民聲冰室

睇到好多人推介民聲冰室嘅肉餅山，今日入大坑試下，鋪頭得 3-4 張枱，可以選擇坐室外，不過天氣太熱，公眾假期下2點左右，都係選擇等室內枱，等咗10分鐘就有位，上菜都好快。午餐11:30-15:00，公眾假期飲品要正價，無優惠價加配。叫咗出名嘅肉餅山同客家鹽焗手撕雞，凍檸茶少冰少甜 同 凍奶茶少冰少甜。肉餅山，真係名不虛傳，好好食，鹹蛋黃係起莎質地，肉餅肥瘦適中，唔鞋口，亦唔會覺得好膩好鹹，呈山型，肉餅都可以蒸得受熱均勻，唔會入面唔熟而出面太熟，配蔥花 甜醬油，好適合送飯。客家鹽焗手撕雞，雞肉一絲絲，質地好幼滑，唔太食到鹽焗味，味道係有陣麻油香同芫荽香味。份量唔算好多，不過兩個人食，份量剛剛好。凍檸茶少冰少甜 同 凍奶茶少冰少甜，凍檸茶好解渴，少甜之後，味道剛剛好，有種飲緊檸檬冰茶嘅感覺，好清新同涼快，茶底本身都係凍，而唔係室溫茶底，就咁加冰嗰種。凍奶茶中規中矩。老闆好好人，好親民又有禮貌，我地走嗰陣仲多謝我地支持，埋單又收整數，收平幾蚊，已經好少餐廳有呢種人情味。…查看更多

一直想試鹹蛋肉餅山所以慕名而來🥰黎到係閒日既午餐時間☀️ 鋪位只有幾張枱而且好多藍領工人食飯 所以環境麻麻地🌝室內位置嘅人食煙都會飄到店內 打算快快食個肉餅飯 結果都係比較失望 不須特登黎試呢😅⭐️ 鹹蛋蒸肉餅 🍳肉餅冇乜口感咬落去比較粉 🥩肥肉份量比較多🥓 鹹蛋味道亦融入唔到肉餅入邊🥚 整到菜甜豉油調味有點過鹹⭐️ 客家鹽焗手撕雞 🐔試埋另一道名物🏅️ 手撕雞肉份量算不少 主要靠芝麻及麻油調味🍴同想像中嘅鹽焗雞有出入 嫩滑程度一般 雞皮偏多整體份量都係比較肥🍗⭐️ 凍奶茶 🧋茶味不夠濃但係入口好滑 ☕️奶嘅比例多咗少少🍼…查看更多

大坑有間好出名既冰室，幾十年歷史深受街坊歡迎👏🏻。推介大家一定要試下佢地既肉餅山🥰。—————————————————📍鹹蛋蒸肉餅 (7/10)出曬名既肉餅山🐷斜埋一邊，就由富士山⛰變成比薩斜塔。肉餅肥瘦比例好平衡，堆成一座山蒸都唔會覺得好鞋或者油，但係裏面依然保持肉質嫩滑，入口即化🥰！肉餅本身既味道比較淡，就係靠山頂既鹹蛋黃🥚帶返個鹹味，配埋甜豉油將個肉餅帶上另一個層次🆙。一勺肉餅加鹹蛋，撈埋白飯🍚好好食😆。📍客家鹽焗手撕雞 (8/10)手撕雞撈埋芝麻同麻油好香，唔知師傅👨🏻‍🍳係咪對山🗻有咩情意結🎀，將手撕雞堆到好高。雞肉🐓份量好多，肉質柔嫩唔肥膩。雞肉味幾香濃，配埋芝麻同麻油好惹味，令人食指大動😍。…查看更多

好多年無去大坑食好西，想當年仲見到陳奕迅響度開飯，個招牌肉餅山真係一試難忘！鹹蛋蒸肉餅 $56 雖然都係肉餅山，但好似縮左水，唔知係咪午市價錢平啲所以份量都少啲。不過個蒸肉餅依然好食，個甜豉油係精粹，餸飯一流！客家鹽焗手撕雞 $59 都放到好似一座山咁，個底係連少少肉既骨。雞肉幾嫩，鹹之中有麻油香味，都係餸飯之選。.以上為午市飯餐價位，平過晚市，加$2有熱飲，$5有凍飲。但留意番，星期六日及公眾假期飲品係原價。…查看更多

