系列，牆壁有掛畫很有特色。來到就當然吃招牌菜式啦！套餐款式都有幾款選擇，我們就點了「招牌燒鵝乳鴿雞粥小菜套餐」，這個套餐剛好有齊燒鵝、乳鴿和雞粥。「招牌燒鵝乳鴿雞粥小菜套餐」包括有～～～ 新強記燒鵝皇（例） 金牌燒乳鴿（兩隻） 招牌新強記雞粥（例） 椒鹽鮮魷 沙嗲牛肉炒菜心新強記燒鵝皇例牌份量也很多，燒鵝皮脆肉嫩，脆皮下不會有太多肥膏，肉質嫩而多汁配上酸梅醬一起吃很開胃。金牌燒乳鴿乳鴿燒得香噴噴，火候燒得恰到好處，皮脆卜卜非常甘香，乳鴿肉很嫩滑鮮甜。招牌新強記雞粥雞粥粥底很綿滑，雞件不會過老仍然鮮甜肉嫩，吃每啖雞粥都有雞油香味很滿足。椒鹽鮮魷椒鹽鮮魷炸得很香脆，魷魚鮮甜又彈牙啖啖肉。沙嗲牛肉炒菜心沙嗲牛肉炒得剛好不會過韌，牛肉很厚身沙嗲醬夠惹味，菜心新鮮爽甜兩者配搭很夾。

位於大圍的新強記，最出名的就是燒乳鴿和雞粥，所以我們一定會叫這兩款食物。這間酒樓已開業多年，酒樓內有一幅桂林山水的風景畫，點心種類多，而且大件。我們約11時半落單，但等了半小時才有點心，傳菜員說要慢工出細貨，我們叫了香蔥煎薄餅，和煎苧絲，薄餅煎得剛剛好，入口香脆，煎苧絲一點不油膩。接著便是乳鴿，它燒得不過火，皮脆肉嫩多汁，即使一人一隻也可以吃掉，雞粥我們是叫例牌的，但也有一大湯碗，我們四人平均每人可以吃到兩碗多，而且雞肉多，鹹菜胡椒豬肚湯是一個鍋，內有很多腐竹，湯味濃郁，豬肚稔，每人也吃到兩碗，我們還吃了韮菜豬紅和燒腩仔，也很好味，不會太鹹。這一餐我們全吃清光，而且非常滿足，還笑說可以再約在此吃晚飯。

有朋友試過話新強記幾好食（仲keep到喎），仲好強調乳鴿好正，咁就去試下啦，搭火車望到呢個餐館好多年，終於都有機會試試！未至於好好食，只能夠講合格……唔知係咪星期三晚跑馬既關係……😅d雞粥真係咸到一個點，我已經食得好重味，仲要有飲啤酒都覺得佢超重手……燒鵝微暖，皮都燒得幾靚，肉唔韌，微微肉汁，味/豉油偏咸。炸乳鴿上枱仲暖，不過一定要襯熱食，佢係用好細隻既乳鴿，所以肉嫩皮薄有少少肉汁，味道正常幾好。生炒骨個炸漿好厚/炸得少少過龍，個外皮好硬，都食唔到唔講個味！超咸雞粥雞件夠味好食，但係個粥咸到可以送啤酒咁濟………唉！！！金銀蛋浸時蔬，炒飯，正正常常。椒鹽豆腐熱，夠味，好食。唔知係咪我唔好彩，正常食套餐，應該日日都整好穩陣至岩，7點去食又唔算好多人，眼望又算多客。飲左7支啤酒，人頭3百幾。

