沖繩漁民食堂

食物很满意，这个价钱来说，已经十分满意了但是！但是！但是！负责落单和收银的阿姨实在让人倒胃口，除了落单和冲野饮，大部分时间都在煲大陆剧，你蛇王偷懒吾紧要，但麻烦你吾好成个人栋系到显眼处，仲要大声公放你睇紧啲片，明明食紧日式野，但只耳仔系咁听普通话古装剧，有啲辛苦😓…查看更多

呢日去油麻地戏院中心睇戏，附近揾到呢间平平哋超就脚嘅日本嘢，就入去食个quick dinner。Menu都几多选择，日本嘢黎讲价钱算唔贵。 上枱后明咗点解，份量好少，menu啲相全部系照骗。 我叫咗照烧鸡扒鸟冬，menu相show到用砧板上枱，鸡扒份量超多咁。实际上到黎得一个小圆碟仔，女仔食都ok geh，男仔应该唔够。鸡扒本身都ok geh，唔鞋，全靠个酱都够甜，香港地叫做对得住个价钱。反而乌冬个汤几ok，都系好味嘅MSG。另外个滑蛋鸡扒丼，唔知点解系用碟上。（黑人问号）从来丼饭都系用碗上。但anyway，讲返鸡扒个味道都系还可以，蛋就有相得睇，好安全嘅全熟蛋皮，不过好薄，份量最多就系饭，都ok geh。饮品冻饮个份量唔系茶记𠮶种大杯好多，同普通热饮个size差唔多，加两蚊都觉得贵咗，去返茶记加够三蚊有大大杯慢慢饮仲好。…查看更多

主打一个快靓正，大概60蚊一个餐，个人觉得已经好收货😋去开油麻地想快食可以一试，但系唔需要特登去～🌼滑蛋亲子丼用嘅蛋可能比较少，所以出到嚟唔系滑蛋有蛋汁𠮶种，倾向系蛋饼，但系都唔会难食，啲鸡煎度有啲㶶边，食落几香口😌🌼滑蛋吉列猪扒吉列猪扒炸得几酥脆，个皮都唔算厚，不过猪扒就有啲鞋，但系好够肉地，唔使惊食唔饱😎…查看更多

食得多饭、潮州粉面，间中都想食汤乌冬。在油麻地近佐敦附近，就有一间提供汤乌冬的食肆。那天午巿，不是太多人，我幸运地到达即有位。今次点了 #慢煮日式薄牛柳乌冬餐，包括一杯热饮（免费🆓），冻饮、汽水要加钱。我点了一杯热菜蜜。慢煮薄牛柳另上，入口似凉拌牛柳，不热，有点牛味。以为「慢煮」牛柳会稔一点，可是有点硬和靭。下次都系食其他好了。汤乌冬烟靭，汤好味。不知道是不是鱼汤，哈哈。$65午餐连饮品，都算不错吧。…查看更多

个名令人出幻觉，日本嘢，可惜！做法BBQ烧焦鸡肉，加上烧烤蜜糖，又干又硬，有些鸡肉切得成粒状，入口干啃，就算你加温泉蛋蛋浆勉强可以吞。似足学生餐，不求好食，只求医肚，价钱64，另加2有冻饮。汤面嘅汤似加花奶调配。咁嘅质素不如去食牛丼饭…查看更多