由細細個讀書，由佢一間大坑做到筲箕灣開分店，食到依加出黎工作，變番一間，仍然覺得滋味。屹立多年，大坑都好出名，橙色裝修。小店只能容納約12人，不過keep住有人走有人入。🚙揸車去，泊門口老闆可以幫手睇👀✨味道85分，環境69分，服務75分。.🔸鹹蛋蒸肉餅($56)⭐️⭐️每次黎都必嗌！！！鮮豬肉碎疊高，頂端放鹹蛋黃去蒸，形成肉餅山，肥瘦平均，中心keep到肉汁，肉味濃郁，香口之餘，仲好鬆軟，配上佢豉油，更顯鮮甜。.🔸金鈎梅菜蒸勝瓜($53)⭐️勝瓜夠嫩，整得鮮甜，蒸得夠稔，唔會食到老左既絲，撈埋梅菜會有啲太鹹，要配多啲飯食。.🔸客家鹽焗手撕雞($59)⭐️手撕雞好嫩滑，好入味，滿佈麻香味。.🔸茄子炆牛肉茄子好入味，份量多，牛肉片幾彈牙，相對較鹹。…查看更多

呢一間係我絕對私心推介俾大家嘅餐廳，老闆作為同路人非常之好客💛。身為人氣長龍店，食物水準都相當有保證👍🏻，吸引唔少街坊同埋街外人都遠道嚟幫襯。鹹蛋蒸肉餅 $55呢個肉餅齋睇外型就知道好吸引，即使整到成座山🏔咁高，裏面都唔會唔熟，而且口感好均勻，裏裏外外嘅肉🐷都岩岩好。配上成粒乒乓波咁嘅鹹蛋黃🥚同埋秘製嘅甜豉油，又係一個送飯之選。客家鹽焗手撕雞 $58雞肉🐔調味適中，鹹味唔會過火，肉質都好嫩滑，加埋個人喜愛嘅芫荽碎同勁重麻油香味🤤，超級送飯。順帶一提，個飯🍚煲得啱啱好，粒粒分明，唔會太乾或者太爛。既然我將我嘅私心推介都送上俾大家，咁大家一定要嚟好好懲罰下佢🤗。…查看更多

就算五一黃金週已經完結，任何時候都要繼續支持黃店。今晚到大坑一趟，本來想去「前座飯堂」飯聚，但由於人太多，唯有改去另一黃店「民聲冰室」。「民聲冰室」門口貼有米豬連認證，同時有參與良心飯券運動，手足有經濟需要可在此吃飯，收據之後貼在門口，由路過的家長找數，絕對是一個良心小店！來到「民聲冰室」，當然要試最出名的蒸肉餅。當我們猶疑再吃什麼時，老闆即熱情推介手撕雞，大讚非常好吃！鹹蛋蒸肉餅（$88）果然名不虛傳！手刴肉餅非常稔，但口感絕不覺爛！加上秘製甜豉油，送飯一流！客家鹽焗手撕雞（$88）老闆果然沒介紹錯，同樣是堆到塔形的手撕雞，每一絲都勁滑溜，雞味香濃！最後，想一讚老闆為人熱情友善，難怪人人都讚大坑這小區充滿人情味。…查看更多

近排係銅鑼灣返工，中午嘅時候，同事帶我去試係大坑好出名既民聲冰室。我哋大約12:15到，等左十分鐘就得入。鋪位入面唔大，得四五張枱，座位唔算多。所以建議中午時間要早少少到，預時間等位。中午的話，一個餐包餸, 飯同飲品，呢一區黎講，價錢都算抵。叫左黎呢度一定要食嘅鹹蛋肉餅飯，再加個手撕雞。鹹蛋蒸肉餅($50)建議加少少鹹蛋同豉油擺落肉餅伴飯食， 淡淡的鹹蛋香伴飯，令人食指大動。客家鹽焗手撕雞($68)手撕雞用左芝麻同芫茜，所以唔好芫茜嘅朋友就唔建議叫。 手撕雞略嫌有點鹹，味道較重，會適合伴飯多啲。民聲的飯份量比較細，如果唔夠食的話，可以加六蚊要多碗。…查看更多