民豐粉麵行

营业中

休息中

今日4點幾諗住去豆子嘆3D咖啡，去到門口見到重要等位，所以最後都係放棄左~ 突然醒起民豐嘅韮菜餅，於是就轉戰民豐~ 韮菜餅人龍只需等兩個人就買到，香噴噴，比完錢立刻試食， 大大塊韮菜餅，外皮脆卜卜，內涵勁多韮菜少肉，咬下去足跡住韮菜香味，完全合晒我口味。雖然外皮有一點厚，但都無阻外皮嘅香脆口感，香氣呼呼，又脆卜卜，好快就消滅左一大個韮菜餅落肚~ 下次一定要試埋煎餃子先得~

繼續荃灣之行。吃過下午茶以後我其實還未飽，亂逛亂撞之下就來到了民豐。買東西的人還不少。本應買盒菜肉雲吞回家孝敬兩老的。可是之後還有地方去只好作罷。即煎的韮菜餅好像很好吃，但我最後決定吃茶粿。眉豆茶粿大家吃得多，蘿蔔茶粿就真是第一次見。買了個邊走邊吃，皮很軟，裡面的蘿蔔絲就像蘿蔔絲酥餅裡面那些，清清地又有少少鹹鹹地，更有一點蘿蔔的汁液，原來挺特別的。

今年的端午節在此間店舖買了綠豆蛋黃肉粽＄２４，五香肉粽＄２０各一隻，用棉繩包紮的粽，可能是正宗的上海粽子，但吃不出粽葉的香味，實實的糯米、蛋黃及豬肉，沒有肥肉的油脂如吃雞肋，始終都是廣東式用鹹水草（禾旱草）、竹葉紮成的咸肉粽至好吃！               　　　　　　　　　　　　　　　　　　　　　　　　　 數個月後的中午買了煎韭菜餅＄９，回家拿上手亦非常的燙手，但咬下去是皮很厚，而韭菜肉碎也非常的多，濃烈的韭菜及肉碎非常的香，由於是用高熱油煎的，吃完可以是一碟燒味飯的份量，正！                      　　　　　　　　　　　　　　　　　　 　　　　　　　　　　　　　　　　　　　　　　 １３年１０月２１日（一）在漁川米線吃完抵食又美味的西式飯後，到德華公園休息一下看鯉魚，心想買甚麼菜回家吃哩？一時左右行到民豐粉麵行，中午也有很多人來購買，排隊買了一盒菜肉水餃（細）＄２３／１５隻，一盒冬菇菜肉雲吞（細）＄２６／１５隻。   再問收銀的阿姐煮的時間，她說水滾後將急凍的水餃放入水內，不用下油，水餃約脹大後加些少凍水再煮５分鐘左右，孤星再問隔離陳記潮州粉麵的辣椒油是否很辣

5-10-2013(Sat)朝早,去銀行整啲o野,順便買啲家品回程返屋企時,諗起不如o係o度買芝麻糯米糍畀爸爸食,於是行過o黎睇,見到只有花生味一款,而茶粿就只有眉豆饀,爸爸就兩樣都唔食得,不過,都買花生糯米糍畀佢食啦,我就買o左兩樣都係$4.00一個o既一樣一個.返到屋企打開,嗅到好香糯米味,但感覺好似細件o左.我叫爸爸食花生糯米糍,不過由於我o地都飽,唔食住.到夜晚,爸爸就食o左佢o個件,至於我o個個眉豆茶粿,因為我仍然係飽,所以都唔食住,就咁放過夜.到6-10-2013(Sun)朝起身後,決定食o左佢,o係秋涼o既天氣下,佢冇變壞到,只係凍冰冰啫.食落,糯米皮煙韌無比,內裡o既眉豆饀夠腍同香甜,食完後,糯米味仍留o係口腔內,的確唔錯. 不過如果服務再好返啲就perfect.

