沖繩漁民食堂

食物很滿意，這個價錢來說，已經十分滿意了但是！但是！但是！負責落單和收銀的阿姨實在讓人倒胃口，除了落單和沖野飲，大部分時間都在煲大陸劇，你蛇王偷懶吾緊要，但麻煩你吾好成個人棟係到顯眼處，仲要大聲公放你睇緊啲片，明明食緊日式野，但隻耳仔係咁聽普通話古裝劇，有啲辛苦😓…查看更多

呢日去油麻地戲院中心睇戲，附近揾到呢間平平哋超就腳嘅日本嘢，就入去食個quick dinner。Menu都幾多選擇，日本嘢黎講價錢算唔貴。 上枱後明咗點解，份量好少，menu啲相全部係照騙。 我叫咗照燒雞扒鳥冬，menu相show到用砧板上枱，雞扒份量超多咁。實際上到黎得一個小圓碟仔，女仔食都ok geh，男仔應該唔夠。雞扒本身都ok geh，唔鞋，全靠個醬都夠甜，香港地叫做對得住個價錢。反而烏冬個湯幾ok，都係好味嘅MSG。另外個滑蛋雞扒丼，唔知點解係用碟上。（黑人問號）從來丼飯都係用碗上。但anyway，講返雞扒個味道都係還可以，蛋就有相得睇，好安全嘅全熟蛋皮，不過好薄，份量最多就係飯，都ok geh。飲品凍飲個份量唔係茶記嗰種大杯好多，同普通熱飲個size差唔多，加兩蚊都覺得貴咗，去返茶記加夠三蚊有大大杯慢慢飲仲好。…查看更多

主打一個快靚正，大概60蚊一個餐，個人覺得已經好收貨😋去開油麻地想快食可以一試，但係唔需要特登去～🌼滑蛋親子丼用嘅蛋可能比較少，所以出到嚟唔係滑蛋有蛋汁嗰種，傾向係蛋餅，但係都唔會難食，啲雞煎度有啲燶邊，食落幾香口😌🌼滑蛋吉列豬扒吉列豬扒炸得幾酥脆，個皮都唔算厚，不過豬扒就有啲鞋，但係好夠肉地，唔使驚食唔飽😎…查看更多

食得多飯、潮州粉麵，間中都想食湯烏冬。在油麻地近佐敦附近，就有一間提供湯烏冬的食肆。那天午巿，不是太多人，我幸運地到達即有位。今次點了 #慢煮日式薄牛柳烏冬餐，包括一杯熱飲（免費🆓），凍飲、汽水要加錢。我點了一杯熱菜蜜。慢煮薄牛柳另上，入口似涼拌牛柳，不熱，有點牛味。以為「慢煮」牛柳會稔一點，可是有點硬和靭。下次都係食其他好了。湯烏冬煙靭，湯好味。不知道是不是魚湯，哈哈。$65午餐連飲品，都算不錯吧。…查看更多

個名令人出幻覺，日本嘢，可惜！做法BBQ燒焦雞肉，加上燒烤蜜糖，又乾又硬，有些雞肉切得成粒狀，入口乾啃，就算你加溫泉蛋蛋漿勉強可以吞。似足學生餐，不求好食，只求醫肚，價錢64，另加2有凍飲。湯麵嘅湯似加花奶調配。咁嘅質素不如去食牛丼飯…查看更多

今日放工行經油麻地, 見到有一間沖繩漁民食堂, 就入去一試~落單到上菜大約10分鐘就可以食今日叫了一個日式照燒牛脷丼, 包一杯熱飲(檸檬菜蜜)開頭以為價錢更平, 味道應該一般般但黎到塊牛脷好大塊, D 飯同蛋及醬汁一齊食好好味~~檸檬菜蜜不太甜, 甜度適中~~價錢抵食又好滿足~~下次會再試其他菜式~~…查看更多

