民豐粉麵行

营业中

休息中

荃灣民豐大家一d都唔陌生^_^平時經過拿會買黑芝麻糯米糍～今日買咗好幾年未買過嘅～眉豆鹹茶棵，皮依然軟糯，但點解而家係（甜味）嘅？？係幾年無食過唔同咗，定我記錯了。我覺得甜係怪怪的，但係都幾好食既

一直很喜歡民豐的包點糯米糍，因為在荃灣工作，有時放工都會去買點美味的回家跟家人分享~ 有次跟同事提起民豐，她說它的鹹湯丸十分出色，不能錯過，聽她這樣說，令小妹心癢癢的，很想試試呀!!!某天放工後，立刻飛奔到民豐買盒鹹湯丸呀~~ 可能鹹湯丸比較少人買，所以要稍等一會，等姐姐即席包鹹湯丸，這樣更好!!回家立刻叫一家之煮放湯煮煮看~一盒八顆的鹹湯丸，很大粒~~ 因為小妹稍一不慎把盒子反了，所以鹹湯丸才走位穿了~~有食過民豐的餃子、湯丸就知很出色，而這個鹹湯丸就集合了二者的優點!! 湯丸皮煙韌軟滑，豬肉白菜餡兒豐富，調味適中，真的非常美味呀!! 只要食過一次就會愛上它!! 難怪同事會熱烈推介啦~

來到荃灣，不得不到民豐粉麵行。民豐這類店舖真的買少見少，所售食品林林總總，從各種乾麵、生餃子、生湯圓，到即食的韮菜餅、茶菓、包點，都一應俱全，貨真價實，難怪總客如輪轉。這裏最有名的是韮菜餅，可惜我不愛吃韮菜，就要了糯米糍和茶菓。糯米糍皮很薄，包裹着超多芝麻餡，並沒誇張， 一切開，烘香磨碎的芝麻就如火山爆發般傾湧而出。糯米糍皮十分軟滑，芝麻餡極香濃，混入砂糖，帶沙沙的質感，偏甜少許。豆沙茶菓 (被我吃掉半個) 外層沒糯米糍那麼軟，卻煙韌得多，欲斷難斷，裹着香滑而甜度適中的豆沙餡，是我的最愛。眉豆茶菓外層與豆沙茶菓一樣，只是包藏的是微鹹軟滑的眉豆蓉，都不錯。三樣傳統小食，各$4而已，值得一試。

食飽餡餅同燒賣不過豬仔始終要買埋出名嘅花生糯米先會滿足糯米糍|$4 又幾大粒添喎而且一拎上手已經感受到糯米糍外皮透薄軟綿綿嘅質感放入口糍糍口感果然十分柔軟輕盈❄彷彿入口即溶而且用料慷慨花生碎亦粒粒分明名符其實皮薄餡多連平時少選花生餡料嘅豬仔都火速愛上因為實在太好味，不顧一切堅持買多幾粒，俾個藉口自己試食埋其餘兩隻味Umum原來黑芝麻味都十分正嫁下次再嚟荃灣要再食過呀

知道今日會入荃灣睇戲為食豬立即鎖定左要去試民豐嘅餡餅同糯米糍😋韭菜豬肉餡餅| $11果然好受歡迎，見前面啲人幾個幾個咁買走豬仔當然唔可以執輸啦餡餅熱辣辣，一啖咬落去，充滿着韭菜同豬肉嘅油香外皮略厚，但仍保持脆度餡餅幾大個，而且餡料好足，自隊一個會超飽肚 Btw 呢度啲#燒賣 好鬼好食

上禮拜六去細舅父屋企食晚飯，就順便商量下禮拜日放假有冇咩地方想去想食啦，佢就突然提起話之前佢喺荃灣開工嘅時候有時候會黎哩間買野食的，我之前成日經過哩條街，都完全唔知哩間鋪，今日又放工經過，就加入人龍啦~ 條龍排咩嘅呢。。。到我喇，哦，原來係賣【韭菜豬肉餅】的，就要兩個吧，啊，可能我講得唔係咁清楚，阿姐聽錯咗，俾咗一個我，10蚊再見了 openrice嘅食友話哩個餅好好食的，仲有一個話係神級的。。。呵呵。。。就試下啦，咬啖先。。。再咬。。。嗯。。。其實好一般姐，以一個皮黎講算唔錯了，薄薄的，但塊皮同餡之間就緊咗啲喇，少少虛位都冇，口感就實咗啲囉，見到有人攞九龍城【清真牛肉館】嘅牛肉餅黎同哩間嘅比較真係有見地，【清真館】牛肉餅嘅口感就冇哩間咁實喇，唔駛好似佢咁多汁，但哩塊餅就真係乾咗啲囉，如果可以加少少汁，或者加少少雞蛋，又或者加啲軟硬度啱啱好嘅粉絲，口感就好得多了，以一塊餅黎講，宜家就差好多喇。。。 好彩買咗一個姐，俾少10蚊然後就再排另外一條隊，哩條應該係排茶果同糯米糍等等的，茶果留返下次，我今日唔想食咁多，就要花生糯米糍啦，4蚊再見喇~ 試試先，咬咬。。。哩啲先係糯米糍嘛，仲記得長洲

