江南味

江南鎮江排骨菜飯（$55）配清湯小籠包（$29）鎮江骨調味不錯，酸甜味恰到好處。菜飯唔濕夠乾爽。一籠四件。小籠包質素很好，皮薄兼有彈性，唔易夾穿，咬開有少量湯汁，肉餡飽滿。滷香肥腸刀削麵（$55）配江南春卷（$10）肥腸有彈性，夠𡁻頭但唔韌，滷水味偏淡，無豬臭味。刀削麵759貨式，味道普遍。另外有試少炸粟米及炸薄脆。一條長春卷一開二，二條。春卷香脆，餡料全素，口感清爽。冰凍桂花烏梅茶，酸微微，入口好舒服，又十分開胃。蘿蔔絲酥（$40）一客三件。好食，好耐無食過咁高質嘅蘿蔔絲酥餅。超鬆化，唔油膩，蘿蔔絲軟身微甜，餅底黐滿芝麻，增加脆口，提升口感。推薦。午市無加一服務費。只收現金。PS：老闆娘同熟客傾偈，強調唔係上海菜，係江南菜。…查看更多

昨日 18/01/2025 大約下午兩點幾去到尼間曾經報纸專欄介紹過噶江南食品專門食店度試菜. 只點左胡椒燒餅$25/2件, 皮就造得夠酥嘞, 但個餡呢就辣得尼搶晒味蕾噶感覺,都食唔出D 餡係用乜嘢食材造,咸又唔晒,又帶點澀味, 講真,收尼個價,真係唔值得去食. 好, 我本着仁厚心情,俾多個機會佢, 唔想一棍就打瓜佢, 就再點多個牛肉煎餅, 這時說話同態度都有D掘噶女店員問我要唔要飲料,我見但有個手工自家造噶荳漿 $8/杯, 好,就尼一杯囉, 哈, 有少少惊喜, 荳漿係冰過噶, 飲左辣味太搶噶胡椒燒餅, 整杯冰過噶荳漿, 和番下個味蕾, 不過, 公平講句,佢杯荳漿飲落係有回甘味,尼個我俾個Like佢. 到個牛肉燒餅$28 嘞, 唔知係佢自己造抑或係買番尼噶冷藏食物呀,D皮唔黐牙,但我食唔出係唔係牛肉,我用自帶噶李錦記辣椒醬點住食,唔係味道重寡呀.尼間鋪太細了,坐位唔夠十個.整體尼講, 我離座走出門口已將尼間鋪忘得一乾二淨了, 因為唔值得我再去.…查看更多

路過搵地方唔覺意見到，未開舖，門口望下個menu都有啲料到咁，啲相不算太吸引，即刻査吓開飯，見到話小籠包好食，就梗係要試過先啦。轉頭晏晝四五點鐘，正常應該冇乜人，佢又唔下場，入去滾搞下。嗰頭全部都舖頭細細，不過成本效益應該幾高嘅。呢期唔知係咪玩杯葛，間間都只收支記唔玩通記。因為通記收商家手續費，支記就收支付人手續費，總之就玩殘客仔，去開嗰頭搵食準備充足現金為上。講返嘢食，試唔到胡椒餅（！）佢叫食煎牛肉餅，又得啫，原本都係胡椒同牛肉餅二揀一，they read my mind!小籠包，再試埋生煎包（自己唔太好生煎，但姑且幫生煎粉朋友試埋）。之後見到有五指毛桃燉骨湯，完全開正我嗰瓣🍲🍲。（佢個炸牛腩同羊腩煲都極吸引！）牛肉餅先上，正常地油+脆，脆得嚟都酥化，餡料足，份量合理。俾得落讚。放咗陣都仲keep到微溫同酥脆🫔推介小籠包係即蒸，調味對我嚟講偏濃，不過湯+肉都鮮，肉唔係最靚嘅，但唔會霉，有嚼勁，有手勢。皮唔係我食開偏粉，係薄得嚟有少少爽靭，質感良好，湯好足。絕對唔失禮。味道係住家feel, 葱、肉味貼地。價格合宜。生煎包都唔弱，我食時以為會爆汁，佢又冇。欣賞佢肉、汁、包比例剛好，大小適中，煎嘅手勢都出色。我自己放耐咗少少食覺得唔夠熱，但整體好味，而且抵食。燉湯望落料好似碎碎咁，但色水ok, 飲落足料。有幾款夠揀，要雞湯有雞湯，怕燥又可以飲骨湯。$40盅足料仲要有得揀👍🏾雲吞雞湯要訂，不過望相就唔係街外gimmick嗰種水乳交融feel嘅濃雞湯（？）。下次有機會都想試一試師傅手勢😊🍲🥰🥰🥰以街坊地埗嚟講，呢個價位係超咗少少班了。以上四樣嘅夾埋138冇加一。之前去試街尾另一間上海嘢,都hit過吓，唔差，但唔就腳+冇乜記憶點。齋論小籠包呢間江南店更有性格同質感。豆漿寫住自家製。今次冇試。…查看更多

