江南味

江南镇江排骨菜饭（$55）配清汤小笼包（$29）镇江骨调味不错，酸甜味恰到好处。菜饭唔湿够干爽。一笼四件。小笼包质素很好，皮薄兼有弹性，唔易夹穿，咬开有少量汤汁，肉馅饱满。卤香肥肠刀削面（$55）配江南春卷（$10）肥肠有弹性，够𡁻头但唔韧，卤水味偏淡，无猪臭味。刀削面759货式，味道普遍。另外有试少炸粟米及炸薄脆。一条长春卷一开二，二条。春卷香脆，馅料全素，口感清爽。冰冻桂花乌梅茶，酸微微，入口好舒服，又十分开胃。萝卜丝酥（$40）一客三件。好食，好耐无食过咁高质嘅萝卜丝酥饼。超松化，唔油腻，萝卜丝软身微甜，饼底黐满芝麻，增加脆口，提升口感。推荐。午市无加一服务费。只收现金。PS：老板娘同熟客倾偈，强调唔系上海菜，系江南菜。…查看更多

昨日 18/01/2025 大约下午两点几去到尼间曾经报纸专栏介绍过噶江南食品专门食店度试菜. 只点左胡椒烧饼$25/2件, 皮就造得够酥嘞, 但个馅呢就辣得尼抢晒味蕾噶感觉,都食唔出D 馅系用乜嘢食材造,咸又唔晒,又带点涩味, 讲真,收尼个价,真系唔值得去食. 好, 我本着仁厚心情,俾多个机会佢, 唔想一棍就打瓜佢, 就再点多个牛肉煎饼, 这时说话同态度都有D掘噶女店员问我要唔要饮料,我见但有个手工自家造噶荳浆 $8/杯, 好,就尼一杯啰, 哈, 有少少惊喜, 荳浆系冰过噶, 饮左辣味太抢噶胡椒烧饼, 整杯冰过噶荳浆, 和番下个味蕾, 不过, 公平讲句,佢杯荳浆饮落系有回甘味,尼个我俾个Like佢. 到个牛肉烧饼$28 嘞, 唔知系佢自己造抑或系买番尼噶冷藏食物呀,D皮唔黐牙,但我食唔出系唔系牛肉,我用自带噶李锦记辣椒酱点住食,唔系味道重寡呀.尼间铺太细了,坐位唔够十个.整体尼讲, 我离座走出门口已将尼间铺忘得一干二净了, 因为唔值得我再去.…查看更多

路过揾地方唔觉意见到，未开舖，门口望下个menu都有啲料到咁，啲相不算太吸引，即刻查吓开饭，见到话小笼包好食，就梗系要试过先啦。转头晏昼四五点钟，正常应该冇乜人，佢又唔下场，入去滚搞下。𠮶头全部都舖头细细，不过成本效益应该几高嘅。呢期唔知系咪玩杯葛，间间都只收支记唔玩通记。因为通记收商家手续费，支记就收支付人手续费，总之就玩残客仔，去开𠮶头揾食准备充足现金为上。讲返嘢食，试唔到胡椒饼（！）佢叫食煎牛肉饼，又得啫，原本都系胡椒同牛肉饼二拣一，they read my mind!小笼包，再试埋生煎包（自己唔太好生煎，但姑且帮生煎粉朋友试埋）。之后见到有五指毛桃炖骨汤，完全开正我𠮶瓣🍲🍲。（佢个炸牛腩同羊腩煲都极吸引！）牛肉饼先上，正常地油+脆，脆得嚟都酥化，馅料足，份量合理。俾得落赞。放咗阵都仲keep到微温同酥脆🫔推介小笼包系即蒸，调味对我嚟讲偏浓，不过汤+肉都鲜，肉唔系最靓嘅，但唔会霉，有嚼劲，有手势。皮唔系我食开偏粉，系薄得嚟有少少爽靭，质感良好，汤好足。绝对唔失礼。味道系住家feel, 葱、肉味贴地。价格合宜。生煎包都唔弱，我食时以为会爆汁，佢又冇。欣赏佢肉、汁、包比例刚好，大小适中，煎嘅手势都出色。我自己放耐咗少少食觉得唔够热，但整体好味，而且抵食。炖汤望落料好似碎碎咁，但色水ok, 饮落足料。有几款够拣，要鸡汤有鸡汤，怕燥又可以饮骨汤。$40盅足料仲要有得拣👍🏾云吞鸡汤要订，不过望相就唔系街外gimmick𠮶种水乳交融feel嘅浓鸡汤（？）。下次有机会都想试一试师傅手势😊🍲🥰🥰🥰以街坊地埗嚟讲，呢个价位系超咗少少班了。以上四样嘅夹埋138冇加一。之前去试街尾另一间上海嘢,都hit过吓，唔差，但唔就脚+冇乜记忆点。斋论小笼包呢间江南店更有性格同质感。豆浆写住自家制。今次冇试。…查看更多

之前帮衬过几次，今日再去发现质素差咗好多。店员好无礼貌，问多两句就黑口黑面，又唔谂下间餐厅又嘈又窄，根本听唔到佢讲咩🤬。仲要揾个背脊对住人讲野，仲以为你把口生喺pat pat lol仲有明明嗌红烧狮子头，最后变咗红烧东坡肉😅，你自己听到一嚿嚿，仲好意思黑面🤷🏻‍♂️另外，出餐时间极慢，平日夜晚帮衬，等差唔多半个钟先有得食😅要好得闲先好帮衬。食物质素平平，价钱尚可接受。但系附近大角咀咁多好野食，真系完全唔需要黎呢度受气。啲人成日都话要支持小店，又话香港餐饮业难做，不如提升下服务态度先😅。 睇佢咁款应该都差唔多赚够🤣…查看更多

友人介绍呢间小店，我仲要系住大角咀，从来未去过呢间小店，估唔到间小店有惊喜。首先一去到，座位有啲迫，我哋一家三口加个朋友，朋友去到话啲嘢食嚟睇有啲慢，因为每一样都系要慢煮，我哋叫咗蟹粉捞面，生煎包，锅贴，小笼包，排骨担担面，梅菜扣肉包包，真心价钱唔算贵，小笼包即叫即包即整，虽然我等得耐，但系倾倾吓偈都唔觉。下次都会再去，嘢食都好好味，大角咀街坊都要应该去试吓，趁呢间店仲未有人讲，要快啲去食，如果唔系迟吓排队又冇得食㗎啦。…查看更多