仍記得小時候嚐過一次堂嫂親手泡製的鹹湯丸，當時對於放有蝦米、肉絲、紹菜的鹹湯丸，那份自出娘胎未有過的新鮮感，叫我印象深刻，但可惜後來卻彷彿跟鹹湯丸絕了緣一樣。一次在閱讀民豐的食評，恰巧給我看到了鹹湯丸，於是將民豐一直牢牢地掛於心上。趁著當晚到荃灣晚膳的機會，不忘將焦點對準民豐的鹹湯丸。像我那樣的女人仔，民豐定能滿足自家製產品的渴求與好奇。自家製的麵條、茶粿、粽子等，簡直愈看愈愛，甚而愛不釋手。一看牆上的價目表，原來還有我喜愛的各式雲吞、水餃，還有湯丸。看到熟客在櫃台前排隊購買自家製的雲吞和水餃，某些預製的已賣光，顧客得等候在櫃台後，一班姐姐的即時包製，其歡迎程度可見一斑。終於輪到我了，老公和我決定選購一盒冬菇菜肉水餃，和一盒包含芝麻與麻蓉混合的鴛鴦湯丸。當然不會遺忘我的焦點 — 鹹湯丸，不過漂亮的老闆娘稱要即時包製。坐在店舖內，以一張摺檯為工作台的姐姐，憑著一雙熟練的巧手，兩三下便將粉糰搓好，然後將搓成條狀的粉糰掐成小粒狀，跟著在中心預留一個小洞，再把餡料包上，從四周的粉糰填補缺口，這樣一粒鹹湯丸便誕生了。不用多久，八粒白白胖胖的鹹湯丸便告完成。承蒙老闆娘與姐姐的指導，水餃和鹹甜湯丸回

最鐘意食菜肉雲吞既我, 已幫襯了民豐6年, 最初是朋友介紹的, 千里迢迢由旺角入荃灣買來試過後就愛上了. 每逢去開荃灣, 都會順道買盒雲吞及湯丸回家.  最近一次再買, 時間是晚上7點半, 無人龍即刻走入去買, 因為試過買餸時間, 過時過節係排長龍.   因為開始寫食評, 所以有留意店鋪狀況, 原來是家族親戚同心經營的, 負責包雲吞的收銀的......雲呑依舊新鮮即叫即包, 今次買我致愛既冬菇菜肉雲吞(大盒30只 $51), 菜肉雲吞(細盒15只$23), 花生湯丸(約30粒 $25).   等待期間同收銀姐姐閒談, 原來一年只休息3天, 就是新年, 其餘都晚晚開店至晚上9點幾10點.講番雲呑, 出面多數只買到菜肉雲吞, 好少有加冬菇, 所以我喜歡, 雖然唔係我追求既菜多過肉比例, 這裏是菜同肉好平均比例, 但佢既味道夠又有東菇味, 而且係即包, 所以減少了冬菇變酸壞既機會(因為冬菇在熱天好易變酸叔), 重點係雲吞皮出自他們自家廠房, 好薄好滑, 每隻雲吞都大大隻. 而湯丸係上海寧波湯丸細細粒, 但好多餡, 又唔太甜, 湯丸皮好煙un.  GOOD!! GOOD!! 仲有其他餡料選擇,

上山前買些糧草，在荃灣最好當然是買糯米滋，又平又夠飽肚﹗估不到下午兩點幾鐘店舖內人流非常之少，今次可以慢慢看，終於見到糯米滋的三款口味了，分別是豆沙﹑芝麻，還有我喜歡的花生。等收錢期間又聞到一陣陣的油蔥香，啊...很多韭菜餅在STAND BY呢，忍不住買來吃。 上到山不久先行解決它們，免得凍了會不好吃。韭油餅$9這些小吃都知道會是油物，不過這餅的油份實在比預期多好多﹑好多呢，除了紙袋變了油紙袋外，連包裝的膠裝都戴有些餘油...餅身非常之薄，但餡料多到爆出來，除了韭菜還有碎豬肉及油，韭菜的香味除了是聞得到之外，吃入口都是感覺勁之濃郁呢。不過我喜歡吃餅多過餡的，所以這個試過一次就可以了。不用多介紹花生糯米滋$4了吧，它一直以來都有不少支持者呢，喜歡吃它的人都知道它是如何好吃：糯米皮厚而富煙韌，花生餡的花生有大有小，有齊兩重口感，加入砂糖撈起，又香又甜又好吃。每次我都要吃兩個才心足﹗下次我會試豆沙糯米滋，聽友人說不錯呢。

