橋底辣蟹

营业中

休息中

今日家姐生日打算一齊喺銅鑼灣食餐飯，知道佢鍾意食海鮮類同埋蟹，就帶咗佢嚟呢間出名食蟹嘅橋底辣蟹。有兩層，地方好大，枱與枱之間有一段距離 唔會太迫聽到隔離枱講嘢。《D孖寶》$438有辣蟹一隻，同埋蒜蓉粉絲野蒸蟶子，我哋四個人額外嗌多咗兩隻聖子，$69一隻！孖寶抵食啲。辣蟹用椒鹽炒，好香避風塘味道，而且蟹肉新鮮，蟹肉嫩滑，又有鮮甜味，正！蒜蓉粉絲蒸蟶子都好好味，同樣係夠新鮮，又夠爽口！《避風塘BB骨》$88以為係細細舊嘅排骨，原來係豬仔脾，大大隻，而且入味，不過就有小小dry，可能炸得耐左少少，但係味道十分可以！《椒鹽海中蝦》$168因為大家都好鍾意食蝦所以呢個係必點！蝦好爽口，食得出係新鮮蝦，唔會無味，吸左避風塘嘅蒜香味。《野生姫松茸沙魚骨炖螺頭湯》$188一大煲湯，入面真係有大量嘅配料，十分足料！鯊魚骨一啲都唔腥，仲好淋好有鮮魚味，湯底飲起嚟仲有少少漿槳地，我感覺上滾晒啲骨膠原出嚟，好正，而且仲有豬骨同埋螺頭，食到好飽好滿足。 總括嚟講，橋底辣蟹每一款食物質素都唔錯 下次有機會一定會再嚟試其他菜式。

中式餐廳格局，充滿熱鬧的氣氛，各人隨意的走動、聊天餐廳出菜效率高桌上提供紙巾，隨意使用餐前小食：花生招牌橋底辣蟹 $380 避風塘炒蟹分不同size，今次點了最小的，蟹鮮嫩多汁，鮮鮮甜甜再沾點咸香避風塘碎料，送飯佳品，就算最細隻的都不用擔心無肉點了中辣，剛剛好的辣度烤魚 $138點了小辣 都會愈煲愈辣烤魚大條，兩人都吃不完，皮脆，魚骨較少今日附送糖水 - 綠豆沙沒想到有糖水贈送，綠豆沙不甜，略嫌可加多點點糖更好，現在淡淡口，較適合不愛甜吃的人～茶位 $10/位

朋友book咗呢一間餐廳同我食飯😄其實之前喺舊舖都食過一次印象中都係唔錯👍🏼-橋底辣蟹，最出名嘅菜式之一，見到好多人都有叫一碟😋一隻大肉蟹炸到脆卜卜蟹鉗又大隻👍🏼又香又辣，啲蒜蓉加好多炸到脆卜卜撈埋一齊食都好正😋-酸菜魚，抵食，湯底夠酸辣，又有粉絲打底😋當一碗麵食都得，啲魚又夠滑身😛勁多魚肉係裏面😄-橋底小炒王，好正又香又多蝦乾又多料👍🏼夠晒鑊氣😋份量又夠大碟👍🏼👍🏼粒粒腰果炸到脆卜卜😋-豉椒炒蜆，又夠新鮮又夠惹味👍🏼😋煱氣十足呀😛仲要份量夠大夠正😊

睇完戲都9點鐘想搵個地方食埋飯先番屋企依家都多咗餐廳可以開夜啲經過橋底辣蟹阿姐話開到好夜可以慢慢食我地就揀左佢啦嚟得呢度一定要食辣蟹佢嘅避風塘口味真係整得好出色唔怪得咁出名 遊客定明星都咁鍾意嚟呢度啦呢個係中size嘅蟹肉質好鮮甜好多肉辣度都可以自己揀 我地就揀左中辣真係好惹味好正呀生滾泥鯭魚粥一鍋粥入面用左成四條魚嚟煲所以好鮮味 粥底都好綿咁先98真係好抵再加個蟹油銀芽炒麵炒得好乾身 唔怕油淋淋蔥 銀芽 韮黃都幾多 食落好香口食完仲送糖水 陳皮綠豆沙