以前去大圍踩單車 成日都經過新強記舊式酒家 燒鵝乳鴿雞粥 係佢地既招牌菜 朋友忽發奇想 想食中菜 於是就揀左呢間老字號酒家位置好方便 大圍MTR一出5分鐘就到門外掛左一排紅燈籠 木招牌大大隻字印住新強記內外裝修都好懷舊 充斥住一種舊香港情懷位置之間都寬敞 比一般酒樓有空間侍應服務好好 不時換碟加水 讚🥰食物選擇幾多 有小菜 亦有唔同既SETS 好實惠份量又多 仲有糖水送 食到好飽呀😋下次想食埋佢個燒鵝🥰💥乳鴿BB乳鴿 1開4 皮好薄又燒得香脆 肉質嫩滑好有油香點埋淮鹽更加香口惹味 好正😎💥雞粥 (位)最近天氣轉涼 點個雞粥暖下新鮮滾熱辣既雞粥 用鍋上粥底軟綿 滿是雞汁香味 帶點淡淡酒香雞肉份量都好足 而且好嫩滑加左薑絲既粥亦更加暖胃😝💥椒鹽海蝦🦐熱辣辣 香口又邪惡 海蝦大大粒 份量多外脆內軟 配埋D辣椒粉 好惹味🥰💥菠蘿生炒骨又係炸既 經典家常菜開胃之選個醬汁酸酸甜甜 仲有菠蘿同三色椒😌排骨炸得好脆 真係一流😋💥紅豆沙 綠豆沙仲有糖水送 好正宗既味道紅豆沙有陳皮味 綠豆沙有臭草味好滿足☺️☺️

一家四口一齊去食飯，因為爸媽都話想食燒鵝燒乳鴿，所以去左大圍好出名既新強記晚餐。新強記係歷史悠久燒鵝老字號，門口有大紅燈籠高高掛，仲有一大隻強記鵝歡迎大家入去食飯。餐廳超級大間，好中國風，一睇個外形同內籠就感覺到勁有古色古香feel，連碟都係古中國畫，靚！我地散叫，無選到套餐。新強記燒鵝皇（例）$170係鵝脾位，very good！鵝肉連住一啲肥膏同骨所以嫩滑。鵝味濃，沾醬食更美味。金牌燒乳鴿 $58叫左2隻，每人食半隻。乳鴿雖小但我覺得算係多肉食，好香好香，要襯熱食！椒鹽九肚魚 $108咸咸地好好味，個炸皮薄脆，魚肉超軟滑，香口度十足。香桃咕嚕肉 $128酸酸甜甜好開胃，即刻叫左白飯一齊食。咕嚕肉啖啖肉，食得出係即叫即做，絕對唔會係出面其他餐廳翻炸再翻炸既肉乾。紅豆沙甜品係送既，凡進餐都每人一碗中式糖水，全家都選擇左紅豆沙。紅豆沙個糖水係水狀，紅豆粒粒分明。我鍾意呢款紅豆沙，一啲都唔稀，濃紅豆味，仲食到陳皮味，食紅豆時有得咬下有口感。

新強記為一老字號海鮮酒家，喺大圍火車站附近，都算交通方便，12:00入到酒家已9成坐滿，裝修簡單，所以價錢都好平，當中不小懷舊點心，例如：鮮豬潤燒賣、百花釀魚肚、古法燒腩卷、懷舊糯米包、肉骨茶小籠包等等以燒鵝為名，每枱都見到有叫燒味、燒鵝，所以我都試吓馳名既燒鵝、乳鴿同燒腩仔 😀燒鵝鵝皮香脆, 有油花, 肥而不膩, 🐷燒腩仔香脆, 惹味可口, 乳鴿肉多汁鬆軟、外層好脆👍🏻點心方面都叫咗不小，最驚喜係鮮豬潤燒賣，大大粒勁多蝦，非常滿足，芝麻卷🤣，巳經喺酒樓賣小見小，真心懷念，今日過足癮，食個痛快😁