呢間野由細食到大，由媽咪買返屋企到自己成日走去買返屋企比家人食。對呢間野幾乎係有讚冇彈，冬菇菜肉雲呑係最愛，料足皮薄！煮完都唔使點落調味料都好夠味。舖頭賣既其他非即食類既麵都好正！

荃灣區內，一直人氣高企的這店，各種出品均是現場即做，從水餃到麵食，還有蔥油餅、韭菜餃等，當然少不了我所愛的糍！這次決定將三口味都買回家，分別是豆沙、黑芝麻以及花生餡料。豆沙糯米糍。它大概是最愛歡迎的——若過了晚上六、七時還遇到，是你走運了！基本上每次路經想一試豆沙餡也摸一鼻子灰。豆沙餡是紅豆泥，不單甜度適中，即或豆泥也是顆粒分明而又軟滑合度！此外，大大一顆糯米糍，外皮煙靭，不算太厚，加上外層以粉包圍，口感層出不窮！黑芝麻糯米糍。我嗜甜得很，因此這芝麻加砂糖正合我意！不像一般芝麻餡加上豬油使其呈液態，這芝麻餡只有大量黑芝麻粉末，其粉狀極幼細，實在令人口不停！（註：吃時得小心細嚼，不然或會嗆到！）花生糯米糍。小時候很喜歡花生餡角仔，現在不用待新年也可一嚐那花生餡！餡括花生碎、砂糖；花生經烤烘再磨碎，加上糖，口感脆卜卜的，跟外層的糯米糍皮相映成趣，不錯！總的而言，四塊一隻大大的糯米糍實在划算非常！小吃必選！——說實在，也算不上小吃；吃兩個已可免了晚餐！

職員態度惡劣，佢叫我等一等，但是之後卻先服務遲來的客人。同佢講係我先到，佢就話自己只負責賣粽，唔理我，真是無禮貌。其後另一人買其他東西，佢又肯賣！太差！實在對呢間商店十分失望！

12-5-2013 (Sun)同男友o係添記買完第一轉餸後,就可o黎呢o度買生餃子返去煮,我o地o黎到見到有條人龍,係排隊買生水餃或雲吞o既.我就排隊啦,唔….要韭菜肉餃啦,而由於$23.00細o既都有15粒,於是買盒細o既.買完走人,返到屋企打開睇睇,隻隻都包得好靚,又大又飽滿,我o地又等時間過,男友話蒸唔放湯煮,好的.蒸o左15分鐘就食得.男友自己加o左啲麻油落去,食落,韭菜味濃郁,餡仍有汁,豬肉唔太多,鹹淡亦適中,不過可能係蒸,所以又厚又滑o既皮只有麵粉味.但唔知點解,爸爸唔食餃子,唔通驚有蝦?服務:條人龍係由煎o野o個邊排起,而因地方淺窄,男友又拎住一大袋o野,男友就話佢o係出面等我.亞姐聽到都話係呀,唔使咁多人排.我想講,如果佢o地真係為客人安全,就應該叫客人由另一邊排起,因為就算我男友唔一齊排,後面都依然有人o黎呢.其他:排隊時見好似有糯米糍,諗住買完水餃之後至買,點知行返出o黎係冇,係唔知咩o野芝麻糕o個啲.

