樂意點心

营业中

休息中

呢間小店超受歡迎，6點到已經有人龍，好彩攞咗飛之後可以喺app度睇號碼，算方便！呢度主打點心經濟實惠又好味我哋叫左以下幾款✅麻辣牛柏葉 $28牛柏葉爽脆彈牙，麻辣醬汁滲透得啱啱好，麻得帶點花椒清香，辣唔會過火，鹹香味濃之餘仲透出一絲微甜。呢道菜夠惹味，食完好開胃✅珍寶帶子腸粉 $43腸粉皮滑溜薄身，唔會過厚，每舊都睇包裹住鮮甜飽滿嘅帶子，咬落彈牙多汁，口感細膩。淋上嘅豉油鹹香適中，唔會搶走帶子嘅鮮味✅芝麻蝦多士（3件） $30炸得香脆嘅多士表面鋪滿芝麻，蝦膠厚實順滑，蝦味鮮甜，仲帶少少彈性，炸漿唔會太厚，食落唔會覺得油膩，配埋少少甜酸醬，味道更加突出。✅龍仔蒜蓉龍蝦配帶子飯（半隻） $110龍蝦煮得鮮嫩，蒜蓉醬香味十足，中間仲帶少少奶油感，唔會太膩。帶子飯係用龍蝦油炒過，粒粒分明，飯香入味，帶子一啲都唔腥，鮮味十足，配埋龍蝦一齊食真係一流，豪華又滿足。✅鮮蝦花甲粉絲湯 $48湯底清甜帶少少海鮮嘅鹹香味，粉絲吸曬湯汁精華，食落鮮味濃郁。花甲鮮甜冇沙，蝦肉爽口彈牙，材料份量誠意十足，呢道菜真係暖身又滿足，特別適合冬天食

In Tsim Sha Tsui, you can enjoy dim sum for under $20 without any additional service charge, making it an excellent choice for tourists.Fresh Bamboo Beef Balls / 2 pieces ($18)No shortcuts here—these beef balls are huge! It's been a long time since I've seen beef balls of this size, with a rich filling and excellent texture. And the best part? Just $18!平日夜晚食好多外國人，可以長期保持滿座，人流不斷真係不愧係點心人氣店。尖沙咀都食到唔洗$20蚊既點心，好抵! 裝橫好有格調，茶壺係用濾壓壺，好新奇。鮮竹牛肉球/2件 ($18)冇偷工減料，牛肉球超大粒! 好耐冇見過甘大粒既牛肉球餡料豐富口感層次豐富。重點先$18!原隻鮮蝦腸粉 ($38

🐷越式米網炸兩腸一共有六件，而且裏面嘅配菜非常豐富，裏面有紫椰菜、鮮蝦、紅蘿蔔、翠玉瓜等等 炸兩嘅口感好好，外軟內脆😂😂🐷芥末鵪鶉蛋燒賣都真係幾搞笑 ，因為裏面係有芥末味😍！一開頭以為自己睇錯… 但係咬開芥末味，同鵪鶉蛋個蛋黃味道幾夾喎😂，而且都幾多肉，所以加加埋埋都幾好食🐷龍蝦餃裏面嘅蝦肉都真係幾香，而且外皮橙黃色，非常之吸引，比起平時食開嘅蝦餃，感覺口感更加爽口🐷蘿蔔絲酥外面嗰層口感非常酥脆😍，而且唔會太硬，所以個感覺都幾鬆化，裏面嘅蘿蔔絲亦都有好多同埋夠香，蘿蔔嘅味道都幾濃🐷蘆筍蝦餃平時蝦餃就食得多，不過唔係次次都可以食到啲味道比較特別嘅，呢個蝦餃裏面仲加咗蘆筍，令到成個口感除咗蝦肉之外仲有啲爽口嘅菜，感覺更豐富🐷鮮蝦花甲粉絲湯呢個花甲粉絲湯裏面有隻新鮮嘅蝦，同埋有好多花甲，所以份量嚟講都真係幾豐富，個湯底都算鮮甜，啲粉絲亦都朔咗鮮甜嘅湯汁🐷楊枝甘露去飲茶竟然有一支支嘅嘢飲，係港式嘅糖水楊枝甘露，除咗可以飲番杯茶之外仲可以咁樣飲支凍嘢真係唔錯㗎，個味道啱啱好，小編就覺得甜品嚟講唔算太甜哈哈哈😂😂😂😂😂🐷樂意水果茶呢個水果茶裏面有好多款唔同嘅水果，而且仲有粒挽梅喺入面，所以成個味道

