橋底辣蟹

营业中

休息中

今次去咗銅鑼灣食嘢，同行友人想食薑蔥炒蟹，所以search下or有咩好介紹，就搵咗呢一間嚟試吓😋呢間個名好似我細細個已經聽過，佢轉左去新舖，感覺上都幾舒服😌，薑蔥炒蟹（小）$480，價錢都可以接受既🤫再叫多幾個小菜就應該夠四個人食首先就叫咗蠔仔粥嚟，一窩夠哂四個人食，啲蠔都比出面大粒，粥底都夠味，加埋蠔既鮮味，昇華不少😘椒鹽九肚魚炸得香脆，內裏啲魚肉夠晒嫩滑，啲骨都可以吞埋入去，味道夠晒惹味😙菜就叫咗腐竹蛋白浸娃娃菜，夠清甜，好大份，好彩有四個人一齊食☺️薑蔥炒蟹終於到了，都唔細，炒得非常夠火喉，果然係食炒蟹而出名，蟹鉗經已處理好，只要慢慢剝殼，就可以享受👶🏼拳頭咁大嘅蟹肉😘😘而啲薑同埋蔥都係主角嚟，撈飯一流😍😍八珍豆腐煲非常豐富，入面有多種配料，都幾意想不到，豆腐已經走咗油，所以夾起上嚟都非常容易，呢款係適合想咩都叫嘅人食🤣🤣最後就上埋甜品，紅豆沙，不過就有啲甜，佢送就冇所謂啦😝

重點要第一句講😖 橋底辣蟹搬咗鋪位（其他鋪都暫停營業），新地址喺銅鑼灣駱克道391號金禧大廈地下及一樓，路痴嘅話最好順住路牌搵，如果唔係有機會蕩失路呀🙊😂😂 4個人叫咗5個餸，最後仲有糖水送，飽到加零一🥳薑蔥炒蟹送飯一流，蟹鉗啖啖肉，用嚟撈飯做蟹肉飯都得😂😂蠔仔🦪粥一鍋大大煲，夠4個人食兩三轉，材料有蠔仔、冬菇、肉碎，夠曬鮮味，精華係個粥底🙌🏻🙌🏻椒鹽九肚魚炸得外脆內軟，份量好多，除咗肉類仲叫多咗兩個菜，均衡飲食😃😃腐竹蛋白娃娃菜，上湯浸娃娃菜好入味又爽口，仲有啲幼薑絲驅塞😀😀 八珍豆腐鍋有豬膶、豆卜魷魚、豬肉、雞肉、菜… 樣樣都有百花齊放😚😚是日糖水陳皮紅豆沙，紅豆煲到起沙，食完劃上全晚句號👍🏻👍🏻

餐廳由舊舖搬來銅鑼灣已有一段時間,到現在才有時間試一試,上了樓梯就見到一個放滿好似古玩的架子,有些特別。侍應姐姐見我們立即招呼坐下,開茶放餐牌,一見餐牌就有選擇困難症,姐姐一見就立刻過來介紹。首先是豉油皇大蝦,蝦肉鮮甜彈牙,惹味非常。跟住係西蘭花炒帶子,帶子都幾大粒,西蘭花翠綠爽口。再來一個海鮮豆腐煲,豆腐滑滑口感。食食吓突然見到個菜牌有酸菜魚,烤魚,立刻叫個酸菜魚,但姐姐話份量比較多,會食唔哂,要考慮一下,朋友話佢想試一試,個魚一上枱,真係厲害,足夠4-6人食,味道可口。食完枱面食物,飽到不得了,非常滿足。

秋風起，又係約返三五知己食飯嘅好時機今日出到嚟銅鑼灣，去咗我最鍾意嘅橋底辣蟹。呢一間野雖然話最出名就係食蟹，但今日我有啲濕疹，唔係咁方便。所以我個朋友點咗其他撚手小菜：沙律蝦炒西蘭花、瑤柱蛋白炒飯、水煮魚、蠔餅同埋手撕雞，款款都係惹味小菜，令人食指大動！我最欣賞就係沙律蝦炒西蘭花，因為沙律蝦爽口彈牙、鮮味十足、令人一隻一隻咁放入口！佢嘅水煮魚都毫不遜色，一隻隻辣椒鋪喺面頭，配合埋八角、花椒等等真材實料嘅香料，非常之惹味，魚片亦都非常之爽滑無骨，值得一讚！蠔餅一啲都唔吝嗇，裏面有勁多鮮味十足嘅蠔仔，真係大滿足呀！不過要提返大家，以前我幫襯開嘅灣仔店都暫時休業，大家如果要食蟹或者係其他小菜就記得去返銅鑼灣駱克道金禧大廈嘅分店啦。

