民聲冰室

對於大西北嘅人尼講，大坑真係好遠，難得尼到，終於可以一試民聲冰室嘅肉餅山。去到見到鋪面好細好窄，出面都有人排隊，好在上菜快同客人食得都快，所以等左無耐就入得。入到去當然係試最出名嘅鹹蛋蒸肉餅，另外都叫左手撕雞同朋友SHARE一齊食。一上菜，同上網睇過嘅相一樣，高高嘅肉餅山，開頭睇覺得好大份好抵食，但食食下好快食哂，我諗份量可能同一般蒸肉餅差不多，只不過係推高咗。肉餅方面肉質真係好鬆軟，配上豉油好香，入口後亦都好多肉汁，唔會覺得肥膩，搭飯真係一流。置於手撕雞，就感覺不過不失，沒有太大特別之處。…查看更多

我一直對茶餐廳都冇乜興趣，所以就算知道民聲係街知巷聞既良心店都冇特別去試，同埋又比較少去大坑🙈嗰日去報名參加虎豹別墅導賞團，所以經過順便試下, 本來想食既嗰款午餐售罄，所以叫左蝦仁炒蛋同一杯奶茶。奶茶質感唔算濃厚，但係茶味悠香，幾好飲👍🏻滑蛋蝦仁，勁好食，滑蛋超級滑，生熟岩岩好，蝦彈牙爽口！我應該會為咗個滑蛋🤭特登去大坑再食👍🏻老闆仲好Nice咁，服務好好，席間仲問我啲嘢O唔OK，香港一般茶餐廳應該冇呢啲服務。十分讚！…查看更多

大坑，老實講，真係第一次去。呢間茶記嘅蒸肉餅，都可以話係大坑必食之一，雖然知道好耐，但一直都無幫襯，今日終於撞啱時間，就去試試。星期六下午一點半去到，店內只有一家四口，仲有大把位。午餐：鹹蛋蒸肉餅（$58）一睇賣相，就知唔係一般蒸肉餅，係肉餅塔。望落好似好大堆頭，但其實份量無想像中咁多，同一般肉餅嘅size相約。雖然佢賣相同坊間好唔同，但味道其實分別不大。肉餅質地偏腍，肉質唔嚡，食落唔算太肥膩（肉餅中間有少量碎骨，咬嘅時候要小心）。粒鹹蛋好軟好粉，但唔咸。豉油覺得甜咗啲。白飯份量偏細碗。食後感：唔係唔好食，但唔覺得吹噓到好勁咁囉。順道經過+唔使等的話，一試無妨，但專登走嚟食，就唔多值了。PS：店內空間唔大，約十個位，多數會係店外露天下開枱加位。…查看更多

一路都有聽過民聲冰室肉餅山有幾特別，但可能期望好高，現實同想像中有好大出入。首先舖頭真係好細而且污糟，過膠餐牌已經甩哂膠同埋佈滿油漬，加埋整體空間好細，夏天去真係好辛苦。肉餅山黎到個“山”真係得啖笑，只係比市面既高少少而已，絕對唔係山，食落係正常肉餅既調味而且都冇咩豬肉口感。其實街邊新鮮整起3餸飯都完全食到一樣既口感。另外仲叫左豬扒飯，黎到後豬扒係酸既，同佢反映左之後轉其他食物，之後因為舖頭細，完全聽到哂廚房既人切開塊豬扒試，仲話係喎點解酸。大佬，而家既天氣食材儲存不當就當然會酸，仲要咁大聲討論，發生咩事？有咩咁值得去食呢其實。…查看更多

肉餅林得嚟 唔膩🤤隻鹹蛋鬼死咁香 出哂油啲豉油甜甜地 好夾個白飯食咗一半先記得影相外賣自取好抵食$58個lunchLunch時間好快爆滿，快啲過嚟排隊食前後左右啲舖頭好有人情味老闆娘繼續喺門口坐鎮…查看更多

身為肉餅愛好者,我覺得肉餅山絕對係一個值得一試嘅好地方。佢哋呢度嘅肉餅肉質好鬆軟,又多汁,完全唔會肥膩,真係天下無敵。無論係單獨食還是配飯食,都好滿足,連帶帶出飯都意外咁好食。肉餅呢樣經典小菜,佢哋終於將它完美詮釋,可以話係肉餅界嘅巔峰。推薦大家一定要試吓,相信一口咬落去,定能體會到肉餅嘅無窮魅力。會令你大呼過癮,食完之後仲意猶未盡。…查看更多

