橋底辣蟹

营业中

休息中

今日朋友話銅鑼灣有間食蟹嘅幾出名，咁我地就決定一齊去試下，間野其實都好就腳，係銅鑼灣地鐵站出行大約幾分鐘就到啦。😊 原來之前嘅橋底辣蟹其他分店都暫時休業，搬咗嚟呢個新地址。一去到，店員都好好招呼，好快就幫我地安排座位。🤍環境方面，呢間舖頭都坐得舒適，座位都算闊落。講到明係橋底辣蟹，咁當然一定要點嘅菜式就係避風塘炒蟹啦。😍😍 而家晚市做緊一個超抵嘅孖寶，就係一隻避風塘炒辣蟹，再加沙薑雞（半隻），都係四百幾蚊，真係非常抵㗎 ！其實仲有好多唔同嘅孖寶選擇，我都影咗個餐牌俾大家睇吓。我哋重點咗好多唔同嘅小菜，價錢都好抵吓㗎，都係60幾蚊至到90幾蚊不等。😛😛😛 試多幾個小菜都唔怕啦。我哋都叫咗唔同嘅小菜，例如蒜蓉炒通菜，豉椒炒蜆，鐵板田雞等等，全部都煮得好出色。😍😍👍🏻講返今日嘅主角避風塘炒蟹先，隻蟹真係超巨大，上枱嗰陣真係嚇親，估唔到呢個價錢都有咁高質嘅蟹食，性價比非常的高。同埋隻蟹肉新鮮甜，非常多肉，我哋三個人食都剛剛好。😍😍👍🏻 推薦大家一定要來試呢個菜式！最後，店員都非常親切咁樣為我哋送上紅豆沙做糖水，滿足我哋食甜品嘅慾望，佢哋嘅服務非常體貼㗎。😍👍🏻

銅鑼灣一直有樣美食非常出名，就係橋底辣蟹，好多時行過附近，D香辣味都會令我留曬口水，我近排一直響銅鑼灣翻工，一直心思思想試下，今個禮拜五收工，心血來潮就約埋同事一齊去試下呢間餐廳。 呢間餐廳都好受歡迎，好多城中名人都曾經拜訪，門口貼滿左好多相。餐廳入面環境就正常一間酒樓咁，但係就一直彌漫住一陣好鬼令人有食欲嘅香辣味，我相信餓住咁食已經令客人食嘅時候加分唔少。我睇個餐牌真係睇到眼花繚亂，超多種菜品，基本上可以唸到嘅大排檔菜色，個餐牌上面都可以揾到，而且價錢唔貴。 一開頭就直接上主角辣蟹，個賣相一睇就知掂，一隻大大嘅蟹身上鋪滿炸蒜，爆香，D香味真係直衝入鼻，而且聞落去就知道一定夠曬入味，呢種辣蟹就一定要用大肉蟹，呢種比較重口味嘅整法，如果用細蟹，食得就可能無咁爽，仲可能太咸添。呢個招牌辣蟹果然無令我失望，啖啖肉有滿足感，而且炸痠起到增香嘅作用，食起身又惹味又香口，而且可以話面頭汁醬唔多，全部逼曬落蟹肉入面，加埋蟹肉嘅鮮味，味道真係令人有D上癮。唔好以爲呢個鎹净係食個味，估唔到蟹肉肉質都一樣咁出色，食得出用嘅蟹一定係新鮮嘅，一D都唔霉，而且處理上都做得非常出色，一絲絲，咬落去唔係即刻散，有小

呢排靚蟹出動，我呢隻蟹王都蠢蠢欲動😋 經過呢間人氣蟹店先知原來搬咗新地址，其他分店就暫時休業😲點都要再回味下🥳推出咗好多優惠套餐🤩 4人份都係$1180，已經有蟹、蟶子皇、沙巴斑仔、燉湯等，好抵食😌🦀橋底辣蟹原隻蟹上面佈滿炸蒜、辣椒及香蔥，香氣撲鼻😌。每蟹件都已破開，唔駛太花氣力就可以食到，雪白肥厚鮮甜嘅蟹肉，拆開仲係一絲絲😋 好味到只掛住食，唔得閒同朋友傾偈🤣🌟蒜蓉蒸蟶子皇蟶子每一隻都大大隻，肉爽而嫩滑，吸收咗醬汁，味道更有層次🐟清蒸沙巴班仔蒸得剛剛好，新鮮嫩滑😋🍲花膠杞子燉雞湯 材料十足，成碗都滿滿，仲有隻好大嘅花膠，爽口軟滑，雞湯濃郁不油膩🍖柚子脆香骨排骨炸得香脆，配以柚子，入口清新芳香，酸中帶甜套餐仲有蒜茸炒什菜🥗、沙羌雞🐔及蟹油銀芽炒麵🍝另外仲有香滑紅豆沙😋

