正九清湯腩 (餘慶大廈)

营业中

休息中

母親節前夕，為了讓阿媽開心，我帶她去吃她最愛的清湯坑腩。這家小店是她的心頭好，每次提起都眉飛色舞。清湯坑腩牛筋粗麵坑腩口感軟糯，入口即化，牛味濃郁。牛筋則Q彈有嚼勁，粗麵份量十足，吸飽了清湯的精華，清湯突出牛肉的原汁原味，清澈甘甜。淨菜肉雲吞雲吞皮薄，滑嫩無比。肉餡和蔬菜味道鮮甜滋味，絕對有驚喜。酒味醉雞我最鍾意呢碟醉雞濃郁的酒香！每件雞肉都浸透了酒的精華，鮮美可口，酒香四溢。腐乳通菜通菜爽脆可口，搭配味道濃郁的腐乳。

說起其中一個香港代表性食物，就是牛腩麵！他們的牛腩可以自己選肥瘦，有肥、瘦、半肥瘦選擇🤍★清湯牛三寶飯（牛腩/牛筋/牛肚) $72牛腩選了半肥瘦，很入味，肉嫩一點都不柴！牛筋很新鮮還有啲黐口，很軟糯口感🥹牛肚很大片，有咬口而不會很韌！清湯用牛骨熬製而成，清淡得來有陣陣肉味！下面還有入味的蘿蔔！加埋辣椒油食，送飯超滿足♥️★醉雞飯 $58雞肉份量幾多！我最怕啲太多雞皮嘅雞，佢哋皮薄肉多！新鮮肉質嫩滑，雞肉好入味，不會太濃酒味，醬油和花雕酒很香，調味恰到好處！

餐廳：正九清湯腩地點：佐敦佐敦道菜式：牛腩粉麵餐牌：新鮮牛腩牛骨，各款粉麵飯，飲品，都有下午茶餐等等。牛腩河粉加牛丸 $42 加$8牛腩一客6件，整得好淋，牛味濃，無特別吩咐已經係半肥瘦，果然係招牌，令人忍唔住連肥膏食。河粉幼身滑溜，份量適中。蔥花放匙羹。個湯好清。牛丸一客兩粒口感彈牙，入面有肉汁架。汽水下午茶餐包飲品，汽水唔洗加錢，自己係櫃桶攞紙飲管。炸排骨 $33炸排骨一大塊切九片，連骨，炸得皮脆肉嫩，有豬味，味道鹹香。墊有生菜一大片。腩汁蘿蔔 $15腩汁蘿蔔 一客9大件，味道清淡。今餐牛腩正，其他食物都唔差。餐廳裝修光猛，算乾淨，座位舒適。 

今日本來諗住隨便食個lunch，點知突然好掛住嗰種清甜嘅牛腩湯底，即刻走咗去廟街對面呢間清湯腩專門店。鋪頭唔算大但座位都幾多，最緊要係乾淨企理，仲要就腳到爆！ 🍜 清湯坑腩米｜清甜湯底配肥美坑腩湯底真係清得嚟好有牛味，一啲都唔油膩！坑腩肥瘦分明，咬落去啖啖肉香，連埋幼滑嘅米粉一齊食，簡直係絕配。記得落啲秘製辣椒油，加少少落湯度，即刻多咗層香辣風味！ 🍲 清湯爽腩河｜筋道口感大滿足如果鍾意有咬口嘅朋友，一定要試吓爽腩！每件都連住啲筋位，食落煙韌得嚟又唔會太韌。河粉吸晒啲清湯精華，簡單但超好味。 餐廳位置超方便，正正廟街對面，行完街過嚟食碗麵啱啱好。雖然係舊式鋪頭，但枱面同餐具都keep得好乾淨。$60左右就食到碗高質牛腩麵，性價比高。

舖頭裏面都好光猛整齊，食物價錢適中，店員有禮貌。清湯腩飯：湯嘅味道好好，蘿蔔大舊有又青甜，牛腩腍身入味，食完一嚿又一嚿，送飯食非常足料。咖哩牛腩湯河：牛腩同薯仔浸喺咖哩裏面，味道恰到好處，湯河粉爽滑，好食。雞翼：大大隻，咬落外皮好脆，雞肉好滑有肉汁，味道唔會好咸。通菜：菜葉同莖比例一半，點蝦醬食令味道提升。

