段純貞牛肉麵XChatime (MOKO新世紀廣場)

朋友和我喜歡吃台灣菜，聽聞台灣過江龍<段純貞>是一間很不錯的台灣餐廳，於是與朋友來到位於旺角MOKO新世紀廣場<段純貞>吃晚餐。餐廳位置很多，環境舒適。我們看了餐牌後，點了一份蒜醬油麥菜、兩款小菜 - 鹽酥雞和三星蔥肉鍋餅、兩份主菜 - 招牌紅燒腱心牛肉麵和台式肉燥飯及兩杯飲品- 熱茉莉綠茶和熱紫香芋泥特調。蒜醬油麥菜~油麥菜份量多，足夠兩人吃。翠綠油麥菜很爽甜，蒜醬味又香濃。鹽酥雞~鹽酥雞炸至外層酥脆，仍保留嫩滑肉質，九層塔又炸得香脆，好像吃薯片。三星蔥肉鍋餅~三星蔥是宜蘭特產，喜歡吃蔥的粉絲必選這道小菜。煎至金黃酥脆薄餅皮，包著香氣四溢的三星蔥肉餡，真是很好吃。招牌紅燒腱心牛肉麵~牛骨熬煮數小時的湯底非常濃郁，香濃藥材味，禁不住一口接著一口喝。三件厚切腱心牛肉，肉質軟腍，肉香醇厚，非常入味。選了手工麵，外形似刀削麵，麵質卻又比刀削麵厚身彈牙，有掛汁效果。一小碟酸菜，是用來提升牛肉麵味道。牛肉麵不愧是招牌菜，造得出色。台式肉燥飯~肉燥份量充足，與飯拌勻，毎一口都能吃到肉燥。肉燥肥瘦均勻，配上糖心蛋和油麥菜，非常美味。熱茉莉綠茶和熱紫香芋泥特調~服務員很友善，提問是否要減糖，讓我們意識到可調效糖份量。茉莉綠茶，綠茶味香濃；紫香芋泥顏色很美，芋泥綿密，很飽肚。兩杯飲品都很好喝。…查看更多

"段純貞牛肉麵"係著名既台灣過江龍品牌, 佢地主打嘅紅燒牛肉湯底係用真材實料熬足幾個鐘, 堅持用牛骨、牛腩、洋蔥、番茄，加上花椒、八角、豆瓣醬等台式香料, 整出嚟嘅湯濃香厚實, 牛味超重, 唔駛加味精餐廳裝修風格都偏向木枱木椅, 坐落嚟就有台灣小館 feel~服務方面算唔錯, 店員有禮, 有笑容, 上菜都算快, 環境坐得幾舒服~~台式滷菜 $58(豆乾, 杏鮑菇, 娃娃菜, 花生, 麵根)呢個滷味拼盤上枱嗰陣真係香到不得了, 一陣暖暖嘅八角滷水味豆乾入味又唔鹹, 咬落煙韌得嚟有啲豆香杏鮑菇爽滑, 吸晒滷汁精華, 鹹香好食娃娃菜就清甜帶少少滷香, 用嚟中和滷水嘅濃味啱啱好花生煮得腍身, 滷得夠入味麵根入口煙韌, 滷汁掛得好實藥膳雞翼 $48藥材香味濃郁, 有種似當歸、枸杞、紅棗嘅香味.....又唔會死鹹，食落暖胃感覺幾舒服雞翼肉質軟腍, 肉滑又有微甜藥材味~~蒜醬青菜 $48燙得啱啱熟, 爽口唔焾水~蒜醬味香濃又唔嗆....鹹香中帶微甜啱晒香港人口味招牌紅燒腱心牛肉麵 $86湯底濃得嚟唔油, 紅燒香氣十足!!湯頭微辣, 尾段有少少甜, 完全係台式味道食到尾啲湯仲想飲晒佢丫!!腱心位牛肉切得厚, 炆得腍但仲keep到口感, 入味又唔韌麵條我揀咗細麵, 質感彈牙, 有麵香~~青花椒香手撕雞乾拌麵 $78手撕雞肉份量足, 雞絲滑而唔乾, 拌勻之後係麻香帶微辣, 食落有層次~~麵條煙韌唔糊, 好掛汁青花椒麻香味好過癮, 愈食愈想食, 鍾意麻辣味既友一定要試軟Q經典奶茶 $38配料有珍珠同愛玉~ 茶香明顯, 唔會畀奶味遮晒甜度我叫咗半甜, 甜度啱啱好, 口感順滑!黑糖珍珠鮮奶 $42黑糖香甜夠力, 珍珠煙韌帶焦糖香味~~~鮮奶比例啱啱好, 唔會太甜, 飲落滑順…查看更多