以前在銅鑼灣工作，經常會經過這間食店，人頭湧湧，今次與家人逛街見到橋底辣蟹已搬到這裡，其他分舖暫時休業，決定一試。場內裝飾古色古香，充滿懷舊中國風，原來做避風塘食物已有相當長年資。招牌炒辣蟹辣度可自由選擇，少辣對於我已經幾刺激，蟹肉鮮甜，食得出是新鮮，避風塘炒料香酥脆辣，撈飯食仲滋味。秘製欖角骨排骨金黃，口感鬆化，外脆內軟，欖角鹹香，外層有蜜糖拉絲，香甜好送飯。椒鹽白飯魚白飯魚比較大條，炸得金黃，香脆可口，鹹香酥脆，食唔停。豉汁炒蜆蜆肉大隻，鮮味無沙，豉油惹味。環境寬敞，夠晒地道，下次再嚟～

雖然聞名已久, 不過未黎食過, 好似搬左位, 舊陣時個位行多個街口就係！上到去格局好似酒樓! 不過都知佢唔係賣環境所以無要求! 睇左好耐Menu, 左揀右揀都係覺得套餐抵D!  有招牌橋底辣蟹, 佛跳牆, 豉汁炒蜆, 炒時菜加甜品(紅豆沙)!第一度菜上左豉汁炒蜆先! 炒得唔錯好野味! 仲有好多隻添!橋底辣蟹好大隻, 辣度可以揀, 我地揀左小辣, 對蟹鉗好鬼好肉又夠味! 不過要D時間KO佢搞到其他菜凍左...佛跳牆好鬼足料好鬼好味, 岩晒美顏滋補一盅都要$88!所以套餐好抵!係個時菜太多油!食完夠晒飽唔洗加野~絕對大滿足!

這間老字號橋底辣蟹已經幫襯了很多年，味道及食物質素依然不變都係咁好食😋這裏除了橋底辣蟹其他小菜都好有鑊氣！西蘭花炒帶子西蘭花炒帶子色彩繽紛，除了西蘭花，還有韮王，紅蘿蔔片和蘑菇做點綴，帶子不會過熟所以口感軟嫩鮮甜😋酥炸生蠔🦪個皮好香脆，不會太厚粉漿咬落啖啖肉，蠔味香濃，食落不會太油膩。蒜蓉粉絲蒸海中蝦海蝦新鮮爽口，蒜蓉味香濃，除了加了粉絲還加了金菇，食落層次感豐富！肉絲炒麵炒麵的獻汁覆蓋著的麵團，香滑可口，炒麵的麵邊帶有微脆，好香口，肉絲和炒麵份量亦不少！小炒王有腰果，蝦米，韭菜和魷魚非常豐富，調味適中，炒得好有鑊氣！酸菜魚食酸菜魚第一時間當然要飲啖湯，個湯好好飲酸辣度適中，天氣凍凍地飲啖熱湯暖下胃，正！魚好嫩滑仲要啖啖肉，配白飯一流！

橋底辣蟹一向食蟹出名，今晚一於同媽媽二人去食生日飯叫下小菜下次再叫橋底辣蟹。呀媽話早幾日食左蟹 下次先😹明明諗住食辣蟹兩個人叫左四個菜，包括椒鹽鮮魷、芝士大蝦伊麵、麻辣手撕雞半隻、牛柳粒扒西蘭花。第一樣上碟嘅係椒鹽鮮魷，附上一碟醬汁，可以帶到魷魚嘅鮮味。炸漿薄薄一層，香口脆卜卜，送啤酒一流。😍第二樣上菜嘅係芝士大蝦伊麵，芝士係用芝士醬加芝士塊融化整成，味道濃稠而不膩，加上大蝦嘅鮮，想戒澱粉都難🤣第三樣上菜係牛柳粒扒西蘭花，西蘭花新鮮翠綠，牛柳粒入味軟淋，一碟起碼有十舊以上。最後一樣係麻辣手撕雞，幾夠麻辣味，伴菜爽脆，雞絲嫩滑，冇叫白碗，再叫飯就肥過肥仔啦👻

