段純貞牛肉麵XChatime (MOKO新世紀廣場)

营业中

休息中

冇啲人講到咁差 去叫咗個牛五花麵 麵底超級無敵闊 食落都幾香 牛本身都唔錯幾香 湯底帶少少辣味同埋香料味幾好唔錯 都似喺台灣食過嘅一樣 另外叫咗杯珍珠奶茶茶底都幾香滑 珍珠煙韌

門口reception服務態度非常之差！門口諮詢，唔答人！睇餐牌叫你行開d！要求攞餐具，扮聽唔到，仲話我地冇出聲。明明已經出聲要求咗！作為一間公司既門面係咁？垃圾！

段純貞己經係三訪了 不過之前一路唔知原來Moko同灣仔分店仲有日出茶太台式飲品 真係一站式帶你由食物到飲品都去左台灣三星蔥肉鍋餅 呢款完全係我喺台灣食過嘅味道 肉碎帶點黑椒味 外脆內腍古早台灣腸 食親台灣嘢都必定要點慢煮口水雞 因為係慢煮關係 肉質非常鮮嫩 而且無骨方便進食滷水拼盤 種類豐富 有牛肚 牛展 滷蛋 豆腐 鮮菌D材料吸收哂滷汁 好好食 青花椒香手撕雞拌麵微辣椒香同青葱味道好夾 加上雞絲同幼麵條 惹味十足紅棗黃酒雞酒味為主 配料仲有紅棗 杞子 滋補養生鹽酥雞 炸粉薄而脆 唔會太鹹新鮮豚肉鍋貼 外皮先煎過 每隻都好飽滿紅燒腱心半筋半肉牛肉麵 牛肉份量多 第一次試寬面 開頭仲驚質地會唔會過厚 點知廚師又做到薄身有咬口既感覺 所以特別掛汁😋芋頭特調 巨量芋泥 每啖都係大滿足 茉香綠茶 茶味突出 佢地既飲品 冰度 甜度均可以自由選擇 絕對唔洗驚會太甜整體水準依然保持得好好 同埋真係要讚下佢哋員工嘅服務態度 真係100分 好細心👍

80幾蚊一碟口水雞份量真係好少應該得一隻雞髀左右但味道好食嘅面頭嘅花生芝麻辣椒醬完全帶出雞肉嘅鮮美如果大份dd就好啦酥炸排骨麵都幾好食但下次會食細麵扁麵會多少少粉團嘅gan jue q

第一次去呢一間舖頭食牛肉麵，一個order等咗成25分鐘都未有得食，你都仲要碗嘢啲面又唔硬啲湯又鹹牛肉又少唔會再嚟囉！仲有最後收錢仲要收加加一，明明已經係自己手機落單，點解仲要可以收+1，我覺得好唔合理，叫啲侍應幫我追吓之後都係冇人返嚟覆我究竟係唔係幫我做緊，總之下次唔會再去，一間咁大嘅舖頭係唔係應該改變下？至少都零嗰個客人覺得有人幫佢跟進張單唔係淨係自己就咁落咗單就唔理個客㗎係咪啊？雖然新開，但係真係要改變下囉

天氣好熱，喺MOKO揀咗間有珍珠奶茶嘅台式餐廳食晚餐🥵選擇唔算好多,星期日晚七點去到有幾樣想食同飲嘅野都售罄😢牛肉麵賣相幾吸引👍🏻牛肉半生熟狀態咬落唔會乾食落仲幾滑幾香湯底偏鹹少少但香料味幾重,飲左幾啖😹手作面超級闊😋口感偏硬,幾好食,超想散買麵底返屋企煮😂拌麵個人就覺得冇咩特別🙈蒜香味唔係好出,手撕雞份量亦唔係好多奶香較出,但都唔錯~另外加咗布甸同珍珠,布甸蛋味好香,珍珠亦超級煙韌👍🏻