老伴話想食大圍新強記， 咁我梗係陪啦。首先試下個馳名燒鵝先啦。 比想像中好食。 上次喺深井食過的一間燒鹅 餐廳 唔係幾滿意，今次有點超出預期。鹅肉好軟熟， 唔靭唔鞋口，調味都不錯， 令人有想一口 接一口嘅感覺。 另外點嘅係 招牌雞粥。幾夠味，雞肉唔鞋。 小菜有菠蘿咕嚕雞球。 老伴和我一致認同， 呢個係好食嘅咕嚕雞。首先係份量十足，而且即炒好有鑊氣。 冇骨嘅雞球好容易入 ，估計用雞扒起肉， 所以食落好滑。最重要係冇雪藏味！ 咕嚕汁酸酸甜甜好開胃，出色!燒鵝幾好食 ，有啲唔夠喉，所以 叫多咗兩隻乳鴿，又幾好食喎 。外皮香脆 ，內裡肉嫩。 椒鹽鮮魷外表唔太吸引 ，感覺炸皮可能會太厚。然而食落去又是另一回事 ，都做到香酥嘅感覺。食物和服務都幾超出預期，很不錯。

火車經過大圍成日見到樓下新強記 大紅燈籠高高掛的門口，一直都想試下。今晚終於約咗朋友嚟食晚飯。其實都幾近車站，都幾方便。一入去，阿姐就好好招呼，係親切的招待，第一印象良好。我哋揀咗2人餐有例牌燒鵝兩隻乳鴿招牌雞粥兩個小菜唔知係咪好耐冇食燒鵝，我覺得呢度燒鵝好好味！肉質嫩滑，夠入味但唔會過鹹，唯一係個皮雖然好香，但唔算好脆。話朋友鍾意佢嘅乳鴿，即刻炸起好新鮮，肉質都唔錯，唔會乾柴。招牌雞粥好夠味呀！ 好多料，雞肉好滑，呢樣真係唔係間間可以做得到，果然名不虛傳。 不過，由於有其他餸菜，兩個人食一碗例牌，都真係比較多。而且食得多會覺得有點鹹，下次可能會請一位嘅份量就算啦。椒鹽鮮魷呢間既做法同我想像有點出入， 不過都ok好食咕嚕雞球看雞球嘅形狀以為不好吃，點知出乎意料咁好食。雞塊帶一點脆皮，好處係咬落有脆口，又不會過厚，又食到啖啖肉。個汁都調配得好好，酸甜平衡度做得非常出色。整體嚟講，呢一餐好滿意。

新強記為一老字號海鮮酒家，由大圍火車站只需5分鐘到，都算交通方便，入到酒家已坐滿人，裝修簡單，價錢亦因此降低，當中亦不小既懷舊點心，例如：鮮豬潤燒賣、百花釀魚肚、古法燒腩卷、懷舊糯米包、肉骨茶小籠包等等但當然以燒鵝乳鴿為名，而枱枱都機乎見到有燒味、燒鵝時，我又點能夠唔叫嚟食吓呢😁燒鵝食落鵝皮香脆, 食落有油花, 肥而不膩, 燒腩仔香脆, 惹味可口, 乳鴿肉多汁鬆軟、外層好脆👍🏻點心方面都叫咗不小，最驚喜係鮮豬潤燒賣、同我兒時回憶既芝麻菲林卷🤣，呢兩樣都唔知機耐無喺酒樓見過，真心懷念，今日過足癮，食個痛快😁

傳統酒樓所剩無幾，新強記難得依然大紅燈籠高高掛，唔係新式餐廳同樣放一排就可以模仿到既韻味。酒家外紅牆綠瓦，照射著金漆招牌既鵝同店名，別具霸氣，離遠係火車站一望就見。內裡廣闊寬敞，有著如桂林山水既巨型掛畫，懷舊氣氛何處尋。如果有外地朋友黎香港玩或者回港探親，首選一定推介新強記~新強記燒鵝皇皮薄身脆，部份中間隔著一小層膏，難怪件件多肉都仍然咁嫩滑！最好最靚既燒鵝就應如此！金牌燒乳鴿乳鴿香噴噴，燒到色澤紅亮香酥，肉滑多汁唔乾身。唔叫就好似無黎過新強記一樣！椒鹽九肚魚係我最愛既菜式之一，九肚魚大塊，外皮香脆。魚肉既比例比一般的多，所以會食到中間質感軟嫩既魚肉~ 食極停唔到口！香桃咕嚕肉大碟得黎仲啖啖肉，酸酸甜甜好餸飯~最後仲送左個糖水，紅豆沙真材實料，滋潤不甜膩，仲有淡淡果皮香, 秋天到食番碗岩哂~咪諗住係老字號就一定係老奉串串貢，呢度既夥計個個都好nice 有禮，酒家範圍連洗手間都好企理乾淨！

