沖繩漁民食堂

之前路經呢間沖繩漁民食堂，見到門面都幾靚，所以今日就嚟咗感受下沖繩嘅簡約食堂。呢度就好似日式小區內嘅小店一樣，選擇不多，食材亦都簡單，有丼飯或讚岐烏冬可供選擇。枱上面放咗七味粉，如果食烏冬就最啱不過啦！照燒雞翼溫泉蛋飯大大碟，女士們其實可以選擇少飯。佢嘅溫泉蛋做得非常出色，用嚟撈飯真係冇得輸。我呢個照燒雞翼溫泉蛋總共有三隻照燒雞翼，雞翼用半煎炸嘅烹煮方法，味道不錯。另外仲叫咗吉列豬扒溫泉蛋飯，飯底同溫泉蛋同前者大致相同。吉列豬扒好大塊，店員已經將豬扒切成條狀，方便食客享用。吉列豬扒不厚不薄，而且唔會有太多脂肪嘅部份。跟餐仲會包埋飲品，可以選擇可樂、雪碧、或者紙包裝甘蔗汁，因為唔太鍾意飲汽水，所以我哋選擇咗甘蔗汁。雖然呢度嘅食物都係好簡單，但亦好似日式小店咁會有簡單嘅擺盤，而且價錢亦都非常相宜，如果想簡單食返一餐，呢度都係一個好選擇。…查看更多

天氣真係好熱🔥中島落街5分鐘就連口罩都濕埋所以依家奉行肚餓先出去10分鐘內一定要坐低😂最後就行到呢間餐廳門口—————————————————————主打食讚歧烏冬中島都好想食架但諗到一路食會一路標汗最後都係揀左食飯🙈叫左照燒雞翼飯同鰻魚飯雞翼一碟飯有三大隻一上枱就聞到好香燒雞味雞皮燒到脆卜卜而且唔油膩咬落juicy嫩滑 燒汁香甜濃郁好岩撈飯食 飯粒 粒粒分明有咬口中島嘅蒲燒鰻魚溫泉蛋飯超鍾意食溫泉蛋溏心蛋呢類貪佢有得食有得玩可以篤穿撈飯食又可以一啖啜走個蛋黃😂鰻魚汁加蛋黃撈飯😋鰻魚有成個碟咁長 $60有咁大條鰻魚食 性價比⬆️—————————————————————☩ 蒲燒鰻魚溫泉蛋飯 $60☩ 照燒雞翼溫泉蛋飯 $50…查看更多

百老匯電影中心附近有乜食？咦！開咗間新嘢喎！（唔知有幾新，至少我之前未見過啦，哈）個名叫「沖繩漁民食堂」，睇餐牌係日式定食，價錢又唔貴，見佢裝修幾企理乾淨就入去食！主要係食溫泉蛋飯同烏東，價格都係5、60蚊左右，有埋嘢飲又唔貴喎。同老婆一人叫咗個飯，因為要快食，冇叫太多嘢。兩個飯係得個餸唔同啫，吉列豬扒外脆內嫩，唔係硬弸弸嗰啲豬扒，而且調味得幾好，唔駛點醬都已經好好食，加埋美奶滋更好食！照燒雞翼其實係接受半煎炸嘅雞翼，外皮香脆，正！上枱時見到飯上面隻溫泉蛋嘅「動L」嘅已經好開心，哈！最鍾意食蛋撈飯，加上醬油撈埋一齊好滋味！店員（定係老闆娘？）好親切咁招待我哋，可以們晚人唔多啦，間中又同我哋吹兩句水，跟餐個可樂我冇飲（戒甜中），已經埋單去咗門口，佢仲專登走出嚟問我拎唔拎走飲，哈哈！…查看更多