紅燒腱心半筋半肉牛肉麵配上少冰少甜珍奶。那牛肉非常腍，一點也不黐牙，但我就略嫌牛味唔多夠。不過，佢肉同筋的份量都頗多的，絕對係食肉獸的福音（可惜我唔太係），但起碼無令我覺得佢孤寒先。手工麵肥過同厚過我嘅身體，但係我BUY，我鍾意呢個質地，但係食下食下，越發越鹹，仲鹹過電台個DＪ阮子健。終於明白點解佢有個加五蚊加大飲品的選項，我真係好後悔呀。講起飲品，那紙飲管的玩法，令我起初拮不穿那片膠，奶茶滲下滲下咁滲出封膠面，感覺有點噁心。呢間舖會播下台灣歌，我都忍唔住諗起一首《爆開》。舉手，張開口，將湯羮放入個口。別講笑，粒腎爆開了，讓我爆開了，血壓上雲霄。（我作個陣隻鴨都未爆）雖然，我連粒腎都唔見左，我仲諗緊會唔會回頭再試其他野。然後，空氣中流著巨肺GEM的《泡沫》，那絲遲疑即成泡影，忍得住佢嘅鹹，忘不了佢選歌的劣。純貞，我地無咩機會再見了。

之前食過一次念念不忘今次叫咗一個招牌麻辣牛肉湯麵叫咗一個慢煮口水雞冷麵而且真係一分錢一分貨麻辣牛肉湯麵嘅湯底非常之濃郁，麻辣味道又唔會搶晒牛肉嘅味道非常嫩口，麵質亦都非常之彈牙，想講口水雞冷麵是值得讚因為佢個慢煮口水雞呢係真係非常之滑溜，非常之嫩口！非常之入味！非常之好食！配合埋冷麵一齊食，絕對係一流的享受再加埋一杯抹香奶綠呢個台式餐真係非常之圓滿，係睇得出佢哋十分之有心思，所以有咁多間分店又咁出名係的而且確有原因

🔹旺角//段純貞X日出茶太🔹人均約$152🔹▫️紅燒腱心半筋半肉牛肉麵 $88幾好食，湯底同出面食有少少唔同，都幾重花椒味！▪️蒜香手撕雞乾拌麵 $78我覺得都幾好食，手撕雞份量幾多，雞幾嫩滑，唔係鞋！▫️醬炒青菜 $48份量都幾多下，係炒花椰菜，清清哋！想食下菜唔想咁重口味嘅可以試吓～😗▪️櫻花煎茶 $28普通嘢，都唔係好櫻花🤣🤣🤣 $28正正常常啦🔹好飽評語：之前喺台灣試過牛肉麵，我覺得同台灣質素差唔多！但係我記得台灣係有得喺出面加酸菜配料嗰啲，唔知而家仲係唔係🤣🤣當然台灣係平啲😗😗平時見到都幾多人排隊，牛肉麵真係幾好食嘅😘🧠回頭指數：8️⃣🧏🏻‍♀️打卡港女：7️⃣🌬冷氣溫度：7️⃣🚽廁所評價：7️⃣🧾性價比呢：7️⃣

中午諗住喺商場求其搵間餐廳醫肚，於是黎左食牛肉麵🫣因為店鋪喺商場，價錢自然都偏高🍜招牌紅燒腱心牛肉麵 $86 🌕🌕🌕🌑🌑牛腱幾好，夠淋夠入味，而且肥瘦適中😋👍🏼分量都幾多👍🏼湯底帶微微的辣，較重口味，味道普通。手工麵幾有嚼勁，但略嫌麵條太厚。食完個麵超級口渴🥵🍜慢煮無骨口水雞湯麵 🌕🌕🌕🌗🌑+🧋招牌珍奶 $108 🌕🌕🌕🌑🌑 湯底鮮甜夠味，口水雞肉質滑嫩，唔會好辣，個汁幾好味😋如果黎食，會推薦食雞湯麵👍🏼但份量偏少。珍奶黑糖味較重，未到必嗌嘅程度。值得一提，每碗麵會附送一小碟酸菜，夠酸夠爽，送麵好夾😍如果黎到moko唔知食乜好，呢間都可以納入考慮。

台灣好岀名，食完有啲失望牛肉麵上枱以為嗌咗淨牛肉，湯底偏咸，有幼麵同手工麵選擇，揀左手工麵正常發揮，只係未切開既麵，一片片，講真無乜特別。侍應態度麻麻，當日下午茶時段，餐廳坐唔滿，眼見有位媽媽同小朋友拎住一袋二袋，想坐卡位(無人)，個侍應話唔得👎，好rude，睇住成餐飯個卡位都無人坐。座位之間好逼，坐得一啲都唔舒服，差過茶餐廳格局，而且水都冇杯，要request 先有，真係慳水慳力牛肉麵加一 $100 用餐經驗好差！