臨近秋天，又到食蟹嘅最好時機🤩 大家一定會諗想到避風塘炒蟹🦀 要留意呢間剛剛搬到新地址，其他分店暫時休業花膠杞子燉雞湯 🍲燉湯用特別嘅鐵盅上菜，未飲已見湯料十足，花膠厚實，材料豐富。飲後發覺湯清而不膩，有淡淡杞子味，保留原材料的味道，絕對喺零味精之選。蒜蓉蒸蟶子皇蟶子呈上來時平平無奇，但眼見用料紮實，每一隻都大大隻。蒜香滲入蟶子之中，肉鮮味美，粉絲吸哂蟶子嘅鮮味，令人有想再來一碟嘅衝動。😋橋底辣蟹🦀店家事先將蟹腳蟹鉗等敲破，令食客輕輕一挾就能剝開。蟹肉本身肉質肥厚，尢其是蟹鉗，肉質肥厚鮮甜，蒜酥炸得酥脆，恰到好處。再配上店家秘製辣醬，美味指數瞬間提高了不少，喜歡重口味的朋友一定會愛上! 💕清蒸沙巴班仔🐟魚肉蒸得剛好離骨，肉質厚實而細嫩，豉油調味也恰到好處。柚子脆香骨🍊🍖第一次食以柚子入饌嘅菜式，柚子嘅酸甜味包係酥脆嘅排骨上，味道爽口清新，配上啤酒汽水，絕對係解辣嘅首選菜式。

想食辣蟹🦀諗起依間老字號「橋底辣蟹」，原來佢已經搬咗去銅鑼灣駱克道🥳餐館裝潢係舊式茶樓格調，好有地道feel ，一打開餐牌，見到好多套餐，超抵食喎，仲見到有好多特價小菜💗💗我哋兩個人嚟，揀咗個孖寶C餐，＄428已經包一隻招牌炒辣蟹，同埋秘製沙薑雞半隻👍🏼好經濟實惠喎◽️ 招牌炒辣蟹🦀落單嗰時可以揀辣度，由BB辣開始，我哋揀咗小辣唔算太辣，啱晒我哋🥳一嚟到已經聞到勁香😋上面鋪滿咗炸得好嘅蒜酥，濃郁嘅蒜香配上充滿鮮味嘅蟹肉～正！而隻蟹都幾好肉👍🏼◽️ 秘製沙薑雞好有傳統風味💗雞好肥美肉質鮮嫩，完全吸收晒沙薑醬汁嘅精華，非常入味。呢個孖寶餐份量我哋兩個人啱啱好，最後仲有買糖水送添。如果肚餓啲可以再叫多個小菜。價錢咁經濟實惠～又食到好有港式避風塘風味嘅辣蟹，感覺都好唔錯👍🏼

原來橋底辣蟹搬左去呢間鋪其他分店休業緊 仲以為執左咁可惜帶左親戚黎食香港最出名既避風塘炒蟹我哋叫咗個橋底辣蟹配豉椒炒蜆套餐，仲有兩盅佛跳牆同埋清炒時蔬另外再加咗乳鴿、蒜蓉粉絲蒸帶子、辣酒煮花螺、瑤柱蛋白炒飯橋底辣蟹（一隻）蟹好新鮮， 見到廚房門口一箱箱蟹🥰d蟹索哂炸蒜頭既香氣， 超惹味叫左小辣，辣味岩岩好， 蟹都好多肉👍 唔怪得呢款菜引左咁多遊客慕名而黎食都夠4 個人分享 ，每人食小小再叫其他餸菜佛跳牆好足料，熱辣辣啱啱燉好出黎。花膠鮑魚咩料都有， 超豐富炒蜆厚肉無沙👍個醬汁好正至於乳鴿都好推介，多汁，新鮮炸起辣酒煮螺都十分唔錯，螺肉新鮮，好啱配啤酒，酒味濃郁炒飯都有水準，粒粒飯好有鑊氣帶子好大粒啊餐廳都幾熱鬧，侍應嘅服務態度都幾好，換碟換得好快，又會主動提供濕紙巾🧻最後仲有甜品紅豆沙 好滿足啊 紅豆沙煲得好飲甜甜地