之前幫襯過幾次，今日再去發現質素差咗好多。店員好無禮貌，問多兩句就黑口黑面，又唔諗下間餐廳又嘈又窄，根本聽唔到佢講咩🤬。仲要搵個背脊對住人講野，仲以為你把口生喺pat pat lol仲有明明嗌紅燒獅子頭，最後變咗紅燒東坡肉😅，你自己聽到一嚿嚿，仲好意思黑面🤷🏻‍♂️另外，出餐時間極慢，平日夜晚幫襯，等差唔多半個鐘先有得食😅要好得閒先好幫襯。食物質素平平，價錢尚可接受。但係附近大角咀咁多好野食，真係完全唔需要黎呢度受氣。啲人成日都話要支持小店，又話香港餐飲業難做，不如提升下服務態度先😅。 睇佢咁款應該都差唔多賺夠🤣…查看更多

友人介紹呢間小店，我仲要係住大角咀，從來未去過呢間小店，估唔到間小店有驚喜。首先一去到，座位有啲迫，我哋一家三口加個朋友，朋友去到話啲嘢食嚟睇有啲慢，因為每一樣都係要慢煮，我哋叫咗蟹粉撈麵，生煎包，鍋貼，小籠包，排骨擔擔麵，梅菜扣肉包包，真心價錢唔算貴，小籠包即叫即包即整，雖然我等得耐，但係傾傾吓偈都唔覺。下次都會再去，嘢食都好好味，大角咀街坊都要應該去試吓，趁呢間店仲未有人講，要快啲去食，如果唔係遲吓排隊又冇得食㗎啦。…查看更多

🇭🇰江南味·呢間我哋之前禮拜六日經過見到勁多人排隊 所以就搵咗一日去食 果然真係幾好食😋·清湯小籠包$29 l 江南鎮江排骨菜飯$55 l 菜肉雲吞上海幼麵$55佢個小籠包好好味 佢個皮真係好薄 晶瑩剔透 你望住佢都知道入邊超多湯 食落勁滿足🤤🤤之後佢個排骨都係炆到入晒味 肉質好好🐷菜肉雲吞都唔錯 好大粒 而且佢個擔擔麵好惹味 啲幼麵都好掛湯 係幾正宗既上海小店😎·📍大角咀櫸樹街2號富多來商場第一期地下3A號舖…查看更多

之前生日飯 食過呢間小小商舖真心唔錯所以今次朋友生日我再黎過今次我地左豬扒擔擔麵走花生醬*因怕太溜朋友叫左麻辣牛𦟌上海幼麵套戲追加左兩籠小籠包野飲 豆漿+樽裝烏龍茶小食叫左 鍋貼+鹽水鴨+蘿蔔絲蘇+麻辣肥腸叫完等上菜最終成枱都係 超級滿足即刻手機食先真心推介小籠包同蘿蔔絲蘇 熱食 真心好食好易比其他客叫晒鹽水鴨 - 算係比較大碟 - 食落有軟骨 - 唔錯鍋貼 可以 - 會爆汁麻辣肥腸對比下相對失色因叫得比較多野食 老闆都唔會限時呢個就係大機構同小商舖分別呢間舖頭我係一定會回頭 下次再見…查看更多