位置地點在尖沙咀核心地段，極之方便嘅中式點心店，長期多人擁有超強人氣，如果大家有朋友來港，值得去品嚐，真係超值，入面有多款選擇任你揀🤩 另外仲有特色點心添😍花鵰蛋白臘腸蒸紅花蟹配白飯🦀🍚酒樓都冇整得甘正，紅花蟹肉質鮮嫩多汁而鮮甜，蛋白吸晒花鵰酒香，撈埋白飯一流雲腿雞腳燉鮑魚多種材料放入燉盅，原隻飽魚有睇頭，湯飲落好清甜，燉得好入味夠晒滋潤芝麻蝦多士🍞餐前小食一流，外脆內軟既多士。蝦茸餡料夠晒多，芝麻香氣四溢麻辣牛柏葉😍牛柏葉肉質好嫩滑，香辣惹味，啱晒食得辣的你帶子菜苗餃🥟大大粒帶子舖滿成個菜苗餃，菜苗餃用上一架船製成，外型精緻，內裡多餡，肉質鮮味彈牙🉐呢到唔好睇佢細細間，出品真係無得輸，極度推薦前來飲茶✨😋@logyedimsum樂意點心🥟✅尖沙咀漢口道19-21號漢宜大廈地下C號舖✔️營業時間 𝐌𝐨𝐧-𝐒𝐮𝐧 𝟎𝟖:𝟏𝟓-𝟐𝟑:𝟒𝟓#尖沙咀美食 #香港點心 #香港茶樓 #打卡美食 #香港特色 尖沙咀飲茶 #foodiehk #hkfoodie #飲茶推介 #香港美食 #飲茶 #美味點心

間唔中就會好想食籠仔蒸飯，諗起就一定會嚟呢間～不過每次嚟親都要攞飛等位，因為實在太好生意喇！！一來係價錢，性價比非常高，二來當然係食物好有質素啦～佢嘅點心真係唔錯！！雲腿雞腳燉鮑魚：佢個燉湯除咗份量非常足夠，大大盅之外，味道仲好唔錯，十分之足料！！有雞腳、鮑魚、雲腿、螺頭……所以甜到一個點，兩個人飲都夠！花雕蛋白臘腸蒸紅花蟹籠仔蒸飯：我記得我食過豉汁蒸帶子、龍蝦～今次就試下花雕蒸蟹，個蛋白香到呢～～🥰😋又滑又好味，索曬啲蟹汁同埋臘腸香味，淨係一羹蛋白都可以送半碗飯！😅🤭蟹肉都幾鮮甜🥰👍🏻點心：芥末鵪鶉蛋燒賣、麻辣牛柏葉、蘿蔔絲酥～每款都好有水準未到調得唔錯即叫即蒸熱辣辣上枱～呢間舖頭最特別嘅係，雖然佢係中式點心同蒸飯店，但係佢竟然有果茶同楊枝甘露可以叫，不過今日有兩聲咳，飲壺普洱就算喇！！

臨近聖誕去左尖沙咀睇燈飾，感受下久違的聖誕氣氛睇燈飾前搵左間點心鋪填肚先，六點幾已經勁多人排隊，都要點時間先入座鮮竹牛肉球牛肉球好大粒好紮實，好juicy 三色小籠包三色分別系原味、川辣、黑松露三隻口味大食妹覺得川辣最出色，勁辣又爆汁芝麻蝦多士個面滿鋪芝麻好脆口，夾住的蝦膠好彈牙珍寶帶子腸粉腸粉入面有原粒帶子，略嫌個皮有點厚籠仔蒜茸龍蝦配帶子飯百零蚊的籠仔飯居然有半隻龍蝦，真係好豪爽蒜蓉滿鋪籠蝦同個飯，好香紅豆椰汁桂花榚桂花榚幾清香，唔甜