生日想食橋底辣蟹，一家人就嚟到位於銅鑼灣老字號（橋底辣蟹）食返餐好嘅！這裏是由舊舖搬到這間新鋪，店舖裝修很有中國特色，餐牌上的菜色都有很多選擇，當然是招牌炒蟹最有特色，仲有好多優惠套餐選擇👍招牌橋底辣蟹我呢隻大約係中size，四個人食剛剛好，因為仲有其他小菜，辣到可以按照個人喜好選擇，全部即叫即炒，上枱時炸蒜香噴噴，鑊氣十足，蟹肉食落鮮嫩，啖啖肉😋粟米魚肚羹呢個係我最鍾意食嘅粟米羹，魚肚份量頗多，口感不錯👍紅燒乳鴿乳鴿外皮香脆可口，肉質本身已經夠味，所以不用配上醋同鹽食已經好好味！蒜蓉粉絲蒸元貝元貝每隻都好新鮮，清甜帶爽口，除了加入蒜蓉、蔥粒和粉絲之外仲加了金菇，食落口感不錯👍食到好飽當然留返少少位置食返碗綠豆沙糖水啦！

成日都聽橋底辣蟹，但一直都冇去食過，今日同屋企人經過就去試吓啦，我去嗰間係金禧大廈隔離，其他分店暫時休業😳我本身麻麻哋食蟹所以就試吓佢其他嘢🤪-🦐黃金海中蝦（$168）一上枱好香鹹蛋黃味，炸到脆卜卜咁，啲殼都可似食埋，勁鹹香，好正🤤-豉汁炒蜆（$88）夠鑊氣！多蜆又冇沙，好惹味😍-🐟椒鹽九肚魚（$88）我最愛❤️炸粉唔會太多，剛炸起熱辣辣啲魚炸到剛好，滑溜溜☺️-🌽粟米魚肚羹（$78）勁大兜，分分鐘好食過大酒樓，味道剛剛好，仲有好多魚肚😋-橋底小炒王（$58）魚乾好香口😋魷魚一啲都唔韌，炒得好鑊氣👍🏻同屋企人聚會喺度食好過去酒樓，全部上枱熱辣辣，價錢好抵質素高，又有電視睇吓👍🏻👍🏻

原本一心唸住黎到呢度食蟹，但個飯腳剛巧皮膚敏感唔食得🥲，故唯有轉食小炒😊，好彩餐牌選擇夠晒多，重有孖寶小菜，睇到眼花撩亂。為了飯腳皮膚着想，叫番啱佢食嘅野至得。 #蟶子王，豉汁味香濃，蟶子新鮮肉質咬落煙韌，炒得夠晒惹味。 #豉汁蒸魚雲同#豉汁蒸鱔，豉汁味香濃，蒸得火候剛剛好，肉汁豐富肥美厚身，令人十分回味。#海鮮雜菜煲，食材好豐富，湯清甜美味，唔會過咸而且不油膩，夠晒健康。
最後店員仲送上足料綠豆沙，完滿的一餐啊！ 下次家人聚會都可以選擇呢間，選擇種類多，坐得舒服😌。

難得放假，就約左朋友黎橋底辣蟹食晚飯😊 原來橋底辣蟹近排搬左新舖，但其實同舊舖都好近～行多幾步就到。想黎食既朋友要留意其他分店暫時休業呀。已經好多年冇黎，個餐牌仍然都係多選擇到眼都花😂樣樣都好吸引咁。最後我哋叫左五個餸～潮州蠔餅蠔餅係我至愛，一定要叫啦。啲蛋炒得好香好鬆軟，最緊要係啲蠔認真大隻，份量十足，同埋好新鮮。絕對推介！蒜蓉粉絲蒸扇貝扇貝好大隻，啖啖肉，而且配料調味都值得讚，再撈埋粉絲，口感豐富好滿足。椒鹽九肚魚椒鹽九肚魚真係次次黎都會叫。外皮香脆金香，裡面就啖啖嫩滑嘅魚肉，好正👍🏻豉汁炒蜆炒蜆炒得好有鑊氣，非常入味，而且份量好足。薑汁炒芥蘭最後仲有薑汁炒芥蘭，新鮮香口，好爽口。餐廳仲送糖水，真係認真抵食～下次一定會再黎😍

聽說橋底辣蟹已經有20多年歷史，在港島區超級有名，但至今我仍沒有吃過，所以適逢中秋節，我們一家人便來吃晚飯，順便做節啦。 橋底辣蟹是間香港避風塘海鮮餐廳，所以一定要吃辣蟹試吓。除了辣蟹，我們還叫了好多款小菜，全部價錢都不貴，非常實惠。 招牌炒辣蟹 招牌菜真心好食啊！大大隻辣蟹，蟹肉好鮮美好鮮甜，加上香脆又惹味的避風港碎，好惹味。即刻叫枝啤酒，一齊啤啤佢！ 秘製沙薑雞 我哋叫了孖寶套餐，辣蟹配了一隻沙薑雞。沙薑雞雖然只有半隻，但份量並不小，肉嫩又入味，比想像中好吃！ 魚香茄子煲 $68 超級掋食的魚香茄子煲，非常濃味，好惹味啊。茄子全部煮得好腍，又軟又香，我們即時叫了一碗白飯吃。 海味粉絲雜菜煲 $68 最後想健康一點，我們要了海味粉絲雜菜煲。煲入面有西蘭花、小唐菜、粉絲、唐生菜等，好豐富。