一向都喜歡吃橋底辣蟹嘅晚飯小菜, 有鑊氣又經濟實惠！ 最近搬了新鋪位(原地址嘅另外一面), 就過來食晚飯. 一坐底就見到有新款菜式-麻辣烤魚, 仲要係$98! 我二話不說就先下單, 還有多種燉湯選擇, 我們點了花膠雞湯. 烤魚係四川風味嘅煮法, 香料和辣道剛剛好, 食完個嘴唇會有麻味. 再加上豆卜,蓮藕片,唔會浪費個噤好味嘅汁. 魚亦係多肉少骨,係我喜歡嘅類型. 花膠雞湯煲得好濃味, 仲有4,5片花膠,真係落足料. 小菜方面有韮菜炒鹹肉, 鹹肉炒到有少少燶邊,好香口. 薑葱蠔煲用了好大隻,肥美嘅蠔. 埋單時仲有紅豆沙送添!

橋底辣蟹，位於銅鑼灣駱克道金禧大廈，餐廳格局與傳統中式酒樓無異，以炒辣蟹，海鮮及傳統廣東小炒為主。餐廳菜式選擇非常多，以海鮮類較多。二人套餐亦有多款選擇，價錢亦豐儉由人，簡單方便快捷。椒鹽大尿蝦，色香味俱全，大尿蝦肉質結實新鮮，連伴碟椒鹽韮菜都相當出色，伴飯伴粥皆宜。豉椒炒大蜆，味道不算辣，老幼咸宜，份量尚算合理。柚子脆香骨，以韓式柚子醬汁配脆香骨，味道新鮮特別，以韓式醃蘿蔔作為伴碟配菜，開胃好食。

之前喺橋底店鋪搬遷左好耐冇試過諗緊好唔好味朋友就話試吓啦老字號有保證烤魚呢個價錢真係好抵食居然仲會有配料有蓮藕芽菜等等，再加上香噴噴既烤魚少少BB辣都感覺到好辣但冇辦法啦我又想食，好惹味啊魚肉新鮮又夠多肉！嗜嗜唐生菜煲菜其實都可以吵到好香跟啲肉碎一齊爆香佢熱辣辣上黎🌽粟米魚肚羹呢個真係唔可以唔讚因為份量真係好多，材料有好足夠兩個人飲咗3碗啊！秘製沙拉骨平時喺屋企整唔到酸甜甜的滋味，加上有沙律醬料搭配超級開胃！海鮮炒烏冬海鮮有蝦、魚、魷魚等等炒得好香同埋唔會一嚿嚿店員態度好好同埋好熱情❤️

橋底雖然唔再淨係講故，己經有20幾年歷史既「橋底辣蟹」近排就係銅鑼灣舊鋪轉新鋪，正所謂薑就愈老愈辣姐，蟹就一定係愈辣愈惹味既；不過今晚朋友麻麻地蟹，嗌左幾樣撚手小菜啤啤佢，一樣夠地道！👇📌貝 殼 - ▪ 豉 汁 炒 蜆 - $88▫ 第一味一定要試「豉汁炒蜆」，豉椒味恰到好處，唔會過鹹，份量絕對無呃秤，基乎每隻蜆都打開哂，蜆肉夠多，食到明顯鮮味，鑊氣十足。📌蔬 菜 -▪ 西 蘭 花 炒 鮮 魷 - $88▫ 另一道必食小菜「西蘭花炒鮮魷」一試就試到大廚水準非常到家，西蘭花食落保留到爽脆口感，加埋鮮魷好有咬口，加埋蝦醬夠哂風味！📌鐵 板 -▪ 鐵 板 黑 椒 牛 仔 骨 - $88▫ 原熱辣辣既鐵板呈上既「鐵板黑椒牛仔骨」，牛仔骨一入口牛肉味相當厚實，肉質軟腍嫩滑，加埋黑椒點綴，帶少少辛辣感。📌餐 前 小 食 - ▪ 椒 鹽 九 肚 魚 - $88▫ 最後嗌埋個即叫即炸既「椒鹽九肚魚」，炸粉夠薄食落非常脆身，魚肉非常新鮮，就算炸過後都保留到質感爽滑，魚幼骨算少，唔錯。

大大啖肉蟹好滋味🤩呢排真係好忙，今晚一於食餐好嘅😍蟹痴緊係去食蟹諗住去橋底辣蟹食，點知搬咗去隔離街新店大啲舒服啲我地叫咗「三寶」套餐 $668有「招牌炒辣蟹」+「椒鹽賴尿蝦」+「清炒時蔬」原本仲諗住隻蟹會好細隻驚唔夠食點知都唔細隻喎😍勁多肉呀😍😍😍開心到暈啖啖肉超正，而且辣度岩岩好（我地叫咗小辣）好滋味😍「椒鹽賴尿蝦」同筷子差唔多長油炸賴尿蝦配埋炒香嘅椒鹽，香味撲鼻，鮮甜爽口，食得津津有味😍「清炒時蔬」就是普通炒碟菜「椒鹽雞中翼」$78 皮脆香口「西潮牛肉羹」$78 兩個人大概食咗九百幾，好飽食唔晒😍下次帶埋父母嚟食先🥰餐廳：橋底辣蟹地址: 銅鑼灣駱克道391號金禧大廈地下及一樓