🌸芥末鵪鶉蛋燒賣，鵪鶉蛋燒賣味道好夾！以前食過都覺得好好味，但今次新加入左芥末，都幾特別，帶有淡淡芥末味道，仲有少少辣媽咪🌸三色小籠包，上枱好多顏色，幾靚！一次過食晒三種唔同味道嘅小籠包：包括有原味、川辣、松露！我最鍾意嘅就係食松露味小籠包，咬入口有好香濃嘅松露湯汁爆曬出嚟🌸原隻鮮蝦腸粉，綿綿軟軟白滑腸粉包住鮮蝦，蝦肉爽口彈牙🌸蘿蔔絲酥外焦內軟，酥香味美，內餡都有好多蘿蔔絲🌸籠仔蒜蓉龍蝦配帶子飯，份量都足夠！有大大隻龍蝦，配埋帶子，全部都好新鮮，食落口好鮮好甜！飯粒有唔少蒜蓉，食入口好惹味🌸楊枝甘露有好多新鮮芒果粒，仲有柚子，酸酸甜甜，好醒胃！而且甜度適中，好清爽餐廳舒適，但餐廳位置不多，所以經常大排長龍！大家記得預時間排隊入去食啦

岩岩收工 係附近搵左間點心食聽講平時要排隊 而且通常都係遊客食8點幾經過冇乜人就試試佢一入到餐廳 見到外面裝修得好精緻 好有打卡feel 而且地段係尖沙咀 以為佢好貴 點知冇加一之如又有套餐 又平又抵食跟餐茶芥$5 冇跟餐就$8咖哩魷魚 $26份量好多 魷魚肉同魷魚鬚參半 魷魚好大塊 厚身又有咬口 唔大太淋碧綠叉燒腸粉 $26餡料好多 有翠肉瓜配大量叉燒 個人覺得個皮太厚 如果薄番少少就會好d奶黃流沙包 $16一籠有2個 好好食😋 本人係勁中意食奶黃流沙包 佢係有流心之如又甜度適中 包又唔乾 值得一試 籠仔土魷肉餅飯套餐配鮮無花果雪耳沙參玉燉排骨湯 $68，加多 $10 配菜心壓軸出場就係籠仔飯 基本上枱枱都會叫一個佢係籠仔荷葉飯 甜豉油另上 可以根據個人喜好加適量既豉油 土魷肉餅有好多 但餸上面會有大量蔥同芫茜 唔食蔥同芫茜既可能叫侍應走左佢會好d 飯既話我諗3個人食都可以 我同男朋友2個人都食唔晒 可能叫多左點心🙈不過都推介大家叫一個套餐食 再點2 3個點心就岩岩好個套餐係跟埋湯既 我地揀左鮮無花果雪耳沙參玉燉排骨湯 冇乜味精 同埋佢好足料 燉湯送上黎果陣好熱 建議食左飯先飲湯 咁

呢間位於尖沙咀嘅中式點心店，一向都超級多人，每次嚟食點心都要排隊，真係我都唔有超強人氣！我今日就帶咗一個喺外國返嚟嘅朋友試吓呢度嘅點心：⭐芥末鶴蛋燒賣/2 件 $20- 鵪鶉蛋燒賣好特別，有芥末嘅味道，有少少辣，口感好刺激⭐麻辣牛柏葉 $28- 牛柏葉肉質好嫩滑⭐蘿蔔絲酥/2件 $20- 朋友就最鍾意呢個蘿蔔絲酥，除咗餡料十足，而且外層酥皮非常松化，仲夠曬熱辣辣，咬入口要小心辣親😝⭐原隻鮮蝦腸粉 $38- 鮮蝦爽口夠新鮮，腸粉皮都好滑夠彈牙⭐龍仔蒜蓉龍蝦配帶子飯(半隻)$110- 呢個籠仔蒸飯一定係推介嘅食品，半隻新鮮嘅龍蝦家美味嘅帶子，熱辣辣嘅蒸飯，蒜蓉味好重，真係呢度嘅皇牌食品！🧋香芋椰汁紫米露$23- 香芋椰汁味好重，做飯後甜品一流！朋友食得好開心，覺得呢個中式點心真係好高質素，話離開香港之前一定要再過嚟食多兩三次！