神級水餃雲吞即叫即包，皮薄餡靚，用料新鮮。 湯丸都好好味，韭菜豬肉餅必定要試。 絕對冇誇張吹水，雖然要排隊等好耐，但係都值得。 佢哋嘅水餃雲吞，更加是火鍋必備，包你食過翻尋味！😍😋👍

<等一生都等的民豐>要食好野總要付出代價，周日到荃灣食完刀削麵，想買水餃到老友家作客打邊爐，於是來民豐排隊。這兒逢星期六日皆出現長長的人龍，小店迫爆。個個也為餃子湯丸而來，除了餃子也有不同的麵食蒸包，更有即煎的外賣小吃，既然要排成半粒鐘，當然試試。「韭菜豬肉餅」是這兒的外賣小食名物，餡料滿滿的，那朕韭菜及肉甜香正宗繞樑三日，即煎脆卜卜無得彈，$10一大件﹐建議兩人分享一個免吃膩。(買小吃唔洗排隊架！) 外賣即包水餃$28有15隻，以此美味新鮮真抵絕全港，只見十來個阿姐不停包包包包包，咁多人買點會唔新鮮。這夜邊爐試了韭菜水餃及香菇鮮肉雲吞，餃皮煙韌肉鮮，朋友們吃過也覺得驚為天人，排上半小時也值得，買多幾盒放在家儲糧必備。要說這兒的服務員姐姐需忙到不可開交，但不失禮貌耐性，仲提我回家餃子要放冰箱保鮮，真值得一讚。湯丸作送禮，等老友試完同報告味道如何。FB: smallsmallsmalllin

今日本來諗住去民豐食韮菜餅，點知12點幾去到見到無。之前都試過嚟到無韮菜餅，呀姐話下晝先有，所以今次諗住嚟到都12點幾，有啦掛，結果都係無，失望咗。咁我就問個呀姐幾點有啦，佢竟然唔理我。我等佢serve完個客再問多一次「呀姐，請問幾點會有韮菜餅呀？」，佢竟然夠膽死重係唔望我唔應我。心諗，你死喇你，我絕對會打食評話比人知你既服務態度好到尼個程度😤。同時係度買嘢既兩位太太因為不滿佢催促決定要乜嘢所以直接鬧佢。心諗真係鬧得好。之後我諗住問第二個呀姐，但係佢好忙，我諗住等到佢搞掂幾單生意先出聲問，點知等既時候有另一個呀姐行出嚟，問我想要咩，我就問佢幾點會有韮菜餅。佢答我「點半」。我聽唔清楚，問「六點半？」佢就即刻扯火話「點半！」。X～心諗咩事個個都食咗炸藥咁架。咁算啦，我肚餓，唔想等一點半，亦都唔想比尼班呀嬸覺得我咁有誠意係度等佢地個餅，所以我退而求其次，記得其他食家話粢飯即叫既整又好食就要個粢飯。點知粢飯結果係預先整定既，成舊攞上手軟林林，好似無用過力包咁。再望，連條油炸鬼都包唔住。。咬咗好幾啖，都重未到餡，飯又無乜味，真係食到我成肚氣！油炸鬼就當然唔脆啦，早知佢地唔係即叫即包就去豆腐主義食