係油麻地搵到間幾抵食既日本菜。。。嗌左2個烏冬套餐，仲包埋飲品🥳🍽️卡邦尼蜜糖照燒雞扒烏冬$72 日式唐揚雞烏冬$66 清酒煮蜆$48 日式炒雜菜$40🐷食後感：食物質素都幾好，烏冬Q彈煙韌有口感🤤 炸雞卜卜脆，而湯底又唔會太咸（好多日式麵食湯底我都覺得好咸🙈）清酒煮蜆就一般，試過一次就算炒雜菜又幾新鮮喎，爽口，有甜味，唔錯總括黎講性價比真係唔錯🐽🔍 #piggy在油麻地 #piggy_日本菜 #piggy_烏冬🤑性價比：8.5/10🤤色香味：8/10🐖邪惡度：4/10🤗推薦度：8/10#piggyfoodiedaily #hkfoodie #hkfood #hkeat #hkig #hkgirl #日本菜 #日本餐廳 #日式 #烏冬 #油麻地美食 #香港美食 #小豬找美食 #piggy_美食…查看更多

油麻地一間唔起眼食店，唔係朋友帶我嚟，自己都真係唔會留意到佢，食過一次之後就知道自己一定會再嚟，已經幫襯過幾次。價錢相宜，食物質素OK, 很喜歡呢度簡蕳單單，沒有嘈吵及侷促嘅感覺，很不錯的平民小店。…查看更多

趕頭趕命約咗人7:30去電影中心睇戲，6:45仲喺油麻地港鐵站等人，仲諗緊嗰頭有乜好食，望望個電話睇睇時間，真係唯有食快餐。🏃🏃🏼‍♀️🏃‍♂️人齊即刻話咁快去到電腦中心拎戲飛，跟住行返後一條街周圍望，就發現咗呢一間日本嘅沖繩「快餐店」😬喂，唔好講笑，呢頭落單，10分鐘內已經到齊，好似知道我好趕時間咁，價錢方面唔算貴，仲有埋飲品（雖然細杯啲）特別要講一講個炸池魚，去骨職責，卜卜脆😋食物種類都算多，呢個價錢快靚正～入親嚟都係啲後生仔女，隔離一套六個男仔，六個都叫卡邦尼烏冬，食得好滋味，下次一定要試一試佢～…查看更多

油麻地區日式食肆主要大街行過少少交通都方便係果欄隔離座位算好坐食物好驚喜日式餐廳食卡邦尼卡邦尼雞扒烏冬真係要推介一下大大份飽肚唔會太膩日式汁雞扒又香又嫩食唔到雪味高質值得一試行開果欄不妨一試…查看更多

油麻地出名多野食，今次同豬仔嚟行街，比我搵到一間又高質又抵食既日式料理餐廳，一於介紹比大家🤗餐廳環境舒服又整潔，野食有水準🤩✨日式漢堡扒烏冬 $62漢堡扒肉質好嫩，一咬落去好多肉汁，牛味香濃，大大份😍哩度既烏冬好出名，煙煙韌韌嘅烏冬，配上糖心蛋等配菜，用上好香濃既豆漿湯底，奶白色的，簡直一流，口感好清爽🤗✨炸軟殼蟹烏冬 $68原隻炸軟殼蟹，脆卜卜，好鮮美，仲有蟹膏添😍 咁嘅價錢真係好抵食❗️ 哩度既烏冬好出名，煙煙韌韌嘅烏冬，配上糖心蛋等配菜，用上好香濃既豆漿湯底，奶白色的，簡直一流，口感好清爽🤗✨日式煙三文魚凱撒沙律菜🥗 $50無諗過咁大碟，份量勁足，煙三文魚唔會太鹹，啖啖都係三文魚，沙律菜好新鮮，配上黑醋，酸酸地好開胃，夠晒健康🤗✨餐飲 免費跟餐（凍飲+$2）檸檬菜蜜味道啱啱好，唔會太甜，檸檬份量足夠😊食物✨✨✨✨✨環境✨✨✨✨✨衛生✨✨✨✨✨價錢✨✨✨✨✨🏠沖繩漁民食堂 (油麻地)油麻地新填地街143-151號俊逸豪園地舖…查看更多

