民聲冰室

对于大西北嘅人尼讲，大坑真系好远，难得尼到，终于可以一试民声冰室嘅肉饼山。去到见到铺面好细好窄，出面都有人排队，好在上菜快同客人食得都快，所以等左无耐就入得。入到去当然系试最出名嘅咸蛋蒸肉饼，另外都叫左手撕鸡同朋友SHARE一齐食。一上菜，同上网睇过嘅相一样，高高嘅肉饼山，开头睇觉得好大份好抵食，但食食下好快食哂，我谂份量可能同一般蒸肉饼差不多，只不过系推高咗。肉饼方面肉质真系好松软，配上豉油好香，入口后亦都好多肉汁，唔会觉得肥腻，搭饭真系一流。置于手撕鸡，就感觉不过不失，没有太大特别之处。…查看更多

我一直对茶餐厅都冇乜兴趣，所以就算知道民声系街知巷闻既良心店都冇特别去试，同埋又比较少去大坑🙈𠮶日去报名参加虎豹别墅导赏团，所以经过顺便试下, 本来想食既𠮶款午餐售罄，所以叫左虾仁炒蛋同一杯奶茶。奶茶质感唔算浓厚，但系茶味悠香，几好饮👍🏻滑蛋虾仁，劲好食，滑蛋超级滑，生熟岩岩好，虾弹牙爽口！我应该会为咗个滑蛋🤭特登去大坑再食👍🏻老板仲好Nice咁，服务好好，席间仲问我啲嘢O唔OK，香港一般茶餐厅应该冇呢啲服务。十分赞！…查看更多

大坑，老实讲，真系第一次去。呢间茶记嘅蒸肉饼，都可以话系大坑必食之一，虽然知道好耐，但一直都无帮衬，今日终于撞啱时间，就去试试。星期六下午一点半去到，店内只有一家四口，仲有大把位。午餐：咸蛋蒸肉饼（$58）一睇卖相，就知唔系一般蒸肉饼，系肉饼塔。望落好似好大堆头，但其实份量无想像中咁多，同一般肉饼嘅size相约。虽然佢卖相同坊间好唔同，但味道其实分别不大。肉饼质地偏腍，肉质唔嚡，食落唔算太肥腻（肉饼中间有少量碎骨，咬嘅时候要小心）。粒咸蛋好软好粉，但唔咸。豉油觉得甜咗啲。白饭份量偏细碗。食后感：唔系唔好食，但唔觉得吹嘘到好劲咁啰。顺道经过+唔使等的话，一试无妨，但专登走嚟食，就唔多值了。PS：店内空间唔大，约十个位，多数会系店外露天下开枱加位。…查看更多

一路都有听过民声冰室肉饼山有几特别，但可能期望好高，现实同想像中有好大出入。首先舖头真系好细而且污糟，过胶餐牌已经甩哂胶同埋布满油渍，加埋整体空间好细，夏天去真系好辛苦。肉饼山黎到个“山”真系得啖笑，只系比市面既高少少而已，绝对唔系山，食落系正常肉饼既调味而且都冇咩猪肉口感。其实街边新鲜整起3𩠌饭都完全食到一样既口感。另外仲叫左猪扒饭，黎到后猪扒系酸既，同佢反映左之后转其他食物，之后因为舖头细，完全听到哂厨房既人切开块猪扒试，仲话系㖞点解酸。大佬，而家既天气食材储存不当就当然会酸，仲要咁大声讨论，发生咩事？有咩咁值得去食呢其实。…查看更多

肉饼林得嚟 唔腻🤤只咸蛋鬼死咁香 出哂油啲豉油甜甜地 好夹个白饭食咗一半先记得影相外卖自取好抵食$58个lunchLunch时间好快爆满，快啲过嚟排队食前后左右啲舖头好有人情味老板娘继续喺门口坐镇…查看更多