今日放工之後剛好要到荃灣做小小事一家之煮說，很想念民豐的包點知道，小的就去買！先買燒賣，只要買回家，放進電飯煲番熱一下就可以食~民豐的燒賣很好食，不會粉粉的，雖未至於有魚味，但非常彈牙，好味！也買了冬菇菜肉包，也是回家蒸蒸才食餡和包的比例剛好，最喜歡它的冬菇及菜很多，食起來不會很膩買包包的時候聞到很香的韮菜味，是即煎的韮菜餅及韮菜餃子所以又各買了一份，想回家跟一家之煮分享可惜，如意算盤打不響Lu... 突然收到電話要返公司加班...晩飯要遲食了...拿拿臨返公司，開工前先填飽肚子吧！韮菜餅很好味！菜比肉的份量多，外皮煎得香脆之餘很煙韌，但嫌皮太厚及太油膩~食一個已經很飽Lu~~煎餃子一早已分了給同事，他們都說好味呀！還好有這個救命韮菜餅，要不，真的會餓死啦^

朋友力薦下,買了個即煎韮菜餅試下。熱辣辣,外層香酥煙韌,應是用了麵粉加澄粉,所以要趁熱食,一凍會變得硬、實。一口咬下,香酥的外層下包着滿滿的韮菜及一些豬肉碎,韮菜味濃,咬開時肉汁亦隨之流出,所以吃時請預備紙巾一張~據友人說,此餅極之受歡迎,黃昏時份已賣清。估唔到民豐除左糯米糍、湯圓出色外,韮菜餅都一流!

兩老不知哪來的雅興，聽了飲食節目的介紹之後，竟然大老遠跑了半個香港，去民豐買了些茶粿回來當第二天的早餐。（他們既可以拍拖，的又有得食，一舉兩得不錯喔！）據知他們買了兩款茶粿．一款是鹹的眉豆。但似乎跟以前吃到的有點不同，豆蓉色澤帶紅，味道鹹鹹地又甜甜地，幾過癮。另一款是正常的豆沙。粿皮軟糯，豆沙香甜，大件又抵食。

星期天到荃灣拜山, 回程之際經荃灣市中心午餐, 記起上星期聽收音機節目介紹過附近有間十分有名嘅街頭小食店, 但去到見到一間”粉麵行”! 門口的左邊一旁是即煎韮菜餅, 而中間則放住好多盒, 放滿不同品種的茶粿, 不斷的補貨, 而裡面似乎是賣粉麵, 我們只是買咗:花生糯米糍 & 眉荳茶粿 , 感覺是眉荳茶粿的皮似乎太黐手或者牙, 未能一咬就斷開, 內面嘅餡則比較奇怪,話就話係眉荳茶粿但有唔少紅荳混合在內! 按道理眉荳唔會貴過紅荳好多啫, 點解要混荳呢? 同時餡料無落芝麻, 原本唔落芝麻效果好唔同, 真的不能少看那小小嘅”芝麻”哬! 但如果單講這”眉荳茶粿”自己個人感覺這個還未能同大澳的”眉荳茶粿”一較高下, 因為大澳那間只做茶粿做得比較專是正常的, 花生糯米糍的而且確餡料超多, 第一感覺好多砂糖下喎! 花生的香則是跟住才出來, 由於外賣回家吃及早已聽聞過”皮簿餡多”早已放定隻碟在底,吃起來不致太狼狽, 總括上味道是正常的, 希望下次有緣能再次試其他出品吧!

    位於荃灣街市街附近民豐,開業多年,一提呢間舖,腦海除左人頭湧湧畫面外,就係門面擺滿美食!!!    呢個所謂"接近神級的韮菜豬肉餅"($10),可能有少少誇張,但我相信除左"唯一麵家"韮菜饀餅(同類對手)可以配敵,同埋九龍城清真牛肉館(類似對手)可以一較高下外,坊間幾乎無店能及!!(有的話,其他食家請指教!!!)由民豐姐姐手上接過來,幾乎熱到辣親(不是誇大!)一咬開真係要小心熨口!!外皮脆但又不失應有咬口同麵粉香,韮菜粒和豬肉粒比例大概7:3,熱度十足,外脆內軟,唯一雞蛋中挑骨頭既批評就係油左少少,但好食要有取捨吧!!

民豐在荃灣非常出名，人龍經常久久不散。白菜豬肉水餃及韮菜豬肉餃以紅色盒子裝著，古早味濃。餃子隻隻飽滿，不過店家為免餃子黏在一起，下了很多麵粉，令在煮餃子的時候有多餘麵粉黏在餃子上，白色一點一點的。餃子皮的摺口較厚，不過充滿麵粉香。餡料純天然味道，菜餡很香，好吃得很。韮菜比白菜濃味，愛重口味的會喜歡。這種本土小店越來越可貴，有得吃的時候要把握。