去完廣華醫院上堂，同一大班朋友搵地方食飯之前Save咗呢間餐廳，專食日本烏冬🤤特別在有「卡邦尼烏冬系列」除咗烏冬之外，亦有多款丼飯選擇▶️ 蜜糖照燒雞扒烏冬Chicken steak udon ($64)照燒雞扒同烏冬分開上，以保留醬汁湯底奶白色，比一般鰹魚湯底鮮甜😋唔似味精湯，飲多幾啖都唔口渴 (反而似飲緊豆奶咁)有少許芝麻粒同香草調味烏冬麵比讚岐烏冬更粗身🍜入口非常Q彈煙靭又唔硬 (絕對唔係酸烏冬)同時好掛湯，好好食配埋少少海帶絲，冇咁單調半熟蛋冇特別調味，一般🥚兩片日本魚蛋質感麻麻哋🍥至於雞扒🐔份量比預期中足每條都好鮮嫩多汁，唔係雪藏雞蜜糖照燒醬汁甜甜地，但唔會過多👍🏻邊邊位仲有啲焦脆添▶️ 凍檸茶 Cold lemon tea (+$2)-食物好唔錯，看似平民但絕對有水準👍🏻烏冬質感真係好好食朋友叫嘅卡邦尼烏冬望落好正，醬汁比較稀但不缺芝士味🧀咁樣反而冇咁膩其他客人叫嘅丼飯都好吸引，全部大大份似模似樣，唔係啲頹飯look服務OK，上菜算快手環境可能迫少少🤏🏻食飯鐘數坐滿人然而我哋好好彩，七個人去唔使等好耐位性價比甚高，唔收+1，平均$70/人，份量夠飽相信呢度係唔少人嘅飯堂，非常值得一試❣️朋友都讚好介紹…查看更多

平日的夜晚正煩惱吃什麼，走著走著見到這家餐廳的menu，覺得不錯便進去坐下了我們每人叫了一個烏冬餐，每個烏冬拼1杯飲品卡邦尼蜜糖照燒雞扒烏冬卡邦尼漢堡扒烏冬兩個烏冬都很有驚喜除了是用西式的卡邦尼汁crossover日式的讚岐烏冬外，最surprise是餐廳在烏冬表面燒一燒，食到整個烏冬更香，有一種焗烏冬的感覺蜜糖燒雞扒&漢堡扒的味道都很不錯，下次會再試其他主食的！這家餐廳位於佐敦的內街，沒有誇張的裝潢，很容易會被錯過，但性價比很高呢！…查看更多

今時今日，好難搵到一間平嘅日本菜，點知今日就搵到啦呢間舖頭位於油麻地地鐵站附近，都算容易搵！雖然鋪面唔算好大呀，但真係好彩唔洗等位，拿拿聲醫肚先！🫣賣相係幾好架，不過我影得一般，同埋太香啦！令到我食左少少先記得影一坐低就叫左佢既招牌卡邦尼烏冬，七十幾蚊咋，D烏冬上面應該仲用火槍燒香左，好特別我仲叫左炸軟殼蟹，食落脆卜卜架，都只係五十幾蚊，係市區來講真係好平民價㗎！總括黎講，呢餐都好滿意，雖然唔貴，但係有水準…查看更多

喺繁忙嘅油麻地地鐵站出嚟，過幾條街，去到少人好多嘅新填地街，就見到呢間小店，位置唔算多，嚟到6點幾好彩唔洗排隊。menu有丼飯、烏冬、卡邦尼烏冬三樣野食，但配搭就有好多，牛肉雞扒軟殼蟹炸雞炸池魚乜都有，好多都想揀。最後叫咗慢煮日式薄牛柳烏冬 $65牛柳份量睇落好似唔算好多，不過食落都有十幾塊，好淋好軟熟全部烏冬都話係鰹魚湯底，一開始見佢咁白仲以為係豚骨吉列池魚烏冬 $62池魚有2舊，好脆，粉唔算厚，魚肉幾好食唔會又淋又霉，不過要點多多沙律醬仲好食。烏冬都幾彈牙炸軟殼蟹 $58$58有兩隻好抵，唔係一隻切開兩邊，係真係兩隻，不過個粉有少少厚送熱飲，可以叫檸蜜服務都唔錯…查看更多