Highly recommended~ 叫咗個牛腩河 +$8 upgrade咗崩沙腩 仲可以要求肥d瘦d 👍🏼 牛腩煮得超級淋 食完唔癡牙、湯低好清好甜 一滴油都冇！一個字 正！

特意嚟九記清湯腩就係食呢碗招牌崩沙牛腩伊麵湯底清而不淡，鮮甜九記的湯底以牛骨、牛腩長時間熬煮，入口先是清甜，喝得出沒有過多調味，純粹靠食材本身的鮮味支撐，難怪被稱為「清湯腩之王」崩沙牛腩 軟嫩帶筋，脂香豐腴「崩沙腩」是牛腹部的橫膈膜肉，筋膜交錯，肉質軟嫩卻帶嚼勁。九記的崩沙腩燉得恰到好處，筋肉分明，入口即化卻不失口感，牛脂的甘香在嘴裡化開，配上微辣的秘製辣椒醬，更添風味。 伊麵 夠彈牙伊麵比一般幼麵粗身，口感更為彈牙紫菜與蘿蔔*紫菜*純畫龍點睛而*蘿蔔*燉得通透，無筋無渣

🤤哇！正九記清湯腩！講到香港地道美食，怎能不提這碗令人回味無窮的清湯腩呢？📸️正九記的清湯腩，湯底清澈見底，卻又濃郁鮮甜， 🍲 每一口都充滿了牛骨的精華。🐂 沒有過多的調味，完全展現了食材本身的鮮味。💯牛肉方面，更是令人驚艷！🤩 肉質鮮嫩，入口即化，🤤 肥瘦適中，不會過於油膩。🥩 無論是爽滑的坑腩、牛腩還是牛筋，都處理得恰到好處，口感一流！😋再配上一碗白飯🍚，淋上少許湯汁，簡直是人間美味！😋 而且，別忘了加上一點辣椒油🌶️，更能提升整體的風味！🔥總而言之，正九記清湯腩絕對是一道值得一試的香港美食！🇭🇰 如果你來到香港，千萬不要錯過！🏃💨 保證你吃完一碗還想再來一碗！🔄

今日起佐敦收工，肚仔餓餓地，見到對面有個招牌寫住正九清湯腩，即刻問同事有冇興趣去試下，小店好多人，入到店即刻聞到陣陣嘅牛腩香味，好彩仲有一個卡位😝一坐低我見到牛腩河一D都唔貴$54，仲可以加$8升級做沙腩😋正九清湯腩🚊小店位置方便，港鐵佐敦站步行僅3分鐘，隱藏於鬧市中的平民美食，適合趕時間或想快速醫肚的上班族。 💰 性價比高人均$70左右，飽肚又滿足，尤其推薦牛腩愛好者來試。街坊價錢、水準之上，清湯腩和醉雞脾是亮點。

今日下晝就嚟咗呢度食晏，舖頭入面環境光猛，座位亦算寬敞，店員非常有禮貌。清湯坑腩飯：湯底清澈而鮮美，坑腩咬落非常柔軟，每啖都有湯底嘅加持，非常美味。又大又青甜嘅蘿蔔入口即溶化，同坑腩係完美嘅配搭，白飯軟硬度適中，係大碗嘅份量。咖哩牛腩湯河：咖哩牛腩嘅醬汁非常濃郁，帶啲甜味又唔會好鹹，牛腩煮得軟嫩入味。湯河係分開上，湯底味清淡，河粉入口順滑，仲有啖啖嘅蔥香。第一次食呢個配搭，好特別。墨魚丸河：墨魚丸嘅質感非常Q彈，搭配河粉嘅口感，爽。通菜：菜葉翠綠，加上蝦醬嘅點綴，入口帶鹹香。雞翼：估唔到小食都咁好味，炸雞翼咬落外皮非常脆口，雞肉嫩滑仲有肉汁滲透住，又唔會太鹹，係高質嘅小食。