吓啊，今次去咗一間叫江南味嘅地方，簡直係美食嘅小寶庫嚟！🍲首先，啲生煎鍋貼真係爆煎得啱啱好，表面嘅酥脆同內裏嗰股韌嫩嘅感覺簡直交織到完美！肉饀滿滿，啖啖肉味，咬落去嗰陣“咘啾”嘅聲嚦，正宗！再講清湯小籠包，呢個係我個人嘅最愛。皮薄得嚟，得嗒得嗒嘅豬肉汁都包得緊緊地，真係有手藝！佢哋啲獅子球菜飯都幾有驚喜，個肉球大同有肉味，係咁滑咁嫩，餓咗一日嚟嘅我瞬間就飽晒。😋講到莱肉雲吞米粉，我就覺得間間都有得整，但係佢哋個湯底味道馳啱馳味，豬肉同菜嘅比例攪得好，清新唔膩口。特式豬扒肉燥菜飯嘅豬扒，外脆內嫩，就算係平凡嘅一餐都可以食得好滿足！🐷啊，講到尾，啲自製豆漿絕對係必喝嘅！幾樽都唔嬲，香濃得滯，一啖流到心底，仲要冇豆渣，滑到不得了，飲完之後整個人都覺得清爽！無論點樣，江南味給我嘅感覺就係平民價格，卻有賓至如歸嘅享受，食物滿分，味道又正。下次過嚟大角咀，一定要再次開饗佢哋嘅手藝！🥢…查看更多

$60一碟江南雞脾菜飯比較細碟，女仔也不夠飽所謂的「飯餐」就係跟一杯豆漿但係豆漿完全冇豆味，飲落似糖溝水，超級甜菜飯味道不是差的，只是性價比很低另外鋪內環境不理想，鋪面很細但勉強放多枱椅，坐得好迫…查看更多

朋友帶我來這家小店。老闆娘很熱情，也很喜歡聊天。點了兩個碟頭飯，排骨和扣肉都很入味。聽說蟹黃小籠包很好吃，也點來嚐下，未想到小籠包真的好讚，汁多味美，熱氣騰騰！臨走還打包了2份雞翅。小店也能吃到超滿足…查看更多

今日天氣好熱，同個friend出街食，又唔想周圍行，於是响佢屋企附近搵到一間江南味，佢話都未食過想試下。呢間係小店，座位唔多同埋有啲迫，我哋早到唔使等位，但係都要坐近門口嗰張枱(因為係最後一張吉枱😅)。餐牌食物選擇唔多，但價錢非常實惠，我哋點咗幾款小食同一款主食試下。飯餐：特色豬扒肉燥飯 $60.-豬扒炸得金黃香脆，肉質軟腍，肉燥唔算多但味道幾好，菜飯軟熟唔會太濕，撈埋肉燥一齊食幾好食。清湯小籠包(跟餐加$28.-)包皮做得幾薄，但咬落質感有啲奇怪，唔似用全麵粉做，湯汁充足味道唔錯，餡料冇乜肉香味而且質感比較鬆散。豆漿(餐飲)有豆香味，凍凍地幾好飲。生煎鍋貼 $35.-一碟有4大隻鍋貼，煎得非常乾身香口，餡料飽滿，同樣肉質比較鬆散內味淡。蘿蔔絲酥 $40.-一碟有3件，外層炸得乾身，口感非常酥脆，蘿蔔絲餡清甜多汁，比起好多茶樓做得更出色👍。胡椒燒餅 $45.-一碟有4件，外層烤得焦香，胡椒味勁香濃，但餡料混有梅菜，整體味道其實👌，但個人偏愛全肉。…查看更多

大隻仔今次覓食嘅店舖就係💥 江南味 💥 大隻仔喺OpenRice見呢間餐廳0負評已經想食好耐，上次嚟餐廳休息，今日睇完戲專登過嚟食晚飯。不負所望，餐廳價錢平，質素高，尤其是蘿蔔絲酥餅超高水準，值得推介。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 特色豬扒肉燥飯+豆漿 $55炸豬扒有少少肥膏，肉唔死實，炸漿夠薄身，炸出嚟嘅豬扒外脆內軟，而且豬扒夠入味，至少用調味醃過一日。如果要挑剔嘅話，就係逼油功夫一般，炸豬扒有少少油膩。肉燥菜飯味道好好，撈飯一流。豆漿偏甜，唔太夠冰凍。🔥 江南鎮江排骨菜飯+豆漿 $50鎮江排骨冇雪味，肉夠腍，紅燒汁夠多，甜甜地，好好味，撈飯一流。😋😋🔥 +2件 江南春卷 $10一條長春卷切開2件，炸春卷皮好脆但比較油膩，逼油功夫麻麻地。春卷餡內蔬菜夠新鮮。🔥 +4件 上海小籠包 $25小籠包賣相精緻，用上四方木蒸盒裝住。外皮超級薄但比較乾身，薄到可以見到入面湯汁，係高質嘅小籠包。要挑剔嘅地方係雖然小籠包餡料調味好好但食得出係用冰鮮絞肉，而且附送嘅鎮江醋，薑絲切得太粗了。🔥 3件 蘿蔔絲酥餅 $40超級厲害既蘿蔔絲酥餅，光睇酥餅外層，好似藝術品一樣，一層層整整齊齊，製作技巧十分之高。咬一啖蘿蔔絲酥餅十分鬆脆，外皮夠薄，入面蘿蔔絲夠多，調味好好又冇生蘿蔔澀味。蘿蔔絲酥餅唔油膩，逼油功夫一流，不過所用嘅炸油有咁上下歷史，炸出嚟嘅食物比較深色。大隻仔超級推薦蘿蔔絲酥餅。🔥 4件 古法生煎菜肉包 $35古法生煎包做法係用菜肉包煎香兩面至金黃色，餡料好重酒味蓋過豬肉味。食後評語：每樣食物醃製時間夠長，都好入味，調味唔馬虎。小店形式，地方比較狹窄，服務周到，仲提供紙巾。呢個價錢，又高質素，絕對超值。…查看更多