今日同朋友去食飯 經過銅鑼灣駱克道嘅呢間橋底辣蟹 感覺好有香港風味所以就入去食下啦裝修環境好有舊式酒樓嘅風格 坐得幾舒適當紅炸子雞 外皮夠脆一啲都唔油膩 雞肉嫩滑多汁 上面仲加上炸蒜 好香口呀避風塘脆鱔 海量嘅嘢味蒜頭堆積如山 非常壯觀 脆鮮炸得脆卜卜 入面嘅肉好嫩滑而且魚油十足中式牛柳 醬汁酸酸甜甜好好餸飯 牛肉夠淋西蘭花鮮魷 西蘭花非常爽脆 鮮魷夠曬新鮮口感彈牙配埋非常惹味嘅蝦醬好食 見到隔離枱食招牌辣蟹都好想試 不過份量極大下次都係叫埋朋友先嚟再食啦

今日同埋啲朋友仔一齊去嗌餸食飯，銅鑼灣食咩都好貴，月尾大家都叫窮，所以就搵咗間平靚正嘅小菜食下野生姬松茸鯊魚掘燉螺頭湯$188食飯之前就要飲個靚湯，螺頭湯好鮮甜又滋補，份量超級大、夠五六個人飲，最後都唔係好飲得晒金銀蛋浸時蔬$78住家菜嘅味道，又係份量超大，食啲菜都幾好梅子脆香骨$78梅子嘅味道酸酸甜甜，但係又冇酸甜排骨咁重口味，味道比較清新，排骨亦炸得夠脆，送飯一流福建炒飯$78福建炒飯超多芡汁，食到最後都唔會覺得乾，海鮮同埋蛋炒飯嘅份量基本上一比一，一啖餸一啖飯係唔錯嘅

橋底辣蟹雖然最出名係食炒蟹，但其實除咗炒蟹同海鮮，都仲有好多炒小餸食。今日就同同事放工去咗橋底辣蟹到食小菜。🤤✔️美味烤魚 (HK$98) 🐠超抵食推介，美味烤魚。湯底是四川麻辣風味，小辣小麻，味道非常地道。條魚好滑嫩，而且不會太多骨。烤魚實在太過惹味，令人食唔停口。✔️黃金脆皮南瓜 (HK$65) 🎃即叫即炸，熱辣辣。外層醮上鹹蛋黃來炸，加上薄粉油炸，鹹蛋黃味道突出，香脆可口。✔️薑蔥田雞煲 (HK$88) 🍲上枱就已經咋咋聲，薑蔥味濃烈。田雞先炸至金黃色，再加上薑片，蔥，蒜，乾蔥等配料爆香，非常惹味。進食時感受到田雞肉質新鮮嫩滑，彈牙香脆。✔️艇家醬時蔬煲 (HK$68) 🥬見到餐牌有艇家醬時蔬煲，見到幾特別，就order 試試！ 原來艇家醬係類似蝦醬加豆豉醬，裏面有生菜，菜心，西蘭花等，感覺很健康。重點推介係煲內有好多蝦乾，增添不少鹹香味。✔️星洲炒米 (HK$68) 🍜星洲炒米份量很多，大大碟，鑊氣味重。

路過銅鑼灣見到辣蟹搬左嚟新店，於是同朋友就入去一試。入到嚟座無虛席，環境都唔錯！嚟到呢度一定要試返個辣蟹啦，佢有好多辣蟹孖寶套餐都係400-500左右，我哋就點左個橋底辣蟹配沙薑雞半隻，一上菜隻蟹完全比我哋想像之中大隻，好多肉，又實淨，煮得好入味，隻蟹食得出好新鮮，隻雞都好嫩，雞肉一啲都唔鞋！我哋都有點下其他小菜，價錢都唔貴，其中柚子骨都幾香脆，食得出好有柚子香，件件都好好肉！仲點左個豉椒炒蜆，蜆肉都好新鮮，份量都好多，豉椒炒得好香，夠鑊氣！鐵板薑蔥田雞，田雞件件都好好肉，鐵板上食落更加香口，配飯一齊食簡直一流！雖然搬左地方，但水準都仲係唔錯！