呢日好想食台灣菜，見到呢間餐廳幾有人氣就入咗去試吓🥳 有卡位同半卡位嘅座位選擇。招牌紅燒腱心牛肉麵有幼麵同手工麵兩款麵底選擇🍜 手工麵幾厚身，幾有口感。腱心牛肉好軟腍，牛筋部分有少少入口即化，相反牛肉部分依然有質感🐮青花椒香手撕雞乾拌麵非常推介呢個乾拌麵，雖然醬汁唔係好多，但都可以啱啱好撈晒個麵，幼麵都幾掛汁🥰 有好重嘅青花椒嘅香味，撈埋花生碎同埋手撕雞一齊食，都幾好食👍🏻滷豬大腸滷水味道略帶少少甜味，雖然有少少肥膏係旁邊，但入口唔會好肥膩🤣 有少少入口即溶嘅口感。仲有少量滷水花生、鹹酸菜、同埋油麥菜伴碟🥜三星蔥肉鍋餅上碟時勁香噴噴，用上來自台灣嘅三星蔥，蔥味好香😛 鍋餅煎得夠乾身，大人細路都會喜歡嘅個口感。蒜醬青菜呢份係加咗蒜醬嘅油麥菜，都幾惹味，唔會太鹹🥬太極厚奶入面嘅配料有蒟蒻晶球同埋珍珠兩種，係我幾特別嘅茶飲產品🧋黑糖珍珠鮮奶雖然呢杯飲品嘅甜度同埋冰係固定嘅，但入口都唔會太甜，珍珠煙煙韌韌，都幾推介試吓珍珠飲品😗呢餐食咗好多台灣嘅特色食物，咁多款食物入面，我最鍾意乾拌麵，其他食物都幾有台灣特色😎…查看更多

去完台灣返黎，仲係好掛住台式味道同飲品，最近經過旺角，係旺角Moko搵到呢間主食台式味道嘅---🌟段純貞X日出茶太🌟可以同時滿足台式菜式，又可以飲到台式飲品💓._.🥬| 蒜醬青菜 |🥬見餐牌有菜選擇，叫返碟菜健康下先，可以揀油麥菜或西生菜，我哋揀咗西生菜，一碟啱曬兩人食。.🦆| 滷味鴨舌 |🦆台式味道點少得滷味食物，竟然有鴨舌，我嘅最愛，滷得好夠味道，又唔會太鹹，旁邊仲有啲伴菜增加味道。.🐥| 鹽酥雞 |🐥鹽酥雞炸到外層酥脆，香脆可口，裏面嘅雞肉仲保留到嫩滑嘅口感，作為餐前小食一流👍🏻.🐂| 招牌紅燒腱心牛肉麵 |🐂湯底係濃濃嘅牛肉湯，麵質可以揀粗麵或幼麵，紅燒腱心牛肉係軟腍嘅口感，非常入味。.🐥| 青花椒香手撕雞乾拌麵 |🐥椒麻味重，辣辣地幾過癮，伴隨住手撕雞肉碎咁食，好惹味，鐘意食辣嘅一定唔可以錯過👍🏻.🍊| 百香果香橙沙冰 |🍊百香果同香橙嘅味道好夾，每一啖都有百香果同香橙嘅香味，做成沙冰好解渴✨️·🫘| 宇治金時冰沙 |🫘濃濃嘅抹菜冰沙配埋粒粒甜品嘅紅豆，非常夾，好似食緊甜品咁💚.飲品方面除咗一般台式飲品選擇，八月份Chatime與陳凱琳⾃家朱古力品牌Dulce Vida攜手合作  推出暑期限定「朱古力捏捏杯」-  只限8月1日至31日 ✨️•⁠  「朱古力捏捏杯」的獨特之處在於其設計：選用源自意大利的濃郁黑朱古力脆皮外殼包裹著精選飲品，先輕輕一捏，享受外層酥脆朱古力的觸感趣味，再細嚐濃郁飲品融入朱古力後的雙重美味，具玩味性之餘又能品嚐與眾不同的滋味。 🤩._.…查看更多