尖沙咀漂亮又好吃的點心比我家樓下酒樓好吃 而且還要更便宜唯一就是很多很多人排隊不過我們5點來就不用排隊了還有下午茶88折優惠 哈哈（優惠是下午3-6點）但是下午也全場坐滿看到龍仔飯差不多每一桌都會點選了蒜蓉帶子飯是一顆顆的 不會蒸得軟爛 加上蒜、蔥、芫荽很香越式米網炸兩腸粉 裡面不是包油炸鬼的腸粉蘿蔔絲酥裡面爆多蘿蔔絲呀！！鮮蝦腐皮卷 雖然很脆 但有點太油了如果有張吸油紙會好點甜品不會太甜 料也多 半杯都是西米 香芋椰汁紫米露 & 楊枝甘露環境不錯人均100抵食

約咗朋友喺尖沙咀食飯，朋友介紹漢口道有一間超人氣點心店，食物質素高，而且價錢超值，所以今晚一於去試試，今晚就算6:00到餐廳都已經開始要等位，果然係超人氣芝麻蝦多士 芝麻蝦多士炸得香脆，外皮金黃酥脆，蝦膠鮮甜彈牙，滿滿芝麻鋪滿蝦膠表面，入口有層次感，再蘸上泰式甜辣味更加惹味珍寶帶子腸粉 腸粉皮夠薄夠滑，唔會過厚，帶子鮮甜嫩滑，整體清淡亦有海鮮嘅鮮味芥末鵪鶉蛋燒賣 燒賣肉質結實，唔會太肥膩，豬肉同蝦味幾濃郁，鵪鶉蛋蛋香十足，有微微嘅芥末香味令食起上黎冇咁漏花鵰蛋白臘腸蒸紅花蟹 配白飯 非常足料🦀紅花蟹鮮甜濃郁，肉質嫩滑，臘腸帶少少甜香味，花雕酒香同蟹香滲入蛋白之中，配白飯食一流楊枝甘露 芒果味香濃，帶少少柚子嘅清新，西米煙韌，整體甜度適中，飲落滑溜溜，食點心飲啖酸酸甜甜嘅飲品又幾夾📌樂意點心 (尖沙咀)地址：尖沙咀漢口道19-21號漢宜大廈地下C號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #

經過尖沙咀見到呢間好多人排隊，裝修幾靚，原來係食點心嘅😯我又試吓 果然有驚喜叫咗兩款蒸點：芥末鵪鶉蛋燒賣同三色小籠包🤩款式真係好創新😉 燒賣皮好透薄，芥末味嘅點心真係第一次食，唔會太過辣，味道幾特別。三色小籠包，值得一讚有黑松露，川辣味同 原味。一次過可以食晒三款口味，每個味都各有特色，小籠包入邊好多湯汁。我最鍾意黑松露味，非常好香濃🤩麥味雞蛋散：幾乎枱枱都會叫🤩非常大碟，十分吸晴。呢啲懷舊點心，唔係咁常見。而且做得好好👍🏻十分酥化🤩蜜糖味香甜😂芝麻蝦多士：多士底炸得好香脆，蝦滑加上大量芝麻😂好香口惹味仲要推介盅燉湯雲腿雞腳燉鮑魚，鮑魚好大粒，仲有螺肉，桂圓，瘦肉，金華火腿等，真係好足料👍🏻仲免收加一，好味又抵食，值得推介嘅點心小店❤️👍🏻