同班舊同事上左黎食飯聚舊～因為我地其中有兩個都對蝦蟹敏感，所以呢晚我地都係叫小菜為主～當中有啲小菜仲要做梗全日優惠58蚊！！！就好似呢兩碟：菠蘿咕嚕肉同黃金脆豆腐都係58蚊炸～兩碟嘅食材都炸到金黃香脆，份量亦有返咁上下架～跟住係我同另外一個朋友嗌嘅豉汁蒸鱔同砵酒焗蠔，同樣份量不少鱔肉爽彈，豉汁惹味，送飯一流！焗蠔係珍寶size～每隻都有手掌咁大架！！！見到隔離檯既羊腩煲都幾正咁，下次又等我試下先xpppp最後店員仲請我地食糖水添

朋友生日佢話好想食海鮮..記得依間係香港都好出名..所以一行四人就係銅鑼灣行完街就六點零就入座.餐廳環境都很古色古香..很有舊式香港情懷餐牌菜式都很多款式小炒 海鮮 煲 炒麵 炒飯 等等..就咁睇圖都流曬口水..十分期待上菜一刻。選了一個海鮮孖寶D餐 438$有一隻招牌架橋底辣蟹黎到係一款避風塘炒蟹黎..肉蟹很大隻起碼過一斤重炸蒜蓉鋪味蟹面..蟹都很新鮮..肉質很飽滿爽爽的小小辣很容易入口 很正 招牌菜真是實至名歸👏🏻蒜蓉粉絲蒸聖子黎到長過手板很大隻..鋪上滿滿蒜茸粉絲.聖子蒸得剛剛好不會太熟…很爽口..粉絲吸了海鮮豉油伴起粉絲一齊食超正 超滿足單點了椒鹽海中蝦蝦連殼炸得翠翠的..再用避風塘炒法..很香口送酒一流野生基松茸沙魚骨炖雞湯湯料十足..有沙魚骨 起碼半隻雞 一堆豬湯應該炖了很長時間..湯頭很濃厚 膠膠的 滿滿的骨膠原口感上湯浸金銀蛋芥蘭因為朋友喜歡食芥蘭..所以選了用芥蘭浸芥蘭不會太老份量都很足金銀蛋上湯都很好味🥰避風塘BB骨有多支豬仔比配上避風塘做法很嘢味

趁住放假同妹帶爸媽出城覓食🥰今次去揀左去食老字號鑊氣炒蟹~·📍橋底辣蟹.唔想煩惱諗食咩，於是點左個4人套餐($1180)😆好抵食呀~🦀招牌炒辣蟹 - 避風塘系列~可以叫走辣、少辣、中辣同大辣，食唔食到辣都有得選擇，大肉蟹用左好多蒜同葱爆炒，勁香勁惹味😋🥢蒜茸粉絲蒸聖子皇 - 勁大隻勁鮮甜!!!面頭鋪左大量蒜茸、粉絲、金菇、紅椒同葱，再淋上熟油豉油，好正呀😍😍🐷秘製欖角骨 - 雖然食唔出欖角嘅味道，但有啲蜜糖係表面，甜甜地似bbq咁👍🏻🥣花膠杞子燉雞湯 - 足料!!原盅上枱，夠哂熱夠哂滋補~🐔霸王雞 (半隻) - 雞肉嫩滑，味道都啱啱好唔會過咸🐟清蒸海沙巴班仔 - 蒸得啱啱好~滑溜鮮甜無得輸💯🥬蒜茸炒什菜 - 清清地都唔錯呀~🥘干炒牛河 - 好有鑊氣而且牛肉都幾多😆正喎🥄綠豆沙 - 飯後食返個甜品簡直完美☺️唔太甜啱哂我