黎到大坑唔知食咩好 就揀咗呢間出名食肉餅飯✨鹹蛋蒸肉餅飯 $58人地出名肉餅飯 肉餅配埋個豉油係好香 好啱送飯但我覺得個鹹蛋更出色😍😍本身我好鍾意食鹹蛋 呢個係漏晒油嗰啲好正✨客家鹽焗手撕雞 $65個雞幾滑溜 又夠入味😋 好香麻油同埋啲芝麻味 總括黎講味道好好👍🏻 抵食 不過室內得好少位 我地要坐室外 食食下都幾熱😥😥味道❤️❤️❤️❤️抵食❤️❤️❤️❤️💔服務❤️❤️❤️環境❤️❤️💔💰午餐人均～$62 （唔洗+1）…查看更多

記得六七年前朋友帶我食過一次，之後久唔久都會諗起想去食，今次帶埋個朋友去試佢個肉餅山，個肉餅好實淨，一夾就知同出面嘅好唔同，唔會一夾就散，另外咬落去個肉味都好重，都係超級好味。…查看更多

咪話哩咖，今次去食非華麗但又得意到爆嘅肉餅山同芝麻手撕雞啦！肉餅山嚟到，先係賣相就攞晒分，肉餅卜卜脆，鹹蛋黃霸氣掛頂，啖啖肉香🤤，細細啖咬落，鹹香得嚟騷卜卜口感噏晒味，豉油汁嘅香甜，真係送飯一流。再講吓個芝麻手撕雞，真係唔好睇佢普通，雞肉撕嘅絲絲分明，滑溜溜得嚟又唔柴，簡單嘅麻油芝麻味，係咁淡但又啱晒口👌，唔洗太複雜，原來咁就已經好夠晒開心呀！講到飲品部分，凍檸茶解渴之選，凍奶茶就幾順滑，一杯得嘅清涼，一杯得嘅甘香，無一漏網。整體嚟講，個食驚喜真係唔少，舒服嘅食物、簡單嘅幸福，呢間餐廳呢個經驗正到爆💥，記得帶住大肚食，一試愛上！…查看更多

{民聲冰室 - $300}好朋友搬左去大坑，去探下佢發現原來佢正正住民聲冰室樓上，真係久違了的味道，還記得第一次食佢地嘅鹹蛋蒸肉山同埋蟹膏蒸水蛋！真係令人回味！好可惜朋友唔食蛋嘅😅我地今次叫左客家鹽焗手撕雞、雞油炒豆苗、椒鹽豬扒！雖然份量有點精緻但兩個人食總算剛剛好！鹽焗雞咸香美味，炒豆苗鮮嫰可口，椒鹽豬扒就略嫌有點柴，但味道都好好！不過整體食物質素都好唔錯！最重要係就算坐街邊都可以靜靜地咁同朋友吹水吹成晚，慢慢食傾下近況！美味程度：😋😋😋😋環境指數：🎇🎇🎇番食機會：🦍🦍🦍🦍📍 #民聲冰室 (大坑)大坑浣紗街16號地舖…查看更多

🎄聖誕節假期約咗冇見一排嘅朋友，相約咗去食本地啲嘅餐廳！揀咗好想試好耐而喺大坑區內好出名嘅民聲，以小菜敍舊！🍽 鹹蛋蒸肉餅 😋😋😋😋😋嚟到當然要試佢哋嘅招牌「肉餅山」啦！😎 肉餅口感好嫩滑，冇任何膻味；鹹蛋好靚，鹹香味道恰如其分！☺️ 甜豉油係精髓之一，令肉餅食落好鮮甜，蔥粒亦提升香味再加分！👏🏻🍽 豆豉鯪魚油麥菜 😋😋😋😋豆豉鯪魚唔會剪到好細碎，油麥菜爽口，帶有蒜香🧄同豆豉味！晚餐 💵💵 約港幣$100/人💁🏻‍♀️ 小編同朋友加咗一碗白飯🍚share食，兩個女生嚟講，兩餸一飯作為晚飯飽肚又滿足！😚 店內外座位十幾個～ 雖然廚房水吧得一人負責，但出餐都幾快手！好有香港地道風味！🙆🏻‍♀️ 最後，喜歡嘅話，歡迎follow @foodirectory.hk！…查看更多