段純貞創辦人的祖母來自四川，來到台灣之地，以獨門23香烹調牛肉麵，牛肉麵麻而不嗆、辣而不刺 溫而不火，從此在台灣便熱賣起來。再加上與chatime 合作推出新飲品，捏捏杯，以意大利香濃脆皮朱古力圍著飲品，飲之前捏捏杯，把脆皮朱古力在飲品之內，更加吸引。捏捏杯推廣期只做整個8月，確實想試試這新口味飲品。餐廳裝潢以中式木調為主，坐位都充足，晚飯前來都滿座，要在門外等候安排。餐牌都以牛肉麵為主，主要分手工麵還是細麵。其次便是台式小吃。飲品以台式奶茶、果茶、特調飲品為主。蒜醬油麥菜 HKD48，油麥菜爽甜又清，蒜醬味道都好吃。鹽酥雞 HKD48，炸得香口肉嫩又入味，必吃小食。麻辣鴨血冬粉 HKD88，當吃著冬粉，就能吃到麻香辣更香湯底味道。鴨血嫩滑無比，非常好吃。伴麵甜菜，吃上又能開胃，伴麵又多了種風味。清燉牛肉麵配細麵 HKD82，牛𦟌肉口感軟腍適中，清燉就能吃出牛香味。麵中清湯用上細麵，細麵能吃出清湯鮮味。燉蕃茄腱心牛肉麵配手工麵 HKD92，先喝口湯底，用上23種中葯和牛骨煮成，香沉醇厚湯底，再加入蕃茄，蕃茄味都香濃。配上咬口感滿滿手工麵，完全吸了蕃茄湯底香味。厚切腱心牛肉，煮得非常腍，吃下筋肉均勻牛肉口感很滿足，難怪是招牌牛肉。宇治金時冰沙 HKD45，宇治抹茶味不錯，吃過香辦冬粉，再喝一口冰沙，潤喉又解辣。Chatime飲品 x Dulce Vida朱古力捏捏杯，泰式珍珠奶茶 HKD48，飲之前要捏捏杯，杯身脆皮朱古力就會爆開，香濃泰奶味道，當中有朱古力碎，又多了點朱古力味，還彈牙珍珠，讓人飲得好滿足。…查看更多

突然好掛住台灣，好想食鹽酥雞、台灣腸，所以晚餐就決定左食台灣菜，揀左係Moko入面既段崇貞💫❥ 蒜醬油麥菜 $48油麥菜經過簡單調味後，清甜爽口🥬❥ 藥膳雞翼 $48雞翼燉得軟腍，藥味清香吾會太濃，仲帶有小小甜味，感覺比炸鹽酥雞健康😉❥ 蒜粒古早台灣腸 $58必食蒜粒古早台灣腸，咬落油脂甘香，配上蒜粒一齊食，即刻平衡返油膩感👍🏻❥ 燉濃湯雞麵 $88我地都揀咗燉濃湯雞麵做主食，麵條口感順滑，配上濃郁雞湯，味道香醇，雞髀肉嫩滑多汁，食完好暖胃🤤❥ 宇治金時抹茶牛奶 $42抹茶味突出，茶味香醇幼滑😙❥ 紫香芋泥特調 $42芋泥味香甜，仲可以選擇甜度，好貼心🫶🏻…查看更多

想去台灣夜市掃街，更想食台灣原味道!!所以收工就嚟咗MOKO呢間台灣過江龍，試試佢嘅招牌牛肉麵之餘，仲嗌多幾道小菜止癮。🥢蒜醬青菜（西生菜）新蘚爽口，色澤翠綠，膳食纖維滿滿。🥢鴨舌碗內盛載著花生米、鹹菜和滷鴨舌。滷鴨舌口感軟糯 。🥢麻油素麵根椒麻皮蛋（微辣）素麵粒內有空氣感和濕潤， 滿滿五香麻油香和碎皮蛋。🥢胡椒湯酸菜豬腳手工麵想偏好嚼勁嘅麵，就要揀手工麵，手工麵闊身有厚度，吸晒濃郁胡椒湯味。呈微微辣味，豬腳爽滑，十分惹味。🥢清燉牛肉細麵首先飲一飲湯底，唔會太鹹同太油，浸浸原味牛肉味。而麵底揀左幼麵，牛肉炆得夠淋，入口即化，中間有一根透明的嫩筋，脂肪少。🥢綿花糖可可特調大杯 700ml 味道似朱古力，綿花糖豐富了口感，增加了層次感。🥢宇治金時奶茶大杯 700mL真材實料，杯底有大量紅豆， 搽茶味濃郁，記得攪勻之後飲用。…查看更多