大角嘴近期多咗好多好嘢食，今次又俾我搵到間隱世小店👍🏻👍🏻👍🏻夜晚8點黎到都坐到full哂，好彩5分鐘就有位了，夏天最怕等位等到出哂汗🙈間舖真係唔大，坐得都算迫😗不過估唔到佢咁細間舖都有得手機落單，出色😂等左10分鐘左右食物就嚟啦～個人覺得套餐都幾抵食$4x有小食有飯仲有自家製豆漿，食物水準仲要高質，晚餐黎講真係抵到爛啦😂😂個人最欣賞佢所有食物都係熱辣辣，夠哂新鮮依間絕對會再黎，為左蘿蔔絲酥同炸豬排專登黎食都值啊！~~…查看更多

🥟生煎鍋貼 $35鍋貼外皮煎到脆卜卜但唔會太硬脆得嚟都食到麵包煙韌軟糯嘅口感豬肉內餡多汁飽滿 要開麵皮就已經“咘啾”商務套餐 $75🥄清湯小籠包（4件）自己喺屋企都試過整小籠包 知道有一定嘅難度小籠包包皮薄得嚟唔容易穿 可以緊緊包住裏面嘅肉汁豬肉餡同樣多汁飽滿🦁️獅子球菜飯呢款睇落比較輕盈但其實都幾飽肚有兩粒差唔多半個拳頭大嘅獅子球醬汁唔係常見嘅紅燒 反而係偏淺黃色稠啲嘅菜飯都真材實料 有大約一碗滿嘅飯混合好多蔬菜粒粒商務套餐 $75🥄清湯小籠包（4件）🐽莱肉雲吞米粉愛辣所以就嗌咗個小辣淺嚐雲吞內餡係白菜混合豬肉🍚客飯套餐 $55特式豬扒肉燥菜飯豬扒外皮炸得酥脆 雖然偏薄但肉質都幾嫩肉燥份量適中唔會令菜飯變得過份軟爛🍜容飯套餐 $50🥬韭菜雲吞上海粗麵雲吞內餡係韭菜混合豬肉感覺同菜肉雲吞比豬肉比例比較少 所以韭菜味更突出麵條賣相似米線但質地更滑帶點軟糯呢款就嗌咗清湯 可以飲到清甜嘅豬骨湯底呢款就嗌咗清湯🥛自製豆漿以上每款套餐都附上一杯自製豆漿唔好睇佢普普通通 我哋一致認為係呢餐嘅No.1🏅️豆漿質地香濃絲滑 飲到陣陣豆香味 有微微甜味又好夠天然最緊要係味道平衡到又唔會有豆渣影響口感絕對係我飲過最最最出色嘅凍豆漿！…查看更多

滷香肥腸上海幼麵雞翼擔擔麵清湯小籠包胡椒燒餅滷香肥腸上海幼麵d肥腸份量比較小😂😂未能夠試到好唔好味，但洗得乾淨嘅，無異味。雞翼擔擔麵d雞翼炸得幾好味，外層有油炸香味，內層又多汁，最重要喺雞翼大大隻又飽滿。清湯小籠包都唔錯，皮薄，包湯夠香。胡椒燒餅就有d失望🤦🏻‍♂️🤦🏻‍♂️個包無咩汁水，同埋可能我食唔慣個包皮。…查看更多