性價比：7.5/10 (但燒鵝飯9分!)人均消費：$100美味指數：❤️❤️❤️ (燒鵝飯係❤️❤️❤️❤️❤️)突然好想食燒味，但只想食有質素嘅燒味，於是決定試吓傳說中話燒鵝好食既新強記，大圍站G出口一分鐘就到。👉🏻 #燒鵝飯 ($68)OMGGGG!!!! 係近年食過最好食既燒鵝之一，皮脆得嚟有保留少量油脂，每一啖都係滿滿既鵝油香，撈飯一流。本身預期只係鵝肉六至七件，但竟然發現另外舖上六片鵝皮，成件事超抵食～呢碟性價比滿分👍🏼👉🏻 #蜜汁叉燒 ($68)之前睇 IG 食評表示叉燒唔錯，但今次發現有三分一既肉係硬到咬唔到既，蜜汁亦唔夠香。叉燒都係要幫襯大圍小館至得😂👉🏻 #炸雲吞 ($28)有三粒，正常發揮，純粹過口癮。👉🏻茶芥 ($12 一位)茶既質素唔好要求太多🤣

沙田大圍的新強記，坐火車時都會都見到，招牌非常觸目，所以今日來到沙田，就專程到來食 。餐廳一整個大廳都好寬敞舒適，門口見到一片紅的燈籠，好有氣氛。椒鹽海中蝦$138 海中蝦經輕走油，近蝦尾的位置炸到連殼都帶點脆，去殼後啖啖肉，很鮮味，配上椒鹽及蒜粒，香香辣辣，更為惹味！鹵水鵝掌翼 $58 鹵水鵝掌翼份量都算多，鵝掌翼味道帶點甜，夠腍又夠滑的。金牌燒乳鴿$58沙田乳鴿最出名，當然會要個乳鴿，乳鴿外表炸到啡金色，肉質嫩滑多汁，真的很香口。食完後，餐廳還送上海帶綠豆糖沙甜品，頗大碗，綠豆軟綿很香，不會太甜，食完煎炸餸，配這個海帶綠豆沙甜品真是絕配。

現在改上夜班，那平日就可以約約朋友一起去酒樓喝個中午茶，吃個點心！重點是平日又會比較便宜！新強記燒鵝飯（58元）平日午市優惠會便宜10元的！今天運氣不錯，拿到燒鵝腿的位置，吃起來肉質彈牙，鵝香十足，而且挺多肉汁的，特別是帶點肥的部份，真的是肥而不膩，吃起來滿口油香，燒鵝的香甜口味！酸梅汁的梅香挺突出的，配起來也很解膩！新強記蝦餃皇 ( 特 ) （30元）很多地方都是一籠三件的，但這裡是有四件，這個真的好評，剛好一家四口每人都吃到！蝦餃挺足料的，每個至少有2個蝦仁，搭配了小量得豬肉，吃起來鮮甜爽滑，帶點肉香！豉汁蒸鳳爪 ( 中 ) （25元）這個吃起來非常濃香，每隻鳳爪都煮得非常軟糯，配上惹味的豉汁，吃起來也不會太鹹，份量也不錯！蟹子燒賣皇 ( 特 ) （30元）這個豬肉跟蝦肉的份量差不多，兩種不同口味和質感都能吃到，不過這個的豬肉也是非常有彈性的，這個就會有更多的肉香！薑蔥牛柏葉 （ 大 ） （28元）這個滿滿的一大碗，不單有牛柏葉，還有大量得薑蔥和西芹，吃起來味道清爽，薑蔥惹味，牛柏葉爽滑嫩的！陳皮紅豆沙 ( 小 ) （17元）這個吃起來紅豆味非常香濃，質感綿滑，有陳皮香味！脆脆紅米