尖沙咀有間點心店，真係旺到爆，細細間但出品完全無得輸！好彩今日細枱不用等好耐，入到去坐下，見有遊客、本地人、街坊、上班族，食客種類多，而且排隊人龍不絕。首先試咗佢哋嘅招牌蒸飯——籠仔蒜蓉海蝦飯，海蝦夠鮮，還有蝦膏，蒜蓉同飯香味撲鼻。我見枱枱都有一籠蒸飯，好厲害。之後試咗幾款蒸點，傳統之中帶啲創意：龍蝦餃金黃外表非常吸引，內餡鮮甜厚肉；芥末鵪鶉蛋燒賣啲芥末唔會過猛，鵪鶉蛋啖啖好味。腸粉方面就試咗香茜牛肉腸粉，未見過咁厚的內餡，牛肉夠厚夠嫩，香茜味啱啱好。炸點有沙律蟹柳春卷，原來無蟹柳，但有隱藏版蝦仁同啲鮮果，沙律醬清新又唔油膩，絕對驚喜！最後仲飲咗佢哋嘅招牌水果茶，用新鮮水果沖，菠蘿、橙、藍莓、蘋果、火龍果，再加粒話梅，酸酸甜甜超級解渴，好滿足！

朋友喺尖沙咀上班, 介紹我有間好抵食又高質嘅點心餐廳. 今日去開尖沙咀, 順路試下先. 6:300pm 已經有人攞飛等緊位. 好好彩等左陣就有位. 原來餐廳有做下午茶15:00-18:00 時段88折. 剛好呢一輪埋單. 仲好好彩有卡位坐舒服.  餐廳雖然係小店但環境乾淨舒適！ 有卡位坐就更加分啦。叫左個白桃烏龍茶幾香幾好飲. 越式米網炸兩腸  用腸粉包住米網，內裡再包住大大粒蝦，一啖又3重口感好好食. 比起包油炸鬼嘅炸兩更好食. 芥末鵪鶉蛋燒賣  /2 件賣相好特別 綠色皮, 真係有芥末嘅微辣，包住鵪鶉蛋同豬肉, 爽滑食落更開胃麻辣牛柏葉 唔數好辣但好入味. 個川麻味幾惹味. 牛柏葉好爽口一咬就斷. 沙律蟹柳春卷 - 呢個真係有驚喜,  超酥脆春卷皮包住滿滿蟹肉沙律餡料 ,個沙律醬又多一口咬下, 又脆又清新可口, 必食之選!籠仔蒜蓉龍蝦配帶子飯（半隻）半隻龍蝦滿滿嘅蒜蓉入面重有蝦膏！肉質實淨彈牙鮮甜，飯中仲藏左好幾粒帶子真係啖啖肉 ！ 籠仔飯係呢度其中一個招牌菜式  ，  龍蝦帶子的鮮味加埋個蒜蓉撈飯真係一流！ 楊枝甘露 係杯裝上幾方便可以攞住飲， 好足料， 用呢個甜品作結好完滿。 

呢間港式點心餐廳位於尖沙咀 ISquare 附近，經常都排長龍，次次都要排隊先入到去食！因為佢啲點心全部都好特別，係師父自家制的點心🥧，出面一定食唔到！😋點心：蘿蔔絲酥蘿蔔絲酥外酥內脆，又甜又鹹，非常好味👍🏻啤梨鹹水角啤梨造型嘅鹹水角，出邊認真搵唔到，喜歡吃鹹水角嘅朋友不妨一試，入口很香脆可口，好好味😋，大推薦👍🏻芥末鵪鶉蛋燒賣芥末鵪鶉蛋燒賣與傳統嘅鵪鶉蛋燒賣不同之處是他的外皮是加入了芥末，芥末味不會太濃，唔會搶咗主角嘅味道。😋絕配套餐$68/位籠仔蒜蓉原隻龍蝦🦞飯籠仔飯用荷葉做底，加上原隻龍蝦🦞，飯🍚入面吸收晒龍蝦嘅汁，除咗有龍蝦嘅鮮味，亦有荷葉嘅香味，再鋪埋蒜蓉喺面超級香，簡直一絕。鮮蝦花甲粉絲湯大大隻蝦+上很鮮的粉絲湯，令整碗花甲粉絲湯錦上添花。川味麻辣青瓜🥒非常開胃嘅前菜小食，好快就俾我哋食清光😂😋甜品：香芋椰汁紫米露香芋加椰汁，簡直是絕配。唔夠飽嘅朋友不妨嚟多杯紫米露，食完認真夠飽😆👍🏻堅好味！下次經過都要黎食！📍樂意點心 (尖沙咀)地址：尖沙咀漢口道19-21號漢宜大廈地下C號舖