【 大坑•遠近馳名肉餅山🌋】民聲冰室📍浣紗街16號地舖👅6/10🐖鹹蛋蒸肉餅相傳係老闆自創肉餅山，將豬肉垂直疊高再蒸熟！點解成個IG都話好正，又話彈牙必食乜乜乜🦭點知肉餅冇乜口感咬落去比較粉，傳說中既神級甜豉油過鹹🌋係咪我唔好彩🥹叉燒韮黃炒蛋飯幾好味😋有住家餸feel#jengfoodguide_大坑 -#大坑 #大坑美食 #銅鑼灣 #銅鑼灣美食 #民聲冰室 #hkfoodie #港島 #港島美食 #taihang …查看更多

民聲冰室喺大坑小有名氣，提供令人回味無窮正宗港式地道食物，餐廳面積唔係好大，最多只有四五張枱可以俾你坐，所以一般都要排隊等位，不過價錢非常親民，而且食到港式中菜風味🤤今次我哋專登試咗佢哋嘅招牌菜，一試難忘🤫😗鹹蛋蒸肉餅 $58招牌菜之一，肉餅一上碟真係整到一座山咁樣⛰️😂外層挺身，肉餅打到軟林林，咬落去軟熟鮮嫩多汁而且有埋個豉油撈落去啲肉餅度送飯一流🍚 ，配埋個鹹蛋簡直冇得頂 🥚 客家鹽焗手撕雞 $65🐔食落去質地柔軟，食落去麻油味都幾重，充滿芝麻所以食落去好香口，調味恰到好處🤤…查看更多

今日嚟到大坑，係附近返工嘅朋友帶我去間街坊餐廳，我朋友話帶我去食「肉餅山」舖位細細，座位數量唔係好多，去到滿座，等左一陣好快有得食鹹蛋蒸肉餅鹹蛋肉餅係民聲冰室嘅招牌之一，果然冇令我失望，亦係老闆自創既菜式，將免治豬肉垂直疊高再蒸熟，肉餅山一到即刻打個卡先，鹹蛋肉餅香氣四溢，座肉餅山都幾挺身，冇塌到落嚟，肉餅鬆化，肉味濃郁，內部鮮嫩多汁，都幾彈牙，加上鹹蛋配上甜豉油，送飯一流，平時唔係好食飯嘅我可以清哂成碗飯😍📍民聲冰室大坑浣紗街16號地舖…查看更多

成餐飯，叫左3個餸，2個白飯，一杯凍檸茶。餐廳環境冇嘢好講。第1個餸。手撕雞。隻碟底有大約20隻生勾勾嘅螞蟻。（當時職員一知道，即刻成碟手撕雞到咗落垃圾桶，影唔切相）第2個餸。肉餅山。一上枱已經有隻死埋黐住喺個肉餅上面。啲肉係霉嘅。第三個餸。蒜蓉炒油麥菜，直接有條頭髮係菜入面，隻碟入面都有死咗嘅螞蟻。白飯兩碗。其中一碗，一筆出嚟已經有一隻死咗嘅飛蟲喺碗飯入面，（另一碗見到以上所有情況已經冇胃口食，唔肯定令一碗飯入面有冇其他問題）凍檸茶：真係黐線！連杯凍檸茶個底都污糟到咁！講真！收咁嘅價錢！先唔好講味道！起碼廚房衛生正常少少！三個餸兩碗白飯加杯凍檸茶！冇一樣嘢係正常！非常污糟！好心呢啲咁嘅餐廳唔好繼續做！唔好食死人出事！除咗碟手撕雞，職員手快快倒落垃圾桶影唔到相。全部證據係相片上。真係唔好再幫襯啲咁污糟嘅餐廳！！！PS:除咗有20隻生勾勾嘅手撕雞即時通知職員。其他所有有問題嘅餸菜飲品白飯。我直接放低碗筷即時埋單，所以完全唔存在任何諗住拎餐廳任何着數嘅嘢！純粹普通客人身份！依間餐廳好垃圾好污糟！！…查看更多