《抵食台灣過江龍💖》———————————————#段純貞 🇹🇼-🐮 招牌紅燒腱心牛肉麵呢碗牛肉麵真係餐廳嘅招牌之作，牛腱肉煮得軟嫩，湯底濃郁，味道十分入味，令人一口接一口🐄 麵條煮得啱啱好，爽口彈牙，吸收咗湯頭嘅精華，層次豐富😝-🌶️ 青花椒香手撕雞乾拌麵青花椒帶出一種清新嘅麻辣感，手撕雞肉質鮮嫩，完全吸收咗香料嘅味道🥰 拌麵嘅口感滑順，麻味唔會太重，適合唔太能接受辣味嘅朋友😚-🥬 蒜醬青菜油麥菜新鮮油麥菜口感十分清脆，蒜醬嘅味道濃郁，非常開胃🤤份量方面都幾足，適合配搭其他重口味嘅菜，係一個不錯嘅選擇～-🇹🇼 蒜粒古早台灣腸皮金黃香脆，內裡肉質滑嫩，蒜粒嘅香味好突出，每一口都有濃郁嘅蒜香，唔會過於油膩🧄-💚 三星蔥肉鍋餅鍋餅外脆內軟，香氣四溢，肉餡都相當豐富😙 餅皮嘅口感唔會太厚，令整體味道均衡~-飲品方面，我哋嗌咗日出粉粿烤奶同芒果QQ😍 粉粿外脆內軟，口感相當好，烤奶嘅香甜味道啱啱好，甜度唔會過高，而芒果QQ味道清新，果肉鮮嫩，非常之正🥭…查看更多

餐廳：段純貞 × 日出茶太📍3/F, MOKO, MOKO新世紀廣場3樓360號舖 Shop 360, 193 Prince Edward Rd W, Mong Kok, 香港外出辦完公事，剛剛在旺角東附近，即刻拉同事去我最愛商場Moko。商場旺中帶静，地點方便，仲有我最愛嘅段純真牛肉麵，行快兩步啦。坐低即點沙冰解署，熱情果好定芒果好呢？今次一於試芒果，嘩，正！爽晒！紅燒腱心牛肉麵，招牌菜無得輸，最腍最入味腱心，加上煙韌彈牙手工麵沾滿濃湯，啖啖都係至高無上享受。當然要開心share燉濃湯雞麵啦。就係濃濃雞湯加滑滑雞肶肉，根本係最佳拍檔。油麥菜加蒜醬，平凡中有特色。三星葱肉鍋餅，一咬充滿三星葱香氣，而且份量剛剛好。套餐小食揀咗滷味鴨舌，食到5得口。捧住個肚大滿足！…查看更多

同朋友行Moko，原來呢度開咗段純貞，仲同日出茶太有crossover~好耐無食台菜，同朋友好有默契咁一見到已經想入去🤣叫咗幾款小食同一人一份主食~蒜醬西生菜，菜都幾新鮮同份晒夠，蒜醬係平時喺地道台灣小店食到嗰種，鹹鹹地幾惹味🥬鹽酥雞香口，唔會太油膩，而入面都仲有肉汁嘅🐤蒜粒古早台灣腸我好鍾意，腸+蒜粒+酸菜+蔥一齊食，真係無敵配搭🤤主食來了，濃湯燉雞麵可以揀手工麵或者細麵，細麵感覺上會夾啲，而且口感都好好。一隻雞腿+一件雞胸，都好嫩滑~另外台式肉燥飯嘅肉粒有大有細，有肥有瘦，夠晒口感，最緊要夠多汁可以撈勻成碗飯🐷飲品選擇多，除咗點招牌珍奶外，仲試下特別啲嘅泰式奶茶仙草，口味都唔錯㗎🧋…查看更多

在旺角MOKO新世紀廣場的段純貞台式餐廳用餐，整體體驗相當愉快。首先，蒜醬油麥菜鮮嫩可口，蒜香味與青菜的清新相得益彰，為餐前小菜增添了不少風味。接著，鹽酥雞外酥內嫩，口感極佳，搭配香脆的香料，讓人一口接一口。而麻油素麵根椒麻皮蛋則帶來了獨特的麻辣風味，皮蛋的滑嫩與麵條的彈牙形成了絕妙的搭配。主菜方面，青花椒香手撕雞乾拌麵的雞肉鮮嫩，搭配花椒的麻香，讓人食指大動。台式肉燥飯則是經典的滋味，肉燥醬汁醇厚，飯粒吸收了濃郁的味道，讓人一口接一口。飲品有大量台式珍珠及泰奶可選。我們選了泰式仙草珍珠及芋香芋泥珍珠，配合一系列嘅台式食物，確實一流。整體而言，這餐不僅味道出色，服務也相當熱情，絕對值得再來光顧！#段純貞 #DuanChunZhen #CafeDecoGroup #taiwanesefood #台灣牛肉麵 #restaurant …查看更多