‼️經濟又實惠‼️食咗四樣餸都係大概$400豉椒炒蜆好有鑊氣最緊要就係啲蜆係絕對冇沙唔怪之得幾乎檯檯都有點小炒王係去食小炒必點嘅啲銀魚仔未食上檯時已經好香仲有魷魚蝦乾腰果幾惹味佐酒一流水煮魚$128一大盤點咗中辣唔算好辣下次可以挑機大辣配料有鮮冬菇金菇木耳秀珍菇豆卜最後多到食唔晒海鮮雜菜煲呢個比我預期中清新唔會太咸有驚喜最後有糖水送（不過我唔記得影）下次嚟要食返蟹先～套餐勁抵食不過今日皮膚過敏食唔到🥲留意返而家搬左舖～其他舊店暫停營業

原來橋底辣蟹已搬到這個地址, 之前去開嘅分舖話已暫時休業！明白的，疫情，逆情⋯⋯二人同食，點菜有點難，蟹同蝦，我哋終於理智地叫咗個芝士海蝦伊麵，好香，好滑嘅芝士仲有四、五隻大蝦，都爽口彈牙，嘩！d芝士伊麵超好食，減肥？明天才開始😂😂避風塘鱔球，香、辣嘅鱔球，原全係做到外脆內軟😋😋份量都唔少，仲係大大嚿！喜歡食香口野嘅，一定要叫！紅燒乳鴿最啱二人分享！皮脆、鴿滑，味道剛好，可以乜都唔使點👍🏻薑汁炒芥蘭，沒有多餘菜葉，我最鍾意😍老店有樣好，就係送糖水，滿足啦掛👍🏻👍🏻

銅鑼灣既橋底辣蟹除了有馳名炒蟹食之外，其實小炒都做得幾好，而家價錢幾正，價性比幾高。Menu款式超多種類，睇到心大心細，眼闊肚窄。芝士海蝦e麵煲，芝士非常足料夠香！質感夠綿又夠濃，海蝦亦夠鮮味！e麵吸哂芝士既香味，入口感覺好味！份量足料夠大碟。橋底xo醬西芹炒螺頭，西芹夠爽口又清新，螺肉鮮味，xo醬汁好夠味，味道惹味好送飯！薑葱田雞煲，鑊氣非常，炸炸聲！田雞肉夠嫩滑，骨與骨之間既軟骨夠脆口，個汁好香夠挺身！吸哂味。仲有綠豆沙糖水送，粒粒起沙，好香有咬口，唔會死甜，正呀！

去到銅鑼灣…老友話去一間小炒王到試一試…因為嗰度有成百幾款餸菜任君選擇呢一間辣蟹店搬咗嚟新地址…地方寛堂舒適最重要有好多特價小菜我好耐都未試過見過一本菜譜…裏面閑閑哋有百幾二佰種小菜任你揀😲😲😲真係想食乜都有首先叫咗個將爆炒蝦球…蝦球都好爽口彈牙叫咗一個招牌炒飯再嚟多個葡汁焗海皇…海皇裏面就是有大蝦…斑腩..魷魚..相當足料我哋仲叫多個豉汁蒸魚云…都算係啖啖肉平時我同老友兩條友仔…食四個餸一定食得晒…但係今次份量真係幾多下…所以都有食淨小小炒飯因為份量實在太勁啦🤗🤗🤗

今日同朋友黎食辣蟹, 大家都係嚐辣之人去到見到有好多款抵食套餐, 我地又係大胃王, 叫咗二人餐, 仲再加兩個餸!辣蟹叫咗大辣, 果然非常辣又惹味, 蟹大大隻, 多肉, 亦好貼心經已卜碎了, 不用太花功夫就開到豉椒炒蜆都好大碟, 但有幾粒布沙鵝腸好好食, 入哂豉椒味腸中, 而且非常多腸, 足料!湯亦同樣足料, 又夠熱, 充滿濃濃肉味!椒鹽鴨舌就略嫌太多粉總括來講好滿意, 抵食又唔太嘈, 比大排檔啤啤係更好選擇, 坐足一晚嘻嘻哈哈!

由於在灣仔馬師道工作十多年，對附近的食肆認識很深，看着這間橋底辣蟹，由一間小小的店舖，發展到差不多有三間分店。最近得知其他分店裝修，暫時只有這裏營業，今晚便來這裏一試。果皮蒸泥鯭$108，鮮甜味美的泥鯭，配上果皮，是傳統的一道廣東小菜。蒜蓉炒菜心$58，鑊氣十足的菜心，清甜可口。脆皮炸乳鴿皇$60，外脆內軟的乳鴿，肉汁豐富。荷葉古法蒸田雞$108，田雞肉吸收了荷葉的香氣，味道層次更加豐富。蟹肉湯伊麵$50，伊麵吸收了清甜的湯水，加上鮮甜的蟹肉，是飽肚的選擇。啫啫生菜煲$68，配料有蝦醬、肉碎和蝦乾，非常惹味，帶起了整個生菜的組合，如果味道淡一點更好。吃完這個免費的糖水，今晚真是肚滿腸肥了。