假日同朋友出去行吓，去咗間叫段純貞嘅台式餐廳食嘢～叫咗蒜香手撕雞伴麵 🐥同埋 燉濃湯雞麵🐓😋📝蒜香手撕雞伴麵🐥蒜味滲透雞絲非常惹味，撈埋麵一齊味道適中唔會太濃或太淡口，醬汁更混合花生碎，食落好香口👍🏻伴麵上面仲跟一隻糖心蛋，煮得岩岩好有糖心嘅蛋黃質地，食完好滿足😃📝燉濃湯雞麵🐓面底簡咗手工麵，手工麵係極厚麵，口感爽口但感覺唔太掛湯🙈但雞肉足料而且好肥美👍🏻整體感覺幾好而且價錢唔算貴，會考慮再食👍🏻

家姐話旺角MOKO店有間叫段純貞, 好似話出名牛肉麵, 但佢上次經過時好多人等, 所以冇吃, 所以今天特登約我過咗中午時段才去. 吓! 都下午茶時段, 都仲要排隊入座?!, 好彩人龍唔係好長, 等咗10分鐘就入得. 餐廳環境不錯, 但個菜牌啲相就唔多吸引. 叫了個微辣招牌紅燒腱心牛肉麵, 中辣既麻辣蒜味腱心牛肉麵, 雞湯抄手同綜合甜不辣, 加錢叫咗珍珠奶茶同香芋珍奶茶. 唔, 對我來說, 佢既麻辣蒜味腱心牛肉麵不太麻, 只有辣, 可能食慣那些四川既麻辣, 比較要求重口味. 所以下次叫啲原味或燉濃湯麵試下.台灣味 #hkig #hkfoodie #hkfood #foodblogger

前幾個星期同朋友出去食飯，唔知道係咪嗰排天氣不穩，又落冰雹，啲人唔敢出去食飯，加上臨近假期，大家開始放假，成個商場都好靜。去到餐廳門口，竟然唔洗拎飛，可以直接入座，真係未見過😳平時係成個商場間間餐廳都排哂隊。餐廳喺中午時段有午餐提供，有三個唔同價位嘅套餐。主食+飲品 ($108)、主食+小食 ($118)、主食+小食+飲品 ($138)。我哋叫咗一個主食+飲品，再加一個主食+小食+飲品，就可以share個小食😋原味牛肉麵紅燒腱心半筋半肉牛肉麵鹽酥雞招牌珍奶我同朋友都係叫手工麵。初頭睇落份量好細，碗好大，但係麵同湯都好淺。手工麵係寬麵，而且有一啲厚度，食落其實好飽，差啲食唔曬😳手工麵好彈牙，好有咬口，只係進食有啲困難，夾麵嘅時候會彈到周圍都係。記得唔好著白色衫去食😂我係食原味牛肉麵，湯底有少少辣味，唔會嗆喉，唔太食到辣嘅朋友，應該都食到。牛肉有3件，係厚身!!朋友食嘅半筋半肉牛肉麵，同樣好大份，份量夠哂食。飲品係日出茶太台式飲品，可以揀冰度、甜度。鹽酥雞有4小粒，同麵相比較為細份，但一個人真係夠哂食。整體食物味道同賣相都唔錯，推薦👍🏻

環境唔算擠迫凳底有位可以放個人物品今次試左嫩五花牛肉麵辣湯底有陣豆瓣醬味少少辣都易入口本身以為五花牛肉會似平日打邊爐嘅肥牛但有驚喜嘅係佢d牛肉無筋兼且唔係肥牛不過牛味就得少少細麵好好食！索埋d汁 麵底又唔會太淋而酥炸排骨面份量都適中豬排係半肥瘦咬落去有油分令塊扒唔會太乾而且都表面炸得好脆好香口雞湯底都好好飲唔會覺得好重味精味唔會要瘋狂飲水雞味好香濃但因為配搭嘅係粗d嘅手工面咬落感覺似千層麵嘅質感個人覺得太厚間中會覺得食緊粉餅咁而小菜口水雞好食！每一啖都好嫩口肉質鮮美柔滑配以粒粒花生脆嘅辣椒醬唔食得辣都可以試下因為唔係超刺激嘅辣味但可以過到癮可惜份量稍嫌少$84得一隻雞髀嘅份量抹茶latte加布丁好驚喜雖然係另外叫無跟餐優惠但抹茶味好香好突出布丁又唔會太甜搶味可以試！