段純貞X日出茶太（旺角MOKO）餐廳位於九龍旺角太子道西193號MOKO新世紀廣場3樓,餐廳裝修簡約帶有中式典雅設計,設有卡位和半卡位供客人選擇,服務招呼態度熱誠友善。紅燒腱心半筋半肉牛肉麵牛肉麵選擇手工製闊麵,配有油麥菜,酸菜和想粒,湯底有濃郁藥膳味,微辣,牛肉入口即溶好嫩滑,而且肉味濃,手工闊麵比較厚身而闊大,有口感和質感,配有蒜醬西生菜,飲品有芒果QQ。胡椒湯酸菜豬腳麵豬腳麵選擇幼麵,配有油麥菜,葱粒和酸菜,湯底有濃郁胡椒香味,微辣,豬腳口感淋滑,油香肉嫩,幼麵軟硬適中,每條幼麵都掛滿胡椒湯汁,配有小食鴨舌和三星蔥肉鍋餅,飲品有百香QQ。…查看更多

之前嚟過食呢度牛肉麵覺得幾好食，但原來除咗牛肉麵，呢度嘅滷肉飯同埋燴雞麵都好好食😍 🍜燉濃湯雞麵個湯底真係不得了！雞湯飲落濃郁，雞肉用上雞髀肉，好嫩滑。麵吸晒湯汁精華，食完成個人暖笠笠～ 🍚台式肉燥飯肉燥肥瘦均勻，滷得入味，醬油香氣十足。最正係加咗隻半熟蛋，撈飯食真係無得頂！ 🥬蒜醬油麥菜簡單但好食！油麥菜灼得翠綠爽脆，淋上蒜蓉醬油，清新得嚟夠惹味～ 🦆鴨舌滷得入味，微微麻辣好過癮。🌶️麻辣鴨血冬粉鴨血滑溜，冬粉吸盡麻辣湯汁，辣度啱啱好～ 🧋黑糖珍珠鮮奶珍珠煙韌，黑糖香甜，奶香濃郁唔會太甜，台式飲品必點！ ☕璞玉紅茶熱飲茶味香醇，回甘悠長，食完麻辣嘢飲返杯好舒服～ 餐廳食物質素唔錯，價錢又合理，最啱想食台式嘢又唔想飛台灣嘅朋友！ …查看更多

是晚來到MOKO食野，揀左去段純貞，七點多來到不算太爆場，但過左一陣就要等枱了，真好彩早左黎到😆先掃code落單，食品選擇唔算多，但飲品list就勁長😆哎吔～好多杯都想飲添。⭐蒜醬油麥菜叫左份青菜，入口好有蒜香，油麥菜爽脆👍⭐鹽酥雞台式小吃唔少得嘅鹽酥雞，炸得香脆唔油膩，雞肉嫩滑。⭐台式滷菜又叫左份台式滷菜，入面有豆干、麵筋、杏鮑菇、花生同娃娃菜，滷水汁香口，麵筋帶少少辣，全部都幾好食😋⭐招牌紅燒腱心牛肉麵主角台灣牛肉麵～叫左手工麵，大大片有咬口，吸左湯汁好味噃。牛肉大大塊炆得軟腍入味，湯頭鮮味，唔錯唔錯😋⭐青花椒香手撕雞乾拌麵另外一碗點左乾拌麵，麵條有嚼勁，拌麵汁微微辣幾惹味👍⭐宇治金時抹茶牛奶 & ⭐紫香芋泥特調飲品要左半糖甜度啱啱好，前者有紅豆，後者有芋泥，兩杯都係飽肚野黎😂奶香微甜啱口味。叫得太多好飽呀，食完去商場行個圈消消食先。…查看更多

最近喺旺角東發現呢間高質台灣菜由裝潢到食物都充滿寶島風情套單$76起．仲可以配搭多款台式飲品✨清燉牛肉麵牛𦟌切片．厚切有嚼勁麵質有兩款選擇．幼麵質感軟滑✨ 濃湯燉雞麵雞湯熬成奶白色．配上嫩滑雞髀每一啖都充滿膠質精華揀咗粗身嘅手工麵．口感豐富有嚼勁✨藥膳雞翼雞翼吸收湯底精華加入中藥材更養生✨鹽酥雞撒滿台式椒鹽粉．外層香脆✨泰奶茶仙草泰式茶底特別香濃每啖都啜到滑溜溜嘅仙草✨芒果沙冰舖滿新鮮芒果肉．沙冰口感細膩…查看更多