呢日嚟咗呢間喺佐敦嘅「清湯腩店」諗住簡單快脆食個港式牛腩麵作為 afternoon tea 🤣咁當然係要食牛腩啦🤣，$57「牛腩伊麵」加 $8「拼菜肉雲吞」：「牛腩」肥瘦適中肉質軟熟兼有牛味😋；「菜肉雲吞」有2隻大大隻見到又食到裏有菜有肉😋；伊麵煙煙韌韌幾彈牙🤣跟麵加 $8 「熱奶茶」：夠濃郁夠滑😋$19「腐乳通菜」：「通菜」幾新鮮爽脆，加埋腐乳醬味道又濃郁啲啲😋簡簡單單又食得飽飽嘅 afternoon tea 🤣

「正九清湯腩」出名食清湯腩、咖喱牛腩及牛肉羹等，今天跟牛控朋友到訪佐敦店品嚐一下；新派粉麵店裝潢，環境衛生企理，食物定價合理-🔹淨牛三寶 $148包括牛腩、牛肚、牛筋半肥瘦的牛腩爽嫩緊緻，紋理細緻有序，肉汁豐富而肉香濃郁；牛筋軟綿充滿膠質；牛肚柔軟有彈性，帶輕嚼勁；清湯加上蔥花清甜不膩-🔹淨菜肉雲吞 (6粒) $42外皮細滑，菜肉比例平衡，肉滑鮮味 -🔹腐乳通菜 $19鮮嫩無渣，配搭濃郁不過鹹的腐乳是最佳組合

位於佐敦道的「正九清湯腩」新開張不久，店舖光猛整潔，客人絡繹不絕。只見「正九」越開越多分店，實力非凡啊！「正九」有各式各樣的牛寶、丸類和小食，平靚正。《清湯牛三寶河》$64有牛筋、牛腩、牛肚。牛腩要肥、要瘦或半肥瘦都可以先揚聲。喜歡吃牛的朋友一定不要錯過這碗牛三寶，份量足夠，樣樣都軟腍入味，好吃。《清湯牛腩米線》$52事先講了要瘦的牛腩，竟然一啲都唔「鞋口」，米線軟硬適中，湯底清甜。《腩汁芥蘭》$19 芥蘭很嫩《熱檸蜜》 《凍檸樂》凍或熱的飲品跟餐一律加$8

近排成日行過呢度，寫食評先知佢有咁多間分店，唔怪得，水準之上👍🏻.牛腩河，正價$52 ，下午茶$42仲有嘢飲，性價比超高❤️ 好耐冇食過有啲水準嘅牛腩河，之前成日喺尖沙咀食食到一肚氣。（可能呢度租平啲，先做得住。） 🤔 我試過加錢叫爽腩，坑腩，都一般般，仲要加錢，普通牛腩唔使加錢，味道口感仲非常OK。👍🏻😋.當然可能好多接近$100一碗嘅好食過佢好多，香港出名嗰幾間天后，旺角，等等等等我都食過，暫時覺得呢度性價比最高，價錢最合理，地方乾淨，服務又OK。.心水之選：牛腩河 ❤️牛丸腩汁蘿蔔（油菜就麻麻哋，又唔抵食）熱奶茶 😋

本身想普通咁食一間牛腩麵嘅店但估唔到依間又有驚喜喎因為佢嘅牛腩講到明可以自行選擇瘦，半肥瘦又或者肥，對於我依種鍾意食瘦肉嘅人嚟講，就覺得好正。所以我分別叫咗一個半肥瘦嘅牛腩河同埋一個瘦肉嘅牛腩麵，各有特色在加配菜肉雲吞，令配料更加豐富，無論河粉定麵都唔錯然後小食方面，叫咗一份炸雞中翼，外脆內軟，炸得啱啱好。仲有我勁鍾意佢哋依款腩汁蘿蔔，蘿蔔經過炆煮，軟腍入味，吸收咗腩汁嘅精華，帶嚟濃厚嘅牛肉湯汁味道。