🥰結左婚仍然好鍾意孖住爸媽家姐去食好西.今次同佢地一嚐老字號鑊氣炒蟹·點左4人套餐（$1180）好抵食樣樣都有🐮🐷🐔🦀🦀招牌炒辣蟹. 睇住佢地食得咁滋味都開心🥰香口惹味🥢聖子皇.勁大隻！配蒜蓉粉絲❣️不得了🐷秘製欖角骨.雖然無咩欖角香，不過甜甜地都唔錯🥣花膠杞子燉雞湯.好足料！🐔霸王雞.半隻份量都幾多～雞肉嫩滑🐟清蒸海沙巴班仔. 唔腥之餘魚肉滑溜👍🏻蒸既時間剛好🥬蒜茸炒什菜.👍🏻👍🏻佢地食蟹我食菜😂🥘干炒牛河.有穫氣.牛肉量都幾多🥄綠豆沙.唔太甜.我仲要食埋👨🏻果碗😂·📍橋底辣蟹銅鑼灣駱克道391號金禧大廈地下及一樓

橋底辣蟹（銅鑼灣）#橋底辣蟹最近由地舖轉去隔離新舖（金禧大廈）這個地址, 其他分舖已暫時休業‼️#走上一樓鋪面比以往更明亮寬敞,設有大圓枱、廂房和卡位,各具特色。1）雙冬黑草羊煲$268；熱騰騰地端上枱,即場用爐加熱,羊肉選用黑草羊,羊腩肥瘦相間,非常滑溜,美味豐腴,肉質軟腍卻沒有一點羶味,廚師在煮時加入了肉桂和香葉等調味品去煮,吃時點上秘製的腐乳,入口不膩,隨餐送上生菜,配料有枝竹、馬蹄、竹筍、冬菇和蘿蔔,全部皆吸收了湯底的精華,非常美味。2）西蘭花炒帶子$138：炒得非常有鑊氣,大大碟的西蘭花炒得剛熟,夾脆可口,保持著鮮綠色；帶子份量也頗多,真材實料,非常厚身,彈牙爽口,鮮味十足,吃過不停口。3）干燒伊麵$68：伊麵煮到恰到好處,麵身爽口,放進口裏咀嚼一下卻很滑溜,不會太濕太油,不油不膩,一試難忘,再加入草菇和韭黃作配菜去炒,吃起來口感豐富,非常滋味！

今日同呀妹去咗幫襯橋底辣蟹，搬咗舖之後都未食過…OpenRice入google嘅位置標錯咁搞到都搵左陣因為得兩個人嘅關係，我哋只叫咗兩款小菜同白飯。避風塘炒蟹就一定係必點嘅，叫咗細soze。然後因為我鍾意食辣野，所以再嗌咗個麻辣手撕雞。講吓佢嘅招牌菜避風塘炒蟹先。雖然係細size，但係已經分量十足，蟹鉗大大隻啖啖肉，抵食！至於麻辣手撕雞軒汁比較多，但味道都係唔錯嘅，其實偏酸辣多。兩個餸都好送飯，結果成碗飯清晒

近排經常相約朋友到銅鑼灣百貨公司血拼，當然要搵下附近有咩好嘢食啦。朋友就介紹呢間老字號食海鮮，要留意佢地搬左地址唔好摸門釘🤣我哋懶得揀，點左個二人餐招牌炒辣蟹招牌菜就一定要食既，辣蟹都好大隻，炒得好乾身超惹味😍肉質鮮嫩，又夠入味，好正！另外餐廳提供晒手套，濕紙巾等，唔會食得好狼狽👍🏻豉椒炒蜆唔會得殻🤣蜆肉大粒又冇沙，送飯一流金湯佛跳牆一人一盅外形好可愛，熱辣辣裡面超足料，冬天飲啱晒，養顏得黎又滋補🥰清炒時蔬菜都好新鮮，炒得好惹唔味🤣又係送飯之選