難得來到荃灣一次，自不能錯過"荃灣名物"之一的民豐水餃！在友人的帶領下，糊里糊塗的就來到名店的門口，霎時被店內外店外的人潮嚇到！並非什麼特別時段的午後四點多，店內竟然塞滿選貨人潮選定了想試一試此店的水餃，我跟著龍尾排隊，忙碌到超級煩燥的店員竟然說我不可以走近她的工作"地盤"，不讓我過去排隊…上海菜肉水餃($25 十五隻)好不容易到我付錢買貨，但店員竟然說水餃存貨已經去掉，要等後邊工場包起…如此即買即包、如此新鮮的水餃，我還真是第一次遇到…回家後打開盒子，每顆水餃都包得相當飽滿漂亮，每一顆都能站立起來像個金元寶！水餃的外皮軟糯，口感厚實；餃子餡的菜肉比例約為四比六，白菜爽口，絞肉鮮甜，相當好吃！充滿家庭風味的手工水餃，真的是那些什麼xx碼頭水餃望塵莫及的！真希望這家店開在我家附近凍豆漿離走前加點了一枝凍豆漿，豆漿夠凍，豆味足，特別欣賞它不會甜，不錯！

補完習，靈機一動，打算買一點湯圓放在家裡，看什麼時候想吃都好。晚上的時間沒什麼人，不像下午都大排長龍。在超級市場也有看過民豐粉麵行的湯圓，一直沒有機會吃，直到今天。可以選芝麻，花生， 麻蓉，豆沙，還有鮮肉。我買了個雙併，芝麻和花生。自己加了一點自家的薑蜜煮，皮煮完完全沒有破，一顆顆很完整。芝麻湯圓甜度和外皮厚薄都剛剛好，但內餡卻沒有爆漿的效果，有一點點的失望。花生湯圓比芝麻的香，甜度言一點，但味道十分配合，下一次可能會要一盒全是花生的。

13-4-2013(六)是日早上十一時多，仍在熟夢中的我被家中的門鈴聲吵醒了，原來是老朋友 CK 前來，他想在明天將返回慕尼黑前給我一個驚喜啊。嘩！他還買了一大堆食物前來，其中有「民豐」的冬菇菜肉雲吞。♪♩♯ ～輕輕笑聲在為我送溫暖，你為我注入快樂強電。。。 ～♪♩♯眾所周知，「民豐」是一間多年的荃灣老店，專售賣麵粉、雲吞、水餃、湯圓等自家出品，每天都會有很多顧客在門外排隊等候購買，極受荃灣街坊的歡迎，也能吸引區外的人士來「朝聖」。多年來，其實。。。我只是聞其名，也會經常路過此店，但，從沒吃過其出產的食品！好！既然是日有朋自遠方來，還帶來聞店的冬菇菜肉雲吞，我的睡意立刻全消，走往廚房煮下數粒來試試吧！雲吞一盒共有十五隻，拿起一隻在手中，外皮確實很薄透，真的很有上海老家的風味。約十分鐘後，雲吞已煮熟透了。我們急不及待吃下一口，不得了， 果然皮薄餡靚，比起太子「美味餃子店」所售賣的更好吃，它有肉鮮、冬菇味道適中、皮也很煙韌，味道確實不錯。很多店鋪，為了令菜肉雲吞做到又軟又香的效果，會在餡料中加入大量的肥肉，但「民豐」卻相反地把肥肉的比例下降， 因為它有見地，因知道若在出色的冬菇和薄皮的情況

同事推介帶隊黎食下午茶！黎到人山人海！！好多人係到睇佢唔同既食物佢原來有好多賀年食品呀，餃子呀湯圓可以買走我地今次就想食佢即煎既韮菜餅同埋煎餃！韮菜餅大大個好圓好靚拎上手好有份量個人覺得可以煎焦Ｄ會正Ｄ拎左去Ｍ記坐低慢慢食一切開，見到好多油湧出黎！！知道一定係唔健康，但係真係好吸引佢既韮菜係滿滿既！好足料一切落去都感覺到有幾脆！！佢個皮其實好厚，可能有朋友會唔鐘意但我就覺得厚得黎幾正架佢韮菜夠多，所以皮厚Ｄ都唔覺得有問題反而食到佢煎得到外面好脆，入面又軟！韮菜味唔太濃，同個餅好夾仲要一咬係熱辣辣有油有韮菜湧出黎好香口，一啖一啖好滿足好可惜今次佢賣哂煎餃食完餅再去睇都冇出惟有下次啦